سنة الحياة(مكتملة)

البارت الثامن عشر

سبحان الله وبحمده سبحان الله العظيم

طبعا كله عاوز يعرف مين اسر بص ياسيدى اسر يبقى جار هنا وساكن فى العمارة اللى قصادهم وبيحبها  وكان مسافر برا عشان يكون نفسه ويقدر يتجوزها  بس اسر كان فيه واحدة معاه فى الكلية بتحبه ومعجبة بيه وحالتها المادية كويسة جدا واعترفتله انها بتحبه وهتعمله كل اللى هو عاوزه بس يتجوزها بس هو رافض وقالها انه بيحب هنا ومش هيتجوز غيرها وطبعا فرح مع كل فلوسها اتعرفت على حنان واتفقت معاها
انها تجوز هنا بسرعة قبل ما اسر يرجع من السفر  وبكدا اسر يفقد الامل انه يتجوز هنا وينساها ويتجوز فرح 

طبعا عاوزين تعرفوا طب حنان ايه مصلحتها اولا ياسيدى حنان كانت بتكره والدة هنا جدا وخصوصا لان ابو هنا  اسمه رافت كان بيحب مامتها سعاد قبل ما يتجوز حنان بس طبعا حصل شويه مشاكل ومقدروش يتجوزوا وكل واحد شاف حاله واتجوز 

وسعاد ماما هنا اتطلقت ولما رأفت عرف حاول يرجعلها تانى واتجوزها على حنان  وبالتالى حنان من يومها وهى بتكره  سعاد لانها حاسة انها دمرت حياتها  عشان كدا بتنقم من هنا ومطلعه عينيها  

وثانيا حنان مش بتعمل كدا لوجه الله لان فرح  غنية واتفقت معاها انها هتعطيها فلوس كتير لو هنا اتجوزت واحد تانى غير اسر  وبعدت عنه 

اسر راح بيت حنان وجايب هدايا لهنا

اسر: السلامو عليكو

حنان باقتضاب: وعليكم

اسر بداية مبشرة بس مش مهم اهم حاجة  هنايا ودا  الاسم اللى بيدلع بيه هنا : عاملة ايه  ياطنط

حنان كل دا وهما على الباب: بخير 

اسر: امال هنا فين

حنان: مش هنا

اسر حس ان حنان بتكدب عليه لانه عارف ان حنان بيتكره هنا ومش عايزها تبقى مبسوطة: امال راحت فين 

واسر بيعلى صوته وبينادى ياهنا ياهنا

حنان: ماقولت مش هنا واتفضل بقى هوينا

اسر : وانا مش ماشى من هنا غير لما اعرف هنا راحت فين

حنان: راحت على بيت جوزها

اسر بصدمة: جوزها 

حنان دخلت وقفلت الباب واسر مصدوم 

حنان لما دخلت كانت مبسوطة (كل اللى هقوله عنها انها انسانه مريضة  والانتقام والحقد والسواد مالى قلبها ليه مفكرتش انها تعامل هنا كويس مش هتخسر حاجة ليه ما سامحتش ان جوزها اتجوز عليها وخصوصا ان الاتنين خلاص ماتوا ليه سابت الشيطان يستحوذ عليها  ويتسلى بيها 

عارفين كل واحد فينا زى مافى جواه الخير فبرضو جواه الشر  يمكن بنسبة اكبر كمان من الخير  بس الانسان لازم يتحكم فى نفسه صحيح النفس امارة بالسوء وهى اللى موديانا فى داهية والشيطان نشيط جدا فى شغله وبيوسوس للواحد بالشر بس لازم الواحد يتحكم فى الشر اللى جواه  والكره اللى جواه ومايسبهوش يكبر عشان محدش هيخسر غيرك وهيدمرك انت اول واحد)