البـارت #الـرابـع_والعـشرون
.
.
.
روايـة #حـكـايـتي🍁
.
.
.
خالت محمد..خلاص ياوخيتي فوتيهم ماتخربيش عرس بنتك ع خاطرهم فوتيهم مايستاهلوش وانتِ يا سوسن امسحي دميعاتك خلاص يابنتي اركبي انتِ وبنتي اغسلي وجيهك وساوي مكياجك وانزلي هي
ركبت سوسن بدون ولا كلمة هيا وبنت خالته
الاء..فوتيها ماتعدليش عليها
سوسن..حرقتلي دمي راهي هلبا بليدة وزيدي توا تكهرب الجو بسببي حسيت روحي اخييي😭
الاء..عينك اصلا فرحنا انها مشت لانها باردة هلبا ونفاخة
سوسن..ربي يفكني شرها يارب والله تعبت منها
الاء..اني قتلك ماتعدليش عليها راهي سوسة هكي تبي هيا
سوسن..ان شاءالله خير
خشت سوسن حمام غسلت وجهها وطلعت ساوت مكياجها وخشت للمطبخ دارت عصير وشكلاتة
الاء..علاش متعبة روحك باش بننزلو
سوسن..تفضلي وخلي شوية يهدا الجو
الاء..ايه صح
شربو العصير وقعدو يدردشو شوية
الاء..كيف حال اماليك حق سافرو
سوسن..ايه سافر خوي ومرته قبل بعدين لحقوههم
الاء..ايه اخي وقت تقعدي من غير اهلك صح
سوسن..اخييي تحسي روحك يتيمة برووحك مامعاك حد هدا اكتر شي سببلي بكاء اول مرة نقعد منغيرهم
الاء..الله غالب تو يتم العرس وحمادي يرفعك نعرفه اني يحبش يزعلك
سوسن..زعمااا😂😂
الاء..ايه اني نقولهالك يحبك هلبااااا واكيد حيرفعك ليهم باش تطمني
سوسن..ان شاءالله يارب كيف عرفتي باااهي😂😂
الاء..مرة احني مقعمزين في جنان لوطة مشي خالتي بعتتني نجيب حاجة من مطبخ واني بنخش نسمع فيه يدوي معاك ناديت امه وخواته وقعدنا وراه ونسمعو فيه😂😂ومن يومها هوا انفضح لكن مافي حد قاله ان سمعناه او هكي لين جي هوا تكلم
سوسن..😂😂😂😂جو
وهي تضحك تجيها رسالة ع فونها
الاء..اهو اكيد هوا😂
سوسن فتحت الرسالة ووجهها تغير وعيونها تعبو دموع
.
.
.
اني..حبيبي صباحو
حذيفة..صباح الورد نعم
اني..امتى بنبدا قراية
حذيفة..تو نمشي اليوم نتملك
اني..به
حذيفة..نزلتي لوطة والا قاعدة اهني من بكري
اني..قاعدة اهني من بكري
حذيفة تعصب..وكيف ماتنزليش امي اكيد لوطة بروحها ادير في الفطور
اني..باهي خيرك تعصبت اني تحشمت ماقدرتش قلت بلكي يبو ياخدو راحتهم😞
حذيفة..انزليلها توا وغيريها لبستك هدي
اني تكنطيت قلبت عليه عيوني وغيرتها وهو ناض خش حمام حشاكم واني نزلت حاولت نبين جوي حلو ومالقيتش حد لقيت ورقة
" صباح الخير احني طلعنا خوتك مشو لي الجامعة واني وبوك مشينا فاطرين برا وانتم مابيناش نزعجوكم وانوضوكم"
اني حطيت الورقة وفتحت التلاجة وقعدت انطلع منها في الحجات ووتيت الفطور ع نزلة حذيفة كان غاسل ومبدل ومجنتل ياقلبي اني عليه😍لالا اني زعلانة 😏
جي من وراي حضني وباسني ع خدي..خيره الحلو زعلان😘
اني..حذيفة حول مش ناقصتك
حذيفة..لالا زعلانة مني انتِ
اني..حول تو يجي حد
حذيفة..مافي حد كلهم طلعو
اني..علاش امالا تقولي امي لوطة
حذيفة..ماكنتش نندري كلموني توا
اني..هونا مخليين ورقة مكتوب فيها انهم طلعو
حذيفة..باه شوفيلي
اني..مش فاضية وراي هلبا حجات
حذيفة لفتني ليه..اني نبيك ليا بس مش للهلبا حجات😍
اني..باه تو شن صارلك باش كنت تكشخ
حذيفة..انت ديما هكي علاش ديما تخربي في كل لقطات
اني..ماه مايجوش في وقتهم صراحة يعني وانت عارفاتك علاش ادير هكي باش تكفر ع غلطك انلاااا زعلانة ومش حنرضى هكي 😏 (واني نكدب عاجبني الجو😂)
حذيفة..باهي حاضر ادللي
اني شفتله بفرحة..نمشو للمول اليوم وندهورو فيهم اني وياك
حذيفة..حاضر وشن تاني
اني..اممم نفكر
حذيفة..باه 😂
حطيت الفطور وقعمزنا نفطرو ونهدرزو وبعدين طلع حذيفة باش يديرلي وراقيا واني ضميت الماعين وضميت الحوش وهما مزال ماروحوش خشيت للمطبخ قلت ندير غدي تو يروحو جيعانين
بديت نطيب درت كسكسي بالبصلة يفحفح😍كنت رايقة وجوي حلو نغني ونطيب وكملته وسقيته فتحت رواشن شوية باش يتغير ريحة الحوش وبخرته لقيتها ساعة 1 عطلو🤔
خديت فوني بنتصل بس ماعنديش غير رقم حذيفة اتصلت بيه
اني..حبيبي امك وبوك عطلو ماروحوش كلمهم ماعنديش ارقامهم
حذيفة..باه تمام درتي غدي؟؟
اني..ايه كيف طاب
حذيفة فرح..تمام تمام نكلمهم ومروح اني
اني..اوك
سكرت منه وركبت دوشت وبدلت نزلت لقيت خويلة بدرية توتي في الغدي وتحط فيه
اني..روحتوو
بدرية..ايه كيف خشينا وين كنتي
اني..ركبت بدلت علقت فيا ريحة تطييب
بدرية..اها باهي هي حطي معاي😊
حطينا الغدي وقعمزنا كلنا وتغدينا وكان الجو هدوء وكل واحد ياكل وساكت حسيت ان في حاجة بس ماقدرتش نسئل قلت مرات حجات خاصة
كملنا غدي وقمت الماعين وغسلتهم وطيبت بدرية الشاهي والقهوة وحطيناه وقعدنا نهدرزو
مهند..يابوي كيف يصير في اختي هكي واحني اهني
اني ستغربت خيرها اخته!!
حذيفة ناض..نور الحقيني
شفتلهم ونضت وراه ركبنا للدار..اني شن في خيرهم وخيرها اختك
حذيفة لوح جاكيته ع سرير وتيشرته لوحه ع سرير واتكى هوا وكان تاعب من شكله
اني ونقيم في الحوايج..شن في خيركم
حذيفة..تو نحكيلك بعدين غير توا راسي يوجع فيا طفي الضي بالله عليك
اني..اوك سلامتك من التعب حبيبي خلي ننزل اني
حذيفة..لالا تعالي جنبي بس نبي نرقد ع صوتك
قعمزت جنبه وقعدت نهدرز عليه ونغيرله في جوه
اني..لما كنت اني صغيرة كنت ندير هكي لماما نقولها تعالي جنبي واحكيلي قصة🤣وكانت تقولي في خرافات وحجات 😂
حذيفة..امممم كنتي دلوعة هلبا
اني..ايه بس مش زي التافهات ع اساس مدلعات وهما قليلات ادب
حذيفة..ايه صح
اني..كنت الي نبيها ناخدها ومرات نحصل في تكشيخات من ماما 😂 ع خاطر دلعي هدا بس بابا مرات حتى يتعارك معاها لو ضربتني او كشخت عليا بابا كان مش متحمل فيا حاجة بذات اني ماعنديش صاحبات وحتى بنات عم وصغار عم كنت لا يحبوني ولا نحبهم
حذيفة..علاش باه
اني..مانعرفش اماهاتهم كانو مايحبوش ماما على خاطر ماما مهتمة بجدي وتعامل فيه كأنه بوها واني بنتها اكيد بيكرهوني رغم ان مادخلي في شي بس الله غالب واحمد كان مايندريش انه خوي بالرضاعة امه كانت مدرقة عليه الموضوع لين اني قتله
حذيفة..ايه
قعدت نهدرز لعند رقد واني قعدت نفكر شن في وخيرها سوسن !!😣
فات الوقت وغفيت مع حذيفة
.
.
.
.
"في ليبيا"
الاء..خيرك خيره وجهك والا اصفر
سوسن..تي شنو هدا😳
الاء..شنو خيرك
سوسن قعدت ترعش وتبكي
الاء..خيرك سوسن قولي تكلمي
سوسن مدتلها الفون شوووفي😓😭شن هدا هدا كدب اني مانديرش ومادرتش هكي وحق ربي مادرت هكي اني☹😭
الاء تقرا وتتفرج ع صور وهي كل مالها تزيد تنصدم اكثر واكثر
سوسن..ناديلي محمممد تووا
الاء..هدا شنو باهي
سوسن..كله فبركة اني ماعمري وقفت ع ولد عيلتي كانت متقيدة ومستحيل يخلوني اصلا خوتي ومحمد اكتر شخص فاهم وعارف الشي هدا مزبووط😭ناديهوولي توووا
الاء رعشت من الي شافاته خلت الفون ونزلت دارت روحها عادية بعتت صغار ينادو ع محمد جي محمد
محمد..شن في الاء
الاء..ءء محمد انت لازم تركب فوق
محمد..وين؟ حوشي؟؟
الاء..ايه بسرعة سوسن منهارة في شي مش مزبوط صاير
محمد..وسعيلي طريق
الاء..كلهم في صالون اركب مش حيشوفك حد
محمد..تم ركب محمد يجري والدرجة بدرجتين وهو قلبه مقبوض مع كل درجة وخايف لو صايرة لي سوسن حاجة فتح الباب لقاها مقعمزة وتبكي وترعش
محمد..خيرك حبيبي شن في علاش تبكي في حد قالك كلمة كلمك حد منو خيرك تكلمي!؟؟
سوسن شبحتله ودموعها ينزلو تغمراته وهي تبكي ومحمد حضنها وهو مش فاهم شي بس الي فاهمه انها محتاجاته💔
محمد بعد ماهدت سوسن باعدها ومسحلها دموعها..احكي
سوسن..افتح فوني وشوف رقم بنت عمك شن باعتتلي تحسابني مش حنوريهولك محمد اني عييت وتعبت من هدا كله راهو معقولة لهدرجة وصلت بيها ومنين حصلت صوري اصلاااا😭
محمد جت في ودنه كلمة صوري فتح الفون وشاف بلاوي سودة محادثااات و صورها مع ولاد وكذا
وجهه والا احمر عروق رقبته بدو يبانو لوح الفون ع الحيط و كسره
سوسن تبكي ومش قادرة توقف دموع
حط محمد يديه ع راسه وهو افكار ترفع وتجيب فيه
محمد بهدوء..امتى بعتتهاته
سوسن شافتله ورجعت تبكي من جديد عيط محمد عليها ..خلااااص يااااسر معااااش تبكي انتِ مادرررتي شييي صحح علاش توا تبكي واثقة من نفسك ومادرتي شي وله علاش دموع علاااااش!!!!!
سوسن من بين دموعها..خايفة نخسرك💔
محمد حضنها ويمسح ع شعرها..مستحيل يقدر مخلوق يباعدني عليك ومستحيل نصدق الي باعتاته هدا واضح تركيب واني عارفك وواثق فيك وفي تربيتك وعارف روحي واخد بنت راجل واخت رجالة ف امسحي دموعك ياطفلتي😘خلاص وهديكا حسابها عندي لما اندمها في اليوم الي جت فيه
سوسن شافتله وحطت يدها ع لحيته..خليها حسبت ربي فيها وربي مش حيضيعلي حقي منها واني بس نبيك تكون واثق فيا لوسمحت اني والله مانديره الي مبعوت هدا😔بس نبي نطلب منك طلب نبي نسافر لي اهلي
محمد..كيف تواااا
سوسن..ياريت😣
محمد..والعرس
سوسن..تبي الحق والله ماعاد عندي ليه جواجي طارت النية
محمد تعفلق..هدا عرس اختي تبي والا متبيش بتحضريه وقلنا قصة البنت هدي تو ننهيها اني وتوا تمشي تغسلي وجهك وتبدلي وتنزلي ع الاقل على خاطر امي الي فرحانة بيك وتبيك معاها في يوم زي هدا😠
سوسن حست روحها غلطت..اسفة بس والله من ضيقتي معاد عرفت شن نقول
محمد قرصلها خدها..خلاص يانكد خلاص اضحكي
سوسن..هههههههه باه تمام شوية وننزل
محمد..طلعيلي تيشرت عبيتيه دموع هدا
سوسن..به
خشت سوسن وهو شاف للفون قامه وخش وراها طلع فلوس في جيبه وغير تيشرته ونزل طلع طول بدون مايشوفه حد وطلع بسيارة
اما سوسن اول ماطلع محمد جتها الاء
الاء..شنو صاار
سوسن..تفاهمنا وخلاص
الاء..كيف
سوسن..وريته كل شي وهو عارف وفاهم انها تبي تفرق بيننا وهيا تحسابني مش حنوري مسجاتها لي محمد وصور ودوة المهم تعصب صح وهكي بس محمد ثقته فيا ماتهزهاش كمشة صور ومحادثات وخرابيط ودوة فاضية🙂
الاء..الحمدلله حبكم اقوا من كل شي خليك قوية وردي بالك تضعفي لي شي زي هدا ماتنفعش وهكي تبي هيا سامحيني فيها بس هيا لاقياتك ضعيفة ومش قوية وطيبة بتركب عليك ف قوي روحك وديري لروحك شخصية قوية وهيبة
سوسن..اني من صغري تربيت ع دلع وخوف من خوتي وبوي يعني ماكنتش فاهمة شن هدا وهدا شن من عرفت محمد تغيرت حياتي وبديت نفهم ونعرف يعني قصة طويلة نقعمزو يوم تاني بعد العرس ونهدرزو
الاء..اوك هي ننزلو
سوسن..بنبدل
بدلت سوسن ولبست ودارت ميك اب ودارت بارفانها وسكرت الباب ونزلت
الاء..وين فونك نسيتيه داخل
سوسن..لالا كسره محمد😣
الاء..ماتخافيش تو يجيبلك جديد هههههه
سوسن..زعمااا هههههههه
الاء..التكسيرة هدي من صالحك باش يجيك ايفون X مرة وحدة
سوسن..حتى بيلة عادي المهم يقول الو ع قولة حناي😂😂
الاء..😂😂
نزلو وخشو للصالون سلمت ع ناس جاية توا وعزوزتها تعرف فيها ع الناس وفرحانة بيها قريب اطير قعمزت سوسن شوية وبعدين ناضت للبنات وهدرزة وجو وفتحو اغاني وقلبوها💃🏼💃🏼
.
.
.
عندي اني
.
اني..حبيبي نوض هيا
حذيفة..اااه
اني..هيا نوض صلي العصر خلاص مش باهي النوم هدا كله
حذيفة..باهي حاضر
ناض حذيفة خش للحمام واني نزلت
بدرية..ناض
اني..ايه نوضته وين عمي
بدرية..توا كيف طلع
اني..باه خيرها سوسن عمتي
بدرية..قصة يابنتي لكن انحلت الحمدلله
اني. باهي ان شاءالله خير يارب
بدرية..ان شاءالله
اني حسيتها تبيش تحكي ف مابيتش ندخل نفسي قعمزت جنبها نتفرج ع البرنامج وعقلي في جيهة تانية نتفكر في قعداتي اني وماما وهدرزتنا تفكرت احمد خنقتني العبرة معقولة معاش اتصل بكل علاش باه معقولة نسمع من البنت ان هو بيخطب
بدرية..نور نور نوور وين رجتي
اني..ااه لا شي نعم
بدرية..اديريلنا نسكافيه
اني..حاضر باه
نضت ندير فيه ونسمع فيها تدوي هيا وحذيفة ماعدلتش وتحشمت ان حتى نسمع شن يدوو كملت ودرت السفرة ورفعتها كحيت باش يفهمو ان اني جاية سكتو هما ع طول
اني..وهدا النساكفيه لي احلى عميمة بالدنيا😍
بدرية..صحيتي يابنتي
شربنا اني وياها وحذيفة وكانو مغيرين الموضوع وعادي جوهم فتت وماعدلتش ع خشة مهند ساويت وشاحي ع راسي وخوهم هاني
حذيفة يشوفلي يبيني انوض واني درت روحي مش معظلة في خاكري ملح نبي نهدرز عييت بروحي ديما
اني..شخبار قرايتكم؟
مهند..الحمدلله
هاني..تمام ماشية
اني..حقا حذيفة شن صار
حذيفة..ايه فكرتيني بعد غدوا بتبدي تمشي
بدرية..شنو؟
اني..بنكمل قرايتي اهني
بدرية..زين مادرتي يابنتي
اني..😊
حذيفة..مفروض تبدي تراجعي توا باش تكوني جاهزة
اني حسيتها زي توزيعة..اه ايه خلي نركب
ركبت وكنت مضايقة حاسة روحي بروحي ومامعاي حد🖤
.
.
مهند..خيرك انت واضحة توزيعة راهو
حذيفة..شن دخلك انت الها بي عمرك
بدرية..خيرك معاها انت شن دارتلك البنية
حذيفة.. #يتبع
.
.
.
#حنو
