سنة الحياة(مكتملة)

البارت السابع

سبحان الله وبحمده سبحان الله العظيم

اليوم الدراسى خلص وسلافة بتفكر هتعمل ايه فى سالى والبنات روحوا بيوتهم كالعادة طبعا

بيت هنا
حنان(مرات ابوها) :اخيرا شرفتى اتفضلى روقى البيت عشان عريسك جاى واعملى الغدا وكمان صنية كيكة حلوة عشان العريس واعملى عصير مانجا ولما تخلصى ادخلى اوضتك وغيرى هدومك والبسى طقم حلو كدا
هنا: حاضر (دا لو عرف يمشى اصلا تقوليلى يجى وبتضحك فى سرها)
وضبت الشقة عشان عريس الغفلة اللى مش هيجى اصﻻ ودخلت تلبس

بيت ايات

روحت ومفيش حد فى البيت مامتها فى الشغل واختها فى الدروس قررت
ايات :  حلو مفيش حد لسه جه اما اغير واعمل اﻻكل واستناهم لما يوصلو
الجرس رن راحت تفتح
ايات : مين من ورا الباب عشان محدش فى البيت معاها
احمد :انا احمد
ايات :  خير يا أحمد فى حاجة
احمد :  ايه يا  ايات هتكلمينى من ورا الباب وﻻ ايه
دانا ابن خالتك مش غريب يعنى وقريب اوى هبقى جوزك
ايات  : اسفة يا  احمد مفيش حد فى البيت فلو عاوز تقول حاجة قولها
احمد  بغيظ :  ماشى يا ايات انا همشى بس لما تيجى خالتى هجى وهقولها
ايات بزهق : براحتك
ومشى احمد
ايات : على اساس يعنى هخاف متقولها دا انت عيل سمج صحيح ورذل

صحيح نسيت اعرفكو احمد ابن خالتى انسان سمج وبارد ورزل ومبينزلش من زورى وفى قرايه فاتحة بس انا مش موافقة طبعا ﻻنى عمرى ما اقبل انى اكون رد جميل لمجرد ان خالتى وجوزها وقفوا جمبنا كتير وخاصة لما بابا طلق ماما وتيته وجدو ابو ماما متوفيين ومفيش ﻻمى غير خالتى وبس هما اللى وقفوا جمبنا وهما اللى مشغلين ماما ﻻن المطعم اللى ماما بتشتغل فيه يبقى ملكه ومحل الملابس بتاع خالتى وحالتهم المادية كويسة جدا جدا بالنسبة لماما كان هو العريس اللقطة عنده فلوس وولد وحيد فى 3كليه هندسة خاصة  بس انا مش بطيقه ودي كل حكايه الباشمهندس احمد

نروح مكان جديد خالص اول مرة نروحه وهو الشقة اللى مأجرها يامن اخو سلافة

وقاعد فيها معظم الوقت هو وصحابه ومن اهم عمر اخو خديجة وطبعا قاعدين يشربوا حشيش بس
يامن وهو ينفث دخان الحيشيش :  بقولك ايه ياروميو
عمر :ايه
يامن :  البت سوسو اخر مرة كانت حلوة اوى نرن عليها النهاردة وﻻ نرن على جيجى تسلينا بدل ماحنا قاعدين لوحدنا كدا شبه قرد قطع كدا
عمر :  مش فارقة كتير اﻻتنين ازبل من بعض
يامن : الوقتى مش عاجبينك ما انت لو سمعت كلامى وعرفت توقع البت ايه اللى معانا فى الكليه مكانش زمانا احتاجنا لدول

عمر :ﻻ ياعم انت عارف مليش انا فى الحوارات دى انا عندى اخت وبخاف عليها
يامن  بسخريه :  يسلام ودا من امتى على اساس ان سوسو وﻻ جيجى دول ايه ماهم بنات بردوا
عمر : ايوة  بس بنات شمال ومعروفين انهم شمال انما ايه محترمة عمرها ماتبقى زيهم
يامن : يابنى مفيش بنات محترمة فى الزمن دا
عمر : ﻻ فى مثلا اختى واختك محترمين وﻻ
يامن بعصبية  : انت ازاى تجيب سيرة اختى انت اهبل ياض
عمر : خلاص يعم وﻻ اختى وﻻاختك وقفل على السيرة دى
(وﻻد كتير للاسف كدا مفكرين ان كل البنات شمال وبيتصرفوا على اﻻساس دا بس تيجى على امه او اخته ﻻ انت ازاى اصلا تفكر فيهم بس كدا ونسوا انهم اخوات ناس تانيين خافوا على بنات الناس عشان هما مش لعبه مش بقول ان الحب حرام بس لو مش جاد سيبها فى حالها مش تضيعها وتحطها فى طريق الضياع وتفضل تتنقل من واحد للتانى لحد ماتبقى شمال وهتبقى انت السبب فى ضياعها وصدقنى هيتردلك فى اختك او مراتك او بنتك مرة حد قالى ان ميضيعش البنت حد ويخليها شمال اﻻ لو كان شخص قريب منها يعنى مثلا قريبها صاحب اخوها  او حد بثتق فيه اكتر من نفسها وبعدين هو يزهق منها ويسيبها وهى تكمل طريق الضياع مع نفسها )