Unicode
"ဪ ... ဒီအိမ်ရဲ့ အရင်ပိုင်ရှင်ကို
စုံစမ်းချင်ရင် ဘယ်လိုစုံစမ်းရမလဲဟင်...?
ဖေကြီးကို မေးတာလဲမဖြေလို့..."သူတို့နှစ်ယောက်ထဲက တစ်ယောက်ယောက်ဆီမှ
အကူအညီ ရလိုရငြား တောင်းမိတော့...
ကိုကြီး အေသီယံက..."ကိုကြီး မေးပေးမယ်လေ....၊
ဘာဖြစ်လို့လဲ သဲ...?"သဲဦး၏ မေးခွန်းတိုင်းအတွက် ကိုကြီးဘက်က
တန်ပြန်လာနေသော မေးခွန်းတွေ ရှိနေတာက
သိပ်တော့ အဆင်မပြေလှ။"ဒီတိုင်း သိချင်လို့ပါ.. မေးပေးနော်..."
"အင်း အင်း.."
"သားလေး ဆေးသောက်ရမယ်......"
အခန်းထဲသို့ မေကြီး ဝင်လာကာ...
သဲဦးအတွက် ဆေးတွေ ယူလာချိန်...
ကိုကြီး အေသီယံက.."အန်တီ.....
ဒီအိမ်ကို ဘယ်က ပြန်ဝယ်ထားတာလဲ..?"ချက်ချင်းကို မေးချလိုက်သော
ကိုကြီးရဲ့ အမေးကြောင့် မေကြီး၏
ခြေလှမ်းတို့ ရပ်တန့်သွားသည်။"အရင်ပိုင်ရှင်ကိုတော့ အန်တီလည်း မသိဘူး၊
သူ့အဖေပဲ လုပ်နေတာ ဆိုတော့လေ...၊
ဘာဖြစ်လို့လဲ သား...?""ဪ .....ဘာမှ မဟုတ်ပါဘူး အန်တီ၊
သဘောကျလို့ပါ.."အေသီယံစကားကြောင့် မေကြီးက
ပြုံးလိုက်ကာ သဲဦးထံသို့ ဆေးတွေ
လှမ်းပေးနေသည်။"မင်းညှို့...၊ သဲဦးက စာလုပ်ရဲ့လား..? ၊
သားတို့အိမ်မှာ လိမ်မာရဲ့လား..?""ဟုတ် လိမ်မာပါတယ် အန်တီ၊
စာလည်း လုပ်ပါတယ်.."မင်းညှို့စကားကြောင့် သဲဥိီး ပြုံးလိုက်မိသည်။
စာသင်ချိန်ကလွဲပြီး စကား
ထိုင်များနေကြတာ မေကြီးသိလို့ကတော့....ထိုစဉ် မင်းညှို့ထံသို့ ဖုန်းဝင်လာတာကြောင့်၊
နေရာမှ ခပ်သုတ်သုတ်ထသွားကာ
ဖုန်းသွားပြောနေလေသည်။
ကိုကြီးလင်းညှို့ ဖြစ်ဟန်တူသည်။"သား ....အေသီယံရော...?
အလုပ်တွေ ပျက်နေဦးမယ် သားရယ်...၊ ""ရပါတယ် အန်တီ....၊ အန်တီလည်း နားလေ...၊
ညက သေချာမအိပ်ရသေးဘူးမလား..??
ကျွန်တော် သူ့နားမှာ ခဏ နေပေးလိုက်မယ်...."