سنة الحياة(مكتملة)

البارت السابع عشر

سبحان الله وبحمده سبحان الله العظيم

ادم سافر هو وسلافة بليل وسلافة نامت فى العربية وطبعا ووصلوا الساعة 2 بليل واكيد مش هيوديها بيتها فاخدها على بيته وهى اصلا نايمة ومفيش حد هناك لان اخته ومامته سافرو

طبعا اللى حصل ان منال ام ادم لما وصلت الامارات قالت لجوزها انه يقول لادم يجى عشان حاله مش عاجبها وان ادم هيقعد فى مصر يعمل ايه وقوله انك محتاجة فى الشغل عشان كدا رن عليه واحجزله على اول طيارة

وبابا ادم رن عليه اسمه فتحى بالمناسبة وعندة شركة صغيرة للبناء والتعمير بتاعته وادم شغال معاه فرن على ادم وهو فى الفرح وقاله انه عايزة فى الشغل وانه حجزله فى طيارة بكرا وميعادها الساعة 8 بليل

عشان كدا ادم اضطر انه يسافر بليل عشان يلحق يستريح قبل ميعاد الطيارة

وشال سلافة وداها اوضته ونام جمبها على السرير

سلافة صحت الساعة 1 واحدة ولقيت نفسها لابسة قميص رجالى وفى مكان غريب ومش عارفة هى فين

فقررت تطلع من الاوضة ولقيت ادم فى المطبخ بيجهز الفطار

سلافة : انا ايه اللى جابنى

ادم: طب الناس تصحى تقول صباح الخير الاول مش انا ايه اللى جابنى هنا

سلافة بضحك: دول الناس الطبيعين بس على العموم صباح الخير

ادم: صباح النور ياقلبى عارفة لما بتضحكى يومى بينور

سلافة : على اساس انى محطة كهرباء

ادم: على اساس انى بحبك مثلا

سلافة : صحيح يا ادم هو مين اللى غيرلى هدومى

ادم: انا بس وحياتك عندى ما بصيت وكنت مغمض عينى

سلافة : عليا بردوا يادم

ادم : بصيت بس شوية صغيرين

سلافة : ماشى يا ادم بس اياك تعملها تانى

ادم: يعنى مش هتزعقى ولاهتعملى اى اندهاش

سلافة : لا بس لو فكرت تعملها تانى يا ادم هخلى يومك بلاك انت بتعمل ايه

ادم : بجهزلك الفطار

سلافة : وياترى بعد الجواز هتفضل تجهزه برضو ولا ايه نظامك

ادم: لو عطتينى كل يوم بوسة هجهزلك الفطار

سلافة : وباسته من خده

ادم: مش دى انا عاوز من التانية

سلافة: متبقاش طماع يا ادم انا هدخل اغير بقى عشان امشى

ادم: براحتك شنطتك هتلاقيها ورا الباب

ودخلت غيرت وادم جهز الفطار وقعدوا يفطروا