التوبة مابعد الخطيئة

البارت السابع عشر

#التوبة_مابعد_الخطيئة

#جميلة_جاسم

اهتمّ بذاتك..احتفظ بكرامتك
‏وحافظ على هدوئك
‏وتجاهل ما يقوله النّاس عنك
‏دعهم يثرثرون بما يريدون
‏لا تؤلم نفسك بكثرة التفكير
‏لماذا قالوا؟..لماذا فعلوا؟
‏الأهم أن ترضي ربك ومن ثم نفسك
‏طالما هم بشر
‏فليس لديھم سوى الكلام
‏ولا يملكون نفعاً ولا ضراً
‏فلا تعطِ الأمر أكبر من حجمه

للحضة حسيت روحي ملكه بجد موقف الي اليوم ندكر فييه ونقوول في خاطري قداااش انه مكسم رااجل نضيف بجد ...

اهلي وامي وبوي انصدمو من الي درته خوتي ...لاكن ولا وااحد فيهم برر ..

لاكن مكسم غيير قالي عارفك انك غلطي ..وعارف ..انه اني دااايرة ..كواارث...لاكن شاف لي معدني من داااخل ..
عرف ريناد الاصلية عرف رينااد الي اتحب بقلبها ....

خشيت لدكتورة...ومقدرتش حتي نشكره او انكلمه لاكن اكتفيت بابتساامه بسيطه وخلاص ...

قعمزت ...ودارتلي فحص كاامل ...

قتلي احتمال ضغط العيين من التدقيق والدراسه ..سالتني كم سؤال ..وصفتلي مرهم علاجي ...وقطرة ...

وطلعت نسيت اصلا وجع عييني ...

لقيت بوي البراء امقعمز مع رجاله كبار...
اول ما شاافنا ركب ..واحني ركبنا في السيارة...

شادة ايديا في بعض ونشبح للوصفه .... ونتفكر في الموقف ..وكاني حاجه كبيرة..
لاكن بالفعل حاجه نابعه من القلب لو بسيطه بتكون كبيرة ...

وصلت للحوش وقلت لي امي انه من القراية وهكي منبيش انقلها ضغط عين ومن البكاء

الايام تجري جري سنه 2018 احني في نصها ..

شهر خمسة ...تم سيمستر والتزمت بحوشنا بس كنت نصلي وندعي ونقرا ف قراني لاكثر ...

في ليلة نتفكر وضع ممل هللبه خوتي واني امقعمزين علي التلفزيون في الصاله واني نقعمزة علي الفيس. سهرانة  نتصفح وفجاءة شفت منشور في قروب خاص بمنطقتنا  ...

صور كسوة. وكاتبين الف الف مبروك خطوبة u...m طولت عرفته  انه يووسف ومرام خشيت تعليقات وفعلا كان يباركو ليه جابلها تلبيسة مقوومة  ...

صح اني معشتش الحياة والحب مع يوسف لاكن شعور انه الحاجه كانت ليك واصبحت لي غييرك بروحه شعوور مؤلم جدا .....

منعرفش بمجرد ما شفت المنشور انغم قلبي ورجعت لي نقطة الصفر ...

شفت في المنشور تاق ليه وتاق لي صفحتها مراام ...

حفضت المنشور مش عارفه علاش وقتها ..نبي نشبح تصاويرها نبي نعرف شن بيصير معاهم ...

سكرت النت ...وقلت لازم نطلع انقعمز مع اهلي نبيهم ايحسو بيا نبي انرد علاقتي معاهم ...