التوبة مابعد الخطيئة

البارت التاني عشر

#التوبة_مابعد_الخطيئة

#جميلة_جاسم

قعدة مصدومة من كلاام حيدر ...ونفس الوقت ندعي انه ايكوون عاايش ..حتي ولو انهم رافضيين اني نبي نتزوجه . ونبي انواافق اعليه .

صح هو اخته هاربة حسب ماسمعت لاكن هذا ميهمنييش ..

خشيت لداار قعدت انقلب في صفاحي النت نبي خبر علييه مهناش نهائي ...

نسمع في بوي في الصاله ايكلم في خوه ..قاله اندورو اعليه وملقينااشي ..

شي في داخلي ايقولو عذا حيدر هكي سمع ورفض اني شني ...لو سمع بيا ...

بكيت علي حضي وعلي روحي وعلي كل شي... كل مرة انكس في روحي خسرت درجه انحس اني نزلت ..مش نفس مستوى الناس ..والندم يااكل فيا..

اني ريناد اخرتها نقبل ونرضي بواحد زي يووسف ..ونتمني انه ايجيني ..من غبائي اني حطيت من روحي في مستوي اني ارقي منه ونتمني انه ربي ما ايوري حد الي عشته وشفته...

فاتو الايام الي قعدو للعيد ...اليوم احني راقيين للجبل ...بنعيدو في منطقتنا ...
طول الطريق خايفه وندعي انه نوصلو لي حياشنا وما يخطفنا حد وصلنا للحوش تعبانين رقدنا طوول

ونفس الشي روتين ممل افكار ودموع ..وقلبي مش راضي ينسي ولا عقلي راضي ايوقف تفكيير

جي العيد من غير بنه وفاات ..وشماايت بنات عمااتي بفلس
كل مرة نسمع كلمه ومراات ايقوولو هو سمعته امزفته وزياادة ..انخطف والله ماعندك حظ

الشي الوحيد الي ايخليني نسكت عارفه انه بيولي وعلي عنادهم بنواافق اعليه المهم شاريني وجايني بالحلال...وبما انه بوي اموافق اني مواافقه اكيد...

وقعدنا مدة كلها مافيش اخبار عليه وكل مرة  نسمعو خبر اعلييه  نزيد نتدمر اكثر

نتدكر مرة اني في المطبخ وخشت عمتي وبنتها تقوي ...استقبلتهم  ودخلتهم لصاله
ايهدرزو مع امي واني جبتلهم ضيافتهم
وقعمزت ...قالت تقوي

تقوى .... تعرفي يوسف سمعت من عزاام الصبح خبر انهم قتلوهم ...

ريناد .. كان عندهم عمر طويل ربي ايردهم لاهاليهم سالمين واذا كان قضاء ربك أكيد مافي حد بيردهم...

تقوي....هههههه خيرك بديتي من الي يفتو فتاوي شرعية وجو هواه

ريناد نضت من جنبها وخلاص ..وقعدنا فترة بعد العيد اكلها انراجو في اي خبر..

اني يأست من الموضوع ..اهله دايرين مجمع علي اساس انهم ماتو خلاص ..

طبعا يوسف بوه متوفي وخوه الكبير مسؤول اعليهم

كل يووم انرااجي ونقووول  مرات ايكلمونا ايقوولو جي .متأملة مش عارفه علي اي اسااس وقتها ممكن كان ادني تفكير اني نتزوج راجل وننستر وخلاص ..