البـارت #الثـاني_والعشـرون
.
.
.
روايـة #حكـايتي🍁
.
.
.
روحت سوسن لحوشها مع محمد وماحكتش شي ليهم
مهند كان مقعمز في جنان بروحه في الحوش وحاط شيتاته قدامه ويقرا سمع صوت رصاص قدام حوشهم معش عرف شن يدير خش للحوش وقال اكيد مفرخ خش داره وقعد يقرا رن فونه رد وقعد يتكلم وناض وقف قدام روشن شاف ملتمين ينقزو في الحوش من سور
مهند..تي من هدددم
صاحبه..شن في
مهند..تعالى وجيب معاك مشعارف من بتجيب عصابة نشبح فيهم ينقزو وخاشين لحوشنا
وقعد مهند يدور في داره ومش عارف شن يدير ولو شافوه برصاصة يصفوه ركب للدور التالت وخش لدار الخزين وخش بين الحجات سكر فونه وقعد يراقب ويسمع فيهم يكسرو في دنيا وهو ع اعصابه سمعهم يتجارو من دروج بدي قلبه يزيدو دقاته شوي سمع حد خش للدار الي هو فيها شبح يمين يسار ومالقي حد طلع ونزل اما مهند ف كان خايف لو اماليه يروحو توا كان يدعي انهم مايروح حد شوية ومعاش سمع شي طلع بشوية ومالقي حد نزل يجري شاف الباب مفتوح وسمع صوت سيارتهم سطربو ومشو خلاهم شوية وسكر الباب وخش قعد يدور شوية وجي صاحبه وجايب معاه كتيبة
مهند..كان زدت شوية بس
صاحبه..تي قولي شن في خيره الحوش هكي
مهند..عصابة جت خشت خلت الحوش وطلعت شن في يعننني
صاحبه..وانت ماصارلك شي مادارولك شي
مهند..لا
صاحبه..الحمدلله سلامتك كبيرة عندكم كاميرات في الحوش غير شباب يبو يشوفو شن الي صار
مهند بتعب..ايه عندنا ركبهم اخر دور جنب دار الخزين تلقا الدار مفتوحة كان ماكسروهاش حتى هيا كله باهي🤕
ركب صاحبه ومعاه الشباب
شوية ويخش عمكم الهادي وبدرية
بدرية..هيييي شن فييي خيره هكككي الحوووش
مهند كان حاط يديه ع راسه اول ماسمع صوت امه قام راسه..امي
عبدالهادي..شن في ياولد ومن هدم
مهند..جت عصابة توا وخلو الحوش ماخلو ماكسرو ونعرفش شن صاير في ديار اني خشيت لدار الخزين وماشافني حد
عبدالهادي..يارب من هدددم
مهند..مششعااارف يابوي
وقعدو حايرين في مصيبتهم
.
.
عند طارق
طارق وهو يكسر ويعيط عليهم..كييييييف كيييييف يهربوووو منننننكمممم فهممووووني اني علااااااااش حاطككككم اااااه قووووولوووو هيا تواوطارو برا البلاد وييييين مشووووووو😡مششش معرووووف اننتتتم مستهتتترين انتتتتم ماتتتستاااااهلووووش تعييييشو
تلفتلهم وفي يده المسدس ضربهم قتلهم وطلع وهو هم الدنيا كله فوق راسه و كيف بيلقاني مش عارف
قعد يخبط ويعيط وماخلا مادار
طارق..ايوااا شديتوه؟
الراجل..لا مالقينا حد في الحوش فااضي
طارق لو تلفون جنبه وقعد يسوق بسرعة ومحروق دمه
.
.
سوسن..حمودي وينك
محمد من الدار..ايوااا
سوسن..تعالى هيا حطيت شاهي وقهوة
محمد..جاي هي
سكر محمد فونه وحطه في شحن وناض جي لسوسن
سوسن..هي قعمز درتلك تشيز كيك يهبل جي😍
محمد قعمز جنبها..تصدقي ياروحي الحمدلله ان ربي جمعني بيك و خلاني نعيش هالفرحة هدي كنت نتمنى نشوفك بس وتوا الحمدلله جنبي ونشربو في قهوة مع بعض في احلى من هكي؟
سوسن ابتسمت ابتسامة حب..طبعا لا مافيش احلى من هكي❤👀
محمد مسك يدها..وراس عويناتك الزرق هدم مستحيل نخليك في حياتي وديما معاك ومايفرقني عليك شي ياقلبي
سوسن..امين يااارب ياروحي
قعدو يدردشو مع بعض وكانت جلستهم مليانة حب وضحك وفرح💞
.
.
.
.
اني..حبيبييي نبي نطللع
حذيفة وهو مضايق..باهي حاضر🤕
اني حسيت ع نفسي شن قلت اصلا احني مش جايين نتفسحو🤦..ءء حبيبي اني اسفة نسيت روحي خلاص عادي فوت
شديت فوني وقعدت نتصفح ومكسدة وهو باله كله مش معاي ومفهمتش شن يفكر وشن يدور في راسه
اني..حذيفة تبي قهوة؟
حذيفة..
اني..حبيبي تبي قهوة نجيبلك معاي؟
حذيفة..نور خليني في حالي بالله عليك
وناض خش للدار خشيت وراه اتكى وحط يديه ع عيونه..طفي ضي بالله عليك
طفيت عليه ضي وطلعت خانقتني العبرة بنبكي بس نبيش نطلع صوت فتحت TV شوية وبدو دموعي ينزلو وبديت نبكي حسيت روحي بروحي ومش قادرة نتحمل الي اني فيه وزيد عليها اني في بلاد مش بلادي في الغربة وحذيفة الي من اول يوم مش متحمل وبديت عنده كأني ثقيلة🤦
قعدت نبكي لعند رقدت
.
.
ناض حذيفة ع صوت فونه وسمع الخبر الي صار في حوشهم
بوه..ماتخافش احني امورنا كويسة الحمدلله واصلا ع كل حال احني من قبل مايصير المووضوع هدا بنسافرو يعني عادي ماتخممش
حذيفة..متأكد يابوي سامحوني
بوه..علاش شن درت انت مادرت شي ياولدي والي درته هوا الصح
حذيفة..ان شاءالله خير
بوه..ايه كيف حال بنتي
حذيفة..نور
بوه..ايه
حذيفة بضيق..ماشية الحمدلله
بوه..خيرها
حذيفة يحك في جبهته..شي غير بكري كشخت عليها وهكي
بوه..مصح وجهك البنت الي فيها سادها خيرك انت ماتحسش والا شنو نوض شوف البنت
حذيفة..باهي حاضر
سكر حذيفة من بوه ناض خش حمام (حشاكم) وطلع صلى وطلع لوسط الحوش لقاني راقدة ع الكنبة وقعد يمسح ع شعري ويحول فيه من ع وجهي فقت اني فتحت عيوني
حذيفة..حبيبي
اني قعمزت وقمت شعري وقعدت ندير في رقبتي وجعتني من رقدة
حذيفة..صح النوم
اني..سلمك
نضت خشيت حمام توضيت وصليت وطلعت لقيت يتفرج ع الكورة
اني..اسفة رقدت ونسيت ندير الغدي
حذيفة..لالا ماديري شي هي نطلعو ونتغدو برا
اني..مش داعي احني مش جايين باش ندهورو
خشيت للمطبخ قعدت نطلع في حجات الغدي باش نطيب جي حضني من الخلف..خلاص حبيبي اسف ع امبكري غير كنت نفكر بس مادوريش لما نتعفلق ابعدي عليا بس وبعد نهدا تعالي اني وقت نتعفلق مانعرفش شن اندير ف مادورينيش🖤
اني دموعي نزلو وقطرو ع يديه لفني ليه وقعد مقابلني..توا علاش الدموع
اني مسحتهم..شي
حذيفة حضني..خلاص اششش معاش تبكي هيا احني جايين خصيصا باش ندهورو هيا هيا حبيبي
باسني ع خدودي ومشي يبدل ردي كل حاجة في مكانها وخشيت بدلت معاه
حذيفة..عباية
اني..حبيبيي
حذيفة..نستنى فيك وعباااااية
طلع من دار وني عقدت حواجبي غيرت لبستي ولبست عباية وطلعت معاه
حذيفة شدني من يدي..تعالي نتغدو قبل وبعدها نرفعك اماكن حلووة
اني..باه😍
وكان يوم حلوو بالنسبة لينا
.
.
في "ليبيا"
سنابل..ياهمي اني وخلاااص
مسرة..خير جدك
سنابل..تي احمد هدااا
مسرة..خيره😐
سنابل..مفهمتش قلبه شنو مايطيحش بكل جربت كل الخطط
مسرة..😑فاضية هلبا راك
سنابل..اففف مبردك راه نقولك نحبه ياهمي نحبه
مسرة..انت فاهمة فرق العمر والا مش فاهمة
سنابل. مادخلكش
مسرة..وبابا بيقبل انك تاخدي واحد مطلق !!
سنابل..هوا غير يعدل عليا باش بابا يقبل او لا
مسرة..تي ياسر تراه
سنابل..اااخ وينك يا نووور بس
مسرة..مسافرة البنت بس فيها ان سفرتها هدي
سنابل..كيف
مسرة..في يوم وليلة !؟؟
سنابل..حبيبتي راجلها يشتغل حتى برا يعني عادي جدا طلعله شغل وهي تبيش تقعد من الي صارلها
مسرة..اممممم
سنابل..والنبي ياسر انت وتحليلاتك البايخة وقوليلي شن ندير فيه احمد هدا بنقتله😭
مسرة..خليني نقرا بالله عليك نفختيلي راسي انت واحمد هدا
سنابل..😑مامنك فايدة
طلعت سنابل من دارها ونزلت تتفرج
.
.
احمد..ايوا يام
امه..وينك
احمد..في الحوش
امه..امممم كيف حالك
احمد..الحمدلله
امه..كيف حال اختك
احمد..بخير
امه..سمعت دارت حادث
احمد..ايه منين سمعتي
امه..مادخلكش كيف حالها هيا
احمد..قداش ليها هدا وين سئلتي!
امه..هدا وين عرفت
احمد..امممم
امه..وين هيا خنمشيلها
احمد..شن العطف الي نزل عليك هدا قعمزي وهني روحك البنت لا تبيك ولا تبي تشوفك
امه..ضم فمك تكلم مع امك زين
احمد..استغفرالله العظيم شن تبي توا
امه..نبي نور وين
احمد..نور مهناش مش في ليبيا
امه..ويييين
احمد..مانعرفش
امه..كيف ماتعرفش
احمد..ماقالتليش وين وخلاص يام عندي خدمة ماشي
سكر عليها وقعد حاير كيف يدير مع امه الي قاطعة يدها من ربي ومزال ادور في اخته وتبي تخربلها حياتها💔
ام احمد..ريت ريت بنت خوك اشبح وين سافرت
بو احمد..خلاص يامرا فوتيها البنت
ام احمد فنصت فيه..وشن قصدك انت اااه
بو احمد..ماقصدي شي الي نبيه انك تفوتيها تعبتيني معاك
ام احمد..والله ومن كان شريك معاي في اللعبة شوف بالله احني وين وهيا وين منغير الاملاك الي بإسمها تزوجت ولد ولد عمك وعايشة في املاك احرف من الي عندها ومش هكي وبس كلهممم يحبووها وبعد شهر العسل سافرت تاني تي عيييت اني من العيشة هدي خيرني مش زيييها كل شي ليها هياااا اني نكرهها نكرهها والله يانور لما نخربلك عيشششتك والي عندك حيكون عندييي انييي😈
بو احمد..😣
الي صار ان بو احمد مولي عليه خاطره كبر وعرف زين ان الي يدير فيه غلط وهدي بنت خوه الي من لحمه ودمه خوه الي امنهم ع بنته ومات يمشي هكي يدير في بنته قعد يسحن ومضايق ومأنبه ضميره🖤
.
.
.
سوسن وبدرية يتكلمو بالفيديو
بدرية..ايه يا بنتي
سوسن..يعني مش حتحضرو العرس
بدرية..عادي يابنتي انت غيري جوك راه مافيش شي يستاهل واحني كنا هكي والا هكي مسافرين خوتك يبو يكملو قراية برا واني مانتهناش عليهم بروحهم وماتخافيش محمد تو يجيبك عندنا كل ماتستاحشينا
سوسن..باهي ياماما ربي يحفظكم وتوصلو بالسلامة كان بودي نجيكم ونسلم عليكم لكن محمد لاهي ومش فاضي بيا بكل
مهند..تي ياسر ياقردة نفختيهم انت ونكدك مابعده محمد
سوسن..خزي عليك يابارد
مهند..😂😂نكدد تو بنتزوج وحدة اجنبية مالي ومال نكد الليبيات
بدرية ضرباته عنفقة..ضم فمك خير مانكنسل السفرة مرة وحدة
مهند..😂😂اووه نبع الحنان بدت تضرب باهي اسف والله😂
هدرزو لين عيو مع سوسن ووقت جي وقت الطيارة سكرو واتجهو للطيارة🛫
.
.
.
بعد ساعات⏰
اني..يوم حلو❤
حذيفة..المهم ضحكتك وابتسامتك بسس
اني..حذيفة
حذيفة..عيوني
اني حضنته..نحبكك والله انت اهلي وكل شي ليا😌
حذيفة..واني نموت فيك ياروحي
خشينا رقدنا واحني مرتاحين
اطمن حذيفة ع اهله انهم وصلو لي بريطانيا ورقد
ومشت الايام احمد وقفلي قيدي لفترة واحني مزال مشعارفين هل نقدرو نرجعو او لا 🤕
اني..تصدق
حذيفة..شنو
اني..حياتنا ولت احلا بهلبا واحني اهني
حذيفة..علاش
اني..لاننا بعيدين ع كل مشاكل والحقد والحسد وكل شي بعاد عليه اني و انت بس😌🙈
حذيفة..بس نفس الوقت ستاحشت بلادي وريحتها ستاحشت جوها وستاحشت نكون مرتاح في مكان ومش متقيد ستاحشت ارضي وحياتي ستاحشت صحابي ستاحشت القهوة الي نقعمزو فيها ستاحشت كل شي فيها ستاحشت اهلي وناسي
اني..نفس شي بس ماعنديش من نستاحش😔اكتر شخصين يحبوني ويخافو عليا ومستحيل يبدلوني بأي شي تحت التراب💔 و احمد يكلم فيا ديما وهكي او هكي مش حنشوفه ديما وصحبات عادي يعني ماعنديش الحق سطحيات وبس😣بالمختصر المفيد ان ماعنديش لمن نستاحش هلبا بلادي الي نحبها دمرتني وشردتني ماتو فيها اغلا شخصين نحبهم وزاد وراهم جدي بعدها بدي ظلم عمامي وكسرتي فيهم خالي الي مرت عمي سحراته وخلاته يسيبني بعد ما حسيت بالامان وبجو العيلة معاه ومن بعد هداكا اليوم صح تعالج والحمدلله بس معاش عندي امان معاه خالاتي كل وحدة لاهية في حالها مانبيش نثقل عليهم وهوا هدا🙂
حضني حذيفة قعدت نبكي لاني ستاحشت ماما وبابا وجدو💔
حذيفة..حبيبي خلاص بكيتي هلبا
شاف لقاني راقدة قامني ورفعني للدار ورقدنا
وفاتو اشهر وايام ومزال مشعارفين نروحو او لا
حذيفة..ها شن جو
حاتم..مية مية ليك وحشة ياراجل
حذيفة..والله ليك اكتر بس انت عارف
حاتم..اسمع نصيحتي ليك هكي حول خدمتك وقراية مرتك غادي ومعاش تولي لانة هدم ناويينك وكذا مرة نخطم من جنب حوشكم وحوشك نلقا فيهم واقفين يعني لو رجعت وقلت اهو تفكيت مش حتتفكى منهم الا هكي
حذيفة..والله حتى اني تزن في راسي ليها ايام😞
حاتم..اني قتلك انت وين
حذيفة..مش ضروري نبيش ندخلك في مشاكلي
حاتم..براحتك طمنا عليك
حذيفة..ان شاءالله
سكر حذيفة وقعد يفكر
حذيفة..شن رايك نسافرو من هني
اني بضيق..بنرجعو لي ليبيا؟
حذيفة..لا نمشو لي بريطانيا
اني..كيف علاش عرفو مكاننا☹😭
حذيفة..لا ياهمي😂 قصدي وله انتِ اهني مش حتقدري تقري وتكملي قرايتك في طب لانة اهني ياحبيبي لغتهم صعب تتعلميها يعني تبيلك فترة واني مانبيش يضيع عليك شي في قرايتك وانت عندك اللغلة الانجليزية ف خلاص عادي ؟
اني..امممم دير الي يريحك حبيبي المهم نكون معاك
حذيفة..تمام خلي نفتح نشوف حجوزات
وقعد حذيفة يشوف لعند لقي اول حجز غدوا صبح
حذيفة..هي نوضي وتي الشناطي
نضت اني وتيت شنطي وشنطه وحجاتنا كلها مع بعض درناها
اني..ننزلو ندهورو اخر مرة في باريس 😂
حذيفة..هي
نزلنا وقعدنا نتمشو خديت اني هلبا لبسات وحجات كذا😎😂 ومشينا للبرج صورنا هلبا صور فيه للذكرة
اني..حي حبيبي محلاهم الوردات😍
حذيفة مشي للراجل وخدي منه وردة وجابهالي
اني..مهبول قتلك محلاهم بسس
حذيفة..مانبيش نخلي في خاطرك
اني..ربي يحفظك ليا ايه حبيبي خيرك من بكري اكتر الاوقات تشوفلي او تشوف لوطة
حذيفة..لاني مانشوفش لغيرك انييي
اني..لا بلكي بتشوف😒خليك زي ما انت
حذيفة ضحك ع هبالي وقعدنا نتمشو
🙈 وروحنا رقدنا
.
.
.
ناض حذيفة الصبح لقاني راقدة دوش وبدل ونوضني
نضت اني..حبيبي خليني شوية نرقد
حذيفة..تي نوضي ياطفلة هيا
اني..😴باهي
حذيفة..حي عليها هدي ولت رقدت
قامني وحطني في البانيو وفتح عليا الميا
اني..ااااه شنو شن هدااا
حذيفة..😂😂😂😂وووووه جنابي
اني..ياباااارد علاش😭
حذيفة..ههههههه تي هيا خلي انزل شناطي اني ونركب نلقاك واتية وحيييي عليييك حيييي ترقدي اهني نمشي ونخليك
نضت اني ع طول وهو طلع دوشت وبدلت ولبست عبايتي وكملت طفيت الضيات وركب
حذيفة ..واتية ؟
اني..ايه🙄
حذيفة..هي بنمشو لي حوشنا غادي لكن قبلها لي الفندق وبعدها توا نمشو لحوشنا
اني شفتله..نحس ان معاش عندي حوش زي الناس😔
حذيفة جي مقابلني وشد يديا..اني حوشك واني كل شي في حياتك
اني ابتسمت..انت الي مصبرني ع كل شي في حياتي☺
نزلنا وسكر هوا الباب وعطي المفتاح لصاحبه وركبنا مع صاحبه في سيارة كان هوا بيوصلنا للمطار
صاحبه..فطرتو؟
حذيفة..لالا تو نفطرو في المطار
شاف صاحبه الساعة..شن مطار ياراجل اهو في مطعم نعرفه ماكلته من الاخير
حذيفة كان مايبيش واني سفهني كيف يدوي ع الماكلة الله جعت🤤 شافلي حذيفة واني رمشتله متع هيا خلينا نفطرو قبل
حذيفة..مكتر نقانك باهي هيا ارفعنا ليه
صاحبه..مشعارف كيف متحملتيه مبرده
اني بنضحك وشادة ضحكتي😅
حذيفة..بلكي تلهى في سواقتك خيرلك
صاحبه..باهي😐
مشينا للمطعم وفطرنا وحذيفة كل مابنضحك او بندوي يخلي كلمتي في رقبتي ويفنص 🙂حرقلي دمي
صاحبه اسمه عمر
عمر..حذيفة حاكيلها ع الطفولة؟
حذيفة..هي هني روحك😒
عمر..تعرفي كانت طفولة متشردة وتوا والا واحد يتجكتر وجو تي كنا مدايرين الهبال😂😂
اني ابتسمت وشفتله لقيته يفنص ويعض في شواربه
اني..🙂
وبعد كملنا
عمر..لحظة نمشي للحمام ونجيكم
حذيفة..تعرفي ابتساماتك هدم مزال تعاوديهم ندبحك
اني..ووه خيرك مخليها في رقبتي شن درت اني😣
حذيفة..اسكتي اسكتي مانبيش نشبح اي تعابير ع كلامه😑فاااهمة
اني..افففف بااااه
حذيفة..معاش نبي نسمعها اففف هدي
اني..اممم
حذيفة..ومعاد تقولي اممم تعقد فيا
اني..وووه خيرك اليوم
حذيفة..معاد تقولي ووه
اني..تي خيرك ديرلي شيروطي ع فمي وخلاص🤐شن بنقوول
ع جية عمر..خيركم 🤔
حذيفة..لا شي نهدرزو هي نوضي😐
نضنا وانطلقنا للمطار وخشينا لصالة الانتظار وعمر مشي في حاله
اني كنت قالبة وجهي عليه وفايتاته
حذيفة..اووي نكلم فيك
اني..ها نعم
حذيفة..هي نوضي بنركبو طيارة توا
مشينا وركبنا طيارة قعمزنا وجيت اني جيهة الروشن وهو جنبي
جتنا المظيفة وكانت مشعارفة لقطاتها عجبتنيش مع حذيفة تتمسلك قريب نقزت عليها وحذيفة عاجبه يغيض فيا
المضيفة..استاذ شن تشرب قهوة والا شاي ؟
اني..مايشرب في شي😐
حذيفة ابتسم..قهوة
هي شبحتلي وابتسمت
اني ربعت يديا..افففف تعرف تاخدها منها والله مانكلمك
حذيفة..ع اساس تكلمي فيا انتِ
اني..مبردك حذيفة خلاص بالله عليك هي شوفها كيف تقهر فيا وماسئلتنيش حتى شن نبي 😡
حذيفة يضحك عليا واني بنموت من القهر
جت المضيفة وجابتله القهوة اني نشبحلها وهي تشوفلي وتتلصق..تفضل القهوة
حذيفة..لا صحيتي معش نبي
...ءءااه ليش شوبيك
حذيفة..ايه قتلك معش نبي شكرا تفكرت انها اديرلي في حموضة
تعفلقت منه وشبحتلي واني شديت يده..قتلك من الاول😌انتِ ماتفهميش
مشت وهي متعفلقة
اني طلقت يدي منه..معش تعطيها وجه
حذيفة يشوفلي..اممم
اني..خيرك
حذيفة..نحبك❤
اني خدودي ولو حمر..😳😍حتى اني
حذيفة..هي ارقدي طريق طويلة
اني..مانرقدش وتجي هديكا تلقى الجو فاضي😏
حذيفة..😂😂باه
وقعدنا نهدرزو ومرة مرة نصورو لعند وصلنا
نزلنا ومشينا ع طول للفندق كنا تاااعبين ورقدنا ع طول
.
.
.
في حوشنا عند احمد
طق طق
احمد..ايوا
فتح الباب لقي يوسف قدامه
احمد..تفضل!
يوسف.. #يتبع
.
.
.
ان شاءالله تنال اعجااابكم❤❤ #حنو
