* abir *
نضت صباح ربي رفدت التيليفون و نلقاها 7:15 نضت نجري
و نضربها بطيحة سلمت على الارض و نوضت درت لقيت ماريا راقدة
عبير : كلبة راقدة و انا بسبتها اليوم نتحاوز
رحت لبست مشطت شعري بزربة و جيت هابطة
مبعد تفكرت بلي ماديتش تلفون عاودت وليت ليه و مبعد تلاقيت بابا
بابا : صباح الخير بنتي و شبيك مزروبة
عبير : صباح النور بابا ، راح الحال عليا و اليوم سور نتحاوز
بابا : هههه نورمال ابنتي هادي اول مرة
عبير : لي عندو مدير كيما تاعنا تكون اخر مرة
بابا : انا راني رايح للخدمة ارواحي نوصلك معايا للشركة
و تقاطعنا ماما
ماما : عبير بنتي ماتفطريش
عبير : مبعد ناكل حاجة راني روطار
وصلني بابا و الحمدالله وصلت في الوقت
بابا : هاكي وصلتي فالوقت
عبير : ربي يخليك لينا بابا
و سلمت عليه و رحت نجري وهو يوصي فيا باش ناكل حاجة منبقاش بالجوع
لحقت قعدت فالبيرو و المدير كان مزال مجاش مزية
صفاء : بيبي لحقت قبلك اليوم
عبير : لي عندو اخت كيما ماريا باينة ميلحقش بكري
صفاء : هههه معليش
عبير : انا نروح نشري حاجة ناكلها نجيبلك معاية حاجة
صفاء : كاس قهوة
و كيما كان الحال قعدنا نخدمو حتى لحق وقت الفطور هبطنا نفطرو و كي ولينا قاتلي صفاء
صفاء : انا راني رايحة ندي هاد الورق للمسيو جاد
عبير : بالاكي برك يزيد يعيط عليك و بهدلك كيما كل خطرة
صفاء : لالا معليش
أنت تقرأ
احببت من اذلني باللهجة الجزائرية
Romanceابطال القصة عبير و جاد ؛ عبير تخدم في شركة تاع جاد ؛ اللي يولي يذلها و يهينها بسبب ..... تعرفوه كي تقراو الحكاية راح يقدرو يحبو بعضهم هاذي نشوفوها من بعد ننصحكم تقراوها لانها بزاف هايلة #قصص_جزائرية #حب #dz
