Abir *
جاد : خلاص اسكتي
قعدت غير نزيد فالبكية
جاد : عبير عمري خلاص اسكتي
حبس طونوبيل جاب قرعة ماء و بابيي موشوار مسحلي وجهي و مدلي نشرب منبعد كمل يسوق وصلنا لواحد لبلاصة كانت واحد المراة كبيرة وبنتها تبان قدي
هبطنا سلمنا على المراة و هذيك بنتها سوطات على جاد تعنق فيه وهو يديرلي براسو لالا وانا درتلو بكتافي تاع واش دخلني مي لداخل كنت حابة ناكلها
انا تقلقت رحت ركبت ملور هذيك لمراة معايا ولالة اميرة ركبت قدامو على حساب واش سمعت هكذا اسمها
اميرة : جاد تبدلت وليت شباب بزاف ماشي كيما كنت صغير
جاد : مكاش منها علاش كيفاش كنت
اميرة : لالا كنت شباب مي دوكا وليت بزاف بزاف شباب وبوقوص 1000 وحدة تتمناك
وقعدة غير تهدر ومرة تدنا ليه مرة تمسلو يدو وهو قعد غير يشوف فيا من لمراية
لحقنا هبطت هاذيك لمراة و بنتها وانا هبطت وجاد جا مورايا
جاد : عبير مكان والو بيني و بين اميرة هي لي تحب تدنا ليا
عبير : وانا واش دخلني
جاد : حبيتك تعرفي برك
عبير : عييت روحك برك ماتهمني لانتا لاهيا
جاد : راكي سور ( وبدا يدنى ليا )
باسني بوسة خفيفة من فمي
عبير : واش تكون باش تمسني
جاد : راجلك وندير واش نحب
عبير : هممم راجلي بالتهديد
جاد : علبالك عبير بلي تبروفوكي العبد باش يقتلك
ودوكا تروحي تشدي بلاستك و بلاكي نلقاك تزغدي هكا ولا هكا معلبالكش واش ندير
عبير : نتا دير واش تحب وانا ندير واش نحب
جاد : وشنو عاودي
ما جا يكمل هدرتو هربت نجري شديت بلاستي مع ماما زهيرة مازدتش نوضت
خلاص العرس غاضني بابا مسكين عينيه دمعو كي كانت ماريا رايحة انا وماما محبسناش البكا بصح ماريا و مولاي السلطان والله معلابالهم قاع المهم راحو للاوتال وغدمنداك صباح يروحو فواياج
..........
نضت صباح على صوت تيليفون ريبونديت
عبير : الوووو
جاد : صباح الخير عمري
عبير : شكون نتا
جاد ( بلعياط ) : شكون حيقولك عمري من غيري
عبير : هوهوه كاين بزاف عطا ربي لي يقولها " انا كان علبالي بلي جاد مي حبيت نارفيه "
جاد : شكون هدا قولي قولي
عبير : افففف خلاص كسرتلي راسي علبالي بلي نتا هذاك الجايح
جاد : وشنووو
عبير : سمحلي قصدي هذا المتكبر المغرور لي معندوش قلب
جاد : اسكتي اسكتي نتي متعقاليش
عبير : قولي واش تسحق وعلاش عيطت
جاد : وجدي روحك غدوة رانا جايين انا ويما قولي ليماك
عبير : ماما زهيرة مرحبا بيها نتا لالا ياك العرس خلاص وقيلا قالولك رانا دايرين حفلة
جاد : الصبر ياربي الصبر راني جاي نخطبك مفهمتش كيفاش راني حاملك للدوك
عبير : انا لي كيفاش راني حاملاتك
و كوبيت عليه
هبطت لعند ماما كانت تفطر
قعدت غير نخمم كيفاش نقولها زعما حشمت منها
عبير : ماما حبيت نقولك عفسة
ماما : هدري مصبح و عفسة في فمك خرجيها
عبير : ماما حبيت نقولك بلي ........
صوناو رحت نحل الباب لقيتهم جيران جاو يباركو كي مجاوش لبارح
رحت سربيتلهم القاطو والجو هما خرجو زادو دخلو واحد اخرين مقعدتش حتى ال5 تاع لعشية طلعت لشمبرتي نريح نلقا التيليفون حا يطرطق بليزابال تاع جاد زاد صونا
جاد : وين راكي مصبح وانا نعيط
عبير : افف مسمعتوش ديجا واش دخلك
جاد : قتلك متزيديش تهدري معايا هكذا ديجا لوكان كنتي قدامي متهضريش هكذا
عبير : شوف حنكوبي راني عيانة
جاد : سناي قلتي ليماك على غدوة
عبير : لالا
جاد : حتهبليني علبالك مفهمتش اذا تحبي تنارفيني بلعاني ولا نتي هكا
عبير : افف جاد خلاص صدعتلي راسي
جاد : ساكت
عبير : الو الو
لحمار كوبا عليا
_______________________
Jad *
اول مرة نسمع اسمي من فهمها عجبني لحال كوبيت عليها ديراكت وهبطت عند يما
جاد : لعجوز
زهيرة : انعم واشبيك
جاد : راني حاب نخطب
زهيرة : ايه مليح شكون هادي
جاد : عبير
زهيرة : عبير
جاد : ايه راني حابك تهدري مع يماها غدوة نروح نخطبها
زهيرة : غدوة هبلت
جاد : نتي هدري مع يماها وخلاص
زهيرة : تحبها
جاد : ونموت عليها
زهيرة : مالا علاش اذيتها
جاد : كنت حمار وقتها و راني نادم بزاف دوكا
خرجت مالدار ميت بالفرحة واخيرا حانتزوج بلي نحبها وندير المستحيل باش تسامحني وتولي تحبني
هذا البارت طويل على تاع مقبيل
نتمنى تتفاعلو
تعليقاتكم نسناها باش نعرف ارائكم
أنت تقرأ
احببت من اذلني باللهجة الجزائرية
Romanceابطال القصة عبير و جاد ؛ عبير تخدم في شركة تاع جاد ؛ اللي يولي يذلها و يهينها بسبب ..... تعرفوه كي تقراو الحكاية راح يقدرو يحبو بعضهم هاذي نشوفوها من بعد ننصحكم تقراوها لانها بزاف هايلة #قصص_جزائرية #حب #dz
