التوبة مابعد الخطيئة

رسالة شكر وتقدير

سلاام حبااايبي حبايبي كيف حالكم .واحواالكم ..

وانتهينا من قصة التوبة مابعد الخطيئة بعد.جهد جهيييد ..مني ومن ريناد ..

الحمد الله بفضل الله قدرت نكتب ولوجزء بسيط كن حياة ريناد ..
ريناد شخصيية كتووووومه جدا جدا . واكييد قدرت اتسييطر علي روحها بفضل الله تم جهدها هيا..

تفكيري متتالي في الرواية ننسخ ونلصق ونعدل هللبه في كلامها مراات مقااطع صووت نسمع ونكتب ومراات نصي ننسخ ونلصق ... لاكن بجد كانت قصة غيييير طلعنا فيها علي المؤلوف
مع انه اكثر رواية تعبتني نقعد انفكر فيها في النوم انقوول زعمه وصلت احساس رينااد .للمتابعين ولالا لانه اول مرة نتكب شي زي هذا ...

.ونفكر زعمه هكي حست هكي بكت وهكي فرحت .حطيت روحي مكاان رينااد ..وكاني رينااد ...ونكتب...لدرجه مرة حسيييت بموقفها لما خوها ضربها...شعوور مؤلم بصراحه ...

والرواية كانت محتواها معبي ودسم لاكن قصيرة لانه الاحدات انطلع فيهم من ريناد بالقطاارة😂😎 بسلامتها كتوووووومه ..وكان وقت مشروعها واني نكتب فيها وهيا مش فاضيه  لذلك ...وصلت لي 18 باارت فقط... وحسب ماتحكيلي ريناد. انها اول وحدة تحكيلها معناتها هيا اني ..🙂

عكس نجلاء .... نجلاااء كل يوم نفتح نلقي موشح طوييييل عريض..وممكن نجلاء عاااشت حياة مليئة بالمغامرات والي توة قعدة حياتها ...اكشن...وعندها مفاوضات بينها وبين خاالد احتمال في خط رجعه ...لذلك حنكتبلكملو صار تطور...
دعواتكم ليها طبعا لي اي حد قرى قصتها وللي مقراش موجودة في صفحتي ...

المهم شكرا جزيلا لكل من حط فيا التقة..وشكرا جزيلا لييكم انتم متاابعيني الي يقوولو في كلاام حلو بحقي...كلام يرفع المعنوياات وفي هللبة مقدرين الجهد والتعب الي نتعب فيه من ورى الكتاابه..

طبعا اني طلعتلكم بي تلات روايات في ضرف سنه...

وتحصلت علي القااب من عزيزااتي ام حوور .وهلللبة بنات تانيات..

زي احسان عبد القدوس..و اللقب الحلو التااني اجاثى كريتسي ..
من اروع الكتاااب في مجال الرواياات...

حبايبي شكرا لييكم لكل بنت وكل محبة وكل راقية قالت كلاام في حقي ..وشكرتني ورفعت من مقامي لاني وصلت بييكم ...

رساله مني اني جميلة جااسم ..لي الامهات ..ولي البناات المراهقاات في فترة انحلاااال زي الفترة الي عاايشيينها احني الله ايبارك الكوارث في كل جيها

لكل ام شووفي بنتك حسييها خلييك صديقتها اكثر من امها ..خلييك ملاحضها ضعفها قوتها بكااها...
واهمممم شي في الحياة التقة ..
لما تنزرع التقة في الشخص لا ارادي انتي متغلطيش ..واني نحكي مش لاني ام ..لا نحكي لانه امي هكي ربتني..

اكثر كلمه اتقوول فيها امي ربي يحفضها ويطول في عمرها....اني واتقه فيكم واتقه في ربااايتي ..لذلك الي بديرييه باااهي مني ومنك والي بديريه عاافن من اصحاب السوء والشيطان ...