البـارت #الـتاسع
.
.
.
روايـة #حكـايتي🍁
.
.
.
احمد..صبااح الورد
اني ابتسمتله..صباح النور
احمد..كيف حالك اليوم
اني..الحمد لله
صهيب..باهي هي وتي روحك اني نازل ندير في الاوراق لبسها يا احمد
اني..شن بيلبسني اني طلعت هكي مش جايبة معاي شي
صهيب..معناها نطلع نشريلك ونجيك
اني..اوك
قعدنا اني واحمد نهدرزو
احمد..مش تقطعيني
اني..علااش
احمد..ماك بتروحي لحوش جدك
اني..عينك مش حنقطعك ومش حنعطل
احمد..اني حنصين الحوش ماتخافيش
اني نسلت في شعري ونقيم فيه..واني عارفة ان عندي راجل ف هدا باش مانخافش
احمد ابتسملي..من طلعك من الحريقة ردي بالك تقولي واحد من عمامي لانة مستحيل يخاطرو بحياتهم😏
اني..نسمع فيهم برا يتعايطو ويقولو دخان مانقدروش نخشو وبعدها غبت عن الوعي واستسلمت لاني مش حنقدر نطلع فجأة جو زوز حذيفة وفادي فيقوني قاموني وقتها فقت شوية وطلعوني
احمد..بارك الله فيهم
اني..ايه ماشكرتهمش
احمد..امس تحشمو يخشولك وانتِ من بعد عمي الهادي رقدتي
اني..ايه نذكر ان بكيت لييين رقدت
احمد..ان شاءالله عند ربي خير
اني..زعما شن سبب الحريقة
احمد..مش عارف اني من جيت اهني معاش وليت غادي
اني..ان شاءالله تكون هكي مش بفعل فاعل
احمد نط..شن قصدك
اني..فكنا منه الموضوع هدا بس والله لو نعرف ان في حد وراها ماني راحماته
احمد..عندك حق كنتي حتخسري حياتك💔
اني..بالزبط
طلعت من المستشفى روح احمد بعد سلم عليا ورفعني صهيب غداني في مطعم ودهور بيا
اني..ماكنتش متوقعة الي صارلي بكل
صهيب..الله غالب الحمد لله جت هكي
اني..ايه
روحنا للحوش
وكانو صغار يلعبو في جنان خشينا اني وخالي للحوش
اني..شن مالا ضي هارب
صهيب ضحك فتح الضي
الكل..الحمد لله ع السلاااااامة😍
اني..حيييي😍😍😍
ايمان جتني تغمرتني..حبيبتي الحمدلله ع سلامتك والله خوفتينا عليك ياقلبي بعيد السو عليك
اني..الله يسلمك نصيبي هكي💔
حضنتهم كلهم وسلمت عليهم وقعمزنا نهدرزو ونضحكو ووتغدينا مع بعضنا وكانو مش مسيبيني لحظة اتصل تلفوني
سوسن وهي تبكي..ايوا نور كيف حالك الحمد لله ع سلامتك
اني..الله يسلمك حبيبتي علاش البكي والله مافيا حاجة
سوسن..نبي نجيك وين انتِ
اني..في حوش جدي تعالي
سوسن..ابعتيلي النعتة في مسج
اني..حاضر
بعتلها نعتت الحوش في مسج وفي لحظة فكرت في حذيفة قصت عليا خالتي
ايمان..من بيجي
اني..سوسن قالتلي جاياتك
خالتي..امالا نوضو قيمو السفرة البنت تو تجي تلقانا ناكلو قاعدين😂ناضو كلهم ضمو الحوش ورتبوه واني ققعمزوني في صالون وشوية وخشت علينا سوسن وبدرية
خشو سلمو وقعمزت جنبي سوسن
اني..معاش بنمشيلكم
سوسن..علااش ههههههه
اني..المرة الي فاتت روحت وجدي توفا المرة هدي روحت ونار في حوشنا المرة جاية بقطع رقبتي😂😂😂
سوسن..معاش نخلوك تروحي اصلا😉😂
اني..شن قصدك
سوسن..تو تعرفي
اني..شن صار فيك وافقتي
سوسن..تي مصرع اللطف 😂😂
اني..ايه
سوسن..وانتِ
اني..مش حنوافق
سوسن..علاش
اني..هكي مارتحتش
سوسن..امممم احسن
اني..علااااش
سوسن..لا شي غر هكي 😂
اني..مبردك
قعدنا نهدرزو معاهم وروحو بعد العشي وقبل يروحو تسلم عليا سوسن وقتلي في ودني
سوسن..بيكلمك حذيفة ردي عليه
اني..علااش
سوسن..بيحمدلك ع سلامتك😉
اني..كان قدرت
سوسن..اوك
روحو واني قعمزت
ايمان..من الخطيب الي قالت عليه بدرية
اني..وووك ماتنبلش في فمها فولة هالبدرية
خالتي..بدرقي علينا يا معفنة
ع خشت صهيب فنصت فيها
ايمان..تعالى ياصهيب بنتنا يخطبو فيها واحني مانندروش
اني..ضمي فمك حشم حالك
صهيب..قصدك بدرية هدي خطبتها
اني..لا
ايمان..هي قولي به
اني..امس كنت عندهم جو خطاب لي سوسن وعمت الولد قتلي عجبتيني ونبيك لولدي واني قتلها لا بنقرا ووقت قعدت تنق قتلها يامن عاش تو نفكر ونرد عليك وطبعا قراري لا
صهيب..علاش لا
اني..شن علاش لا نبي نكمل حياتي قرااايتي تبو نتزوج باش نعلق في هم الزواج وننسى حياتي
ايمان..بالعكس الزواج مش هم صح مسؤلية بس لو تنظمي وقتك خلاص
اني..الخلاصة مانحبش من يتحكم فيا ويقيدلي حياتي ع شي
صهيب..بالله؟
اني..خيركم اني واخدة قرار مانتزوج لين تكون شهادتي في يدي
صهيب..وهدا بعد يطلعلك الشيب في راسك
اني..عادي الي بيني يستناني
صهيب..يكمل عمره وهو يستناك
ايمان..احني مش قصدنا حاجة بس نبوك تتهني في حياتك نبو نتهنو عليك مانبوش نرقدو ع المخدة وعقلنا معاك زعما كيف حالها زعما شن ادير ومانبوش انوضو ع مصيبة جديدة فهمتينا احني خايفين عليك لأمتى بتقعدي هكي يابنتي احني نبو مصلحتك بس
اني حطيت يديا ع وجهي وبديت نبكي..انتم مليتو مني معاش متحمليني😭😭باه المشاكل هي الي تجي لعندي مش اني الي نجيب فيها💔
صهيب ضمني لصدره..منو يمل منك ترا خالتك تحكي لمصلحتك مش لشي تاني احني نبو نشوفوك فرحانة نبو نتهنو عليك مع راجل يعرف قيمتك وقدرك ويحترمك ويحبك ويصونك
اني..وراجل بدون شهادتي مانبيشي اني
صهيب..ماقلنالكش سيبي قرايتك انتِ مزالك 3سنين بس علاش ماتنخطبيش مثلا سنتين وسنة الاخيرة تكمليها عنده
اني..مانبيش مزاال قتلكم علاش تغصبو عليا
خالتي..خلوها معاش تغصبو عليها مدامها ماتبيش خلاص
اني..ايه
صهيب..باه حاضر بس مش معناها ملينا منك راهو هدا حوشك ومعاش عندك طلعة منه فاهمة
اني هزيت راسي بإيه
صهيب..خلاص هي بري لدار ارتاحي مش كويس ليك التعب
نضت اني وخشيت للدار اتكيت
صهيب..قطعتلي قلبي هالبنت لا خو يحميها لا شي
ايمان..حتى قلنا احمد معاها اهو تزوج وعاش بعيد
صهيب..ايه
خالتي..وانت كيف بيصير فيك
صهيب..في شنو
خالتي..عرسك قريب وين بتحطها كانا نور معاكم
صهيب..معاي تقعد
خالتي..لااا عيب بنت الناس مش حترضى
صهيب..راضية هيا
ايمان..كيف
صهيب..حكيتلها الوضع وقتلي مش مسامحاتك لو ماتخليهاش تقعد معانا
ايمان..بارك الله فيها بنت اصل والله
خالتي..الحمد لله اي وين بتسافر!
صهيب..حتى تونس
ايمان لوحت عليه المخدة..شن تونس انت خيرك كان تخليها في ليبيا خيرلك
صهيب..وين امالا😒؟
ايمان..خيرها تركيا من شن تشكي
صهيب..تو نشوف
خالتي..هيا وين تبي
صهيب..قتلها وين قتلي وين ماتبي انت
خالتي..امممم ياحنة شبعانة في سفر علاش لا😂😂😂
ايمان..اي والله
صهيب..المهم تهنيني بس
خالتي..ماينخافش عليها بنت كويسة ومشاءالله عليها عرفت تختار
.
.
.
عندي اني اتصل تلفوني طلعلي الكاشف اسمه حذيفة
رديت عليه
اني..ايوا
حذيفة..كيف تردي ع رقم غريب😠
اني..طلعلي اسمك في الكاشف خيرك انت لا احم لا تستور طول خاش فيا زي الحادث
حذيفة..باه اسف شن جوك
اني..الحمد لله
حذيفة..الحمد لله ع سلامتك خوفتينا عليك
اني ذبت من صوته والحنية الي في صوته..الله يسلمك
حذيفة..شن دايرة
اني..اهو كيف خشيت للدار بنرقد
حذيفة..ايه
اني..ايه
حذيفة..قوليلي
اني..نعم
حذيفة..بتوافقي عليه؟
اني..منو
حذيفة..هداكا
اني حبيت نحرق دمه ونعرف نيته شنو..اممممم نفككر
حذيفة..علاش تفكري😣
اني..خيرك انت شن علاش نفكر
حذيفة..قصدي ماتوافقيش
اني..علااش
حذيفة..هكي
اني..علاش هكي
حذيفة..وقرايتك لمن مسيبتيها قعمزي وهني روحك فوتيه شهادتك خير
اني..ايه حتى اني قلت هكي بس كان عجبني هوا تو نوافق
حذيفة..كيف
اني..ماه اكيد بنقولهم نديرو رؤية شرعية ونشوفه ويشوفني ونشوفو اراء بعضنا قبل
حذيفة..تشوفي ام ام امك
اني..امي الله يرحمها معاش تقولي هكي انت بأي صفة تتكلم معاي هككي
حذيفة حس روحه غلط..اسف مش قصدي
اني..انت منو باش تمنعني ع شي مادخلكش فيا لاك خوي ولا خطيبي ولا راجلي تراه قلت تبي تحمد ع سلامتي اهو حمدت وبارك الله فيك طلعتني من الحريق بس لو خليتني كان اهون راه ارتحت ومشيت لأمي وبوي وجدي اني فديت منها حياتي هدي😭
وسكرت عليه وقعدت نبكي لييين عييت كانت الدنيا ضايقة بيا ومش خاطري ندوي مع حد ولا نتحمل حد مش متحملة ولا شخص💔
رقدت وحلمت بماما وبابا
اني..وينكم خيركم خليتوني😭
بابا..احني معاك يابنتي وين بنخلوك
ماما..بنتي معاش تعاندي تعرفيني مانحبش تسكير راسك هدا نشوف فيك اني ره
اني..ماما كلها ضدي ياماما
بابا..معاش تقوليلها هكي بنتي نبيك قوية واقوى بعد نبي الكل وقت يشوفك يوقف احتراماً ليك نبيك احسن دكتورة
اني..باه تعالو معاي
ماما..لالا تعالي هي بنتي معانا نمشو مكان احسن
اني..ايييه واخيرا بترفعوني معاااكم😍
بابا..لااا وين بترفعيها خلي البنت اسمعيني اهني انتِ اقعدي اهني نمشو ونجوك تمام مانعطلوش
اني نضت ..لاااا تخلووونييييش😭
ع خشت صهيب خالي..نور نور خيرك
اني..😭😭نبييهم خلوني من جديدد يا خالي نبيييهم ماما وباااباااا
صهيب ضمني ليه وقعدت نبكي وهو يهدي فيا كأني بيبي صغير💔
قعدت هكي لعند رقدت واني مكبشة فيه مابيتش نطلقه🖤
ناض الصبح صهيب شافلي لقاني راقدة رخاني وناض فتح فونه ومشي لداره
خطيبته..تي وييينك من امبااارح اختفييت
صهيب وهو يتكسل..بشوية خيرك صباح الخير
خطيبته..صباح الورد
صهيب..امس نور كوابيس تحلم وهكي قعدت نهدي فيها كعبشت فيا معاش طلقتني حالتها تقطع القلب البنت حلمت بي امها وبوها
خطيبته..يارووحي وجعتتتني فعلا فقدان الام والاب مايحس بيه كان الي فاقدهم
صهيب تنهد..ايه الله يرحمهم
خطيبته..باه اني كيف نسخن في سيارة طالعة
صهيب..حتى اني اهو بنبدل ونفطر ونمشي على حالي توو نهدرزو بعدين حبيبتي
خطيبته..تمام
صهيب..ديري بالك على روحك والجري فوتيه
خطيبته..حاضر
سكرو من بعض دوش صهيب وبدل وطلع للمطبخ لقي ايمان ادير في الفطور قعمز يهدرز هوا وياها
ايمان..شن تبي نديرو الغدي اليوم!
صهيب..اسئلي نور بلكي خاطرها في حاجة وكان في حاجة ناقصة قوليلي
ايمان..جيبلنا لحم بنديرو مشوي كباب بس مالقيتش لانة
صهيب..به
ايمان..خلي نمشي انوض نور
صهيب..لالا خليها مارقدتش لبارح
ايمان..علااش
صهيب وهو يربط في خيوط سبيدروه..تحلم امبارح بي امها وبوها وكوابيس وهكي لين جيت جنبها باش رقدت حالها مش عاجبني بكل نفكر نرفعها معاي لتركيا مش مخليها
ايمان..هدا شهر عسل شن دخل بنت اختك فيه
صهيب..تو ندبرلها
ايمان..دير رايك خلي بنخش انوض صغاري واختك الخميرة قاعدة نفس قبل نوم نوم
صهيب..ههههه طالع اني
طلع صهيب مشي لي خدمته
واني نسمع في صوتهم نضت للحمام حشاكم دوشت وبدلت وطلعت
ايمان..صباح الورد وين
اني..جاامعة عندي ومحاضرة مهمة هدي نبيهاش تفوت عليا صهيب وين
ايمان..صهيب مشي توا
اني..اياح سيارتي غادي واحمد يبيلك باش يجي
ايمان خشت الدار خدت مفتاح سيارتها..هاك خودي سيارتي وبري لحقي ع قرايتك
اني..ثااانكس😊
طلعت طول ركبت وكان مزال ساعة ونص ع المحاضرة نقدر نوصل ونلحق😌
مشيت للجامعة وصلت درست السيارة ونزلت خبر حريقة حوشنا كان منتشر كيف صار😒طلعت مشهورة ومانعرف
اني..كيف عرفتي
البنت..انتِ عمرك ماتغيبي يومين ع بعضهم
اني..حي لهدرجة اني ههههه به منين عرفتو
البنت..واكتر عرفنا من الولد هداكا
واشرت عليه المجهوول🙈خيتيسلمه
كان متقدملي نحا نظاراته وابتسم..الحمد لله ع سلامتك
اني ابتسمت..الله يسلمك
المجهول..كيف صار
اني..معقولة هدي غابت عليك ههههههه انت كل شي تعرفه كيف والله مانعرف
المجهول..هههههههه
ذووبني بي ضحكته بنطييح تو هذا منظر ينرفض🖤؟
بس محتارة هذا والا حذيييفة💔💔
المجهول..هييي وين مشيتي ههههه
اني..لا شي اول مرة نشوفك تضحك
المجهول..ايه شن امورك
اني..ماشية نستأذنك عندي محاضرة
المجهول..اذنك معاك اختي
اني مشيت وقعدت نفكر واات اختي!! باه والرسائل والورد و النظرات والابتسامات تي شن هدااا معش فهمت شي
مشيت للمحاضرة
الدكتور..الف الحمد لله ع السلام الحمد لله مصارلك شي
اني..الله يسلمك دكتور ايه الحمد لله الحوش بس مشي اما اني شوفت عينك ههههههه
الدكتور..ربي يحفظك يا بنتي هي خشي
خشيت قعمزت وبدت المحاضرة وكنت فاهمة ومش فاهمة طلعت واني متعفلقة كيف مفهمتش زين
لحقني الدكتور..يا نور
اني تلفتت..نعم دكتور
الدكتور..تعالي
جيته..تفضل
الدكتور..لو مفهمتيش محاضرة اليوم في مجموعة بعدكم انتم متقدمين عليها تقدري تحضري المحاضرات الي فاتوك الزوز باش تفهمي هدي صح
اني..حييي الحمدلله به امتى
الدكتور..غدوا عندهم وبعد غدوا
اني..اوك اني ماعنديش غدوا والي بعده معناها حنجي
الدكتور..تمام
طلعت اني والمفاجأة لقيت حذيفة مقابلني وجايبلي باقة ورد كبيييرة
اني..😍😍حيييي
حذيفة..اسف ع امبااارح هلباااااااا
اني..مادورش كنت مخنوقة وجت الفشة فيك
حذيفة..باه تقبلي الورد هذا كإعتذار 😉
اني..وين بنحطه يامهبول هدي كلها ليييش هههههههه
حذيفة..لو في اكبر كنت جبتلك
اني..يسلموو
فتحت سيارة وحطهالي من الخلف وسكرت الباب
حذيفة..سيارة منوو
اني..خالتي سيارتي قعدت في الحوش
حذيفة..اه باهي كويس
اني..ايه حي عطلت هي نتلاقو حذيفة سلامات
حذيفة..تمام وراك اني طالع
ركبت سيارة وهو ركب وطلعنا ورا بعض لين وصلني لحوش جدي وخشيت شميت ريحة الماكلة
اني..اوووووه تصدقي خالتو من لما توفت امي ماعاد شميت ريحة زي هدي
ايمان..ههههههه هاك شميتيها توا
اني..تعرفي معشا نبي نرجع لحوشنا
ايمان..اصلا معاش في رجعة من مزاال بيخليك بعد الي داروه واني متأكدة مية في المية ان مرت عمك اللفعة هديكا هيا ورا موضوع الحريق
اني..مشكلة مانقدرش ندير شي احمد كيف بنطلعله امه وبوه من حوشهم اخي اللقطة
ايمان..ماه هدا الهم كنهدا راه اني الي وريتهم
اني..الله غالب
نضت خشيت للدار وقعدت نفكر ياربي شن قصده هدا الي اسمه طارق بكلمة اختي يعني يعتبر فيا زي اخته باه والي فات شن صار فيه كله ؟ ااااخ راسي وقف اني😓 وصلني مسج ع الفون مكتوب فيه (ارجوك ارفضي اني مانصلحش بيك لو سمحتي ترفضي توا كيف عرفت من امي😊 طارق)
اني..شننن هدا يااااربي دماغي وقف اني😭علاش هكي بسس بعتتله مسج..لو نعرف علاش الاصرار هدا كله يعني شن معنى حركاتك قبل وتوا؟
وصلني تاني..اني مانمشيش معاك اني متورط في شي انتِ المفروض ماتعرفيشي
اني..شن زي شنو مثلا
وصلني المسج..زي تهريب مخدرات مثلا او سلاح
اني نصدمت صدمة عمري كيييف هكي!!؟؟؟
اني..هههههههه اممم و تقرا في طب ؟
طارق..نقرا في طب باش انحي الشبها من عليا فقط🙂اسف ماكنتش متوقع الامور هدي توصل لهدرجة ارفضيني لو سمحتي🖤
معاش قدرت نرد عليه بشي درتله حظر من الخوف وقعدت مقعمزة نبكي ومصدومة😲😳😭
.
.
.
.
عند احمد خش للحوش كان جايب سطاوات خلاهم بروحهم وركب لي حوشهم فوق
امه..اني قتلك دير نار من روشن دارها انت شي شي ماتبيش غبي
بوه..طلعت منها هيا والاوراق باه شن استفدنا !! تو كيف بنديرو وهي مستحيل ترجع هني وحتوقف من جديد وحطلعنا لو عرفت وين بنمشي بيك ماه خليتينا في حالنا خيررر
امه..تي والله لما نوريها نسحرها نركب فيها جن لا يقرا ولا يكتب ماتلعبش معايااا هدي فرخة نوور
بوه..حتى هدا حل
فتح الباب احمد بقوته وكانو عيونه حمممر ويقدحو نار
الام والاب انصدمو ب أحمد
امه.. ءءء ولييدي
احمد.. #يتبع
.
.
ان شاءالله تنال اعجاب الجميع يارب😍😍 #حنو
