التوبة مابعد الخطيئة

البارت الاخير

#التوبة_مابعد_الخطيئة،

#جميلة_جاسم

نقزت من الفرحه طرت فرييت...
حسيت انه ربي لما سخرلي العمرة..يبيني نتقرب منه اكثر...واكثر ..
دافع خلااني نحس انه ربي قبل توبتي ......

قالتلي ماما ..تعالو نتفاهمو البراء احني وبوكم ..

طلعت لي بابا لقيته امقعمز علي التلفزيون في الصااله ..قعمزت جنبه ..حسيت ...عيوونه يشبحوولي بفخر ...قالي

شني خاطركم تمشو لي السعودية عمرة...

قتلا ايي الحق نبي نمشي وخااطري فيها نبي ماما ومياسين معاي..وتعاال حتي انته ...

بابا اني كان بودي انجي معاكم لاكن خووتك بيقعدو بروحهم ..بننزل اني ويااهم لي طرابلس ان شالله ..وانتو توكلو علي ربي ...انتي وامك ومياسين..

غيرو جو..وفلوس العمرة عليا اعتبريهم هدية نجااحك وتفوقك...

مياسين...مزاال منجحتش قعدلها مشرووع ..

ريناد...عاادي عااادي ...المهم صفيت موادي كلهم والمشروع ونتخرج خلاص ....

ربي ايطوول في عمرك بابا ويحفضك ليينا اني حاليا اسعد انساانه في الدنيا..

نضت كبيت علي رااسه ...ومشت امي كلمت خاالي ..قتلا بنمشو معااك ...فرررح هللبه..
قداش خالي عبدالرؤوف ايحبنا واحني انحبووه هللبة...
امي اكثر وحدة ايحبها في خواته....

طلعنا شرينا مستلزمات العمرة...عبايات وشالات ...وشخاشير ..وهكي حاجات...
اني الفرحه اني بنمشي لي مكة المكرمه ....نسااني اني نبي شي اكثر ..
حاليا نبي انكووون اسعد انساانه بطهارتي وعفة قلبي...بس ...

...حجزنا خااالي اسبووعين ..واني طااايرة طاااااايرة من الفرح ...

اليوم الي بنمشو فيه  لطرابلس الصبح جو عمااتي الاتنيين ...

يطلبو في سماح من بوي علي الكلام الي قالوه عليا..وبوي رفض ...

لاول مرة نطلع ونخش ونسلم عليهم وحااسة انه عندي ضهر وسند ومايهمني شي...
انتو تكلمتو علي ريناد...وريناد اختاارها ربي بتكوون في بيته الحراام ..اكثر حاجه فرحتني في دنيتي هيا العمرة والتخرج وفرحه امي وبوي  ..

طلعو واني طلعت شناطينا ..ركبتهم ...وركبنا ..حيدر مع عزام ولد عمتي  يشبحلي من فوق الي لوطي ...ومايبيش ايكلمني  ...

قلت في خااطري احني ماشيين لي العمرة ..نبي نمشي صاافية...شفتلهم الاتنين بعيووني ..

وتكلمت بقلبي ...

حيدر ساامحتك علي كل ضربة ضربتهالي ساامحتك علي كل الم وكسرة حسييتها ...تمنيت انك تكون ليا اخخ ..وربي اني مساامحاتك من قلبي ...

عزاام ربي يسستر علي كل بنت انته علاش ما سترتش عليا .علاش فضلت انك تحكي وتتكلم علي بنت خاالك لاكن اني مساامحاتك ..علي كل ..
الم عشته علي كل دمعه نزلت وحرقت قلبي معاها...ساامحتك ..لاني نبي ربي يتقبل عمرتي ..