التوبة مابعد الخطيئة

البارت الثاني

تكتشف فجأة بعد رحلة طويلة

ٱنك لا تريد ٱن تكون الافضل في هذه الحياة

كل ما تريده ٱن تجلس هادىء البال معتدل المزاج

لا تأبه لإي شيء و راضي عن كل شيء.👌🌸💚

التوبه مابعد الخطيئة...

جميله جاسم ..

سكرت الباب ومشيت لي الروشن نشبح معاه .....شفت حيدر خوي ...ومعاه الولد نفسه ....ولد جيرانه ولد.منطقتي سابقا اسمه مكسم  (الاسم امزيغي)
قعدت وقتها انبيت مع الروشن وخايفه اتصير حاجه ..
ياربي بس امي متسمعش ولا ايقول حيدر شي ...
بدلت حوايجي وطلعت الاحدات هذي كلها كانت في 2015 تقريبا بعد الحرب ...

لقيت امي اطيب في لغدي ..خشيت للكوجينه عاونتها شوي وطلعت ..
نسمع في حناي راقيه مع ادروج هيا وعمتي نيرمين ..الكبيرة هذي متزوجه وعندها بنات وتموت من امي متحبهاش ...
عمتي انتصار  عندها ولدها عامر كويس ومتفاهم ومرات يمشي هو وحيدر خوي ..

سلمت اعليهم وقعمزت اني وياهم في الصاله ...

نشبح لي عمتي نيرمين واضح عليه الغيظ وتبي اتوزع سمها وتمشي ...

نيرمين..... توة يا تفيدة درتي الي في راسك وبتطلعي من فوووق امي ومن بيها هيا احنا في بيوتنا ومع ضرارينا (صغارنا)وانتي ناويه تمشي وتجريه ورااك الولد الي فيه الخيير هكي ...

تفيدة .... اني بنيت حوشي وحوش صغاري بدهبي وفلوسي وحقي ماخنبت ولاكذبت ولا تعديت علي مال حد ..خليني سااكته ونطلع باالهادئ .....
رمضان علي الابواب ومنبيش نغلط في حد بنرمضن في حوشي مع ضراريا وخلاص

نشبحلهم يتناقرو وحناي تشبحلهم
سكتت وضربت بي عكوزها علي الوطاء ...(عصاتها)

اني ساااكته علي بلاويك رمضان بترمضني اهني عندي انتي وضراريك .. وبعد رمضان تطلعي وهذا اخر كلام  ...

تفيدة...اني ياحاجة علي خاطر رمضان نبي نطلع ...
وسليمان هكي قالي

ريناد ....خليتهم يتناقرو وخشيت لي الكوجينه سمعت صوت حيدر راقي ...يبست في مكااني ...

وقفت في الباب ناكل في خيااار وعلي اساس نتفرج علي عمتي وحناي

حيدر... انتيييي هييييي ..
ديريلي شاااهي بسرعه ...

انييي تكلم فيا ...خييرك اتقول متعارك ....

تفيدة.... رينااااد امشي جيبيلي خووك شن يبي  ...خيرك حيدوووري شن تعباااان وجهك اصفر. ..

ريناد ... مشاااالله زييدي يمه بالله اعلييك امسحيلا جبهته واغمرييه تو ايولي لونه الاصلي ...

خشيت حطيت الشاهي نسمع في حناي نزلت هيا وعمتي وحيدر يحكي هو وامي ...

تفيدة ...خيييرك متعارك ولاشن فيك ...