Unicode
သဲဦး နိုးလာတဲ့အချိန် ပထမဆုံး
မြင်လိုက်ရသူက ကိုကြီးအေသီယံဖြစ်နေသည်။
"သဲ သတိရလာပြီလား...?
ကိုကြီး အန်တီတို့ကို..သွားပြော..."
သူ နေရာက ထလိုက်တာနဲ့ .၊
သဲဦး သူ့အား လှမ်းဆွဲထားလိုက်ကာ...
"ကိုကြီး ခဏ...."
သူက ပြန်လှည့်ကြည့်လာသော်လည်း၊
သဲဦး ပြောစရာစကားတို့ ပျောက်နေရသည်။
စွမ်းနောင်သန့်အကြောင်း ပြောမိလျှင်၊
သူ ဘယ်လိုတုံ့ပြန်မည်နည်း.။
"ပြောလေ သဲ၊ ဘာပြောမလို့လဲ..?"
"စွမ်းနောင်သန့်ဆိုတဲ့ လူကို
ကိုကြီး တကယ် မသိတာလား..?"
ထိုမေးခွန်းကို မေးရင်းနှင့်ပင်၊ သူ့မျက်နှာကို
သေချာ အကဲခတ်မိနေမိသည်။
သို့သော် အမူအရာ ပြောင်းလဲသွားခြင်းမရှိပဲ
အရာအားလုံး ပုံမှန်ပင်။
သူက သဲဦး ဘေးတွင်
ဝင်ထိုင်လိုက်ကာ...
"သဲက ဘာလို့ ဒီကိစ္စကို သိချင်နေတာလဲ ..? "
သူက မေးခွန်းပြန်ထုတ်တာကြောင့်
သဲဦး၏ အဖြစ်မှန်ကို ပြောလိုက်လျှင်
ကောင်းမလား ဟူ၍ စဉ်းစားမိသည်။
"သဲ မေးတာကိုပဲ ဖြေပါ ကိုကြီး၊
သဲကို မညာပဲနဲ့၊ စွမ်းနောင်သန့်နဲ့ကိုကြီးတို့ရဲ့
ပက်သက်မှုကို သဲ အကုန်သိချင်တယ်.....၊
ညာရင် သဲစိတ်ဆိုးမှာ...."
သဲဦးပြောလိုက်သော စကားကြောင့်
ကိုကြီး အေသီယံ တွေဝေသွားပြီး သက်ပြင်း
တစ်ချက်ချလိုက်ကာ...
"သူနဲ့က ရင်းနှီးခဲ့ပါတယ်.....
ဒါပေမယ့် ကောင်းတဲ့ ဆက်ဆံရေး မဟုတ်ခဲ့လို့၊
ကိုကြီး မေ့လိုက်ချင်တာပါ...၊
အဲ့တာကြောင့် သဲကိုလည်း မပြောပြချင်ခဲ့တာ..."
"ဒါဆို ...သူ သေသွားတဲ့ညက ..
ကိုကြီးလည်း လေသာဆောင်မှာရှိနေခဲ့လား...?"
ဒီမေးခွန်းတွင်တော့ ကိုကြီး၏ မျက်နှာက
အတော်လေးကို သိသိသာသာ
ပျက်ယွင်းသွားခဲ့သည်။
သူထိတ်လန့် တုန်လှုပ်သွားပြီး ထိုင်နေရာမှ
ထလိုက်ကာ..
"ဒီကိစ္စကို သဲကို ဘယ်သူပြောတာလဲ...?"
