سنة الحياة(مكتملة)

البارت الثالث والعشرون

سبحان الله وبحمده سبحان الله العظيم

يوم جديد باحداث جديدة

ياسين بيفكر هيعمل ايه هو مش فارق معاه الفلوس اهم حاجة بنته

بس كمان خايف ليضحكوا عليه ويقتلوه هو  وبنته  وهو ميفرقش معاه اى حاجة غير بنته سلافة وانها تبقى بخير
ياسين كان فى واحد قريبه شغال ضابط فى الشرطة ودا قبل ما يسافر يعنى اكيد دلوقتى بقى حاجة كبيرة
و رن على تهانى اخته
ياسين:السلام عليكم
تهانى:وعليكم السلام عامل ايه يا ياسين
ياسين بيحاول انه يبقى هادئ عشان تهانى متعرفش:الحمدلله بخير انتى عاملة ايه ونبيل وعادل عاملين ايه
تهانى:كويسين الحمدلله سﻻفة عاملة ايه متجبها هى وامنيه وتيجوا تتغدوا معانا بكرا
ياسين:مش هينفع معلشى مرة تانيه بقولك متعرفيش رقم خالد حجاج
تهانى: اه طبعا معايا رقمه بس انت عاوزه ليه
ياسين:عادى ابن خالى وعايز اطمن عليه
تهانى:ماشى هبعتلك رقمه على الواتس
ياسين:شكرا يا تهانى
تهانى: انت مال صوتك هو فى حاجة حصلت
ياسين:ﻻ مفيش حاجة متقلقيش
تهانى:ياسين انت كويس تحب اجيلك ايه اللى حصل قولى  متقلقنيش عليكو
ياسين بضعف:سﻻفة اتخطفت
تهانى بخضة:ايه ودا حصل امتى
ياسين:من شويه اتصل الناس اللى خاطفينها وطلبوا الفدية وانى مبلغش البوليس
تهانى بتعيط: طب هنعمل ايه دلوقتى يا   ياسين

اعمل اى حاجة بس اهم حاجة سلافة ترجع  وتبقى وسطنا تانى وميحصلهاش حاجة

مش مهم اى حاجة اديلهم اللى عاوزينه  بس سلافة ترجع

ياسين: انا هعمل كدا بس بردوا انا مضمنهمش انا لازم ابلغ البوليس

تهانى بدموع: بلاش  يا ياسين تبلغ احسن يعملوا فى سلافة حاجة

ياسين: انا هكلم خالد واشوفه يقدر يعمل ايه

تهانى : طب كلمه  وانا هجيلك على طول

ياسين: متجيش يا تهانى هتيجى تعملى ايه بس خليكى عندك وانا لما هوصل لحاجة هكلمك

تهانى: بس امانه عليك تقولى  ايه اللى بيحصل على طول

ياسين: حاضر ياتهانى سلام

واتصل ياسين على خالد

ياسين: السلام عليكم

خالد: وعليكم السلام ورحمه الله

ياسين: ازيك يا خالد عامل ايه انا ياسين الرفاعى

خالد: ياسين عامل ايه  من ساعة لما سافرت  ومعرفش انك حاجة دا  انا ابن خالك حتى

ياسين: معلشى بقى  انت عارف   الدنيا تلاهى

خالد: عندك حق انت عامل ايه  البقاء لله انا سمعت اللى حصل  بس كنت مسافر عندى مامورية  ولسه واصل امبارح