سبحان الله وبحمده سبحان الله العظيم
ايات روحت البيت
وقعدت تعيط ومفيش حد فى البيت
احمد وصل بيخبط
ايات:ادخل يا احمد
وقعدو فى الريسبشن
احمد :مالك ياحبيبتى انتى كويسه
ايات بعياط:ﻻ يا احمد انا مش كويسه انا وحشه ووحشه اوى كمان
احمد قعد على اﻻرض قدام ايات ومسك ايديها
احمد:ﻻ انتى مش وحشه انتى احسن حد فى الدنيا دى كلها
ايات بعياط:ﻻ انا دمرت كل حاجة جرحت صحابى انا مش عارفة انا عملت كدا ازاى
احمد:طب اهدى واحكيلى ايه اللى حصل
ايات:مش هقدر احكى دلوقتى
احمد:طب مش مهم دلوقتى تعالى ننزل نتمشى شويه وتغيرى جو
ايات:ﻻ مش عايزة يا احمد
احمد:انا اسمى حلو كدا طب بصيلى طيب
ايات بابتسامة:بس يا احمد
احمد بيضحك:وبتتكسفى كمان طب يلا اخلصى والبسى بسرعه وانا هستناكى تحت
واحمد فسح ايات وجبلها هدايا وشوكلت كتير وغيرت جو
وحكتله عن اللى حصل
احمد :انا شايف ان احسن حل انك تعتذرى منهم وصحابك طيبين زيك وهيسامحوكى
ايات:تفتكر هيسامحونى انا خايفة ﻻخسرهم ومعدوش يكلمونى تانى
احمد:ﻻ ان شاءالله هيسامحوكى وحاولى مرة واتنين وتلاته كمان طالما انتى بتحبيهم للدرجاتى
ايات:بس انا جرحتهم اوى بجد يارب يسامحونى
احمد:بصى انتى حاولى معاهم واحدة واحدة بس شوفى حد طيب وبيسامح عشان هو اللى هيساعدك ان الباقيين يسامحوكى
ايات:خديجة اكتر واحدة طيبة وبتسامح بسرعة
انا هرن عليها
وبترن بس خديجة مش بترد عليها
احمد:متزعليش نفسك هتلاقيها لسه متضايقه شويه بكرا رنى عليها ولو مردتش ابقى روحيلها البيت
ايات بزعل:حاضر
فى الشركة بابا ادم
فى مكتب فتحى
فتحى:عامل ايه يا ادم
ادم:الحمدلله كويس
فتحى:ﻻ انت مش كويس
ادم: مين قالك كدا
فتحى:صوتك وطريقة كلامك على طول زعلان وسرحان مش عارف ليه
ادم بكدب: مشاكل فى الشغل يا بابا
فتحى:بس احنا الحمدلله معدش عندنا مشاطل فى الشغل هاه بقى مالك احكيلى
ادم:مفيش يا بابا انا كويس
فتحى:طب ايه مش ناوى تتجوز وتفرحنا بيك كدا وتخلينى اعجز وابقى جد
ادم:جايبلى عروسه وﻻ ايه
فتحى:اه عندى وهنروح الشهر الجاى نخطبها من ابوها عقبال ما يرجع من السفر ونسافرله
ادم:بس انا مش عاوز اتجوز دلوقتى
فتحى:ليه ايه اللى مانعك
ادم بكدب:مفيش مش حابب اتجوز بدرى كدا وبعدين انا مش بفكر فى موضوع الجواز
فتحى:وياترى هتفضل مصصم على رأيك لما تعرف ان العروسه هى سلتفه بنت ياسين الرفاعى
ادم بيضحك:بجد يا بابا وﻻ بتهزر
فتحى:ساعه لما جبت سيرتها وشك نور شكلك بتحبها اوى يا ادم
ادم بتاييد:اوى اوى يا بابا
بس سلافة مش هترضى
فتحى:ليه هى مش بتحبك
ادم:هى كانت بتحبنى بس مش عارف ايه اللى حصل فجاة عملتلى بلوك من كل حاجة ومش عارف اوصلها وانا مش فاهم ايه اللى حصل اصلت
وكمان ماما وسالى مش بيحبوها بمعنى اصح الدنيا متعقدة ومقفله من كل ناحيه
فتحى:كل عقدة وليها حل ومتشغلش بالك و مامتك وسالى ملكش دعوة انا هقنعهم
وكمان جبلى رقم سلافة لما اكلمها واعرف ايه اللى حصل
ادم:بجد يابابا هتعمل دا كله عشانى انت احسن اب فى الدنيا
فتحى: انا مفيش حاجة تهمنى فى الدنيا غير انك تبقى مبسوط ومرتاح فى حياتك انت واختك
ادم:طب مش هتاخد رقمها تكلمها يا بابا
فتحى بيضحك:مستعجل اوى اللى يشوفك دلوقتى ما يسمعكش وانت بتقول مش بفكر فى الموضوع دا دلوقتى
ادم:هو تليفونك فين
وكتب رقم سلافة
ورن
وفتح اﻻسبيكر
أنت تقرأ
سنة الحياة(مكتملة)
General Fictionرواية اجتماعية كوميدية هنشوف حكاية 5بنات شله بنات صحاب وهنشوفهم بجنونهم بحبهم لبعض بمصايبهم وشقاوتهم وضحكهم وهزارهم والحياه هتستمر ازاى وهتعمل فيهم ايه وكل واحدة ليها حكايتها المختلفه عن التانيه
