سنة الحياة(مكتملة)

البارت التاسع

سبحان الله وبحمده سبحان الله العظيم

اللهم صلي على سيدنا محمد عليه أفضل الصلاة والسلام

الحمدلله يجماعه بعد طول عناء ومحاوﻻت مع نوسه رجعت وقررت انها تكمل الراويه ودا طبعا نظرا لمجهودى العظيم فى اﻻقناع عشان كدا ممكن فوت بعد اذنك يعنى مش هتخسر حاجة وﻻ هتفرق بالنسبالك بس هتفرق بالنسبالى وهتشجعنى انى اكمل واخلص الروايه بشكل اسرع واخلص من نوسه

نرجع للروايه

سلافة قررت انها تتمشى شويه ﻻنها متضايقة من حاجات كتير مثلا ان دى اول مرة حد يضربها فى حياتها ويقلل منها بالطريقة دى اول مرة تحس بالندم من اللى عملته وانها زودتها مع سالى بس كمان بتحاول تقنع نفسها انها صح ﻻن سالى هى اللى بدأت ودى مش اول مرة سالى تعمل فيها حاجة وانها مش غلطانه وهى خدت حقها وخلاص بتقنع نفسها باى كلام والسلام عشان تريح ضميرها ومتحسش بالذنب تجاه سالى بس هى متاكدة انها فعلا غلطانه عشان كدا قررت انها تعمل الحل السحرى اللى دايما بتعمله وهو اﻻكل والنوم وانها مش هتكلم حد وهتقفل الفون وتنام وتحاول تنسى

عند سالى

ادم وداها مستشفى عشان تتعالج ﻻنها عندها حساسيه فى جلدها رهيبه جدا بسبب الحاجات اللى سلافة حطتها فى  الدهان وخصوصا انهم عرفوا يشيلوه من على جسمها بالعافيه وطبعا شعرها اتقص  وفكوا الجبس وعملوا جبس تانى وجالها انهيار عصبى ومحتاجة دكتور نفسى كمان الصراحة سالى اتمرمطت وادم مش عارف يعمل ايه لو مامته عرفت مش هتسكت وهتقدم بلاغ فى سلافة وهو خايف على مستقبلها وكمان مش عايز يضيع حق اخته بس كدا كدا مامته هتعرف فرن عليها عشان تيجى المستشفى وجات
ماما ادم (منال ) : فى ايه يادم ايه اللى حصل
اختك مالها
ادم :اهدى ياماما مفيش حاجة بسيطة سالى كويسه وزى الفل هو بس الجبس اتغير والدكتور قالى هتخرج بكرا او بعده بالكتير
منال : وايه اللى حصل خلى الجبس يتغير
اختك فين انا عايزة اشوفها
ادم :حاضر ياماما بس هى هتصحى كمان نص ساعه وهندخلها
منال : نايمه ليه انا هدخل اطمن على بنتى
ادم. مش هينفع تدخلى دلوقتى ممكن تشوفيها من اﻻزاز بتاع اﻻوضة

منال : ماشى لما نشوف اخرتها ايه

وشافت سالى وهى نايمة على السرير وشعرها مقصوص وجسمها احمر من كتر الحساسيه واول لما شافتها انصدمت
منال : مين اللى عمل فى بنتى كدا والنعمة ﻷكله بسنانى
ادم : اهدى ياماما ومتكبريش الموضوع مجرد هزار بنات مع بعض الموضوع مش مستاهل كل دا
منال  بصوت عالى :  هزار ايه وزفت ايه انا بقولك مين اللى عمل فى بنتى كدا
ادم : اهدى بس ياماما ووطى صوتك وانا هفهمك كل حاجة بعدين الموضوع مش مستاهل دا كله
منال : وﻻ بعدين وﻻ قبلين انا هتصل بابوك عشان يجى يتصرف ويجيب حق بنتى ويشفى غليلى
ادم. هعملك كل اللى انتى عايزاه بس مينفعش نقلق بابا وخصوصا انه فى غربه
منال :  ماشى يادم بس هنقدم بلاغ فى اللى عمل فى بنتى كدا ومش هرتاح غير لما اشوفهافى السجن
ممرضة : المريضة فاقت تقدروا تدخلوا تطمنوا عليها
منال  بلهفة : يحبيبتى يابنتى
سالى بتعيط : ومقهورة جدا شوفتى اللى حصلى ياماما شوفتى سلافة عملت فيا ايه
منال : سلافه مين اوعى تكون بنت امنيه
سالى : ايوة هى الزفته دى كنت هموت ياماما
انتى مشوفتيش العيال فى المدرسة كانوا بيضحكوا على منظرى ازاى ﻻزم تدخل السجن ياماما وبتعيط