سبحان الله والحمدلله ولا اله الالله والله اكبر اللهم صلى على سيدنا محمد (عليه افضل الصلاة والسلام)
ادهم رن على ادم
ادهم: ايه يا باشا انت فين
ادم : انا خلاص قربت اوصل تلت ساعة واكون عندك
ادهم: تيجى بالسلامة عندى ليك حتة مفاجأة انما ايه اورجانك هتعجبك اوى
ادم : متقول ياعم ايه جو السسبنس دا
ادهم بضحك : على العموم برضو لازم اقولك بجد ربنا يعينك على سلافة بتعرف تتهرب من اى موضوع بسهولة
ادم باستغراب: انت شوفت سلافة فين
ادهم:دى المفاجأة بقى انها عندنا وطلعت صاحبة سلمى
ادم: لا بجد
ادهم: اه ياسيدى وحكاله على اللى حصل
ادم: يعنى دلوقتى كله عرف انها مراتى ومش هتعرف تتهرب منى ايه الحلاوة دى بس
ادهم: اى خدمة ياصحبى
ادم: طب سلام بقى عشان انا داخل على القرية
وادم وصل وسلم على احمد وباباه وعمه
ادم لادهم: اومال سلافة فين
ادهم: ماتصبر شويه هبعت ناريمان تقولها انك جيت
ادهم: ناريمان
ناريمان: نعم ياابيه احمد
ادم: بقولك ايه ياعسولة روحى قولى لابلة سلافة ان جوزها جه برا
ناريمان : حاضر
ادم : كلمة ابلة وجوزها هتخليها تشيط
ادهم بيضحك : وهى هتسكتلك
ادم: عيب عليك يابنى انت ناسى ان اصلى صعيدى
ادهم : اقعد اتلزق فى الصعايدة بقى وبعدين ابوك مش ساب الصعيد ومعدش بيروح غير زيارات من اول لما دخل الجامعة
ادم: برضو فيا عرق صعيدى
عند سلافة وسلمى فى المطبخ سلافة بتساعدهم وبتعمل السلطة وسلمى بتطلع الاطباق والكوبايات وبتحطهم على السفرة
جات ناريمان:ابلة سلافة عمو ادم بيقولك جوزك جه برا
سلافة ابلة وكمان جوزك ليلتك سودة يا ادم الزفت: ماشى ياحبيبتى وبعدين انا مش ابلة قوليلى سلافة بس اتفقنا يانيمو
ناريمان: اتفقنا ياسلافة
وسلافة بتعمل السلطة وطنشت
بس غادة كانت فى المطبخ وسمعت الحوار: سلافة ياحبيبتى سيبى السلطة وروحى لجوزك هو بعتلك عشان عايز يشوفك
سلافة ايه كلمة جوزك اللى الكل لازقلى فيها دى : حاضر ياطنط كمان شويه هروح
غادة: ياحبيبتى يلا روحى دا جوزك وجاى من سفر روحى اطمنى عليه
أنت تقرأ
سنة الحياة(مكتملة)
General Fictionرواية اجتماعية كوميدية هنشوف حكاية 5بنات شله بنات صحاب وهنشوفهم بجنونهم بحبهم لبعض بمصايبهم وشقاوتهم وضحكهم وهزارهم والحياه هتستمر ازاى وهتعمل فيهم ايه وكل واحدة ليها حكايتها المختلفه عن التانيه
