سنة الحياة(مكتملة)

البارت الخامس

سالى لسه قاعدة فى العيادة وصحبتها اسمها ندى جات ليها عشان تشوفها وتطمن عليها
ندى  خبطت وسالى قالت ليها ادخلى
ندى :عاملة ايه دلوقتى يا سوسو الف سلامة عليكى   انا قلقت عليكى اوى ياقلبى
سالى :  انا كويسه الحمد لله بس ايدى اتكسرت ورجلى فيها شويه خدوش  مستنيه ماما عشان تودينى عند الدكتور عشان اجبسها (كل دا وكويسه امال لو مكنتش كويسه)
ندى : الف سلامه ياقلبى
سالى :  انتى كنتى فين لما المتوحشين دول كانوا بيضربونى 
ندا بكدب :  كنت فى التواليت ومعرفتش غير لما طلعت وسألت عليكى وميرفت حكتلى (مش عايزة تقول انها كانت واقفه تتفرج بس كانت خايفة تتدخل عشان سلافة وسلمى مش يضربوها)
سالى بعدم تصديق : ماشى
ندا :هو انتى هتسكتى على اللى عملوه فيكى
سالى : انا تعرفى عنى كدا والنعمة لمطلعه عينيهم  بس يستنوا عليا بس وانا هعرفهم مين سالى
ندا : هى دى سالى اللى انا اعرفها
وبعدين ماما سالى جات وخدتها واتجبست
وسلافة واصحابها روحوا
وسلافة قاعدة تفكر ياترى هتعمل ايه مع محمد اللى متقدم لهنا وبتفكر  وكلمت ايهاب كتي تقريبا طول الليل  ومر اليوم عادى وجه تانى يوم على ابطالنا

سالى جات متجبسة وكله مبسوط فيها وبيبصلها  بشماته وبعدين سلافه شافت سالى وندا وراحت عندهم وخدت قلم معاها
سلافه : هاى يا سوسو وحشانى موت متعرفيش انا بحبك قد ايه
سالى : ودا من امتى ان شاءالله امال مين اللى كسر دراعى

سلافه : وعشان اثبتلك حسن نيتى قررت انى اكون اول واحدة اكتبلك عليه الجبس
سالى : شكرا مش عايزة حد يكتبلى على حاجة
سلافه : ودا يصح وكتبت على دراعها غصب عنها وكتبت سلامه ايدك حبيبتك سلافة  يا سوسو
سالى اتعصبت وخدت منها القلم وراحت تمسك القلم وتمسح
سلافة :  ﻻ كدا منظر الجبس هيبوظ وهيقعد معاكى اقل حاجة شهر حافظى عليه نضيف بقى باى  يا سوسو

وبعدين سلافة راحت ﻻصحابها وقعدوا ساكتين فى حصة ايهاب ومحترمين على غير العادة
وكلهم ملاحظين نظرات ايهاب لسلافه
وبعد الحصه ايهاب بعتلها على الواتس انه عاوزها برا
سلافه: خير يا مستر حضرتك عاوزنى
ايهاب: ينفع اللى انتى عملتيه مع سالى الصبح دا مش اتفقنا ان تبطلى حركاتك دى وتعقلى يا سلافه
سلافه: حاضر  هعقل
ايهاب: طيب متعمليش كدا تانى ويلا روحى على حصتك عشان متتأخريش
سلافه: باى

وبعدين كان عندهم حصة فاضيه محدش دخل
سلمى: سلافه هو ايه اللى بينك وبين ايهاب دا تبع خطتك ولا ايه
سلافه: ما هو انا اقتنعت انى كنت مزودها اوى معاه بس هو طلع طيب ومحترم وابن ناس اوى

ايات: وانتى عرفتى منين
سلافه: اصل وانا مروحه امبارح  كلمته انى عاوزه اخد عنده درس
خديجه باستغراب: درس هتذاكرى ولا ايه
سلافه: يا بنتى لا  هو امبارح حسيت انه معجب بيا فقولت اقوله كدا واخد رقمه وقعدنا نتكلم بس فعلا مش هينفع أذيه لانه كويس اوى  وتعب كتير فى حياته
سلمى: وشاف ايه ان شاءالله
سلافه: ملناش  دعوة بقى  ومينفعش اقول لحد لانه سر
هنا: حبيته ولا ايه
سلافه: محبتوش بس مقدرة الحاجات اللى مر بيها وهو يستاهل واحدة احسن منى تعوضه عن كل اللى فات
خلينا فيكى انتى  محمد دا هيجى امتى