سنة الحياة(مكتملة)

البارت التاسع والعشرون

سبحان الله وبحمده سبحان الله العظيم

بعد مرور سنه

على الفون
احمد:عامل ايه وحشنى ياكبير
ادم:الحمدلله انت اللى عامل ايه يا عريس
احمد:كويس بقولك ايه انت ﻻزم تيجى
انا مزنوق اوى ومش ﻻقى حد يقف جمبى انت عارف انى معنديش اخوات عشان كدا عاوزك تيجى تقف جمبى
ادم:من عنيا انت  تؤمر ياعريس
احمد:اه صحيح متقلقش انا اكدت على سلمى انها تقولها وهتيجى بعد بكرا
ادم:تقصد مين
احمد:عليا انا بردو المكر دا يا دومة على العموم سﻻفه
ادم:انتى قولتلى هى هتنزل امتى
احمد:بعد بكرا
ادم:ان شاءالله هتﻻقينى قدامك بعد بكرا من الصبح انا ليا غيرك  يا خويا ان موقفتش جمب اخويا حبيبى هقف جمب مين
احمد:هستناك وهعمل نفسى مصدق انك جاى علشانى مش عشان سلافه 
ادم:يلا مع السلامه عشان الحق احجز التذكرة
احمد:هى بقت كدا طب مع السلامة

فى الكويت
جود:جهزتى شنطتك وﻻ لسه يا سلافه تحبى اساعدك
سلافه:اه جهزتها  بس هنزل انا وفاطمة كمان ساعه كدا عشان عاوزة اشترى شويه هدايا
جود:طالما مع فاطمة يبقى انا اطمنت عليكى طيبه اوى صاحبتك دى ياسلافه وكمان ملتزمة اوى  وانتى ماشاءالله بقيتى زيها صحيح الصاحب ساحب
سلافة بضحك:انتى وصلتى للصاحب ساحب دانتى نسيتى الكويتى وبتكلمى مصرى احسن مننا هى وصلت للامثال كمان
جود بضحك:واحدة عايشة مع ياسين وسلافه هتبقى عاملة ازاى
سلافه:دى اقل حاجة عندنا
جود: هتوحشينى اوى يا سلافه  بجد  كنت عاملة حس للبيت ومكنتش حاسه انى لوحدى  لما هتسافرى هرجع اقعد لوحدى تانى ﻻن ياسين على طول مشغول
سلافه:متقلقيش يا طنط دى كلها اسبوعين وهجيلك على طول انا اقدر اسيبك لوحدك  وحضنتها
وجود :ربنا يخليكى ويبارك فيكى يا سلافه ويرزقك بابن الحلال
سلافة:ﻻ دا انتى بقيتى مصريه اصيله وبتدعى نفس الدعوة اللى كل اﻻمهات بتقولها
جود: ﻻنى بعتبرك زى بنتى اللى مخلفتهاش
سلافه:وبعدين انتى منين بتقولى انك زعلانه عشان هسافر مصر ومنين عايزة تجوزينى ايه التناقض  دا
جود: ﻻ مش تناقض بس الجواز سنه الحياة وبعدين انا بقولك اتجوزى دلوقتى
انا قصدى مستقبلا يا سلافه ربنا يرزقك بواحد ابن حلال ويحبك ويخاف عليكى
سلافة:طب انا هروح لفاطمة بقى عشان منتاخرش
جود:ماشى يا حبيبتى وسلميلى عليها
سلافه:يوصل سلام

سﻻفه  بصوت عالى:يا فاطماااااااااا
فاطماااااااااااااااااااا
فاطمة:ايه يا سلافه فى ايه وطى صوتك فضحتينى فى العمارة اسكتى هنزل اهو
سلافة: طب اخلصى بقى بسرعه
فاطمة:خلاص نزلت اهو مكنش دور مكسله تطلعيه تقومى فضحانا كدا
سلافة بضحك:مش كفايه انى هسافر وهتتحرمى من صوتى الجميل دا
فاطمة بضحك: ﻻ وانتى الصادقة هترحم من صوتك النشاذ دا
سلافه: يعنى انا صوتى وحش
فاطمة:مش قصدى يا سلافه بس صوتك عالى قوى والبنت المفروض يبقى صوتها واطى  وعندها حياء
وبعدين مفيش حاجة صوتها عالى غير الحمار😂😂
سلافه: انا حمار برضو
فاطمة:بهزر معاكى مبتهزريش
سلافه:ﻻ بهزر يختى
فاطمة:انتى ناويه  تشترى ايه
سلافه:والله  يا بنتى ما انا عارفه ادينا هنلف وخلاص
حاجة عجبتنا هنشتريها معجبتناش حاجة  نبقى ننزل بكرا
فاطمة:ﻻ بقولك ايه انا مش عاوزة اتاخر اكرم هيجى من الشغل الساعه 6 وﻻزم نرجع قبلها
سلافه:حاضر  هحاول متاخرش
وراحو المول التجارى
سلافه:ايه رايك فى الساعه دى يا فاطمة
فاطمة انتى مبترديش ليه
وبتبص ناحيه فاطمة ﻻقيتها بتبص على ام ومعاها ابنها الصغير والبيبى بيضحك وشكله كيوت اوى
سلافه:متزعليش يا فاطمة بكرا يبقى عندك عشر عيال ويجننوكى
فاطمة وبتمسح دموعها:بس انا مش عاوزة عشرة بس يجى واحد بس وانا مش عاوز حاجة تانى نفسى افرح اكرم يا سلافه
سلافه:ان شاءالله قريب  واعملى  Babies tubes كمان مرة وان شاءالله ربنا يكرمك
فاطمة:متقولى اطفال انابيب وﻻ حقن مجهرى يعنى انتى تعليم حكومى يا سلافه متعشيش الدور😂😂😂
سلافه:ياحبيتى انا دخلت حكومى عشان صحابى مقدرش اسيبهم لوحدهم انا لو كنت عاوزة ادخل انترناشونال كنت دخلت انتى متعرفيش انا متعلقة بصحابى وبحبهم قد ايه
فاطمة:عارفه يختى  دانتى هتنزلى مخصوص عشان فرح صاحبتك
سلافه:طيب ايه رايك تنزلى انت واكرم مصر معايا وبالمرة تغيروا جو  وترتاحوا من جو الغربه دا
انتو بقالكو قد ايه منزلتوش