سنة الحياة(مكتملة)

البارت اﻻول

النهاردة اول يوم فى سنه تانية ثانوى سلافة نايمة والساعة7:30
معاد الطابور وهى لسه نايمة عشان كدا سلمى بترن عليها
سلمى.ردى بقى يالهووووى دى شكلها مش هتصحى النهاردة انا زهقت من كتر الرن

ردى يا سلافه بقى
وبترن تانى  وتالت

سلافة : مين الزفت اللى قاعد يرن على الصبح كدا الو
سلمى. انتى لسه نايمة يازفته كل دا نايمه اصحى يا ح......يا.........يا....
سلافة: ايه يا حاجه  ايه ما سورة المجاري اللى اتفتحت على الصبح دي  كل دى شتيمه ليه عايزه ايه

سلمى: يا بجاحتك وكمان بتقولى عايزة ايه انتى ناسيه يا هانم ان النهاردة اول يوم  فى الدراسه
سلافه: بجد نسيت
سلمى: نسيتى طب يلا انجزى  قبل ما مرارتى تتفقع منك  اخلصى البسى وتعالى.
سلافه: حاضر يلا باى

سلافة قفلت وكملت نوم عادى انا هوجع دماغى ليه وﻻ كأن حاجة حصلت وطنشت.

عندالبنات فى المدرسة  دخلو الحصص وجه وقت البريك                                                
   هنا بتسأل: سلمى هى سلافة مجتش النهادرة ليه دا احتا لسه فى اول اول يوم 😏😏
سلمى: انا كلمتها وهى كانت لسه صاحية بس شكلها مش هتيجى وهتكمل نوم
هنا :انا مش عارفة هى جايبة البرود دا منين.
ايات: طبعا ما مدير المدرسه يبقى قريبها هتخاف من ايه صحيح اللى ليه ضهر ما يضربش على قفاه
سلمى : انتى بقيتى لوكل اوي يا ايات

ايات:على اساس ان  اﻻخت  هاى كلاس وانا مش عارفة دانتى سرسجيه يابت  فوقى لنفسك

هنا بتوشوش خديجة ( اللى قاعدة ساكته وبتسمع بس ) بتقولها شكلهم هيتخانقوا زى كل مرة ومحدش هيقدر يوقفهم غير سلافة  هى اللى بتقدر عليهم

سلمى  سمعت : انتو بتقولو ايه يازفته منك ليها
خديجة :  مش بنقول حاجه اسكتى انتى وايات بقى بقا النهاردة اول يوم مش عايزين نتخانق

هنا بتبص فى حته تانيه :  بصىو ناحية الملعب كدا
سلمى: مين المز اللى هناك دا هو فيه قمر كدا ياناس
هنا: يلههوى دا موز اللوز سكر جلوكوز يخربيت حلاوته
ايات: متلمى نفسك انتى وهيا هو فيه ايه مجرد ولد.
سلمى:والنعمة انتى ما بتفهمى حاجة خليكى فى عقدك يشيخة وسيبينا نتفرج بس انا اول مرة اشوفه.
هنا :سمعت انه طالب جديد انا هروح اعرف اﻻخبار واقولك
جرس البريك رن .
هنا. يخسارة مش هعرف حاجة عنه ايه الحظ دا بس

ودخلو تانى الحصص بتاعتهم وجه مدرس جديد عليهم

ايهاب: السلام عليكم انا مدرس اﻻحياء الجديد بدل مستر علاء واسمى مستر ايهاب واهم حاجة عندى اﻻنضباط مبحبش المرقعة وﻻ اﻻهمال وﻻ الكلام فى الحصه  اللى اقولكو عليه يتعمل واﻻ هقلب عليكو مفهوم
البنات بيتكلمو بصوت واطى     
 ايات: شكله عصبى اوى ومش طايق نفسه
سلمى: وﻻ انا طايقاه مش عارفة ليه هو ماله داخل على الحامى كدا ليه داحنا لسه اول يوم
هنا : تحسى ان مراته مطلعه عينه ومزهقاه وجاى يقرفنا احنا😂😂😂
سلمى: ﻻمعتقدش انه متجوز شكله صغير وبعدين مش ﻻبس دبلة
خديجة: بس اسكتو  الله يخرب بيتكو  ليسمعنا ويطردنا
مستر ايهاب سمعهم:  اﻻربعة اللى بيتكلموا ورا يطلعو برا
:  يامستر احنا اسفين ومش هنعمل كدا تانى
المستر:  برا يعنى برا عشان تعرفوا تتكلموا تانى