سنة الحياة(مكتملة)

البارت العشرون

سبحان الله وبحمده سبحان الله العظيم

الاستعلامات: النداء الاخير للرحلة رقم .... المتوجهة الى مطار دبى الدولى على جميع الركاب التوجه الى الطائرة

ادم واقف فى المطار وخلاص قرر يسافر انا اسف ياسلافة ياريت تسامحينى عارف انى خلفت وعدى معاكى ومشيت وسبتك فى عز محنتك بس لو مسافرتش مش هيبقى معايا ثمن التذكرة اللى هرجع بيها حتى   ودا طبعا غير ابويا اللى ممكن يجراله حاجة لو خسر شقى عمره لازم  اسافر عشان واجبى تجاه عيلتى ياسلافة بس صدقينى هرجع عشانك ولما هرجع هتكونى مراتى رسمى كمان وهخليكى تسامحينى (كل دا  ادم بيكلم نفسه بيحاول يبرر انه مشى وساب سلافة فى اصعب لحظات حياتها ميعرفش ان اللى ميوقفش معانا فى الحزن والصعب  بناقصه فى الفرح

ادم: يابنى انت الكاتب يعنى عارف ظروفى كويس  عارف انى مينفعش اسيب اهلى  ابويا سافر واتغرب وشقى عمره كله فى الشركة دى  مينفعش ابويا وهو عنده 55 سنه يرجع يشقى ويتعب من اول وجديد من حقه يرتاح بعد كل سنين الغربة دى واردله ولو جزء بسيط من اللى عمله ليا حتى لو كان على حسابى

كوالا: متقولش على حسابك عشان دا على حساب سلافة بس

ادم: لا على حسابى انا كمان انت متعرفش انا بحب سلافة قد ايه هى كل حياتى انا بجد حبيتها من اول يوم شفتها  انا لازم اسافر لانى اعرف ابو نواف اللى عامل مع بابا المشكله  وهحاول اصلح الامور وبعدين قلى هو انا لو قعدت جمب سلافة ومقدرتش اوفرلها اللى هى عايزاه  هى هتبقى مبسوطة

كوالا:  قول انك مسافر عشان نفسك ويبقى معاك فلوس

ادم: متنبرش فيها بس عشان ابو نواف يوافق  وبعدين انت مفكر انى لو بقيت فقير ابو سلافة  او سلافة ذات نفسها هتوافق تتجوزنى

كوالا: بس الفلوس مش كل حاجة

ادم: عندك حق هى مش كل حاجة بس اهم حاجة انا ماشى ياكوالا وصدقنى  هرجع عشان سلافة لما امورى تتحسن

كوالا: صدقنى دا اكتر وقت هى محتاجالك فيه لو مرجعتش دلوقتى يبقى مترجعش تانى يا ادم

ادم: مع السلامة ياكوالا)

ايه رايكو ياجماعة فى اللى عمله ادم صح ولا غلط مبرراته مقنعة ولا لا

 سلافة صحت ما لقتش ادم جمبها بس سلمى وهنا كانوا قاعدين معاها

وبيحاولوا يهدوها

وبابا سلافة ياسين وامنية بيخلصوا اجراءات الدفن بتاعة يامن

وادفن يامن تانى يوم الظهر وكان يوم صعب على الكل وطويل جدا 

سلافة كانت منهارة بس وجود صحابها جمبها بيقويها وبيخفف عنها بيديها احساس انها مش لوحدها وانهم جمبها دايما مهما حصل لانهم صحاب العمر  (اللى صعب يسيبونا مهما حصل دايما واقفين فى ضهرنا بينصحونا على فكرة الصحاب دول رزق من عند ربنا  )الصحاب اللى بجد دول زى اخواتنا مشاكلهم هما مشاكلى والعكس