البارت #الـرابـع
.
.
.
مـن روايـة #حـكـايـتي🍁
.
.
.
امها..غير اقعدي سلم بنتي تغدي معانا
اني..لا صحتين عميمة والله شبعانة
امها..تمام به
ع خشة خوها
خوها..منااار خطيبك شن يدير هنيي؟؟
امها نصدمت وسكتت
اني..😳ءءء اني جاي بيروح بيا اني بنت عمه
خوه تحشم..اااه اسف ماشفتكش اختي
امه..وين نصرفوها اسف هدي😒
بدلت منار ع السريع وطلعت من دار..خيرك تعييط
اني بننفلق من ضحك دايرة روحها جو شعر مشتشت وزعميتك من بكري اهني
امها..سلم بنتي صحيتي
اني..سلمك ولووو
امها وتعلي في صوتها..عاوديها باهي ؟ 😊😉
اني.. ههههه ان شاءالله
طلعت وركبت سيارة
احمد..خوها خش كان يهدرز
اني..خاش والع فهم غلط 😂😂😂يحسابك جاي تتلاقا معاها او بالاحرى فهم صح بس فهمناه غلط😂😂😂😂😂😂😂
احمد..🤣🤣🤣😂😂شن قال
اني..قالها خطيبك شن يدير اهني مشي قتله اني بيروح بيا اني بنت عمه😂😂😂وجو بريئة
احمد..عارف انتم الي يقدركم يجي يحاسبني
اني..هههههههه
روحنا حوشنا ولقينا مرت عمي مقعمزة في جنان وقارنتهم
اني ايااااح توا بتلقح
احمد..امييي شن جو
مرت عمي..من ربي بخير 😏
احمد..خيرنا يام
مرت عمي..معاش حصلتك 24ساعة وانت رافعها وجايبها علاش سيارة مدايرتها؟
احمد..امتحانات واني قتلها اني تو نوصلك
مرت عمي..واني من بيرفعني ويجيبني لي وين مانبي
احمد..وين بوي
مرت عمي..بوك مهناش ماك تعرفه
اني..اسفة ماكنتش نندري هكي واصلا كملت امتحاناتي يعني خلاص احمد معاش بيوصلني
مرت عمي..فكة😒
خشيت اني ودموعي في عيوني
خشيت للدار قعمزت نبكي مش منها هيا والله ماهزتلي شعرة بكيت ان ديما في اخر امتحاناتي نلقا ماما💔 تستقبل فيا وفرحانة ونلقا بابا جايبلي هدية بمناسبة اخر يوم😭 واليوم بعد فراقهم لقيت تهزيب وكلام يسد البدن حرقتلي قلبي وماقدرتش ندعي عليها لانة هي ام احمد وخيي😔 قعدت نبكي وخلاص لعند رقدت
نضت ع تليفوني فتحت الخط طول بدون مانشوف..ايوا
خالتي..نور حبيبتي كيف حالك
اني..منوو
خالتي..خالتك يامعفنة
اني قمت الفون شفته ورديته..ااه ماريتش الاسم راقدة
خالتي..ماعرفتيش صووتي
اني..ماهو من تليفوناتكم الي مقطعة بعضها عليا
خالتي نصدمت بردي
اني..الووو
خالتي..ااا سامحيني بنيتي والله الا لاهيين
اني..في شنو ترا ماه حتى قبل نفس الشي وتتصلو وتكلمو في ماما ديما شن الفرق توا
خالتي..مش هكي بس خلاص حقك علينا اليوم اخر يوم امتحاناتك والا؟
اني..ايه وابيخ يوم
خالتي..علااااش مفروض فرحانة
اني..من بعد امي وبوي معاش في فرح💔🙂
خالتي..ماتقوليش هكي واحني وين
اني..لازم اني نسئله السؤال هدا انتم وين؟
خالتي..باه بنجوك اليوم ناخدوك
اني..نسئل جدي قبل مرات عنده مكان بنمشوله
خالتي..اوك اسأليه وقوليلنا
دورت جدي لقيته برا هو وصاحبه
اني..جدددي يا جدددي
جدي..تعالي بنتي مش براني الحاج حمد
اني..جدي
سلمت ع راجل وشفت لجدي
جدي..خير يابنتي شنو
اني..جدو خالتي تبي تجي ترفعني عادي؟
جدي..بري غيري جوك غر بيتان لا
اني..ايه عارفة هوا اني نقدر نبعد عليك ياجدوو؟ ههههه
وخشيت نجري للحوش
حاج حمد..منو هدي
جدي..هدي بنت المرحوم
حمد..بالله عليك مشاااااءالله نحسابها صغيرة اني
جدي..في الجامعة اليوم كملت امتحانتها اوللها سنة
حمد..مشاءالله عندي ولد ندورله اني وشكلنا بنجوكم يا حاج
جدي..وااله ولد ماينرفض بس البنت تبي تكمل بدون اي علاقة تربطها لا خطوبة ولا زواج وبعدين الي فيه نصيب تاخده
حمد..اااه ماداما هكي براحتكم
جدي..ايه شن كنا ندوو احني
.
.
.
اني..ايوا خالتي باهي تعالو
خالتي..اي في طريق احني
جو خطمو عليا ركبت سيارة لقيت خالاتي زوز وصغارهم من تالي
اني. السلام عليكم
خالاتي. وعليكم السلام
اني..وين ماشيين
خالتي..مكان
اني..اممم
خالتي..شن جو يا نور اهني عاجبك جو والا شنو؟
اني..حلو الحمد لله صح مش زي مع ماما وبابا بس جدي مش منقص عليا شي تندرو ان نسوق
خالتي..لالا بالحقاااا
خالتي..شن ماتندريش يا ايمان ماه يومها صهيب قالها
اني..ايه خالي صهيب يندري
ايمان..لالا والله مانندري
اني..ايه المهم جدي مايشبحش زين وهكي مشي علموني سواقة وبديت فيها قداش ليا من بداية جامعة
ايمان..مشاءالله ايه احسن مادرتي تعلمتيها
خشينا لي منتزه لعبو صغارهم واحني مقعمزين نهدرزو نندري لين في حد غمضلي عيوني
ايمان..هي قولي منو
اني..هما يدين مش ناعمات معناها يدين راجل ههههه اممممم خالو صهيييب نحا يديه وفتحلي يديه وجيت طول في حضنه وقعدت بعبرتي
خالي..غر بشوية تيشرت عبيتيه😂😂
اني زدت مسحت دموعي
خالي..ياحيوانة الحب اهني كيف بنشوفها
اني درت روحي مسحت خشمي بالعاني
خالي..وووووه ياقردة
اني..😂😂😂😂اي توا برا قابلها
خالااتي..🤣🤣🤣
جو باقي خالاتي وقعدنا نهدرزو وصغارهم يلعبو
اني..علاش معاش اديرو فيها اللمة هدي💔والله ترجعلي في الروح
خالي..اني معاش بنتغمرك
اني..😂😂بالسيف عليك والا ع خاطر ست الحسن والجمال بننحرم من حضنك
كنت نحب خالي صهيب اكتر واحد هوا وماما نفس الفيس نفس تصرفات نفس الحنية نفس كل شي اكتر واحد نحبه هوا
صهيب تحشم من خواته..باه ياسر فضحتينا
خالاتي..😂😂😂
ايمان..من هيا يا صهيب عرفنا عليها
اني. خالتي هيا اهني راهو
ايمان..بالله جيبهالنا نتعرفو بلكي تعجبناش
صهيب..تعجبك والا لا نبيها اني 🤣
اني..🤣😂😂قصف
كلمها صهيب
صهيب..تعالي لي طاولتنا
هي..شن طاولتكم خيرك
صهيب..فضحتني نور توا خلاص وشادين يبو يشوفوك
هي..هييييي يانهاري اني وخلاص مش مواسية روحي
صهيب..شن مقابلة شرعية هيا ؟؟ نوضي هيا
هي..تي يا صهيب حتى حاجة في وجهي كله منك
صهيب..وربي احلا وحدة شافتها عيوني وحتعجبيهم هياااا وبعدين حتى لا مادخلهمش نبيك اني
هي..ياهمي اني
جي قعمز صهيب جنبي وسكر فونه وحطه
ايمان..وينها
اني..هونا وراك جاية يناري وبتموت فكونا من جو نظرات فكوها مع البنت نحس فيها خاشة بعضها
صهيب..وله 😂
جت وقفت علينا وكلهم لحضة صمت يشبحولها
اني نضت..اهلييين اهلييين بمرت الخال قريباً😍كيف حااالك شن اخباارك
هي..الحمد لله انتِ نور صح
اني..ايه اني نور شن دايرة
هي..الحمد لله تمام
اني..نعرفك ع خالاتي والي هما حماواتك
ايمان تشوف لي صهيب وساكتة
صهيب بيضحك من نظرات ايمان
عرفتها عليهم وسلمو
ايمان..صهيب شن اسمها
هي..اسمي نورا
ايمان..عاشة الاسامي يا نورا كم مواليدك
نورا..93
ايمان..مشاءالله
فاتن..بنت منو انتِ يا نورا
نورا..بنت محمد الـ ..
فاتن..اهااا
عليا..تخدمي
فاتن..ايه في شركة
عليا..امم كويس
هناء..شن خدمتك
نورا..اني مهندسة معمارية وخاشة ع حجات تانية ترجمة وكمبيوتر وهكي
هناء..مليح
اني حسيت ان فتحو معاها تحقيق كملت عليهم اني..انتِ ومن جاية يا نور
انفلقو بالضحك كلهم
اني..والله مالقيت شن نسئل الي هدي فتحت عليها جبهة البنت 😂
صهيب..😂
نورا..😂😂جيت اني وخواتي
اني..اممم به
نورا.. نستأذنكم توا
ناضت نورا اني نخصت صهيب يمشي معاها
ناض صهيب مشي معاها
ايمان..ماعجبتنييييش
عليا..عينك والله باين عليها بنت مثقفة ومتعلمةةة
ايمان..مش عااارفة
فاتن..انتِ مايعجبك العجب ولا صيام في رجب شوفيهم كيف يمشو مع بعض كيف طالعين مع بعض
اني..ايه حلوين😍مشاءالله ربي يجمع بينهم
ايمان..اااح يانويرتها مني عادي ديما وحدة من حماوات تطلع غبرة
اني..وجت معاك انتِ يناري عليها
ايمان ضربتني ع كتفي..شن قصدك ياقردة اااه
اني..ههههههههه
خالاتي..قالت الحق😂😂
اني..هههههه
واني نضحك كان في واحد مقابلني ويغمزلي ودار صبعه ع خده زي الغمازة وضحكلي
اني لين تحشمت
لقيت خالتي ايمان تشبحلي وغمزتلي..شنو منو
اني..والله مانعرفه بس تحشمت من لقطة الي دارها
فاتن تلفتتله فنصت فيه وتلفتتلي..نماذج داره
ايمان..لا مش نماذج ياوخيتي بنت اختنا طرف 😂
اني..اهي بتلبسني هييي
عليا..علاش الكدب قنين الفرخ😂
فاتن..بيلعبولك براسك هدم ردي بالك منهم الناس هدم😂
اني..لالا اصلا مستحيل نخش في
وقعمز خالي صهيب زمطتها وسكتت وكلنا سكتنا
صهيب..في شن بتخشي
اني..ءء في جيم😊 واني كورسات وقراية😂
خالاتي..😅😅ايه
صهيب..وخيرك شن بتخلي روحك جلدة ع عظم والا شنو فكك تراه ديري جديقات😂
وقرصني خالي من خدودي
اني..تي شن هدا كله ومزال بنديرهم؟
صهيب..😂😂
عليا..😂😂غر خاطره يقرصهم قبل ديما يشد فيك ويقرصلك في خدودك حشيشته خدودك ومرة عضك فيهم😂😂امك قريب قتلاته
اني كنت نضحك بعدين سكتت وقت جابت سيرة ماما 💔ليش بس ياخالتي فتحتي جروح كانت مسكرة
لاحظو عليا اتغيرت وعيوني تعبو دموع
اني..احم ءء بنخش حمام تو نجي☺
خالي..نرفعك
اني..لالا نعرفه خليكم
كلهم..اوك
مشيت بسرعة ومامشيتش للحمام لقيت مكان فاضي وفيه كرسي قعمزت فيه نبكي لاني ماقدرتش ندسها دمعتي💔
حسيت بحد قعمز جنبي بس ماقدرتش حتى نشوف من كتر البكاء
هو قعمز وحاط يديه في جيوبه وتكا راسه ع الحيط..باش قتلك معاش تبكي عليهم هما يشوفو فيك وفرحانين بيك!
اني وقفني الصوت المدبوح الرجولي وريحته الي عبت المكان🖤🕵
اني..ماقدرتش كل يوم نتمنى يصيرلي شي ونموت ونمشيلهم😔تعبت مانقدرش نعيش من دونهم 💔
هو..واني تعبت لانهم عايشين بس مانقدرش نقرب منهم💔
اني تلفتتله..كيف!!
هو..انسي مش مهم المهم دموعك هدم معاد تنزليهم واني وين ماتضايقي حتلقيني جنبك زي توا😉
اني..بس منو انت؟
هو..مش مهم سلامات وزي ماقتلك 😘
لبس طاقيته ونظاراته وخدي فونه ومفاتيحه وباكو دخانه ومشي من جنبي واختفي!!!؟
اني مسحت دموعي وخشيت غسلت وجهي في الحمام (اكرمكم الله) وطلعت لقيت خالتي عليا جاية
عليا..خيرك عطلتي
اني..لا شي
عليا..هي بنروحو
اني..ايه احسن هي
عليا..هي
صهيب..نور تو نروح بيها اني وانتم برو
ايمان..تمام
طلعو خالاتي وطلعنا اني وخالي صهيب دهور بيا وقعد يغيرلي في جوي وبعدين روحت للحوش
اني..جديي
جدي..روحتي
اني..ايه ياجدو
جدي..والله يابنتي الحوش بعدك اخييي ينور وقت انتِ تجي
اني..هههههه
احمد..ايواه ايواه هدا كله لنووور!
اني..حتى اني نووور
احمد..هههههه
هدرزت ع جدي واحمد وبعدها خشيت رقدت الله نومة حلووووة😍
وفاتو سنين وقعدت نصفي اول بأول بس دافنة روحي في القراية
جي عرس احمد
اني..حميداا والا عريييس
احمد تحشم..هههههه
اني..هي ياعريس ارفعني بنشري حجات لعرسك
احمد..حاااضر
طلعت اني واحمد وبديت نشوف في حوايج وحجات وشريت هلبا حجات حلوة
احمد..طيحتيلي رجليا يابنت
اني..ههههههههه خلاص اهو كملنا
خليت احمد يشد الكيسات كلهم ونضحك ع منظره
احمد..علاش ياربي هكي
اني..هدا عرسك ولازم تتحمل
احمد..نعرف العريس مايديرولاش هكي
اني..الله غالب
شرين تلفون احمد
احمد..كيف بنرد الهم
اني..وينه تو نديره ع ودنك اني
طلعته من جيبه وحطيتهوله ع ودنه
احمد..ايوا
صاحبه..تي وينك
احمد..طالع بي اختي تو نجيكم لما نكمل مشاويري
صاحبه..من امتى عندك اخت!
احمد..لازم نهار الاحرف تقصقص ع كل شي خلاص قلنا تو نجيك😩
سكر منه وحسيت روحي كترتها ع احمد رغم ان مزال خاطري نكمل في حجات تانية نبيها ولازمتني بس حتى هدا بركة
اني..خلاص احمد هي
احمد..واخيرا
ركبنا السيارة وروحنا
خليت احمد يطلع وركبت سيارتي وخطمت ع خالتي عليا وطلعنا اني وياها كملت خديت باقي حجاتي مع المغرب روحنا حطيت خالتي في حوشها وطلعت
اني..ايوا احمد
احمد..وين انتِ؟
اني..اهو مروحة علاش شن في ؟
احمد..تو باش قلتيلي بكري انك كملتي
اني..مابيتش نزيدها عليك طلعت اني وخالتي واهو توا مروحة
احمد..جديدة حركات هدي غر روحي ونتفاهمو
سكرت منه..ينفعش معاكم اللطف والحنان مفروض ترست ع دين ام كبدك هداكا وين ترتاح😏
روحت للحوش لقيته معبي ببنات عمي وعمامي ونساوينهم😞
اني..السلام عليكم
الكل..وعليكم السلام
مرت عمي ام احمد..زدتي عطلتي علاش مروحة توا مزال بكري الوقت هدا غر خوك نحسابك من العوالة مشيتي طلعتي ومعاش روحتي
اني..استغفر الله العظيم مرت عمي تعرفيني قراية معاش فضيت بكل واليوم بس كيف فضيت وطلعت شريت كل حاجة نبيها يعني من بيشريلي حجاتي!!!🙄انتِ مثلا؟؟😒
خشيت لداري وحطيت حجاتي بدلت حوايجي ودرت شعري وبخيت بارفاني ودرت عيوني ايلاين ودهنت يديا بالكريمة وكملت خديت فوني وطلعت وسكرت داري بالمفتاح وحطيته في جيبي
بنت عمي..خايفتينا نخنبوك؟🙄مش متربيين هكي احني ره
اني درت روحي طرشة وخشيت للمطبخ كنت جعانة درت حاجة ناكلها ع سريع كليت وكملت وطلعت لقيتهم يدربكو قعمزت وقعدت فاتحة نت نقرا في رواية
قعمزت جنبي بنت عمي طفيت الفون
الاء..شن جو
اني..بخير
الاء وهي تتكلم بيديها باش تبيني نشوف دبلتها..خيرك تطنفري علينا
اني..بالعكس انتم الي ناهضين خشمكم عليا😒
الاء..ريتي دبلتي؟الماااس😊
اني..باه مبروك عليك ياحنة
الاء..خطبني محمد ولد جيرانكم
اني نصدمت😳..ااه
الاء..ايه الي خطبك يومها وماعجبتيهمش
اني..اني رفضته حبيبتي لانة حلمي اكبر من ان نحط دجاجة من صبح ربي في اميا باش تبرد ونطيب بيها😏وتتهني بيه لانة طالعين ع بعض صراحة😘
الاء..ههههه حاسدتيني انتِ هدا باش تدوي هكي مقهوورين
اني..على شنو بننقهر ورراس بنت عمي على شنو قلتيلي بنعيش برا انتِ؟ قلتيلي طلعتلي ورثة مليون دولار؟ قلتيلي انك تخرجتي بتفوق وبترتيب انتِ؟؟ طبعا لا قلتيلي جابلي دبلة الماس وبنتزوج يعني هدا حلمك انتِ؟ 😂😂😂ضحكتيني وحق ربي
وقعدت نضحك من قلبي ع تفاهة الي هما فيها
طلعت برا قعمزت في جنان وكسدت كلهم مدايرين حزب عليا
كنت ورا الحوش شبحت ظل حد يمشي لعند ريته واقف قدامي
محمد..نور
اني..محمد😳؟؟؟
محمد..ايه شن جو😊
اني..شن ادير اهني انت😬
محمد..نحبك يانور
اني..شن تحبني وشن تخربط انت وبعدين باش خطبت بنت عمي
محمد..خطبتها باش نبي نقهرك بس الي درته ع الفاضي
اني..ايه ع الفاضي صراحة انتم الزوز الي مقهورين اما اني مش خاسرة شي ولا نقهرت ولا شي شن العالم هدي خيرا تفكيركم هكي اذاكان انتم تنقهرو عشان هدا تزوج وهدا خدي هدي اني لاااا اني ماننقهرش ومانزلعش ع حجات تافهة زي هدي اولا هدي سنة الحياة اوك بس مش بطريقة هدددي شن العفن الي انتم فيه هدا ولا جايني بكل عين وقحة نحبك 😂😂وحق ربي الا انتم الي مقهورين
وخشيت وخليته واقف يشوفلي وبحسرة ع العملة الي دارها
قعمزت نتفرج عليهم لعند تمو وفرشو ورقدو
وخشيت اني داري ورقدت وسكرتها عليا
مشيت في نوم عميق لين نسمع في طقان ع الباب
فتحت الباب
اني..صباح الخير
مرت عمي..صباح الخير هي اغسلي وجهك وتعالي افطري
اني..بنخش ندوش قبل
مرت عمي..تعالي افطري قبل حتى تصحصحي لانة لو دوشتي وطلعتي لقيتي كل شي مضموم ره
اني..باه
خشيت فرشيت سنوني وغسلت وجهي ومشيت فطرت معاهم وبعدها نضت درت دوش وبدلت ودرت شعري وكملته وطلعت💕
لقيت الناس بدو يجو والي جاي بيقيم عندنا
لمدة اسبوع💔 ااااه ياقلبي قداش مابتتحمل
اني..نعم خالتي
عزوزة..ارقعيني للحمام يابنيتي
رفعتها للحمام وطلعت قعدت نعول معاهم برا ولقيت بنات يقربولنا وجوي حلو معاهم مشيت معاهم الجو هما وفتت بنات العم💔😷
هيجنا وكسدنا مع بعض ورقدنا مع بعض
في ليلة النجمة جايبين زمزامات ويغنو ويرقصو واني مش من جوي الزمزامات قعدت مقعمزة ومرة مرة انوض نفرق ع ناس ولو حد يبي حاجة
المرا..بالله يابنيتي بنت منو هدي
بنت عمي..هدي بنت عمي المتوفي
المرا..كم مواليدها ؟
بنت عمي..96
المرا..مشاءالله
بنت عمي..علاش ؟
المرا..عندي وليدي ونبي نخطبله
بنت عمي..ننصحك تفوتيها يا خويلة ماتنفعش اني نقولك ريتي هديكا البنت الطويلة الي شعرها قصير
المرا..ايه
بنت عمي..هديكا نديدتها بس كويسة هلباااا وننصحك هيا الي تاخديها لي ولدك لكن هدي كان متبرية من ولدك بري خوديهاله لانها ماتنفعش بكككل
المرا..وانتِ ماعلموكش اماليك ان حرام تدوي ع بنات الناس هكي؟؟ والمشكلة بنت عمك والله ماتتستحي ولا تتحشمي البنت ممن بكري نشبح فيها عاقلة ومشاءالله وحتى اسلوبها كويسة واما الي قلتيلي عليها من بكري وهي تترقص وكركاشية لأبعد الحدود انتِ هي الي ماتنفعي لوحة بري من عليا تراه وتو نكلمها هيا ونشوفها خزي بنت عمك هدي راه
بنت عمي..كيدك ع عمرك ماعنده شن بيطق فيا اني الي بديريه هه😏
وتهزبت بنت عمي😂وانقصفت وجبهتها طارت😁وسنونها طاحو🤤
سوسن..نور ريتي المرا هديكا
اني..ايه
سوسن..من بكري وهي تشوفلك 😂شكلها حاطة العين عليك
اني..بعيد السو
سوسن تنفلق بالضحك
اني..حشممم حااالك
سوسن..ياحمارة هدي كلمة تقوليها
اني..خيرك
سوسن..تي هدي سنة الحياة وفي النهاية بتتزوجي واحد يقولك مانبيش مرتي تخدم مكانها الحوش مرتي
اني..🙄اخرطي اني ماقريتش هدا كله باش يجي سي السيد ويبطلني من خدمتي لو اني هكي راه قريت حاجة ساهلة وحلوة ونستمتع بيها حتى بعد نكون في حوشي ومانخدمش تو والنبي كان صار الي قلتي عليه في شن بنستمتع تراه؟ وبذات اني نبي جراحة يعني نستنى امتى اطيح عزوزتي باش نخيطلها الجرح ونداويه والا شنو
سوسن..ووووه جنابي😂😂😂😂😂😂
اني..والله حااالة اني من البداية حاطة الموضوع هدا في راسي لو قريت حاجة عادية كنت اوك نوافق بس هدي حاجة مش عادية صراحة
سوسن..باهي 😂😂خلاص فهمنا
المرا..اهلا كيف حالك
اني وقفت طول وسلمت عليها بالخد..اهلا بيك😊
المرا..انتِ نور
اني..ايه اني نور تفضلي خويلة تبي حاجة ؟
المرا..لا يابنيتي غير نبي ندويلك في موضوع
اني..تفضلي احكي
المرا شبحت لسوسن
سوسن..تو نجي اني نونو😘
اني..تفضلي احكي
المرا..تبي الحق يابنيتي عجبتيني واني عندي وليدي ندورله في بنية زيك
اني تحشمت..ااه
المرا..ايه وكان توافقي بعد العرس نجو نتقدمولك😍
اني..خويلة كيف بنقولك بس اني مسكرة موضوع زواج حالياً
المرا بخيبت امل..ليييش؟
اني..والله اني قرايتي صعبة وتبي بال ووقت فاضي واني مانقدرش نتزوج وقرايتي ؟
المرا..ولدي عادي حتى لو بتقري اقري بتخدمي اخدمي
اني..ايه بس اني مش عادي خويلة اني مانقدرش نفتح بيت وبالي في شي تاني يعني البيت مسؤلية مش غر عرس وطبل ورن وبس لا في حجات وامور اكبر من هكي واني مانقدرهاش لانة قرايتي تبيلي زي ماقتلك وقتي كله
المرا..انتِ شن تقري
اني..طب بشري ونبي نتخصص جراحة بس طبعا مزززال
المرا..مشاءالله تبارك الرحمن عندك طموح كبير
اني..طموحي من واني صغيرة نكون زي بابا
المرا..ربي يناولك الي في بالك والله يرحمهم ويوسع عليهم
اني..يارب
المرا..ماعلينا يابنتي مافيش نصيب الله غالب بس نبي ننصحك نصيحة ام
اني..نعم
المرا..عندك بنت عمك هديكا الي ترقص ريتيها اسمها الاء ايه هديكا ردي بالك منها ولازم توقفيها عند حدها راهي تشوهلك في سمعتك راه اني سئلتها عليك وقتلي كلام ماتحمله الوطا واني ماصدقتهاش لانة واضح عليها تبي تفسد عليك كل شي
اني..بنات عمي كلهم يا خويلة مش غر هدي واني عارفتها وعارفتهم كلهم بس الي يديروه حيلقوه مسلمتها في يد ربي بس هو الوحيد الي يقدر عليهم
المرا..فعلا انك بنت اصل والله يرحم الي ربوك😘
قعدت المرا مقعمزة جنبي ومرة مرة تهدرز عليا لعند كلمها ولدها وروحت
وفضي الجو وخشيت اني رقدت
وجي يوم الدخول
كان يوم الكل مشغول فيه ومافيش حد فاضي لحد
اني مشيت عند كوافيرة درت شعري وشوية ميك اب بسييط وروح بيا خالي لحوش جدي كانو خالاتي ملتمين لبست اني قفطاني الي كلهم تفاجؤ بيا بيه وماكانوش متوقعين ان نطلع بالحلاوة هدي كلها
عليا..بسم الله مشاءالله😍😍تبارك الرحمن
ايمان..قل اعوذ برب الفلق😘
فاتن جايبة الوشق وتبخر فيا..مشاءالله مشاءالله اللهم صلي وسلم على النبي
خالي..اوووه بنت اختي كبرت😍
اني..هههههههه
خشيت لبست عبايتي وبخيت بارفاني وخالاتي حايمين بيا ماخلونيش لين طلعت
ورفعني خالي للصالة لانة مدايرينه مشترك
وخشيت
نصدمو فيا بنات العم☺🙄
اني ابتسامة خفيفة وخشيت نسلم ع الناس وبعدها لقيت سوسن
سوسن..اوووه وين وين ع الجمال😊😉
اني..قداش ليا ع الاعراس ره من وفات امي وبوي
سوسن..الله يرحمهم😌
اني..ايه شن جو
سوسن..مليح والله تعرفي الاء من بكري هي ترقص ويدها اليمين قايمتها فوق وتلوي بيها 😂😂😂حالة تعرفي طقطقتلي عظامي
اني..😂😂😂
سوسن..هي تعالي نرقصو
اني..لا ارقصي انتِ واني نوقف نصفق
سوسن..بالله عليك😑
اني..والله لا مانبيش نرقص خلاص ارقصي واهو نوقف اهني
بدت سوسن ترقص واني واقفة نصفقلها وبعدين قعمزنا وقعدنا نهدرزو
جت وقفت علينا الاء
الاء..هدا غر عرس خوك يا نور
اني..ايه شن تبيني ندير باه؟
الاء..ارقصي وماتقعمزيش وعولي
اني..اولا الرقص تحلمي بيه تانيا الشغالات قايمات بالواجب ومرت عمك واقفة قدام الباب تستقبل يعني شنو بندير من فايدة اني فكي عليا تراه
الاء وتتكلم بيدها اليمين..امممم حمودي بيجي بيشوفني
اني صدمتني..وين بيشووفك😳
الاء..تو نطلعله من باب المطبخ يطلع لبرا
اني شفتلها من فوق للوطة..بلبستك هدي!!!
الاء..ايه خيرني حلوة ولهه
سوسن..ااه ههه حلوة ايه
اني..خيرك الاء هبلتي راه مش حلالك هوا باش عادي تطلعي قدامه هكي
الاء..والنبي بري فكيني منك معقدة
ومشت الاء
اني..يكدب عليها مايحبهاش
سوسن..كيف عرفتي
اني..****
سوسن..😳😳
#يتبع
.
.
.
ان شاءالله تنال اعجابكم ياااارب😍ونبي تفاعلككم هيااا قصدي مش معقولة هكي ره اني نكتب ونبي ارائكم في كل حلقة ورأيكم كله يزيدني ويشجعني وباش نعرف رواية عجبت الكل او لا لو سمحتوو😊 #حنو
