البارت #الـثالـت
.
.
.
مـن روايـة #حـكـايـتي🍁
.
.
.
.
قعدت ندور في مكان لعند لقيت ودرست ونزلت عطيتهم ملفي لتكميل التسجيل وقالولي نبدو الاحد طلعت واني فرحانة حلم حياتي بنبدا بيه😍 بس وينك ماما كنتي واعدتيني ان اول مانخش لكلية تخشي معاي وتكوني واقفة جنبي💔نزلت دمعتي واني نمشي وناسية الناس ومايجي منها
جي ولد وقف قدامي
الولد..خيرك يا اختي من بكري انادي عليك
اني..ااه اسفة ما نتبهتش تفضل؟؟
الولد..ماقبلوكش في الكلية؟
اني..علاش؟
الولد..ماهو تبكي نحسابك تبكي لانة ماقبلوكش كنهدا ندخلك اني عندي كيف ندخلك
اني ابتسمتله..ياريت هدا سبب حزني وسبب بكاي ياااريت هدا السبب كانت محلولة بس للأسف السبب الي نبكي عليه بنقعد طول عمري نبكي عليه
الولد..سامحيني بس نقدر نساعدك بحاجة وخيتي ؟؟؟
اني..تقدر ترجعلي امي وبوي ويكونو معاي في اللحظة الي وعدوني بيها!؟!
الولد..💔💔كوني واثقة انهم يشوفو فيك وانهم فرحانيلك وارفعيلهم راسهم وديما حطيهم بين عيونك واني اي خدمة تفضلي موجود هني ☺
اني..ششكرا💕
طلعت ركبت سيارة مسحت دموعي وطلعت بسيارة للحوش🚘
جدي..وين مشيتي يابنتي مزال ماتطلعيش بروحك
اني..طلعت ياجدي تشجعت وطلعت
جدي..هدي بنتي الي نعرفها
اني..مشيت جامعة
جدي..اهااا باه امتى تبدي
اني..الاحد
جدي..باهي موفقة ان شاءالله اني يارب😌
خشيت دوشت ورقدت طول
جدي..ااااه هدا حال القزون💔والله واجعني قلبي عليك يابنتي ربي يفكك من بنات الحرام
بديت قراية وبديت اول بأول وسجلت في كورسات وبديت معاش فاضية نحك راسي هدا في الاول هكي امالا بعدين كيف ياربي
جدي خش عليا وجايب معاه سفرة فيها عصير وسندوتش
اني..حييي جيي في وقته😍😍
جدي..دافنة روحك اهني حتى من الضعف ضعفتي
اني..باه امتحان جدو هدا
جدي..باش قداش ليك تقري فيه خلاص مفروض ترتاحي باش تمشي رايقة غدوا
اني..نراجع والله نقعد دقيقة هكي نحس بالذنب ههههههه
جدي..ربي يهديك غر كولي توا هي قدامي
حطيت شيت قدامي ناكل ونتبع بعيوني
قام جدي الشيت من قدامي
اني..جدددي
جدي..كولي وركزي في ماكلتك توا بعدين كملي اقري مش هاربة هيا
اني..هههههههه باه حاضر
قعدت ناكل ونهدرز عليه و قعد يغيرلي في جوي
ناض جدي ..هي كملي توا ع راحتك هي
طلع جدي قعمز يتفرج واني كملت مراجعة لعند خش عليا احمد لقاني راقدة بين شيتاتي
احمد..😂😂
فتح فونه وصورني وبعدين قام من تحتي شيتات وساواهملي وواساني وغطاني
احمد..نورر نوور
اني..هممم
احمد..ساعة كم غدوا؟
اني..9 😴
احمد..بااه تو نجي انوضك
اني..به
رقدت واحمد طلع وسكر دار وركب لحوشهم
نضت الفجر نسمع في الادان
اني..ااااه الله اكبر😌
نضت دوشت وبدلت وصليت وقعدت ندعي قريت قرآن وكملت ومشيت وتيت فطوري فطرت وقعمزت نقرا نراجع ونشوف مرة مرة للساعة
نسمع في الباب يطق
فتحت الباب اني..احمد؟؟
احمد عين مفتوحة وعين مغمضة..نضتي؟
اني..ههههههه ايه
احمد..نضت مخلوع قلت خلي تنوض تراجع امالا نولي نرقد تبي نوصلك اني؟
اني..والله ياريت لانة باش نراجع في طريق
احمد..باهي وقت قريب الوقت نوضيني نوصلك
اني..به
خشيت كملت مراجعتي بكري وقعدت نقر في قرآن كنت متوترة وخايفة شوية
واني بنطلع
جدي..كوني واثقة من نفسك وخليك شجاعة وجاوبي اجابتك بثقة وردي بالك تغيري اجابة واثقة منها وماتغشيش لانة زي ماقتلك انتِ ماتقريش باش تجاوبي لااا انتِ تقري باش في المستقبل تكوني دكتورة ناجحة حتى ولو حصلتي اول امتحان صفر مايدلش ع فشلك لانة ورقة ماتحددش مستواك ومجموعة اسئلة الي يحدد مستواك دماغك وطريقة تصرفك في مواقف وكيف تقدري اديري اي شي
اني كلام جدي زادني تفاؤل وثقة..حاضر جدو😘
اني..احمممد هياااا
احمد قدام المراية ويساوي في شعره..نازل هي
نزل شوية من دروج..شدي المفتاح ولعيها واني جاي
اني..به
تلقيت المفتاح ومشيت ولعتها وطلعتها للشارع وقعدت نستنى فيه جي احمد ركب وانطلقنا للجامعة
خشيت لإمتحاني ومابيتش نسمع لي ولا بنت ولا نكلم ولا بنت😂باش مانلخبطش روحي جتنا الورقة بعد جهد وبديت بسم الله
.
.
.
احمد..ايوا منورة
منار..حبيبي وين انت دوشة
احمد..في الجامعة ياقلبي
منار..شن ادير غادي
احمد..في كلية البشري اليوم نور عندها امتحان قتلها تو نرفعك اني
منار..اهااا ربي يوفقها💕
احمد..امين يارب وانتِ وين
منار..في الجامعة وهم الجامعة
احمد..😂😂وين نجيك؟
منار..تو نجيك اني
احمد..تجينب امك قعمزي وريدي في نكانك اني نجيك ناقص غير تطلعي من الكلية وكلهم يتشبحو
منار..🤣😂😂😂بااااهي تعاالى
احمد..جايك
طلع احمد من الكلية ومشي لي منار في كلية الفنون والاعلام
احمد..ووووك شن هالزحمة الي عندكم
منار..اسكت ساكت 😂
احمد..تو شن بتطلعي من هني رقاصة والا فنانة🙄
منار..خزي عليك بنطلع من هني مصممة
احمد يقلد في صوتها..مصممة😒
منار..خيرك😒
احمد..شهادتك تعرفي وين بنحطوها؟
منار..وين
احمد..فوق الغاز باش ديما تشوفيلها وكل ماتشوفيلها تقعدي تبكي😂
منار ضرباته بالشنطة..تعرف تمشي توا من وجهي
احمد..😂😂باه بلكي تحسابي يعني هكي انك حتى لو ماخدمتيش برا بتخدمي هكي في الحوش!!لا راااهو لااا
منار..تي باهي انت حطمتلي معنوياتي
احمد..ايه باش مايكونش عندك امل بس
منار..تي خلاص اسكت
احمد..😂😂باه هاه سكتت مصممة شنو قلتيلي
منار..تصميم اعلاني مصممة اعلانات وهكي
احمد..باه كويس😂
منار..مبردك والله مجال حلووو وفلوووس😍😍
احمد..باه
منار..اي شن اخبار نور
احمد..كويسة دافنة روحها في القراية
منار..اي ماتنفعها كان قرايتها وشهادتها
احمد..ايه
وقعدو يهدرزو😂
بنت..بست بست سؤال الاول
اني درت روحي طرشة وفتتها مش سم لا والله بس خفت ان حد من دكاترة يشوفني ف مابيتش نعدل عليها☺
كملنا الامتحان وطلعنا
البنت جت قدامي..انتِ ياحلوة😎
اني..تكلمي فيا ؟
البنت..ايه
اني..تفضلي
البنت..بكري نكلم فيك خيرك ماترديش!!
اني..امتى؟؟
البنت..بكري لما قتلك سؤال الاول
اني..من غشنا فليس منا
البنت..اها تو بديريلي روحك واو وانك ماتغشيش وجو زايد
اني..احترمي نفسك وصبعك هدا ماتوجهيشي عليا ومش اني الي نخون ثقة الدكاترة ونغش
وطبت في ودن الدكتور وقف علينا..الحقوني لمكتب المدير
اني..دكتور
دكتور..زي ماقلت نور و هناء
اني..حاضر
اني مشيت وبكل ثقة لانة ماغلطش في شي وهي ماشية وخايفة ودكتور ورانا خشينا لمكتب العميد وقعمز الدكتور
العميد..خير يا طالبات ؟
دكتور..لقيتهم يتناقشو برا
العميد..ان شاءالله خير شن في
هناء..دكتور البنت هدي تبيني نغششها
دكتور انصدم بالكلام
اني زادت صدمتني وقعدت مبلقة عيوني
العميد..انتِ يابنتي باش تعرفي ان الغش غلط وحرام صح!!!
دكتور..لحضة لحضة
اني خنقتني العبرة ومعاش قدرت ندوي
العميد..شنو
البنت ناضت ترعش
اني..لحظة بس اني اني ماطلبتش منها لا غش ولا شي يادكتور😭
الدكتوور..عارف يابنتي
اني الله ع كلمة بنتي قداش ما استاحشتها💔
اني..والله ماغشيت يادكتور والله تكدب عليكم هيا
هناء..هي تكدب كدابة🙄باش تبي تغطي ع عملتها
اني..تقدرو تتأكدو من وراقينا وتشوفو من الي مجاوب واني مجاوبة لدرجة ان حنسكرها الدرجة لاني تعبت وسهرت وقريت وهيا تكلم فيا تقولي نبي السؤال الاول واني ماقدرتش لاني قارية وساهرة وتاعبة وفي النهاية هيا تجي تاخده وتو لما طلعنا قعدت تناقش فيا ع خاطر ما غششتهاش
واهني هناء تغير وجهها
الدكتور..صح ايه اني سمعت نقاشكم كله والطالبة نور معاها الحق يا دكتور هدي هي الي تبي تغش
هناء..😳
اني ارتحت نوعا ما
العميد..ترا طلع وراقيهم وصلحهم توا قدامي
طلعهم دكتور وبدي يدير فيهم
اني رن تلفوني لقيته احمد..معليشي دكتور بنرد ع خوي
دكتور..ردي بنتي
رديت ع احمد..وينكك
اني..احمد تو نطلع شوية بس اني في مكتب العميد
احمد..شن في؟
اني..قتلك ربع ساعة ونطلع
احمد..تمام تلقيني نستنى فيك
اني..اوك
سكرت منه وقعمزت ونحس في راسي صداع كمل ورقة هناء الدكتور وطلعت جايبة تحت النص مرة وحدة
وهي قعدت تبكي
بدي الدكتور في ورقتي
دكتور..شوف ها حتى من ورقتها منظمة واضح من الي يبي يغش ومن الي محافظ ع معلوماته وورقته
ومبروك يا نور حصلتي فُل مارك😊
اني فرحت هلباااا بداية مبشرة اول امتحان وهكي سكرتها الله😍..الله يبارك فيك دكتور
دكتور..ولعلمك يا عميد هدي من الطالبات المتميزات عندي يعني ولا يمكن نشك فيها انها تغش
اني..شكرا ع ثقتك فيا دكتور
وشفت لي هناء الي تبكي حبيت ننصحها نصيحة جدي..معاش تبكي
هناء..والله قريت بس ماقدرتش نجاوب
اني..لانك تقري باش تجاوي وتفتكي من المادة وبس هدا الي في راسك يا هناء لو انتِ تقري بظمير وتقري باش في المستقبل تكوني دكتور ناجحة وتقدري تنقدي اي حد يجي بين يديك راك توا مفورمتيها بس انتِ تقري بس لانة امتحان ولازم تقريله وخلاص لالاا هدا الغلط الي واقع فيه اغلب الطلبة وننصحك من اليوم شدي اقري باش تساعدي المرضى وكل الناس شدي اقري لانة المهنة هدي تبكي قلب قوي وتبي قلب مؤمن بالله ورسوله ماتبيش قلب ضعيف ويغش وخلاص لانك حطيحي يوم من الايام وتقولي ياريتني ركزت وقريت✋🏻
العميد..فعلا انتِ من الطلبة الي يرتفع بيهم الراس😍
الدكتور..تمنيت يكون عندي بنت زيها وزي طموحها وحلمها ربي يحفظلك الي رببوك وعلموك وكبروك
اني تنهدت..الله يرحمهم ويجعل مثواهم الجنة💔
دكتور..متوفيين!!!
اني..ايه بحادث سير
دكتور..ربي يرحمهم ويغفرلهم
العميد..الله يرحمهم ويغرفلهم فعلا ونعم التربية
اني..اللهم امين شكرا💗
طلعت من المكتب وكلي فخر
شفت لي صاحبات هناء بربع عين وطلعت لأحمد طول وحضنته..سكرتهاااا
احمد..😂😂باه يامهبولة الحمد لله يارب بس الي نعرفه ان مزال درجات
اني هي نركبو سيارة ونحكيلك كل شي صار
واحني ماشيين ونضحكو شبحت هناء وتشبحلنا بكل حقد وسم
اني..ربي يفكني شرها ياااارب
ركبنا السيارة
احمد..ايه احكيلي
اني..كنت في الامتحان وكانت في بنت تكلم فيا اني مابيتش نعدل عليها بكل ولا بيت نكلمها خفت الصرحة وتاني شي تعبي مانبيش نعطيه وهيا ماتساهلاش مشي كملنا الامتحان وطلعنا جت قدامي وقعدت تدوي بشكل حقير ووقح سمعنا الدكتور قاللنا وراي لمكتب العميد مشينا معاه خشينا للمكتب واهني الطامة قلبت الموضوع عليا
احمد..بالله
اني..تي ايه قالت ان اني نبي نغش منها وتوا واقفة عليها نقولها كيف ماتغششينيش تخيييل
احمد..حي حي
اني..نصدمت اني وخنقتني العبرة قعدت نبكس والدكتور كان سامع دوتنا كلها مشي العميد قالي باش تعرفي ان الغش غلط وممنوع وحرام وهكي مشي قتله والله هيا الي طلبت تغش وهيا الي كلمتني واني مابيتش وقد مادارتلي مابيتش وتوا جاية تقولي كيف ماتغششينيش وكيف ماتسميش ودايرة روحك البنت الشاطرة مشي الدكتور تكلم قال ايه نور معاها الحق
مشي العميد قال توا نشوفو وراقيهم قبل شاف الدكتور اوراقنا وصلحهم واني سكرت الدرجة وهيا حصلت اقل من النص مشي قعدت تبكي وعطوها انذار
احمد..كويس المهم خديتي حقك بس مرة تانية معاش توري دموعك لحد صح الظلم صعب بس نفس الشي ماتبكيش خليك ريلاكس ومعاش تبكي لانة توا لولا الورقة الي تثبت انك مجاوبة ولولا الدكتور لكنتي مشيتي فيها
اني..ايه بس اني ع حق يبو او لا والي ع حق سيورة يجي يوم ويبان والي ع كدب سيورة يجي يوم ويطيح👌🏻
احمد..واني مانبيكش تستني لين يجي يوم نبيك في وقتها كل شي اديريه
اني..ان شاءالله بس عكرتلي جوي تعرف
احمد..فوتيها ماتعدليش عليها
اني..ايه هوا هدا
روحت للحوش
جدي يطيب في الغدي
اني..احمد في ريحة مبكبكة تجنننن شكلها😂😂
احمد..😂😂شكله جدي يطيب
اني..يطيببب بالحقااا
احمد..ايه جدي تطييبه مليح
خشينا للحوش
جدي..اووه روحتي هي بدلي حوايجك الغدي طاب احمد اقعد تغدا معانا
اني..😍😍جدي انت طيبت؟
جدي..ايه هيا بسرعة
خشيت بدلت وصليت وطلعت قعمزنا نتغدو
اني..الله جدووو عسسسل
جدي..تو نعلمك كيف اديريها هكي صح
اني..ايه😍
جدي..شن امتحانك اليوم
اني..فللل الفللل
جدي..مشاءالله شطورة بنتي الدكتورة
اني..😍😍
ومشت الايام ودرت امتحاناتي كلهم
احمد..اووو اليوم نبو زردة
اني..هههههههه
احمد..هي وين تبي نرفعك
اني..نخطمو ع منار؟؟
احمد..مرات تقول لا
اني..هات نكلمها اني
خديت فون احمد..ايوا
منار استغربت..الو من معاي
اني..😂😂خزي نسيتيني
منار..منو
اني..تي اني نووور
منار..اووووه نور😍
اني..مش منك ياحنة صوت بنت وبتلفون خطيبك عندك حق تنسي الكل 😂😂
منار..خزي عليك وحق ربي رعشتيني
اني..🤣😂
منار..شن جو
اني..الحمد لله شن جوك انتِ
منار..الحمد لله
اني..بنخطمو عليك في غضون دقائق تكوني واتية
منار..تي وين وكيف ولا
اني..مادخليش دبري اي سبلللة
منار..وين باه
اني..نعرفش
منار..😂😂يستر ربي منكم وخلاص خلي نشوف كيف ندبر كدبة خزي
اني..😂😂
سكرت عليها واقنعت منار امها وقتلها ساعتين فقط لاغير والا نفضحك نقول لبوك وخوتك طلعت منار معانا مشينا ادهورنا
اني..محلاكم ربي يجمعكم بحلاله ويهنيكم مع بعض
منار..😀
احمد..اميييين
كملنا ماكلة في المطعم وطلعنا مشينا ع البحر اني قعمزت نتفرج عليهم هما كيف فرحانين وجوهم عال العال الله قداش نتمنى شخص يحبني هكي💔
جو قعمزو جنبي وقعدو يهدرزو معاي
منار..شن جو امتحانك اليوم
اني..مليح
منار..معاش كلماتك هديكا
اني..حي كيف عرفتي
احمد..اني قتلها😂
اني..استخبارات ياسي شكلك موكلتيه بسبوسة ومكثرة سميد
وانفلقو بالضحك
منار..غر هيا
اني..معاش جت شوري بكل
منار..باه
اني..بس علاش تسألي
منار..اني كلمتها
اني واسيت تقعميزتي..كيف يعني
منار..بما ان اني قديمة في الجامعة ونعرفها ونعرف كل حد كيف تصرفاته خديت مجموعة بنات مردف😂😂معاي ومشينالها هزبناها ومسحنا بيها الارض وتأسفت وقالت مش حنجي شورها اييي ناقص غير يجو شور اختي نقتلهم بعدها😏
اني..😍نحبك
احمد..ونحبكم
اني..😂😂😂😂😂
منار..حب جماعي هكي
احمد..🤣🤣😂
كسدنا شوية واتصلت ام منار
امها..وينك لتوا قلنا ساعتين مش 3
منار..ماما والله ماحسيت ع الوقت احني ع البحر اهو جايين
امها..هيا توا
منار..اوك
احمد..هي انوضوو
اني..اوووك هيا عاد ديرولنا العرس ياسركم
احمد..كانك عليا حتى توا
اني..😂😂
منار تحشمت وسكتت
احمد..الله غالب الحوش معاش يبي يتم
منار..تو يتم ان شاءالله
اني..يااااارب بأسرع وقت نبي نشوفكم عرسان
ركبنا سيارة ومشينا روحنا بي منار ونزلت معاها سلمت ع امها
امها..غير اقعدي سلم بنتي تغدي معانا
اني..لا صحتين عميمة والله شبعانة
امها..تمام به
ع خشة خوها
خوها..😠😠😠😠😠
امه انصدمت😳
اني..😲😳
#يـبـع
.
.
.
ان شاءالله تنال إعجاب الجـميع ونـبي تـفاعل عـلى الروايـة 😍🔥
#الـكاتبـة #حـنو❣
