سبحان الله وبحمده سبحان الله العظيم
طبعا سلافة راحت القسم لوحدها ودخلت على طول مكتب الظابط ادهم
(شاب وسيم وعنده 25 سنه صاحب ادم من زمان جدا وساكن لوحده فى الشقه اللى قدام ادم )
العسكرى خبط ودخلت سلافة
ادهم : اتفضل برا ياعسكرى
العسكرى تمام يافندم
ادهم : بطاقتك يا انسه
سلافه : اتفضل يافندم ممكن اعرف انا هنا ليه
ادهم : طبعا من حقك انتى هنا عشان اللى عملتيه فى سالى رأفت واظن كويس انتى عارفه انتى عملتى ايه
سلافه بثبات : طب ممكن اعرف البلاغ بتهمة ايه اصلا انا مش شايفة يعنى انى عملت حاجة دا مجرد هزار مش مستاهل قسم وﻻ حاجة
ادهم : بس هى بتقول غير كدا طبعا مقدمة فيكى بلاغ وقالت من اول مانتى ضربتيها وكسرتى ايديها والدهان والحاجات اللى وقعت عليها ودا ادى ليها لمشاكل نفسيه كتير وانك اهنتى كرامتها ودا ممكن يؤدى ﻻنتحارها ﻻنك خليتى حياتها بائسه ودا يعتبر شروع فى قتل والحكايه كبيرة اوى يا انسه ومعتقدش انهم هيتنازلو وممكن تتسجنى
سلافه بلعت ريقها بصعوبه لما حست ان الموضوع كبير : ممكن اكلم فى الفون
ادهم : طبعا من حقك اتفضلى
سلافه بترن على يامن ومش بيرد ومش عارفه تعمل ايه وكمان مامتها فونها مقفول وحست انها لوحدها
ادهم : خلاص يا انسه هاتى تليفونك وهنضطر نستضيفك عندنا شويه عسكرى
العسكرى : تمام يافندم
ادهم: خودها على الحجز
وراحت سلافة على الحجز عمرها متخيلت ان الموضوع يوصل للدرجاتى ومرضيتش ترن على عمتها عشان مش عايزاها تعرف
وفى مكتب ادهم دخل ادم
ادم : ازيك ادهم عامل ايه
ادهم : بخير يا ادم بس البت مزة وقعت واقف يابن اﻻيه
ادم : مزة ايه لم نفسك
ادهم : انت هتغيير من دلوقتى وﻻ ايه بس حقك شكلها قويه لدرجة انى حاسس انها مش هاممها وﻻ فارق معاها
ادم : ودا اللى عجبنى فيها انها قويه وشرسه كدا بس كان ﻻزم اخليك تعمل كدا عشان تتعلم اﻻدب وتوقف عند حدها وان مينفعش تاذى الناس للدرجاتى
ادهم : دا انت مشوارك طويل ربنا يكون فى عونك
وسالى عاملة ايه دلوقتى
ادم : كويسه بس لسه محتاجة دكتور نفسى عشان دا مياثرش على نفسيتها فى المستقبل
ادهم : ربنا يشفيها انت عارف انى بعتبرها زى اختى
ادم : منحرمش منك يا احمد كنت واخد بالك منهم وانا مسافر انا مش عارف من غيرك كنت هعمل ايه
احمد : انت مش صاحبى بس يابنى انت اخويا ياﻻ
ادم : ماشى يحضابط قولى بقى ناوى تعمل ايه فى حوار بنت عمك اللى ابوك مصمم انك تتجوزها
ادهم : مش عارف والله سيبها على الله انا هسافر بكرا وهاخد اجازة شهر كدا
ادم : ليه بس يعنى مش هلحق اقعد معاك انا اصلا مسافركمان اسبوعين
ادهم : عشان كدا ﻻزم نخلص حوار سلافة دا النهاردة قبل ما اسافر
ادم : ماشى ابعت بقى حد يجيبها
ادهم : ماشى بس انت لسه مصمم على حوار انك تتجوزها دا ما بلا ش امك لو عرفت هتبقى ليلة
أنت تقرأ
سنة الحياة(مكتملة)
General Fictionرواية اجتماعية كوميدية هنشوف حكاية 5بنات شله بنات صحاب وهنشوفهم بجنونهم بحبهم لبعض بمصايبهم وشقاوتهم وضحكهم وهزارهم والحياه هتستمر ازاى وهتعمل فيهم ايه وكل واحدة ليها حكايتها المختلفه عن التانيه
