سنة الحياة(مكتملة)

البارت الثانى

يوم جديد باحداث جديدة

سلا فة ظبطت منبه الفون على الساعة 7:20
عشان تصحى
صحت وبعدين ياه لسه عشر دقايق على الطابور لما البس بقى واروح وبتلبس بهدوء وبرود اعصاب انا اللى بكتب اتشليت منها تخليك تحس ان لسه ساعة على الطابور مكنش عشر دقايق دول عشان تتمرقع دا كله
خلصت لبس
ولسه بتفكر تفطر فى البيت وﻻ تروح تفطر فى المطعم اللى قدام المدرسة
(ولسه بتفكر شلينى هى اتفقعت من قليل ماهو من كتر مافى زيك فى حياتى ﻻزم تنفجر اقل واجب)

اما ارن عليهم عشان اعزمهم على الفطار بترن عليهم كلهم مش بيردو
شكلهم فى الطابور
لما اشوف سلمى رنت مرة واتنين وتلاته وسلمى كانها قتيل بس الحمدلله والشكر ليه
صحت فى المحاولة الخمناشر وهنا احب اقول ي أم نيازى صحى نيازى وقوليلو سلمي ردت

سلمى بنوم: الو
سلافة:لسه نايمه قومى ياجبلة ياللى معندكيش دم بقالى ساعة برن عليكى لسه فاكرة تصحى دانا لو بصحى قتيل كان صحى.
سلمى : فى ايه اهدى على نفسك شويه
سلافة: هديت خالص خير الهانم مش ناويه تروح المدرسة النهاردة وﻻ ايه
سلمى : تصدقى نسيتها
سلافه : نستيها هى كتاب ولا قطه
سلمى: يا بنتى انا لسه فاكرة اننا فى اﻻجازة هى الساعة كام
سلافة بتهزر : الساعة11 وانا بكلمك فى البريك
سلمى: ١١ ازاى هههار اسود عليا
سلافه: اومال مين قاعد يقولى امبارح اصحى ومحاضرات عن اول يوم وﻻزم نحضر ابقى اعملى بيها اﻻول
سلمى: عشان امبارح اول يوم ﻻزم تروحى بدرى بعد كدا براحتنا عادى
سلافة : ماشى على فكرة انا بهزر الساعة لسه 8
سلمى: اه يا...... و قفلت فى وشها
وراحت لبست بسرعة(هو انا كاتبة بنت وبتلبس بسرعة هى القيامة قربت وﻻ ايه)

سلافة راحت المطعم اللى قدام المدرسة وأخدت سندوتشات ليها ولصحابها وكانز وشيبسى وشيكوﻻتات وحطيتهم فى الشنطة واستنت سلمى عشان تدخلها معاها (سلافة مسيطرة على فكرة كله بالفلوس بيسيطر وكمان عشان المدير قرايبها فدا مسهل حاجتت كتيرة عليها )سلمى جات
سلافة رنت على البواب بتاع المدرسة طبعا هى معاها رقمه ﻻنها دايما بتتاخر
البواب (عم جمال): ايوه يا انسة سلافة اتأخرتى كالعادة
سلافة: لا متصله عشان اسلم عليك انت عامل ايه يا عم واخبارك
عم جمال: الحمدلله
سلافه : يدوم الحمد يا راجل يا طيب هاه ضبط بقى الدنيا عشان زى ما انت عارف
عم جمال: خمس دقايق وتكونى جمب البوابه هفتحها ليكى وتدخلى على طول
سلافه: تمام

عدى خمس دقايق وسلافه دخلت وعطت لجمال فلوس عشان دخلها ودخلت على الحصة التانيه هى وسلمى
كان لسه خمس دقايق وتبدا الحصه المهم سلمت على صاحبتها وطبعا كانو قالولها فى الفون على مستر ايهاب ومستنين سلافة عشان يطلعو يعرفو هيعملو ايه معاه عشان طردهم من الفصل المهم اكلو وشربو
وعندهم مستر ايهاب الحصة التانيه وهما بيقعدوا فى اﻻخر خالص واتفقوا انهم مش هينتبهوا فى الحصة وهيتكلمو ولما يتكلم يطنشوه لحد لما يجى عندهم
المهم المستر دخل وهما ما بطلوش رغى و خديجه مش اشتركت معاهم خافت من باباها لانها من النوع الهادى المسالم خالص اللى ملوش فى المشاكل