التوبة مابعد الخطيئة

توضيح بخصوص الروايه ..

السلام عليكم حبايبي كيف حالكم واحوااالكم ...

طبعا ليا مدة منزلتش بارت من الرواايه ..لاني لاحضت تعليقااات ..ورسايل دايركت .ودوة...ووووو

حبيت انوضح شي ونقااط مهمة بخصوص الروايه ...

اول شي .. الروايه ادور حول موضوع حساس الي هو غلط ريناد والاخطااء الي دارتها ودفعت تمنها ...

اني الحق كل قلم مسؤوول ..عن مايكتب ..البنت زي ماقلتلكم راسلتني وقتلي ..تبي تنشر قصتها تبي بنات جيلها والي اصغر منها ما ايطيحوش في الي داراته...وهيا معترفه انه غلط الي داراته فيه الي هالوقت مش معترفه باغلاطها

طبعا اني قعدت بيني وبين روحي اخر شي  وافقت علي نشر الروايه ... لغرض توعوي لا تعليمي ...

الروايه قعدة في البدايه ..وريناد دفعت تمن اغلاطها والزااايد ..يعني انفضحت بين عمامها وخوتها وخوالها...والاهم ..انها انعرف اسمها بيين منطقة  كاامله ...هذابحد داته دمااار لشخصيه ...

لذلك ..اني نشرت الروايه حبايبي نبي انوضح اي بنت ...دايرة علاقات واولاد وشباب واكيد في هلبه متابعيني ..ويقرو في المحتويات اهياه . وفترة مرااهقه وصغاار في العمر لذلك رساله مني اني ..

حذاااري ..من العلاقات الفااشله ...حذاري من اصحااب السووء...حذاري من الحراااام اولا واخرا لانه عقاب كبائر وصغائر الذنوب في الدنيا  ...

اني كتبت هالشي لانه في هلبه ماوصلتش الفكرة عندهم ..... فحبيت انوضحها مزبوط

فيه الي خشتلي علي الخاص اتقولي شن داارت ريناد مع موسى ..قوليلي اني بس ... ياقلبي ...الي دارته دكرته ..مع اني منكتبش في الشي هواه لاكن عشمت البنت وكتبت انه مشت وغلطت وندمت ورجعت وتابت ..ودفعت ثمن اغلاطها ....

يعني اني مش نكتب وننشر ونبي نغفر لي رينااد ونقلكم لا هيا مادارت شي والنية كويسة ماشية فيها   ..

لااكييد ريناااد غلطت وزي كل بنت وداارت حاجات من تلقاء نفسها وحاجات  من رفقاء السوء واكيد دورت حنان الام برى الحوش....  

وحدة زي ريناد فاارغه من الدااخل من حنان الام بديهي بتهرب لي عاالم كاااذب  واخر شي شني ..دفعت الثمن وندمت

...القصه دات طابع حساس ..بنسبه ليااني كاجميلة جاسم ...
في كاتبات تانيات ..يكتبو اجرأ مني ويدخلو في محتوي خاااص مرات ..لاكن اني ....
انعاااود ونكررر ...قبلت طلبها لانها تعشمت بيا ...واخر روايه علي الطابع اهواه ...باذن الله

غرض نشر رواية ريناد لتوعيه كل بنت علي بالها الولد الي ايكلم فيها بيتزوجها .... وحب وغرام ويجرجرها الشيطان وياخد الي يبيه منها وياوحها جثه مش حيرضي بيها اي شخص ..ريناد وقضت في منتصف الطريق ورجعت ..وقضت والتوبه تجب ماقبلها ..يعني تااابت ..

وتوعيه لكل ام ..هاامله بنااتها ....
رساله لكل ام ...شوفي بنتك حسي بيها ..لاحضي تغيرااتها ...انتي بتدفعي التمن في ربايتك ...كل بنادم بيسأل علي اعماااله وعلي تربيته ... وعلي صغاره ..لانه نحن نولد علي الفطرة لاغير ..والطابع الي بتلقاه البنت بتعييش فييه

لذلك ...حبايبي .... القصه قعدة في البدايه ..ان شالله نكون قدرت انوصل جانب توعوي بس لا تعليمي ...والقصه بتوقف حاليا اهني لين انتم الرجل الاربعيني ...ونبدي فيها ...لاني بجد تعبت بين هكي وهكي .دماااغي سطللللل ..

ونلتقي باذن الله ...