وصلت للدار مهدرت معا حتى واحد قعدت غير في الشمبرة و ماهبطتش ناكل ممبا حتى دخل عليا العسكر
ههه قصدي ماريا
ماريا : غير الخير واشبيك
عبير ( الصمت )
ماريا : ياك علبالك بلي نكره نكون نهدر واحد ميريبونديلي عبيييييير راني نهدر معاك
درت لعندها
عبير : ختي تعيشي خليني
ماريا : ختيتوش علاش راكي تبكي
قوليلي شكون بكاك و الله غير نقتلو
عبير : ماريا ....
ماريا : ياتحكي يا نعيط لبابا
عبير : اليوم .....( وحكيتلها قاع وش صرا )
ماريا : كيفاش شكون لي دارلك هكذا ياربي علاهاذ المصيبة و هذا جاد ال*******و ###$$%#
كيفاش يهدرلك هكذا مي بيانسور لقاو ختي جايحة و بهلولة مي مزال تنذلي كثر كي نقولك وقفي على روحك لالا نتي مديريش قيمة لروحك سينورمال
عبير : صحا علبالك ريحتيني ؛ انا جيت نحكيلك و نتي تزيدي عليا , الواحد في همو و نتي كملي على جدو
ماريا ما خلات ماهدرت و مع الاخر قاتلي لازم تقبلي معندكش حل واحد اخر مي بالاكي تقبلي الذل مهما كان كرامتك فوق كلشي و قاتلي اذا قالك جيبيلي القهوة ديريلو الملح يشرب الرهج وجه المقلة 😂 و ...و......و.....
هكذا شوية صونا تيليفوني نيميرو ماشي معروف
ماريا : شكون تاني
عبير : معلباليش سور يكون هذاك اللي يتسما جاد
وتنطلق ماريا من حيث لا ادري و نحاتلي التيليفون
ماريا : الو وي ، متحشمش نتا يا الاناني كيفاش تهدر مع ختي هكذا يواحد رخيس الكلب
•••• : بصح
ماريا : ما بصح ما والو بالاك تحسبلك انا كيما ختي البهيمة ندخلك في قرعة راك تسمع واحد ال منكملش خير راني شبعت ذنوب اليوم بسبتك بصح علابالك بلي متلحقش ختي في صبعها
••••• : هذا انا جواد و راهي عبير
ماريا : جواد ولا عمار وش دخلني و تزيد تحوس على عبير سلفلي وجهك
انا غير سمعت اسم جواد رحت نجري نحيتلها تيليفون
عبير : الو جواد
جواد : الو عبير واش سافا . عيطت نسقسي عليك على مقبيل
عبير : حمدالله مارسي
مي وجه البق تاع ختي محبتش تسكت
ماريا ( بلعياط ) : شكون هاذا جيبي لهنا التيليفون
عبير : جواد سمحلي هاذي ختي كي سمعت واش صرا راهي تهدر هكذا ....
جواد : هههه راكي سور بلي ختك هادي بزاف واعرة
عبير : هههه مام انا بديت نشك
جواد : ههه المهم انا عيطت نسقسي عليك او دوكا نخليك ايا بونوي
عبير : بونوي
ماريا : شكون هذا
عبير : هذا خو جاد جواد هو لي وقف معايا مقبيل او نتي ما خليتي ما بقيتي
ماريا : في الحق.......انا 😁
عبير : انت....
ماريا : اففف حسبتلي هذاك جاد المهم بالاكي تحكي لصفاء على وش صرا كامل بلاكي ثم بالاكي هاي عيني
عبير : وعلاش
ماريا : انا اصلا منرتاحلهاش و زيد ماتخلي حتى واحد يستشفى فيك مديري كونفيونس في حتى واحد
عبير : ايه خلاص
و رقدنا و طلع الصباح و اصبح الملك لله
أنت تقرأ
احببت من اذلني باللهجة الجزائرية
Romanceابطال القصة عبير و جاد ؛ عبير تخدم في شركة تاع جاد ؛ اللي يولي يذلها و يهينها بسبب ..... تعرفوه كي تقراو الحكاية راح يقدرو يحبو بعضهم هاذي نشوفوها من بعد ننصحكم تقراوها لانها بزاف هايلة #قصص_جزائرية #حب #dz
