ابطال القصة عبير و جاد ؛ عبير تخدم في شركة تاع جاد ؛ اللي يولي يذلها و يهينها بسبب ..... تعرفوه كي تقراو الحكاية
راح يقدرو يحبو بعضهم هاذي نشوفوها من بعد
ننصحكم تقراوها لانها بزاف هايلة
#قصص_جزائرية #حب #dz
وجدنا روحنا انا و ماريا و طلقنا شعرنا و ماكيينا خفيف وشنة درنا غوج الافر فونسي ههه جواد السور اليوم يهبل مسكين ماريا دايمن بسراول جين هذي لبستي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و هذي لبسة ماريا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
المهم من بعد سمعنا الكلاكصون هبطنا مزية مكانش بابا في الدار سينون لوكان قتلنا على اللبسة مام انا ماحبيتش مي كيما دايمن ماريا رايها يجوز عليا المهم لقينا جواد و يوسف و كل واحد فطونوبيل جواد عينيه كانو قلوب 😍 انا ركبت مع يوسف و العرسان كيفكيف لحقنا لديسكو صراحة كان نقي و كلاص ماشي كيما دايمن نسمع عليه
ماريا و جواد ناضو يشطحو و انا و يوسف قعدنا نقسرو ونضحكو ومن بعد قالي يوسف يوسف : عبير شوفي لهيك مصبح و هذا يغزر فيك
انا ندور وجهي و نلقاه جاد قلبي بدا يخبط 100 في دقيقة من بعد قلت ليوسف نروح نغسل وجهي كي رحت غسلت رشيت شوية ماء عليا ملي شفت جاد حسيت السخانة و الستراس طلعولي انا خرجت ونخبط في بنادم نطلع وجهي نلقاه جاد
رحت وخليتو و قعدت قاعدة مع الجماعة حقا هو جا مع جماعتو تاع ديك الخطرة هكا شوية نلقا يوسف مدلي يدو باش نوضو نشطحو انا محبيتش مي زكارة فهذاك المتعجرف نضت منعرف مي حبيت نتاكد من بزاف حوايج انا نشطح و نشوف في جاد مربع يديه و عينيه حمورا يوسف : يحبك عبير : ها يوسف : هذاك لي راهو لهيك ( على جاد ) عبير : لالا محال يوسف : راني نقولك تحبي ناكدلك عبير : كيفاش
ماحسيت غير بنفس تاعو يضرب في وجهي قعد غير يقرب حتى نلقاه طايح في الارض وجاد فوقو قتلو بالضرب انا قعدت مصدومة ماريا تعيط و جواد يسيي يجبد خوه منبعد مافرغ غشو كامل المسيو جا قعد يكركر فيا من يدي لحقنا للطونوبيل
عبير : عيب عليك واش راك دير علبالك جاد : العيب لي راكي ديري فيه تخلي في البراني يمسك عبير : ماشي براني جاد : انا لي نعرف البراني ولي لالا وهو يطبع في باش ندخل فالطونوبيل وانا نجبد جاد : اواه نتي متفهميش بالملاحة عبير : نروح مع لي جيت معاه دخلني بسيف وانا نعيط عبير : ياناس عاونوني راهو يسرق فيا جاد : ماراح يديرولك والو واحد ماراح يدخل روحو بين المراة و راجلها عبير : ههه علبالك ضحكتني فكتاش وليت مرتك جاد : عن قريب عبير : قعد شاد في خيط راشي جاد : لالا راني شاد في الصحيح خزر فيا ملفوق للتحت جاد : من وقتاش وليتي تلبسي العريان هكذا وهاكي هاذ البابيي نحي الخماج لي في فمك عبير : واش دخلك واش تكون باش دخل روحك جاد : اسمعي متزيديش تقوليلي واش دخلك ودوك تنحيه سينون نحيه بطريقتي و نزيدلك دخلني بسك انا ..... عبير : نتا واش دنا ليا باسني من راسي وانا دوت وجهي للكارو ومسحت الغوج الافر نشوف فيه بدل الطريق عبير : وين راك مديني دارنا ملهيك جاد : ساكت عبير : لالا لافوت فيا انا لي راني نهدر معاك هكذا شوية حبس طونوبيل هبط زدت هبطت لبسلي فيستا تاعو وانا قاعدة نشوف فيه لا اراديا هبطت راسي لفمو و قاعدة نتبسم و تفكرت مقبيل جاد : اذا عجباتك نعاودوها انا حمارت و خضارت عبير : وش...نو جاد : هههه خلاص والو جبدني من يدي وقعد يمشي فيا بيناتنا انا عجبني الحال حتى وصلنا لواحد ماغازان ( حانوت تاع الحوايج ) رفد واحد سروال عريييض و طوييييل عبير : ههههه هذا يدخلو فيه زوج منك جاد : شكون قالك ليا هذا ليك عبير : لالا مكفاكش بهدلتني بالفيستا زيد كمل عليا بالسروال زعما سمعني والو زاد جاب واحد ليكات باج طويلة لا علاقة مع سروال جاد : هاكي روحي لبسيهم عبير : هههه لالا والله ماجاو على لحمي جاد : عبير متهبلينيش عبير : اهئ اهئ ( البكاء سلاح المرأة ) لالا جاد : خلاص سكتي ( مسحلي دموعي ) وراح جاب واحد لبسة مستورة لبستها وقبل ماخرجت رفدلي شال منتما و حطهولي بسكو هذيك لبسة شوية مفتوحة في الصدر حسيت روحي فرحانة مي فريمون السيد تبدل 180 درجة
وصلني للدار و قبل مانهبط باسني من خذي و راح انا كي لحقت طلعت للشمبرة لقيت ماريا تسنا فيا حكيتلها كولش تشوكات مسكينة ههه قاتلي واقيلا راهو يعشق
