الـبارت الأول
.
.
روايـة #حـكايـتي💔
.
.
نضت الصبح ع صوت ماما
ماما..بنتي هيا نوضي بنرفعوك لحوش جدك وبنمشو نعزو هيا وقت
اني..اااه ماما باهي
نضنا فطرنا مع بعض كلنا ومشينا لحوش جدي😒
.
.
اني..ماماا ماتعطلوش برو عزو وتعالو بالله عليكم😔تخلونيش بروحي
ماما..شن كلام التخريف هدا وين خليناك احني مش عند غريب عند عيلت جدك اهو صغار عمك وعمامك واحني تو شوية ونجو
طلعت ماما وخدت قلبي معاها كان قلبي مقبووض ومانبيهمش يمشو ابتسمت رغما عني ومشو
جدي..خيرك مقعمزة بروحك بري قعمزي جنب صغار عمك
اني..جدي مايحبونيش😔
جدي..كيف مايحبوكش
اني..ديما يشبحولي بشبحات كره ومرت عمي ديما تقول لأحمد ماتكلمهاش وماتجيش تلاها
جدي..تعالي قعمزي بحدا جدك اهني ياروح جدك هي
قعمزت بحداه وقعد يهدرز ويحكيلي ع بابا وعمامي ايام زمان وشن دارو من عمايل ومن هالكلام💁 واين نضحك معاه
.
بعد ساعات جي تلفون لجدي في الاول كان صوته عادي بعدين تغير لي..وييينهم وشن صااارلهم تكلممم
...الراجل في العناية والمراء عطاتك عمرها
جدي..ولددددي
طاح منه الفون وجيته نجري..جدددي شنو في ياجدي
جدي..بوك وامك يابنتي دارو حادث😳
اني..😳😳مااااما بااااباااا لااااااا😭😭😭😭
جدي..وين عمامك وين الاولاد تي خيرهم اختفو تووووا
احمد..جدي خيرك تعيط شن في
جدي..اااه باهي لقيتك بسرعة اركب سيارة لي مستشفى الحوادث بسرررعة
ركب احمد
اني..بنمشي معاااكم😭😭
احمد..ناقص غير نرفعك معاي قعمزززي
جدي..خليهااا😡
ركبت معاه وطلعنا نجرو
مرت عمي..شن في خيرهممم طلعو يتجارو
مها..مش عارفة نشبح في نور تبكي وجدي راعش ووجهه اصفر واحمد سمع جدي يعيط مشاله يجري وركبو سيارة ومشو
مرت عمي..ربي يستر اتصلي بأحمد شوفيه وشوفي بوك كلميه باش يكلمه ويكلم عمامك ويلحقوه
.
.
نعرفكم علينا خشيتلكم طول في الاحداث🖤
اني نور وحيدة امي وبوي دلوعتهم والي نبيه نلقاه💙مواليد 1996 نجحت من شهادة ورفعت الراس❤ وفرحت عيون ناس وقهرت عيون ناس💁
قصيرونة بيضة شعري طويل ولونه اسود عيوني عسليات🙈رموشي طوال شعري ناعم مهتمة بنفسي هلبا مش متحجبة👯
بابا عادل يخدم ليل نهار دكتور لعند ماولا مدير في العام والخاص دار عيادة وتهنينا وكانت حياتنا حلوة
اني واحمد خوت بالرضاعة بس مايعرف حد غير امي ومرت عمي وبوي وجدي وعمي💔
.
اني..ياربيي ياااارب😭😭تنوضهم
جدي..اااه🖤
احمد..من هماا شن في ياجدي
اني..ماما وباباااا دارو حااادث😭😭
وصلنا للمستشفى وخشينا
اني..وينهمم وينهمم
جدي..احمد شدها ماقلتلهاش ان امها ماتت اني والله ضغط ركبلي معاش قادر حتى نوقف كلم بوك وعمامك
احمد..خلاص نور اهدي نوور
اني..شن نهدااا وينهم 😭😭
احمد..نوور انتِ مؤمنة بقضاء الله وقدره صصح؟
اني وقفت وشفتله..شششن في😦
احمد..امك عطاتك عمرها😔
اني..لااااااااا كدددداب انت كددداب معاش تكدددب😭😭😭
قعدت نخبط في احمد ونعيط لعند فقدت الوعي
جدي..ياممرضاااات تعااالو
جو قاموني وحطوني في غرفة وعطوني مهدء
قعد احمد جنبي وطلع جدي شاف جثة ماما كانت متبهدلة
جي لي ماما..مشيتي ياغالية مشيتي يالحنينة يالي ربي ماطعمنيش ببنات طعمني بيك انتِ مشيتي يابنتي💔مشيتي وخليتيني من بيقولي ياببابا دواك توا وقته من بيقولي تعالى اشرب شاهي عندنا من بيقولي تعالى يا بابا بلكي مضايق احكيلي خيرك من بيساعدني من بيعطيني افكار ويقترح عليا كلهم همهم فلوس وبس لكن انتِ كان ديما همك ان اني نفرح ونكون مرتاح والله نكسرت فيكم انتم الزوز😭الله يرحمك ويوسع عليك
وغطالها وجهها وطلع وهو يبكي
احمد..جدي حق عمي قلبه نبضاته ضعفو وتوفى!!!
جدي..ايه ياولدي عمك الحنين مااات💔 ومرت عمك الي دايرة بالها عليا مااااتتت من مزااال قعدلي في هالدنيا😔ااااخ ياكسرتي فييكم😭
وشوية وخش جدي على بابا الي كان في العناية ومغطيينه
جدي..مشيت ياغالي مشيت ياولدي ياسندي😢لحقت امك ياولدي ااااه ياكسرتي فيك الله يرحمك ويوسع عليك يارب
اني نضت وطلعت برا نشبح في احمد قدام العناية مشيتله..احممد بباباا
احمد حضني..الله يرحمهم😔
اني قعدت نخبط في ونعيط بأعلى صوتتي..علااااااش يااااربي😭😭😭لاااااااااا ماماااا بابااااااا😭😭😭😭احمد والنبي احمد نوضهم قلهم ماتبصروش معاي احمد بالله علييييك😭😭😭
احمد يوقف فيا واني نعيط ونبكيي💔لعند جت الممرضة ضربتلي يبرا وشوية وارتخيت ودخلوني للدار
.
احمد جنبي ودموعه ينزلو كل مايسمع جدي كيف يتكلم بصوته العالي
نضت اني ولقيت روحي راقدة..اني وين كنت نحلم صح😊وين ماما احمد اكيد برا ناديلي عليها ارجوك
احمد وقف جنبي.. خلاص عاد والله تقطعيلي في قلبي هكي
اني..احمد شن نقطعلك في قلبك هدي نبي ماما وبابا ناديلي عليهم لو سمحت
احمد..اااه ياربي خلاااااص خلاااااص فيقي ع عقلللك بوك وامممك ماااااتو
اني..هههه شن ماتو تو نطلعلهم اني
طلعت من دار ووراي احمد
احمد..نور نووور فيقي ع عقلك امك وبوك خلاص ماتو
اني..ياسر يااااسر شن ماتووو شنننن
احمد تغمرني..والله ماتو والله مانكدب عليك قضاء الله وقدره الله غالب هدا مكتوب من ربي
اني مصدومة ومش قادرة ننطق بكلمة ومعاش قدرت نتكلم
احمد..قولي لا اله الا الله وهدا حكم من ربي تبي تعارضي ربي انتِ ؟؟ طبعا لا خلاص نديرلك الي تبيه بس معاد تبكي ادعيلهم بالرحمة
اني نشبحله ومش قادرة نبي ننطق نتكلم بس مش قادرة نقول شي
احمد يخبط ع وجهي..نوور خيرك ساكتة تكلمي
اني عيطت بأعلى صوتي كنت مش مصدقة الكلام الي يقولو فيه 💔وكانو يشدو فيا واني نعيط ونبكي نبي نخشلهم😭
دخت تاني وعطوني مهدء ورقدت واحمد يبكي ع حالتي لا خو ولا بو ولا ام ولا حد يحبني في العيلة زيادة
منار..ايوا حبيبي وينك من بكري واني نتصل بييك
احمد..خيرك شن في
منار..شي بس انت من بكري تسكر عليا
احمد..عمي ومرته توفو اليوم في حادث
منار..لا اله الا الله عظم الله اجركم
احمد..شكر الله سعيكم
منار..وين انت
احمد..مع نور في المستشفى
منار..من نور
احمد..هدي بنتهم ماتو وعندهم بنت بس
منار..قصدك الحادث هيا كانت معاهم
احمد..لااا خلوها في حوش جدي وهما طلعو
منار..باه خيرها في المستشفى
احمد..انهارت تنوض تبكي وتصيخ وجعتتتني قطعتلي قلبي
منار..يارووحي الله يرحمهم صاعبة الزوز في مرة وحدة💔💔
احمد..تقطع القلب
.
.
روحنا بيهم درنا العزي واني طول الوقت مانتكلمش بكل ماقدرتش ندوي ومافي حد ملاحظ عليا ان اني فجأة معاش قدرت ندوي
فات العزي وروحو خالاتي ونساوين خالي
واني في حوش جدي وين ماحطوني هما🖤 وكل مرة نذكر في كلام ماما كيف قالتلي (شن كلام التخريف هدا وين خليناك احني مش عند غريب عند عيلت جدك اهو صغار عمك وعمامك واحني تو شوية ونجو)
وينكم ياماما وبابا باش قلتو شوية ونجو توا ليكم اسبوع💔💔
قعدت اني وجدي وحوش عمي الي ولدهم احمد فوقنا
جدي..خيرك يابنتي مادويتي ولا كلمة من هداكا اليوم
اني نشبحله ونزلو دموعي ع طول
جدي مسحلي دموعي..معاش تبكي خلاص والله قطعتيلي قلبي بس ادوي اي كلمة ماتقعديش ساكتة هكي
اني..😭
حضني جدي وقعد يمسح عليا واني نبكي ودموعي مش قادرين يوقفو وكل مانذكر شكلهم وهما في ثابوت نزيد نبكي اكتر واكتر💔
بعد فترة لاحظ عليا الكل ان مانتكلمش ومعاش تكلمت بكل
كنة عمي..ياجدي نور ماتتكلمش قداش ليها؟
جدي..ليها من يوم توفو امها وبوها
كنة عمي..غللللط ساكتين عليها هدي جايتها صدمة ولازم تعاينوها
جدي..اكيد صدمة من موتتهم الزوز
كنة عمي..فاهمة عليك بس مفروض ترفعو تعاينوها راهو غلط قعدتها
جدي..كيف قصدك ضروري تعاين عليها اني وين نندري نحسابها فترة وتمشي وعادي تتكلم
كنة عمي..لالاااا هدي والله لازم تعاينوها وفورا
جي احمد ورفعني اني وجدي وعاينوني
دكتور..شن سبب الصدمة!!
احمد..بوها وامها توفو مع بعض
دكتور..امممم عظم الله اجركم صعب وضعها
احمد..ايه
جدي..تو ياولدي كيف نديرو
دكتور..لازم تجيني كل يوم حنديرو الي علينا لعند نخلوها تحكي وبإذن الله هي حتحكي وحتقول كل شي
جدي..يعني مسألة وقت!!
دكتور..ايه
اني نسمعلهم ومش معاهم اصلا💔
فات يوم ورا يوم ورا يوم وحياتي ولت ابيخ بككل
كنت انوض نضم ونطيب لجدي ويوكل فيا بالسيف كل مانتفكر ماما نتفكر كيف تعطي في جدي في دواه طول انوض نعطيه دواه ونقعمز نتفرج وكل ما حد يقول ماما او بابا قدامي تنزل دمعتي بسرعة
.
.
بعد شهرين
.
.
اني..جدي
جدي..شنوو
اني..جدي
جدي..ااااه الحمد لله ياربي الحمد لله ترا عاوديها
اني..جددي😊
جدي حضني..بنتي انتِ الحمد لله ياربي سمعت صوتك😍
اني..نبي نمشي حوشنا
جدي..اااه علاش
اني..نبي ناخد حوايجي معاش سادني الي اهني
جدي..باه شن رايك نمشي نجيبهم اني
اني..جدي اني نبي نمشي
جدي..باه هاك بري ولعي سيارة واني طالع
ولعت سيارة وركبت وجدي جي وبدي يسوق ومشينا لحوشنا
اني..راحو الي يستقبلو فيا اول مانخش
جدي..💔بنتي اني اهني خشي جيبي حاجتك وتعالي مانقدرش نخشله الحوش
اني..باه
نزلت وفتحت الباب وخشيت وخش جدي قعمز ع طاولة الي في جنان ..اهني كانت تستنى فيا💔
جدي..😔
خشيت فتحت باب الحوش دخلاني وخشيت ريحته وريحت ماما وبابا قاعدة في الحوش💔 خشيت للمطبخ..ماما اني جييت💔
تخايلتها واقفة وتبتسملي ركبت لداري ولقيتها مضمومة..ياحبيبتي ضامتلي داري قبل ماتطلع💔
فتحت شنطي ولميت فيها حوايجي كلهم وكل حجاتي وسكرتها وطلعت وسكرت الدار بالمفتاح وشفت دار ماما وبابا مفتوحة خشيتلها
اني..بابا قاعد راقد هيا نوض كان بتتغدا😓
كانت اكتر جملة نقول فيها لبابا وينوض ويطيح فيا ع سرير ويقعد يدغدغ فيا ويلعب بشعراتي ويقولي بنتي المدللة احلا اميرة في دنيا مسحت دموعي وسكرت الدار بالمفتاح ونزلت شفت وسط الحوش اكتر قعداتي فيه اني وماما ودعته وقلبي محرووق بدمعةةة شوووق💔✋🏻
سكرت الباب بالمفتاح وطلعت لجدي لقيته حاط راسه ع طاولة وجيت جنبه..جدي
قام جدي راسه وشافلي وتكلم بصوت مخنوق..تميتي
اني..ايه😔
جدي..هدا حوشك ومش حيتسكر وحتجيه ديما
اني..مش حنقدر نخشله تاني بعد اليوم😔
جدي..بعد فترة حتقدري ردي بالك تبيعيه او اديري فيه شي والحوش بإسمك بوك من فترة كتبهولك وعطاني الاوراق اني
اني..شن ينفع رزق الدنيا اذا كان هما مش فيه😔
جدي..الله يرحمهم يابنتي ويوسع عليهم
اني..الله يرحمهم
حط جدي الشنطة من تالي وركبنا السيارة ومشينا💔
روحنا للحوش وخشينا وخششت شنطي
خش جدي لداره.. بنرقد نوضيني العصر
اني..باه ارتاح
نزلت مرت عمي..وين كنتو؟
اني..مشيت جبت حجاتي من حوشنا
مرت عمي..تكلمممتي
اني..شنو
مرت عمي..بديتي تدووي😳
اني..اه ايه اليوم
مرت عمي..باهي مبروك
اني..يبارك فيك
مرت عمي..وانتِ بتعيشي اهني!
اني..امالا وين
مرت عمي..اسمعي يابنت اني عندي ولد شن تعيشي اهني وزيادة مش متحجبببة لا والله ناقصني اشكال زيك وين نندري عليك اني شن ناوية
اني..ووين تبيني نمشي وشن كلامك هدا الي تقولي فيه عيب عليك
مرت عمي..بري لي خالاتك والا حوش جدك مع خوالك احني مش ملزومين بيك ره جدك اليوم رجل في القبر ورجل التالي وولدي تحلمي تاخديه
اني..لحضة لحضة انتِ شن تقولي شن ناخد ولدك هدي خيرك ولدك زي خوي وبس وهو هكي معتبرني وبعدين ولدك خاطب وحدة تانية شن بناخد فيه هدي خيرك وشن مش ملزومين بيا اني الي مش ملزومة بيك حبيبتي نقدر من توا نمشي ونعيش في حوشي بس مانبيش نخلي جدي بروحه
مرت عمي..والله وطلع عندك لسان
اني..كلنا عندنا لسان مافيش حد ماعنداش مرت عممي😉 وردي بالك تفاولي على جدي بالموت مرة تانية وماتنسيش ان الموت مش ع الشباني بس الموت عليا وعليك🙂باهي مرت عمي؟؟
خشيت للحوش وسكرته في وجهها
ركبت هيا ومغلولة مني
اني..ناقصني هيا اني ياالله نعاني همي النهار الاحرف
خشيت تفرجت شوية ونضت صليت العصر ودعيت ربي ان يفرجها عليا ويحميني
نضت ومشيت نوضت جدي ناض وصلى
جدي..يا نور ترا ديري طويسة شاهي قنينة هكي وجيبيها في جنان
اني..حاضر جدي
درت شاهي ودرت قهوة ليا اني وطلعتهم للجنان وقعمزت اني وجدي في جنان وكنت لابسة جسكار وتيشرت نص كم وطالقة شعري هكي ديما نطلق فيه لانة بابا يحب شعراتي مطلوقة💔الله يرحمه
جدي..بنتي امتى تبدا قرايتك
اني..مزال كيف سجلت اني ياجدي تو لين ينزلو قوائم
جدي..باه يابنتي ع خير
اني..جدي
جدي..نعم
اني..ءء مرت عمي بكري قتلي كلام
جدي..شن قتلك
اني..مانبيش نقول كلامها ونضايقك بس بنسئلك جدي انت وعمامي مضايقين مني؟؟
جدي..من قال هالكلام
اني..سئلتك بس جدي
جدي..لا يابنتي من بيضايق منك هو في حد يضايق من وحدة زيك ؟
اني..به
جدي..نعرفها الحربة هدي اشبح شن قتلك من كلام يضايقك
اني..ايه هي قالت هلبا كلام يجرح😔
جدي..ماتعدليش عليها خليها تدوي بروحها وخليك قوية وردي بالك من روحك ردي بالك تخلي حد يعفس عليك انتِ يابنتي امك وبوك مربيينك احسن ترباية وبس فيك شي مش عاجبني الي هوا مش قوية😊 امك اول ماجت هكي كانت بس مع الوقت قعدت نعلم فيها وننصح فيها ولت قوية ومش ضعيفة لكل شخص يهزها لااا وحتى انتِ الي يرميك بوردة ارميه برصاصة افهمي يابنتي شن معنى كلامي مافي حد في الوقت هدا يحبك صح الا شوية بس والباقي الي اتم مصلحته بببح معاش تلقيه فهمتي ف يابنتي افهمي عليا شوية اني مانرضالك كان الخير وردي بااالك حد يضحك عليك او تخلي هما يهزو عليك اسمعيني جاي راه نساوين عمك كلللهم كل وحدة اضرب من تانية مايحبوش امك لانة كنت اني مدلعها ونحبها ومدايرها بنتي لهدا السبب يكرهوك حتى انتِ ف ردي بالك ان ياخدوك بكلامهم المعسول ويديرو روحهم يحبوك كلهم عيونهم ع مال بوك ره ركزي معاي كويس اول شي تجاهليهم والي يقولك كلمة اعطيه بدالها عشرة الي يجيك ويطلب منك فلوس او مساعدة طنشيهم تعطي الغريب ولا تعطيهم
اني..بس الي يحتاجني مانقولاش لا ياجدو
جدي..اي اوك معاك بس اعرفي من الي لما تحتاجيه يعطيك يعني يجي وياخد ويطلب ولما تحتاجيه يهرب منك هدا شن تراجي منه؟؟
اني..ايه صح
جدي..انتِ توا بتبدي تبني مستقبلك بتبدي جامعة الجامعة صعبة ومش زي الثانوي والاعدادي والابتدائي انتِ بديتي في مرحلة جديدة واعرفي كيف تبدي فيها صح اعرفي كيف تمشي صح خلي ديما بوك قدام عيونك خلي الناس تقول هدي مشاءالله عليها عمرها مادارت عيب رفعت راس الي رباها ارفعي اسم بوك وعمرك ماطيحيه او تخلي حد يلعب عليك بنتي خليني واثق فيك وخلي ثقتي فيك في مكانها
اني شديت يدين جدي..جدو اني عمري مادرت شي غلط وبإذن الله ياجدو بإذن الله حنكون قد الثقة الي عطيتهالي😊
جدي..اني كلمت احمد توا بيجيبلك حاجة😊
اني..جدي ياريت تباعده احمد عليا
جدي..علاش دارلك شي غلط؟؟ وبعدين هدا خوك
اني..لاااا والله ماريت منه حاجة غلط بس امه
جدي..فوتيها هدي
اني..اني مانحبش من يوصل فيا
جدي..تعرفي تبي طريحة انتِ شن كنت نقول اني انتِ بتشوفي اكتر من هكي واحرف من هكي ولهدا السبب قتلك خليك قوية بما ان اني معاك والله مادقك شوكة بس يابنتي ماتعرفي دنيا شن يصير فيها
اني..لا والله مانتحمل لو انت صارلك شي نموت ياجدي يكفي الي صار فيا😭
جدي..لالا عاد بلا بكي اششش هدا حكم وقضاء من ربي يابنتي مكتوب من ربي
ع خشة عمي
عمي..هدي قاعدة تبكي🙄
اني شفتله بصدمة ورن في وداني كلام جدي
جدي شافلي وشافله..وانت مالك ومالها
عمي..خلاص ماتو الله يرحمهم بتقعد 24ساعة شادتهالنا نكد وبكي
جدي..يا عبد الله برا مرتك تستنا فيك🙂
عبدالله..ديما تسكت فيا انت تو تكبرلها في راسها عقاب فرخة تخليها تركب علينا
بيييب ببيييب
وخشت سيارة حلوووة ولونها احمر تهبللل
اني..حييي محلاااها😍
جدي..عندي معاك كلام تاني انت وهدي بنتي ومش حتقدر تجرحها وتبهدلها انت ومرتك ع كيفكم فاااهم وايه بنركبها ع كتافكم😏ترا حول من عليا مش فاضيلك توا
احمد..وهدي الي طلبتها ياجدي وهدا المفتاح
جدي..المفتاح اعطيه لي نور مش ليا😊
احمد..تفضلي يانور هي 😉
اني..ءءء نننعم هدي لييا؟؟؟
جدي..ايه ياستي هدي لييك ومن غدوا بتجي مدربة ادربك ع السواقة باش تمشي جامعتك بسيارتك😊
اني دمعو عيوني وحضنت جدي..ربي يحفظك ليا😢
جدي..هي اركبي فيها احمد ديرو بيها دورا وتعالو بنهدرز مع بوك شوية اني هاك فلوس اشريلها حاجة حلوة
احمد..حاضر
ركبت اني السيارة ع طول وركب احمد وطلعنا
عبدالله واقف ويتفرج وهو يغلي..😠
اني..😳
جدي..😒
.
.
.
إنـ شاءالله تنـال إعجـابكم يـارب😍وهيا نبي تفااااعل🔥 بتفاعلكم تزيدو تشجعوني إن انزللكم أكتر وأطول😌❤ ورمـضان كـريم👀💕
.
.
الـكاتـبـة #حـنـو💛
