احببت من اذلني باللهجة الجزائرية

جزء 22

Abir * 
كنت قاعدة في شمبرة حتى تدخل ماما
ماما : نوضي عبير
عبير : غير الخير ماما
ماما : الله يبارك عليك نتي و ختك كبرتو و رفعتولنا راسنا
عبير : ربي يخليك لينا ماما بصح انا مرقتلك واقيلا توحشتي ماريا هههه ( وبستها من خدها )
ماما : هههه هي تزوجت ونتي حابة تلحقيها و تخليولي دار فارغة
عبير : اممم
ماما : عيطتلي خالتك زهيرة وقاتلي بلي جاد راهو حاب يخطبك ؛ فرحت لك بزاف يا بنتي متلقايش خير منو
عبير : و بابا
ماما : مام هو كي سمع فرح بزاف واش كنت حنقولك نتي غدوة صبح نسحقك تدوشي وتروحي للحفافة سقمي روحك وانا نقي دار ونوجد كلش
عبير : ماشي بزاف عليك ماما
ماما : واش واقيلة حتزوجي حسبتلك يماك كبرت مزالني صغيرة و قادرة على شقاي هههه
عبير : هههه

..........

نضت صباح دوشت رحت للحفافة ليساتلي شعري و ماكياتلي خفيف منبعد لحقت للدار لقيت ماما موجدة كلش
قعدت نسنا حتى جاو استقبلتهم ماما هكا شوية جات ليا ديتلهم سنيوة غير دخلت قعدت نشوف في جاد كان يهبل قراف قعدت غايسة فيه حتى قرستني ماما دخلت سلمت عليهم وقعدت قدام بابا لي كان يهدر مع جاد و زعما هو حشم والو قعد غير يغزر فيا حتى نطقت ماما زهيرة
زهيرة : حنا اليوم جيناكم بالحسب والنسب باش نخطبو بنتكم عبير لوليدي جاد وحنا ما عندنا ما نخيرو على بنتكم عبير زين العقالة و الظرافة
بابا : انا كيما مديتلكم الاولى نمدلكم التانية ( دار عند جاد ) مي اذا كاش نهار زعفتها ولا بكيتها بنتي ترجع عندي تقعد في دار باباها هانية خير
جاد ( بالزعاف ) : كونك هاني الحاج
بابا : مالا بالبركة نقراو الفاتحة
المهم قراو الفاتحة حتى ينطق جاد
جاد : العرس منى لثلاثة أيام
بابا : راك مزروب يا وليدي
جاد : بزاف و فوق ما تتصور
عبير : احم احم " ولد الحرام يهدر بلا فرانات "
نشوف غير فماما زهيرة شادة الضحكة و ماما مدتلي كاس ما شربتو
المهم قبلت و شرطت تكون حفلة صغيرة بين العائلة مالغري ماما ماحبتش مي منبعد قبلت
منبعد شوية راحو و كلش جاز مليح غير راحو عيطت لماريا حكيتلها بدات تسب فيا كانت حابة تجي للخطبة مي مكتبتش قعدت واحد ساعة وانا نحكي معاها كي كملت لقيت ميساج من عند جاد " معامن راكي تهدري مصبح "
حلفت غير ما نريبوندي عليه طفيت التيليفون

..........

نضت صباح وجدت روحي وخرجت ديراكت للخدمة
نلقا جاد واقف يسنا
عبير : غير الخير واقيل بايت هنا 
قعد ساكت و يشوف فيا
عبير : جاد راني نهدر معاك ( قعدت نجوز يدي على وجهو ) حتى نحسو جبدني ليه وعنقني
جاد : عنقيني عبير stp  متبقايش بعيدة عليا البعد تاعك يقتلني
طلعت يدي بلعقل وعنقتو وهو زاد زير عليا
جاد : نحبك عمري
جبدت روحي عليه منبعد شدلي وجهي بيديه وباسني وانا جاوبت معاه بارسكو وليت نتخدر غير نشوف فيه
واحد خمس دقايق منبعد جبد روحو وانا حطيت يدي على صدرو ونحس بقلبو يخبط
عبير : جاد دنا دوك يشوفونا
جاد : ماروماركيتيش حاجة
عبير : لالا
جاد : وليتي تنطقي اسمي بزاف و بسهولة
عبير : ايه نورمال بارسكو انا ......
جاد : كمليها

رحت نجري للطونوبيل
عبير : ايا وصلني للخدمة ولا خليني نشد تاكسي
جاد : منوصلكش و ما تشديش تاكسي حتى تكملي واش كنتي حتقولي
عبير : خلاص دوك نعيط ليوسف يجي يديني
جاد : يوسف يوسف بزاف عليك كاش خطرة نقتلو ديجا قوليلي معامن كنتي تهدري لبارح
عبير ( بوجه بريء ) : غير مع ماريا
جاد : امممم مع ماريا
عبير : امم
جاد : ايا نروحو مالا ( و باسني في خدي )
عبير : ديت راحتك كل دقيقة تبوس

ركبنا في الطونوبيل وقالي بلي نجوزو لواحد كافيتيريا طريق كامل وهو يضحك و يحكي على مستقبلنا دارنا و ولادنا و حاطلي يدي في قلبو توترت مي كنت بزاف فرحانة
وصلنا للكافيتيريا قعدنا غير نضحكو و نحكيو حتى شفت في الساعة
عبير : 8:30 تعطلت لازم نروح
جاد : زيدي قعدي
عبير : لالا جاد لازم نروح
جاد : انا منوصلكش
عبير : هكا صحا بصح انا الحمارة لي جيت معاك
جاد : حبسي الخدمة
عبير : لالا منقدرش غير الخدمة لي منحبسهاش
جاد : stp  عمري متزيديش تروحي منقدرش نخليك وسط الرجال تما ندير فيك كونفيونس بصح قلبي ميهنينيش عبير ديريلي بخاطري
منهار دخلتي قلبي حياتي تبدلت عمري ولا حللت واحد ولا بكيت على واحد نحبك و نموت عليك ومانقدرش نخسرك تحت اي ظرف انا كنت دايمن وحدي بارسكو عشت مع بابا لي كان قاسي عليا ويظل يضربني و يجيب بنات يدير معاهم علاقات في شمبرة يما و يما وخويا راحو وخلاوني في الوقت لي كنت نحتاجهم متزيديش تخليني نتي تاني

غاضني بزاف اول مرة نشوف هذاك القاسي و المتكبر هكذا هي صح ذلني بزاف مي دوكا الاهتمام الكبير تاعو بينلي بلي صح يحبني على هذيك قررت نسمحلو ونبداو صفحة جديدة
رحت ليه وعنقتو
عبير : عمري ولا نخليك ولا نسمح فيك نتا اول و اخر حب نحبك نحبك
جاد : وانا نحبك كثر انا اسعد واحد في هاذ الدنيا

Jad *                        
                       
اليوم كنت فرحان بزاف بزاف و اخيرا تصالحنا انا و عبير رحنا ديراكت للشركة باش تقدم عبير استقالتها وهذاك يوسف كنت شاد روحي غير بسيف باش منقتلوش ضحكو باسل المهم منبعد وصلتها لدارهم مالغري كنت حاب نزيد نقعد معاها منبعد رحت لدارنا لقيت جواد و ماريا جاو
جاد : سلام
جواد : وعليكم السلام ؛ يعني والله ماتحشم لوكان ستنيت شهر و تزوجت حتى نجيو من الفوياج
ماريا : لالا لكان حنا متزوجناش و سنيناهم هكذا ندير عرسي مع ختي
جواد : واشنوو
جاد : ههه كي نتزوج نروحو كامل فواياج هكذا جواد
زهيرة : حمدلله لقينا بنات ناس جبناهم لدارنا
ماريا : ربي يخليك لينا خالتي
زهيرة : عيطيلي ماما كيما عبير
جاد ( حك راسو ) : عبير فكرتوني فيها نروح نهدر معاها
جواد : هههه طحت على راسك يا خويا
ماريا : لي كان يشوفهوم من قبل ميقولش بلي حتتزوجو و تحبو بعضكم
جاد : ايا تصبحو بخير

هذا من اطول الاجزاء لي كتبتها
نتمنى نلقى تفاعل باش نكملها
بارسكو الحكاية مزالها طويلة شوية
هكذا نكملها في اقرب وقت