البارت #الـثامـن_عـشر
.
.
.
روايـة #حكـايتـي
.
.
.
بدرية..والله حسب مافهمت من كلامه ان صارت مشكلة وجو زي هدا وبدو يخشو بينهم مفرخ الحرام ف قالي احسن شي نتزوجو خير من هكي يصير كل يوم مشكلة وموضوع جديد🙂وهو حسيته يبي يسافر بيها وتكمل قرايتها برا وهكي احسنلها وافيدلها😊
عبدالهادي..ايه بااه
بدرية..ايه وامس كلمتني عزوزة سوسن وقتلي قولو الموعد الي ينسابكم ولدنا واتي وكل شي واتي احني نستنو فيكم انتم بنقولها بعد شهر ونحددو التاريخ
عبدالهادي شاف لسوسن وقلبه وجعه ع طلعت بنته واضايق..باهي ان شاءالله
بدرية شافتلها..حتى اني قلبي واجعني صعبة طلعتها
عبدالهادي تنهد..ربي يهنيهم
بدرية..ايه ان شاءالله
ركبت سوسن بعد ماكملت دوتها مع خوتها لدراها وفتحت فونها وهدرزت مع محمد وحكتله ع العرس ان يبوه بعد شهر
فرح محمد وقريب طار ان خلاص بعد شهر سوسن بتكون عنده❤❤
.
.
.
.
في مكان تاني💭 في دار وين ماكانت آسيا متسطحة وتفكر شن صارلها وكيف وصلت لهلمواصيل عطشت شافت لأمها الي حاطة يدها ع خدها وتفكر💔
آسيا..ماما نبي اميا
امها بدون ماتشوف لوجهها..هاك
خدت آسيا الطاسة ولوحتها ع الحيط
امها نصدمت..شن درتتتتي
آسيا..خلااااص عييييت راهوووو فهمنا ان اني غلطططت لكن مش لدرجة هدي تعاملو فيا زي الكلبة راه والله عيييييت وفديييييت
امها..موتي خيرلك
وطلعت من دار خشت لدارها وقعدت تبكي ع الي صاير فيها وع معاملتها لبنتها كان بودها ماتعاملهاش هكي بس ادير هكي باش تعاقبها وترجع لعقلها💔
قعدت آسيا تبكي في دارها ومش عارفة كيف ادير خدت مرشة الطاسة وبتجرح روحها بس تفكرت شن مدايرة وشن صارلها خافت ونحت لوحتها المرشة
هني نجو من شن خافت آسيا .. خافت من الي بتلاقيه لييش لانها قعدت تتفكر في صلاتها الي ولا ركعة صلتها ولو صلتها كانت بضغط من امها وبوها وماعمرها صلت بخشوع ولا شكرت ربي ع شي ولا استغفرت فكرت انها ناسية ربها ناسية دينها ناسية كل شي وهي ماشية تجري في الدنيا وناسية حياتها مع ربي فكرت كيف بتقابل الله سبحانه وتعالى لو هي قتلت روحها حيكون عقابها عسير ومع الي مدايراته من ظلم وحسد وكره تفكرت كل بنت حسدتها وخربت حياتها تفكرت كل شخصين فرقتهم من بعض وتحسبو فيها💔تفكرت البنت الي قتلها حسبي الله ونعم الوكيل فيك وزي مادرتيلي ربي حيردهولك ماتفرحيش باللي انتِ فيه حيجي يوم حيتنحى منك كملت بكي آسيا ومعاش سكتت مافيش حاجة حلوة في حياتها وماحستش انها دارت انجاز في حياتها نهائي طلعت من دارها خشت للحمام قعدت ادوش و تبكي
جت الشغالة لي امها..ماما آسيا في همام تبكي
ناضت امها طول قعدت اطق عليها ع الباب
آسيا تبكي وماتردش وكانت فاتحة اميا سخونة ومبردتها شوية بالمصقعة قعدت قريب ساعة وامها اطق عليها و ميرا معاها وخوتها يطقو وهي ماتفتحش شوية وفتحت الباب طلعت لابسة بيجامتها ولافة شعرها شافتلهم كلهم استغربت..خيركم؟
ميرا..احني منشغلين عليك وانتِ مستمتعة داخل
آسيا..ماسمعتكمش اسفة
امها..انتِ كويسة
آسيا..شن يهمك؟
محمد..تكلمي كويس خير مانكمل عليك
شبحتله آسيا بضعف..اسفة
ومشت للدار وسكرتها قعمزت جففت شعرها وستشوراته وطلعت من دار تنادي ع شغالة
جتها طول
آسيا..جيبيلي المصلية وتعالي نضفي دار مكسر فيها مرش واميا
الشغالة..ءء بابا منبه علينا ان مانديرولك شي وكله ديريه بروحك اسفة
ومشت
آسيا تكنطت خشت لدار اختها..وين تحطو في الصلاية
ميرا..ههههههه و تعرفي القبلة انتِ؟
آسيا..ماتختبروش صبري اعطيهالي واسكتي
ميرا..هاك خودي متعي
خدتها آسيا ومشت خشت للدار وتفكر في القبلة وتفكرت استهزاء اختها مابتش تقولها خافت تستهزا عليها تاني مشت لأمها
امها..ها نعم
آسيا..وين القبلة
امها شافتلها شوية وبعدين تكلمت..هكي
آسيا..به
مشت وخشت دارها بدت تصلي بشوية ومكانتش المرة هدي مستعجلة كانت تصلي بخشوع وبكل حب💕
كملت صلاتها تلفتت لقت امها تلملها في المرش وتمسح في الميا وعطت للشغالة تلوحه وضمتلها دارها
آسيا..اني اسفة ماما
امها شافتلها وتلفتت دمعتها في عينها..كنتي تفكري قبل ما ديري هدا كله😏
وطلعت من دار
قعمزت آسيا ع سريرها وهي مرتاحة نوعاً ما وحست انها ضيعت هلبا من حياتها في حجات تافهة وماتستاهلش
ناضت من مكانها وخشت لدار ميرا الي كانت تضحك وتهدرز مع حبيبها
ميرا..حبيبي شوية ونكلمك
خطيبها..اوك
آسيا..اديري عليا في دور العفيفة وانتِ تتضحكي مع حبيبك
ميرا..مش حبيبي وبس هدا خطيبي بيولي
آسيا..كيف
ميرا..جاب اهله وعجبتهم وتكلمو وهكي وبابا سئل ووافق عليهم واموري تمام الحمدلله والشكر ليك يارب ايه و خطبتي الاسبوع الجاي😊
آسيا..كيييف اني مانندري ع شي
ميرا..هكي صار ياحنة تفضلي شن تبي
آسيا قعدت تلعب بأصابعها بتوتر ومنزلة راسها لوطة..كنت نبي نبي نبيك تشرحيلي شن ندير باش يسامحوني
ميرا..تحاولي تكسبي ثقتهم من جديد
آسيا..بس كيف وهما مافيش حد عاطيني وجه تي حتى ماما تي شغالتنا مكانتش تشوفلي بنظرة زي قبل توا تشوفلي بنظرة عادية و لما نكلمها ولا كأني نكلم فيها
ميرا..هدي تعليمات بابا
آسيا..باه علاش هكي اني نبي نصلح من روحي هكي هما مش مخليلي فرصة😢
ميرا صخفتها اختها..تعالي
آسيا..شنو
ميرا..تعالي قعمزي جنبي
آسيا..مانبيش نضايقك بنخش لداري
ميرا..تعالي بس
جت قعمزت جنبها ميرا حضنتها وتكتها ع رجليها وتلعبلها بشعرها..اسو اختي الصغيرونة الشطانة المشاكسة
آسيا..هههههه
ميرا..ليش وليتي شريرة هكي كنتي حتى بشطانتك بريئة
آسيا..نقولك علاش؟
ميرا..قولي
آسيا..البنات غيروني
ميرا عقدت حواجبها..كيف
آسيا..هما خلوني هكي هما خلوني تافهة مستهترة صح اني عندي عقل ونفكر بس مشيت في هواهم وماكنتش نندري ع نفسي هكي بيصيرلي
ميرا..الله غالب بس انتِ توا نادمة بجد!
آسيا ناضت قعمزت بحماس..ايه نبي نطلب منك حجات
ميرا..شنو تلفون ونت وهدا كله طلعيه من راسك بابا يقتلني
آسيا..لالا
ميرا..امالا شنو
آسيا..اني خربت حياة هلبا ناس وكنت الي نبيه نوصله بأي طريقة كانت نبي نعتذرلهم وناخد منهم السماح لاني بديت من كتر مانفكر فيهم خلاص معاش نرقد بجد😔
ميرا..هيييي لمن درتي منغير نور
اسيا..هلبا بنات ونعرفهم ونبي نمشيلهم في حياشهم
ميرا..كيف
اسيا..انتِ حتقنعي بابا قوليله بتمشي تعتذر من نور لانة حتى هيا من ضمن القائمة الي بنمشيلها
ميرا..كم بنت
آسيا..وحدة متزوجة وخشيت بينهم وكذبت كذب والله رجالتهم ماخصنيش فيهم اني كذبت وفتنت بينهم ووحدة مرتبطين شفته جابلها ايفون وساعة وسمعته قالها امتى بتكوني معاي وحنعيشك اميرة وحنجيبلك الي محرومة ممنه هيا يناري حالتهم المادية هلبا ضعيفة وهوا عكس وقنين وهكي المهم فرقت بينهم وفبركتلهم صور وسيباته هيا وهو قاعد يبيها ويجري جرتها مشيت حتى هوا كلمته بصفتي صاحبتها وقتله هيا نخطبت وعرسها قريب وكانت تلعب بيك وهو بعد الخبر هدا سافر و في وحدة مخطوبة وهدي قعدت كلمتها ترن في ودني لعند توا قتلي حسبي الله ونعم الوكيل فيك وتلقيه وتتلقيه هدي مشيت لأهلها وقتلهم كلمو بنتكم تبعد ع خوي ومشيت لخطيبها وقتله خطيبتك والمهم دويت عليها كلام مش كويس ووريتله صور كانت جايبتهملي صاحبتها و هو اثبات ودليل زي هدا خلاص فسخ واماليها مستكردينها هدي قاعدة الفترة اهيا و كان حيكون عرسهم الايام هدي😔 وبعدها نور
ميرا..😵اني مش مصدقة الي درتيه هدا علاش هكي بسسس البسي توا نووضي
مشت اسيا تجري بدلت وطلعت نزلت لقت بوها وخوتها
بوها..على وين ياطير اركبي ومانبيش نشوف خليقتك
نزلت ميرا تجري وتبكي..لازم نرفعها يا بابا
بوها..شن فيي
ميرا..بنتك هدي لازم تعتذر للناس تي مدايرة العمايل واحني مانندروش واني لازم نرفعها وتعتذرلهم وزي مافرقت بين الناس تلمهم مانعرفش كيف المهم لازم مادير حل
بوها..اااه البنت هدي بتقتلني بري وماتعطلوش
طلعت ميرا واختها
ميرا..اول شي نمشو للبنت الي عرسها الايام هدي مفروض بس نمشو لخطيبها قبل
آسيا..بري توا ونقولك وين
مشت ميرا لعند وصلو لحوش خطيب البنت نزلو من سيارة الزوز كان واقف قدام الحوش ويدخن ومضايق
شاف سيارة فيها زوز بنات فكر ان صاحبات خواته بس وقفو عليه الزوز هدم
هو..تفضلو؟؟لحظة كأني شايفك اني!!
آسيا وهي مرتبكة..عادي نخشو داخل ونحكو
هو..شن بنحكو شنووو شن تبي تقولي اسمعي اني كتاب وسكرته ره وشكرا انك وقضتيني وتوا خلاص هي بري
آسيا..لحظة بس اسمعني
ميرا..انت مش حتندم لو دخلتنا لانة الناس هكي تشوفلنا وحتفهم غلط
هو..كيف بندخلكم وامي وخواتي شن بنقولهم
ميرا..كوويس حلوو اني نبي خواتك وامك وبوك يكونو حاضرين
هو يفتح في الباب ويتكلم..شن تبو انتم
ميرا..يا استاذ
هو..اسمي انس
ميرا..يا استاذ انس احني حنخبروك حجات انت ماتعرفهاش وممكن حترجعلك روحك بعد الي حتسمعه ف خلينا نخشو علاش مستعجل
انس..خلي نعطي علم للعيلة خشو للجنان
خشو وهو خش لأمه وخواته الي كانو متنكدات ع خاطر خوهم ومقعمزات يشوفو للحجات الي كانو شاريينهم ويحسابو بيفرحو بيه شوية وخش عليهم انس
انس..يما في زوز بنات جو
خواته بإنتباه..منوو😳
امه..منو ياولدي بيجينا توا
انس..وين نندري قالو يبو يتكلمو معانا حتى اني وبوي
امه..بوك مهناش
انس..خلي نعرفو شنو يبو
امه..وينهم
اني..خليتهم قدام الباب الدخلاني
اخته..غبي شن تخلي البنات برا دخلتهم
طلعت اخته وقعدت تشوفلهم ماعرفتهمش..تفضلو من هني
دخلوهم للصالون وقعمزو مع بعضهم
امه..نوضي ايات حطي عصير
ميرا..ءءء لللا مانبوش صحيتي احني بس نبو ندوو في موضوع وحنطلعو ع طول واختي هي الي بتحكي هي اسيا تكلمي
اسيا..ءء اني اني كذبببت عليكم😔
انس..ششنو
اسيا..اني يوم جيتك وقتلك خطيبتك كذا وكذا وانها مش كويسة وابعد عليها وماصدقتنيش بس لما وريتك الصور كانو مفبركات بالمزبوط ومافيش اي شك فيهم😔لانة كان عندي صحاب يعرفو يديرو صور صح ومايخلوش ولا اثر في الموضوع
انس نصدم
اسيا..اني ندمت ومن يومها لا ليلي ليل ولا نهاري نهار ومنغير هكي خطيبتك لما انت سيبتها حسبت فيا ربي واهو نتقاضا فيه وحدة ورا التانية اني اسفة اني حسدتكم ع حبكم وتمسككم في بعض بجد مكنتش نبي هكي يصير😭
ميرا تشوف لأختها ومش قادرة تلمسها من كتر ما هيا متقززة منها
ميرا..اختي كل كلمة تقوللكم فيها توا هيا الحق وهيا الصح احني كشفناها وعرفناها الي داراته بابا معاقبها ومش مقصرين معاها في العقاب ولما جت حكتلي ع الي داراته وفي 3 منغيركم دارتلهم نفس الشي وهيا نادمة اني قررت ان نجيبها ونخليها تستسمح منكم وبما ان العرس توا الايام هدي الحقو وديرو الي كنتو بديروه لانة البنت الي كنتم خاطبينها اشرف من الي قالتهولك عليها وتوا ننصحك انك تصلح الي كان وتفرح اهلك
امه نزلت دمعتها واذكرت لما مشت وفسخت من البنت وهي تبكي وتتحسب شبحت لبناتها وشبحتلهم..مش حيقبلو😢
انس حاط راسه بين يديه وحس بندم ان صدقها وماصدقش الي يحبها ويبيها
وقف انس..اطلعي برااا
اسيا..سامحني ارجوك😢
انس..مش مسامحك واطلعيييييي خير مانهبكك توووا
طلعت اسيا تجري تبكي
ميرا..سامحونا ارجوكم والله هيا نادمة ووالله بابا مداير فيها الويل امس بس كيف طلعت من المستشفى خوتي وبوي ضربوها والله تعذبت وخدت جزاتها💔واني قصدت ان تجيكم انتم قبل باش تلحقو اديرو شي واحني توا ماشيين ليها هيا واسفة سامحوني💔
وطلعت ميرا تجري ركبت السيارة ولقت اسيا تبكي
اسيا..مش حيسامحني حد
ميرا..حيسامحوك بس توا متعفلق اكيد هي نمشو للبنت
اسيا..مش حتستقبلنا
ميرا..نمشو واسكتتتتتي😠
مشو لي البنت اميرة
اميرة..هيا منييي
اسيا..تكلمي انتِ
ميرا..شن بنقولها منين بتعرفني احم افتحي
اسيا ضحكت ع اختها
ميرا..ضمي فمك وقت ضحكك
اميرة..من انتٍ
ميرا..افتحي بس ماتعرفينيش لانك هههه
اميرة فتحت وشافتلهم وركزت في اسيا وزبطتها ولت بتسكر الباب شداته ميرا وخشت وتسكر الباب ع اسيا
اميرة..شن تبو مننني شنوووو
ميرا تشد فيها من يديها..هدي روحك بس شوية افهمي مننا شن نبو قبل والله المرة هدي نيتنا نية خير
ع جية امها..هي منو انتِ
اميرة تبكي..ماما طلعيهااا طلعيهااا
امها..منو انتِ
ميرا فتحت الباب..خشي
خشت اسيا وسكرو الباب
امها شافت لآسيا وقعدت تشبحلها وكأنها تعرفها
اميرة..ماما هدي الي فرقت بيني وبين انس والي جت قالت بعدي ع خوي وتبلت عليا😭😭
امها..انتِ شن جاية تبي منننا بعد خربتيلي حياة بنتي وبعد رجعت لطبيعتها شن مزززال تبيييي
ميرا جت بين اختها و ام اميرة..بس اسمعينا والله اني جايبتها ونبو نقولولكم شي
اميرة..شن تبو بسرررعة اني مش قادرة نشوف خليقتتتها
ميرا..هدي اختي اسيا غلطت صح ولما حكتلي ع كل شي داراته وهي نادمة والله جبتها لهني وتطلب السماح منكم بالله عليكم تسامحوها
اميرة..هدي اختك فرقت بيني وبين خطيبي حب حياتي فرقت بيننا خلت ناس يتشمتو فيا توا مش قادرة نطلع لانة عرسي المفروض يكون الايام هدي😭خربت عليا فرحتي وحياتي😭😭
اسيا..اني اسفة والله نادمة بالله سامحييني
اميرة..شن ينفع توا بعد ماخربتي كل شي
ميرا..اختي صلحت وتوا تمشي تشوفي فونك تلقي انس متصل بيك نصيحة مني ليك ترجعيله لانة يحبك وباين من عيونه لما مشينا ووضحناله كل شي واعتذرتلهم اختي كانو يبكو ونادمين وكان هوا دمعته في عينه صح ماتقبليش ع طول ونشجعك انك تبهدليه بس ماتضيعيشي من يدك لانه واضح يحبك من عيونه اني مريت بنفس تجربتك بس بعنادي ضيعت الي يحبني من يدي وهدي نتيجة معاش قدرت نتقبل اي شخص غيره معاد قدرت نعيش من بعده بعد كان يترجا فيا ويبيني واني عندت وفتت وتوا فلته من يدي وجي من ياخده مني عموما هدي نصيحتي ليك ياريت تاخديها بعين الاعتبار😓
خدت ميرا اسيا من يدها وطلعت ركبو السيارة
آسيا..خيرك كدبتي ع البنت وانتِ حتى نخطبتي
ميرا..باش ترجعله مافيش غير هكي
آسيا..احسن مادرتي
طلعو واتجهو لي المتزوجة
ميرا..تعرفي حوشهم المرا؟
اسيا..مانعرفش بس نعرف حوشها
ميرا..هما رجعو لبعض؟
اسيا..مانعرفش اخر شي نعرفه انهم يبو يطلقو بس
ميرا..ربي يهديك بسسسس
مشو لي الحوش طقو ع الباب فتحلهم راجل
اسيا..اهلين
ميرا..هوا هدا؟
اسيا..ايه
الراجل..شن جاية تبي انتِ؟؟؟؟
اسيا..بنحكو معاك بس وسع بالك
ميرا..اسيا بلا استفزاز سامحنا ياخوي بس لازم نخشو لو المدام موجودة؟
الراجل..اني ماصدقت ان رجعنا لي بعضنا تبو تفرقو بيننا من جديد
ميرا..لو انتم واثقين في بعض وحبكم كبير كانت فرخة زي اختي هدي ماتفرقش بينكم وتوا لو سمحت نبو نخشو وتو تفهم مننا
دخلهم الراجل من قوة ميرا وردودها بعد عرفهم مش حيمشو لين يخشو
مرته..انتِ شن جاية تبي تانيييي
الراجل..اهدي بس
مرته..شن قصدك يعنني؟؟؟
ميرا..اهدي بس يا مدام وحتفهمي كل شي
الراجل..تفضلو قعمزو
قعمزو ميرا واسيا
اسيا..اني اسفة ع الي درته فيكم بجد نادمة ع كل شي درته والله تعبت وخديت جزاتي سامحوني ارجوكم اني فتنت وكذبت عليكم سامحوني😭
مرته..بعد درتي الي تبيه تبي نسامحوك بعد جرحتينا وخليتينا نتفارقو اشهر وتجي توا تقوليلي سامحيني هه
ميرا..كم ليكم راجعين لبعض
مرته..اسبوع بسس
الراجل..واحني في المحكمة قبل ماتبدا جت وحدة مشتركة معاها وحكتلنا كل شي وطبعا بعدها اني فتت ومابيتش نطلق وروحنا لكن مارجعناش ع طول بعدها الاسبوع الي فات رجعنا وبعد صدقنا حياتنا بتبدا ع خير تجونا انتم ارجوكم ماديروليش مشاكل واطلعو من حياتنا اني نحب مرتي ونبيها بالله عليكم
ميرا..حرام عليك اني اول ماعرفت منها كل شي جبتها اهني ع طول لاني ماستحملتش اختي ادير هكي الصراحة بابا عرف كل شي وهيا امس بس طالعة من المستشفى لانها انضربت ضرب لدرجة خلاها معاش تقدر توقف يعني خدت جزاتها ومزال تتعاقب مارت شي من عذاب بابا بعد يرفع ع الشخص ف ارجوكم هي مش ناقصة ياريت تسامحوها والله متعبتني حتى ليل ماترقدش وهي تحلم بيكم💔
مرته..الله يسامحك وياريت معاد اديري شي هدا ربي يمهل ولا يهمل
اسيا..والله نادمة سامحوني😢غرو بيا البنات
الراجل..كل واحد عقله في راسه
ميرا..الله غالب ونحن اسفين لانه دارت هكي وكنا غافلين عليها🖤
الراجل شد يد مرته..ربي يسامحك نحن مسامحين💙
ميرا وقفت..ايه هكي الصح😍ربي يخليكم لبعضكم يارب ومايفرقكم هي اسيا
ناضو ومشو طلعو من الحوش
اسيا..تعبتتت😢
ميرا..😏بنمشو لي نور توا
اسيا..الساعة 8 توا الوقت متأخر
ميرا..مادخليش بيك وين الحوش
اسيا..بري توا نطلعو ع الرئيسي قبل
والمهم وصلو عندي اني وكانو كلهم روحو وقعدت معاي سنابل بعد جهد من اهلها باش وافقو😍ان يخلوها وروحت مسرة
قعمزت سنابل جنبي ونتفرجو ع فيلم اني وياها ومكسدين
شوية ونسمعو في الباب يطق
اني..من بيجي توا🤔
سنابل..نفتح!
اني..خليك احمد تو يفتح
طلع احمد من الربوعة وفتح الباب لقاهم زوز بنات توقع انهم صاحباتي
احمد..تفضلو
ميرا..نور موجودة؟
احمد..ايه من ؟
ميرا..احني صاحباتها نبو نشوفوها مش معطلين
احمد..اه اها تفضلو
طق ع الباب ونادى سنابل
سنابل..انعم
احمد..في بنات برا قالو ان هما صاحبات نور اهما دخليهم
سنابل ابتسمت..تفضلو..نفس الشي كانت متوقعتهم صاحباتي
خششتهم سنابل لصالون وكلمتني اني
اني..صاحباتي!!
سنابل..هكي قالو
اني..دخليهم اهني عادي
جتهم سنابل ودخلتهم عندي وننصدم باللي نشوفها قدامي
اني..انتِ انتِ شن ادييييرررري اهنننني؟؟؟وبكل وقاحة جاية لحوشي!!!!
اسيا..بس استني اسمعيني لو سمحتي
سنابل..شن في خيركم
ميرا..اشش خلاااص بنحكو معاك وبنروحو اعطينا فرصة ندوو
اني..شن تبي نعطيكم فرصة انتِ عارفة هدي شن مدااايرة!!!!
ميرا..ايه عارفة ونبيك تسمعيها شن بتقولك وبعدها نطلعو خلاص اهدي بس☺
سكتت اني ومش قادرة نتحمل وجودها قدامي😞
اسيا..نور اني اسفة سامحيني اني كنت نبي نفرق بينك وبين حذيفة بس والله اني لا نعرفه ولا يعرفني الراجل اني كله كله نعرفك انتِ شخصيااً
اني..وشن كنتي تبي مني!!!
اسيا..كله كله كنت نبيك تدمري كنت نبي نفسيتك تدمر كنت نبيك تنقهري كنت حاسداتك ع الي انتِ فيه حياتك مأسستيها بروحك وماشية ع المستقيم كنت نستنالك في غلطة باش نبي نشوفك تبكي وتنكسري كنت حاسداتك ع كل شييي انتِ فيه😭الحسد والكره عمالي عيوني سامحيني ارجوك💔والله ماكان قصدي ندير هدا كله تعبت بجدد سامحيني😭
اني.. #يتبع
.
.
.
ان شاءالله تنال اعجابكم😍ومفاجأة اليوم بنزل 3 حلقات يعني هدي وحلقتين تانيات😍👏🏻❣ #حنو
