Abir *
خافت و بديت نعيط و نبكي سييت نخرج مي والو حتى تفكرت التيليفون عيطت لجواد اول واحد جاني في راسي مي مكانش يريبوندي حتى عيطت ماريا و بدات تعيط حكيتلها واش صرا و قاتلي دوك نجي هكا شوية عاودلي جواد
جواد : الو عبير سمحيلي مسمعتوش هاداوين شفت لابال تاعك
عبير : معليش . جواد اهئ اهئ تعيش عاوني طولت باش خرجت ليوم من الشركة و تغلقت الباب و راني محبوسة هنا
جواد : خلاص متخافيش خمس دقايق نكون عندك
كوبيت و قعدت فلكوان نرجف وحدي ومبعد ماوليت نحس بوالو
تفاطنت لقيت روحي في شمبرتي والحس برا خرجت لصالون و كانت الصدمة
كان لتما جواد و اختي و ماما و بابا مي لي صدمني كان لتما جاد شافتني ماريا جات عنقتني و سقساتني اذا راني
مليحة قتلها ايه
ماريا : حمدالله ، مي الله لاتربح لي كان السبة في ...
قرصتها باش تسكت
بابا : يا بنتي خوفتينا عليك
ماما : المهم جازت بخير
جواد : صح خالتي
جاد : عبير راكي مليحة
هادا راهو نورمال و زيد قالي عبير يامامي اخاااه وشراني نهدر
عبير : ايه مليحة
منبعد ناضت ماما للكوزينة وبابا راح يصلي
ماريا : واش جاد فرحت دوكا هذ المرة تغاشات المرة الجاية تموت
جواد : ما تفوليش على ختك هكذا
ماريا ( خزرت فيه واحد الغزرة تقتل ) : نتا سكت كي نتا كي خوك اللي ماعندو لا ضمير لا قلب
عبير : ماريا خلاص
جواد : ماريا معليش توريلي الدوش نغسل يدي
ماريا : سنا يجي بابا منقدرش نخليها مع خوك يزيد كشما يديرلها
راح جواد كركرها
جاد : كيفاش راكي تحسي روحك
عبير : مليحة
جاد : سمح...سمحي ؛ و دخل بابا
بابا : ايه يا وليدي يعطيكم الصحة نتا و خوك لوكان ماشي نتوما لوكان معلابليش واش صرا لبنتي انا فهذ دنيا عندي زوج عوينات لوكان كاش مايصرالهم معلاباليش وش يصرالي
هدرة بابا قاستني رحت عنقتو
عبير: ربي يخليك لينا بابا
حتى شفت جاد هبطتلو دمعة اواه ديت طريحة في راسي اليوم وقيلا الجوع لعبلي في عقلي افطني هذا جاد الاناني القاسي لي ذلك و حقرك
منبعد رحنا تعشينا بابا و ماما و ماريا و جواد غير يضحكو و يقسرو جواد تمتم تاقلم مي انا و جاد اذا نطقت الحجرة نطقنا حنا
ال مهم كملنا العشاء جاد و جواد راحو و جاد قالي مكلاه جي غدوة زيدي ريحي ؛ انا راهو غير يزيد يشوكيني بهدرتو
أنت تقرأ
احببت من اذلني باللهجة الجزائرية
Romanceابطال القصة عبير و جاد ؛ عبير تخدم في شركة تاع جاد ؛ اللي يولي يذلها و يهينها بسبب ..... تعرفوه كي تقراو الحكاية راح يقدرو يحبو بعضهم هاذي نشوفوها من بعد ننصحكم تقراوها لانها بزاف هايلة #قصص_جزائرية #حب #dz
