Unicode
စွမ်းနောင်သန့် ဆယ်တန်းဆောင်ပေါ်က
ပြုတ်ကျသွားသည့် အချိန်တွင်၊ သူဟာ
ဆေးရုံကိုရောက်သည်အထိ
အသက်ရှိနေသေးသည်။
သို့သော် ....အရေးပေါ်ခန်းထဲတွင်
ဆေးကုသမှု ခံယူနေရဆဲဖြစ်သည်။
ထိုညက ကိစ္စကြောင့် အေသီယံ၊
ဟိန်းညှို့လင်္ကာနှင့်ဟန်ထွယ်အောင်တို့
သုံးယောက် သွေးပျက်လုနီးပါး ဖြစ်နေကြသည်။
သူငယ်ချင်းဖြစ်သူ အသက်ရှင်နေသေးသည်ကို
သိတာတောင် သွားမကြည့်ဖြစ်ခဲ့ကြ။
ထို့အတူ .....၊ အေသီယံ၏ ဖုန်းထဲတွင်
စွမ်းနောင်သန့်ဆီက စာတစ်စောင်
ရောက်နေတာကို၊ နောက်တစ်နေ့
မနက်မှ သိခဲ့ရသည်။
( လင်းကို သတ်လိုက်တာ ၊
လင်းညှို့လင်္ကာဆိုတာငါသိပြီးသွားပြီအေသီယံ..၊
ဟိန်းညှို့လင်္ကာကပါကြံရာပါ ဖြစ်နေတယ်၊
မင်းဆေးသုံးတာကို မင်းအိမ်ကို
ပြောလိုက်တာလည်း ဟိန်းညှို့ပဲ ၊
ပြီးတော့ လင်းအလောင်းကို ဖျောက်လိုက်တဲ့
အထဲမှာ ဒုရဲအုပ် ဦးဗညားခန့်ပါ
ပါဝင် ပက်သက်နေတယ်၊
ငါ့ကို ကျေးဇူးပြုပြီးကူညီပေးပါ....၊
မင်းမိဘတွေသာဆို ဒီကိစ္စကို
ကူညီပေးနိုင်လိမ့်မယ်ထင်တယ်.....)
ထိုစာကို နောက်ကျမှ တွေ့ခဲ့ရခြင်းက၊
အဖြစ်သင့်တဲ့ မတော်တဆမှုကို
ဖြစ်သွားစေခဲ့သည်။
သို့သော်.....၊ ဤဖြစ်ရပ်တွင်သဲဦးရဲ့ အဖေ
ဦးဗညားခန့် ပါဝင်နေတာကြောင့်၊
စာကို စောစောတွေ့ခဲ့လျှင်တောင်၊
စွမ်းနောင်ကို ကူညီပေးဖြစ်မည် မဟုတ်ပေ။
ကလေးလေးသာ ရှိသေးတဲ့
သဲဦးရဲ့ ဘဝလေးကို အပျက်စီးမခံနိုင်။
သဲဦးဘဝလေးဟာ အပူအပင်
ကင်းကင်းနဲ့ ပျော်ရွှင်ချမ်းမြေ့စွာပဲ
ဖြတ်သန်းရမည်။
ထိုသို့ ဖြစ်ဖို့ရန် စူးငြောင့်ခလုတ်တွေကို
ဖယ်ရှားရန် လိုအပ်ပေသည်။
ထိုအတွေးနှင့် အတူ၊ အေသီယံ
ဦးတည်မိသည့် ခြေလှမ်းတို့က
စွမ်းနောင်သန့် ဆေးကုသနေရာ
ဆေးရုံဆီသို့.....။
လူနာကုတင်ပေါ်တွင် ငြိမ်သက်စွာ
လှဲလျောင်းနေသော စွမ်းနောင်သန့်အား
အေးစက်စွာ ငေးစိုက်ကြည့်နေမိသည်။
