سبحان الله وبحمده سبحان الله العظيم
اسر خرج مع فرح
فرح بسعادة: وحشتنى اوى يا اسر معقول شهرين بحالهم مش اشوفك
اسر: انتى عارفة بقى ظروف شغلى
فرح: انت اللى مصمم تتعب نفسك انا اتحايلت عليك كتير انك تيجى تشتغل معانا فى الشركة بتاعتنا بس انت مصر انك تتعب نفسك
اسر: كل الحكاية انى بحب شغلى هناك
فرح مسكت ايده: وصدقنى هتحب الشغل معانا اكتر اوعدنى انك تيجى تشتغل معانا
اسر: ان شاءالله اللى ربنا عايزه هيكون
فرح: على فكرة انا قولت لبابا عنك واد ايه انت ممتاز وشاطر فى شغلك وحتى خدتلك من ميعاد
اسر : ليه
فرح: عشان يتعرف عليك ويقنعك بالشغل معانا اصل انا زنيت عليه كتير لحد لما وافق
اسر: حاضر
فرح بسعادة: بجد يعنى هتيجى تقابله
اسر: اه هاجى ان شاءالله
اسر قرر انه ما يضيعش كل حاجة من ايده خلاص هنا اتجوزت وشافت حياتها الاول كان بيرفض الشغل مع فرح عشان هو بيحب هنا بس خلاص هنا مش موجودة ( كوالا: اسر انت بجد كنت بتحب هنا
اسر: اه طبعا انا عمرى ماحبيت ولا هحب غيرها بس خلاص هنا بقت متجوزة لازم انساها عشان مصلحتى اصل هى مش تشوف مستقبلها وانا افضل اعيط وابكى على الاطلال فكر بالعقل ياكوالا هنا خلاص انتهت من حياتى بجوازها
كوالا: طب افرض حنان هى اللى غصبتها على الجواز
اسر: افرض ايه دا الاكيد ان حنان عملته
كوالا: على كدا هنا هى اكتر واحدة مظلومة ليه تظلمها انت كمان
اسر: نصيبها كدا وبعدين انا ما سبيتهاش دا اللى ربنا كاتبه انا مش هضيع عمرى واستناها لما تطلق او حتى جوزها يموت لازم اشوف مستقبلى
كوالا: طب ليه مقبلتش عرض فرح من زمان
اسر: زمان كان فيه هنا بس دلوقتى خلاص كنت ببعد عن اهلى عشان واسافر عشان الشغل هناك فى فلوس احسن واقدر اكون نفسى واتجوزها بس ليه اتمرمط وعشان مين ما خلاص راحت
ياريت تقولوا رايكو فى الكومنتات مع او ضد اللى عمله اسر)
تانى يوم
ادم فضل فى المستشفى وسلافة كل شوية ترن عليه تتطمن على يامن
قبل ما سلافة تيجى المستشفى
ادم شاف الدكتور اللى متابع حالة يامن خارج من عنده وقرر يساله عن يامن
ادم: لو سمحت يادكتور هو حالته عاملة ايه دلوقتى
أنت تقرأ
سنة الحياة(مكتملة)
General Fictionرواية اجتماعية كوميدية هنشوف حكاية 5بنات شله بنات صحاب وهنشوفهم بجنونهم بحبهم لبعض بمصايبهم وشقاوتهم وضحكهم وهزارهم والحياه هتستمر ازاى وهتعمل فيهم ايه وكل واحدة ليها حكايتها المختلفه عن التانيه
