التوبة مابعد الخطيئة

البارت التاسع

سأندم ...وستعلو صرخات صوتي
واهاات حسرااتي ...
سأعلم وقتها انني اخطأت وانني احرمت بحق نفسي

لن اجد من يواسيني ولن اجد من يدفع الثمن نيابة عني
ساجد من يلومني ومن يضع الحق علي قلبي وعاتقي..
حينها سادرك انني
انا الخط الاعوج في الزمن المستقيم

وانا المعتدلة في الوقت الخطأ

ريناد ...
.

#التوبة_مابعد_الخطيئة

#جميلة_جاسم ..

صووت ضربة السياارة ...علي الرصيف واني وااقله طحت من الخلعه قمت راسي لقيته موسى ...

الله يااخد ياااحيوااااان شن تبي مني خلاااص خليني في حالي ادمرت من ورااك

موسي...لا يااقلبي ادمرتي من وراء غبائك مش من وراى شن علااقتي اني .. ديري الي تبيه معاي وندلعك كيف تبي ..وامشي اهربي قولي معش نبيك مانلقى حتي وجهك .. اسمعي اليوم اتجيني للمستشفي والله اقسم بالله ..تعرفي موسى شن ايدير

ريناد... وكااان اتمووت ويصبووك دهببب قداامي مانمشييي للمستشفي ولا انولي لي قبل ...

موسى ...وحياااتك وحياااة هالعسل المصبوب قداامي اتولي وتجييني للمستشفي وانتي ممنونه ..خلييك توة ورااجي شن ايجييك

قمت شنطي ..ومشيت نجري نسمع فيه وراي يتكلم ويتوعد متحلفلي واني قلبي خاايفه نبي نطلع من الدائرة الي اني فيها ومش قاادرة نبي نقدر انسيطر علي افكاري علي روحي علي اغلاطي ...مقدرتش ..

وصلت للحوش تعبانه من الوضع الي اني فيه ومن افكااري ومن الدائرة الي بدت تقرب مني ...في شي ايقولي بتنفضحي بيعرفووك ...

لقيت امي ومياسين في المطبخ الاتنين سلمت اعلييهم وخشيت لدار ..حيدر من بعد ما ضربتي. معش كلمته مع انه كانت علاقتي بيه كويسة كاخوة لاكن من عمايلي بتنعدم نهائي ...

بدلت وكيف بنطلع لقيت التليفون الي عطاهولي موسي علي الطاولة جتب سريري..استغربت من طلعه ..قمته حطيته في الدولاب في صندوق وكيف بنصكر الدولاب. .فتحت مياسيين الباب ...قتلي

ريناد.تليفونك هذا من بكري ما بطلش تشرين نغمات وهو مقفل معرفتش كيف نفتحها

انتي معش تقربيه خلييه في مكانه ايرن ايرن لين يطفى....

مياسين... عندك حد اتكلمي فيه ريناد ...حاسة فيك شي...

ريناد..سقعت مع بعضي وخفت انها تمشي في نفس طريقي...التفتت وقعمزت اني وياها علي السرير...

ردي باالك مياسين ايكلمك حد وتردي عليه ولا ايقوولك انحبك كلهم كذابين كلهم يضحكو اعلينا..خلي الي يبيك ايجيك من الباب ردي بالك تغلطي...لانه الحرام لما تنغمسي فيه يسهل اعلبك وتبدي اتبرري لي روحك انه الناس كلها هكي والشيطان شااطر....باهي