احببت من اذلني باللهجة الجزائرية

جزء 10

Abir *  

جاز شهر دوكا تغيرو بزاف حجات فيه ، جاد نقدرو نقولو تبدل نسبيا ، مولاش يخليني نمسح الغبرة و نديلو القهوة مي زاد عليا الخدمة فالدوسيات كل دقيقة هاكي دوسي هذا و هاكي هذا هذا دققي فيه وهذا عاودي راجعيه لكن احسن من اني نخدم فام دو ميناج عندو ؛ علاقتي مع صفاء توترت ولات كلما تشوفني دور وجها و لا تشنف و في كل مرة تلمحلي بلي راني ندخل و نخرج بزاف من المكتب تاع جاد
المهم اليوم كملت الخدمة بكري الور خرجت قاعدة نسنا في تاكسي مي مكاش جازت نص ساعة وانا نسنى حتى حبست قدامي طونوبيل فيمي ، هبط الكارو كان جاد و جواد
جواد : عبير واش راكي ديري هنا
عبير : راني نسنى في تاكسي مي وقيلا مكاش
جواد : بسكو راهم دايرين اضراب اليوم
عبير : اهه مكاش علبالي دوك نعيط لبابا يجي يديني
جاد : اطلعي معنا نوصلوك
جواد و عبير : 😮
جاد : اذا محبيتيش روحي
جواد : لالا حبت هيا عبير و منها نسلمو على عمو و خالتو
عبير : ايه خلاص معليش
الطريق كامل انا و جواد نقسرو و نضحكو و هذا المشنف تاع جاد مرة مرة نلقاه يغزر فيا
كي لحقنا دخل جاد و جواد سلمو على ماما وبابا
ماما : ياك راكم سافا
جواد : الحمدالله ، امممم ماريا واقيلا مكاشها
ماما : ايه راحت عند صاحبتها ؛ اقعدو نحطلكم قهوة
جاد : لالا ما يشقاش حنا نروحو
بابا : كيما حبيتو مي مرة مرة جوزو عندنا
جواد : ما يكون غير خاطرك مالا تبقاو على خير وسلمو على ماريا
هممم على حساب واش فهمت جواد راهو طايح في ماريا ربي معاه مسكين ختي ونعرفها شحال واعرة ، رحت وصلتهم للباب
عبير : بسلامة
جواد : اتهلاي في روحك و .....
عبير: و سلمي على ماريا هههه
جاد : ههههه
و قعدنا نخزرو في بعضنا
جواد : وشبيكم علاش راكم تضحكو
عبير : والو
جواد : حبيت ندوموندي منك عفسة
عبير : وي
جواد : مديلي نيميرو تع ختك ماريا
شفت في جاد لي كان مصدوم
جواد : واش متمديهوليش
جاد شد خوه : واش متحشمش نتا واقيل
جواد : واشبيك كلها على بعضها شقفة رقم و نزيدلك انا الطفلة راهي عاجبتني حاب نزيد نتعرف عليها كثر بلاك ربي يجمعنا في الحلال انشاءالله , واش قلتي عبير
عبير : معلباليش بلاك متحبش
جواد : منقولهاش بلي نتي مديتيهولي هيا 😢 

ايا غاضني مسكين مديتهولو و كان ميت بالفرحة