سنة الحياة(مكتملة)

البارت السادس

وصل ادم امام المدرسة ووجد البوابه مغلقة فقرر ان يقفز من عليها ودخل المدرسة وكانت الساعة 1 صباحا والجو فى غايه الظلام يكاد ﻻيرى شيئ فأنار الكشاف الموجود فى الهاتف واخذ يبحث عن مكان الحمام (كنت بفكر اكتب باللغة العربيه الفصحة بس اكتشفت انى مليش فيها )

ظل ادم فترة حتى وجده وكان مغلق ففتحه بالمفتاح الذى اخذه من اخته سالى ودخل الحمام وظل يبحث عن سلافة حتى وجدها مغشى عليها فى ارضيه الحمام فاخذها وخرج وتذكر ان البوابه مغلقة وﻻ يستطيع ان يخرج ومعه سلافة من فوقها فقرر كسر القفل وفتح البوابه وخرج اجلسها فى السيارة وكان معه ماء وحاول افاقتها والحمد لله قد عادت الى وعيها

نرجع للعاميه مفيش احلى منها

سلافه اخر حاجة فكراها انى كنت فى الحمام والدنيا ظلمه والجو كان برد جدا وبعدين مش فاكرة اى حاجة بعدها غير انى صحيت ولقيت شاب بيحاول يصحينى
ادم : انتى كويسه
سلافه : انت مين وانا ايه اللى جابنى هنا(وطبعا مش هساله انا فين عشان باين أوى انى قدام المدرسه وراكبه فى عربيه)

ادم : انا مين مش مهم قوليلى عنوانك عشان اروحك
سلتفه بتريقه :ازاى يعنى مش عايز تقولى انت مين تكونش مخابرات
ادم مردش عليها

المهم طب سيبك من دا كله انت عرفت منين انى انا محبوسه فى الحمام
ادم : بصى ملكيش فيه وياريت متساليش عن حاجة ﻻنى مش هرد
فقوليلى انتى ساكنه فين عشان اروحك الساعة بقت 2 بالليل وﻻزم تروحى عشان اهلك ما يقلقوش عليكى
سلافه بضحك : مين دول اللى يقلقوا عليا محدش هياخد باله اصلا ان كنت روحت وﻻ ﻻ
ادم : العنوان عشان اوصلك واخلص انا مش فاضيلك

سلافه: انت مش مجبر انك تيجى على نفسك اوى كدا وتوصلنى عن اذنك وخرجت من العربيه

ادم : معلش يا انسه بعد اذنك اركبى انا اسف على الطريقة اللى كلمتك بيها مينفعش تروحى لوحدك بالليل كدا الطريق خطر والدنيا مش امان

سلافه : شكرا انك خرجتنى وفتحت الباب
وتقدر تمشى وانا هتصرف لوحدى متشغلش بالك بيا
ادم : لو سمحتى اركبى انا عندى اخت بردو وميرضينيش انها تمشى فى الشارع الساعة اتنين بالليل لوحدها
سلافة بعند : شكرا مش عايزة اركب
ادم : دا اخر كلام عندك
سلافه : ايوة اتفضل هوينا بقى
ادم :ماشى ونزل من العربيه وركبها بالعافيه
سلافه : اقسم بالله لو ما نزلتنى لهصوت والم عليك الناس
ادم : ناس مين ياحجة انتى مش شايفه وﻻ ايه مفيش حتى كلب معدى فى الشارع بالغلط قولى عنوانك عشان اروحك
سلافة بغيظ : شارع ..............
طول الطريق وسلافه ساكته وهتفرقع اول مرة حد يعاملها كدا
ادم فى نفسه من اول ما شفتها وانا حاسس بحاجة غريبه نحيتها حاسس انها اول بنت اشوفها فى حياتى اول لما فتحت عينيها وشوفت عينيها حسيت انى اتسحرت بحبها وبقيت ملعون بعشقها عمرى ماكنت بصدق بالحب وبقول انه مجرد تسليه او لعبه الولد بيلعبها على البنت عشان يقدر ياخد اللى هو عايزه وخلاص بس مينفعش اقولها على اسمى او اى حاجة ﻻن احتمال تشك ان سالى هى اللى عملت فيها كدا انا صحيح اول مرة ابقى عايز اتعرف على حد للدرجة دى بس مش هينفع عشان اختى مش تتأذى انا بحب سالى اختى اكتر من اى حاجة وبعدين مانا عرفت عنوانها