البـارت #السـادس_والـعشـرون
.
.
.
روايـة #حـكايـتـي🍁
.
.
.
عند طارق
طارق..صار معاش روحو بكل!!
الراجل..ايه
طارق..به سيورهم مروحين ونتلاقو اني وراها وراها
الراجل..هدم المعلومات الي عندي توا هي ماشي
طارق اتكى ع الكرسي..شكرا
وقعد طارق يفكر بين افكار تجيب وترفع فيه
.
.
.
امه..صباح الورد
خالته..وان شاءالله رقدت فوق وخليت الناس بروحها
محمد..اني مانرتاحش الا في مكاني
امه..ايه محمد من زمان مايرتاحش الا في فراشه
خالته..وكنتك حتى هيا اوو
امه..بما ان حمادي راقد فوق بالطبيعي كنتي بتكون فوق هيي طلع الفطور سلم وليدي 😊😉
وسوسن بدلت ونزلت
سوسن خشت لقتهم يفطرو..صباح الخير صحة صحة😘
الكل..صباح الورد
خالته..هدي النوضة امالا😏؟
سوسن..لالا من بكري غير قعدت نضم
امه..سلمها كنينتي ياربي تعالي افطري
سوسن..صحتين فاطرة يا عميمة
امه..سلمك
الاء..شن جو
سوسن..الحمدلله
شرين فون سوسن وكانت مكالمة دولية
الاء..اووووه مبروووك 😍قتلك وله ههههههه
سوسن..هههههه ايوا ماما صباح الخير
بدرية..صباح منو يابنتي كيف حالك
سوسن..الحمدلله ماه مش نفس توقيت نسيت😂
بدرية..اها ايه شن اخباركم
سوسن..الحمدلله تمام
بدرية..شن جو العرس
سوسن..الحمدلله
بدرية..عطيني نكلم عزوزتك كانا جنبك
سوسن..باهي حاضر عمييمة تبيك ماما
امه..هاتي 😊
خدتها وقعدو يهدرزو وتباركلها بدرية وتهدرز
اخت محمد..كيف صار امس بي جلاكسي😂
سوسن..😂😂طاح مني في ليل جابهولي
اخت محمد قامت يديها فوق..يااااارب زوج زي خوي😂
سوسن..لالا محمد طرف واحد بس 😂
ضحكو البنات كلهم وقعدو يهدرزو
وجت العشية كلهم الي روح والي مشي للمزين وكل واحد لاهي ركبت سوسن وجتها مزينة لانة محمد من الاول قالها مش حنفضى
سوسن..اهلا
المزينة..اهلا بيك
حطت سوسن عصير وشكلاطة وهدرزو شوية وورتلها سوسن شن بتلبس وقعمزت بدتلها 💆🏼
.
.
بثينة..اااخ مش حنتحمله اني ياماما غمة ع القلب مش ضروري
امها..اسكتي هدا مامزال بتحشميني قدام الناس
.
.
فات الوقت لبست سوسن الصدرة وكملت عطتها حقها وطلعت
محمد..ها حبيبي بنركب روحت المرا؟
سوسن..ايه روحت هي اركب بدل وتيتلك حوايجك
محمد..تمام
ركب محمد
محمد..عزوزتي😂
سوسن..نعم شيبانيا
محمد..ماشاءالله ع القمر حبيبتي
سوسن..هههههههه هيا البس بننزل
محمد..تو انزلك اني😉
خش محمد دوش ع السريع وبدل حوايجه وتكم وكمل وشدلي يدي
محمد..ياملاكي انتِ خلي نصورو سيلفي
سوسن..تمام😍
صورو مع بعضهم كم صورة ونزلو❣شادين في يدين بعض وفرحانين
امه..روروروروروروروروروري ماشاءاالله تباااارك الرحمن عليكم هاتي يا بيان الوشق اهما الي نخاف عليهم من العين حق
وشقتهم اخته
محمد..شن هدا الي لابستيه قصير
سوسن..شن دخلك انت خلي البنت في حالها
بيان..تي منووورة مرت خوي😉هي سيلفي لو سمحت خوي العزيز
دارو صورة الام وبيان وسوسن ومحمد وطلع محمد من الباب الخلفي طول وطلعت سوسن للجنان كانو مدايرينه ومزينينه وجو حلوو
سلمت ع ناس وقعمزت بحدا الصدارات وجو جمييل
فات اليوم حلو وجي يوم تاني الحفلة ومشي العرس زيه زي باقي الاعراس بحلوه ومره
.
.
سوسن..اااه واخيرا تم العرس
محمد..تعببب واخي لما تبدا ولد واحد
سوسن..ولما تبدا بنت وحدة ماريتش شي انت
محمد..نشبهو بعضنا اني ولد واحد وانتِ بنت وحدة
سوسن..ههههههه ايه
محمد..اسمعي بنخش توا نرقد نبي نرتاح وان شاءالله امي قتلك نوضيه ماتنوضينيش وقوليلها مباش ينوض فاهمة
سوسن..علاش خيرك
محمد..تاعب نبي نرقد بسسس
سوسن..باهي ارتاح اني خلي ننزل
محمد..باهي نزلي معاك المفتاح
سوسن..به
خدت سوسن المفتاح وطفت الضيات متع الحوش وطلعت نزلت
كانو ناس مرة مرة يجو لي ام محمد هدم الي ماجوش للعرس والي مايخشوش للصالة وهكي👀
.
.
عند احمد
احمد وهو يلبس فيها في دبلة..واخيرااا😍
سنابل متحشمة..ههههه
احمد..شن رايك نقرو الفاتحة توا ونروح بيك😂
سنابل..يابارد روح خلاص بنطلع
احمد..😂😂
سنابل..نحبك
احمد..ياحليلي ياربي بتهبلني البنت هدي نموت فيك اني😍ولو تطلعي احسن الحق
سنابل..طالعة طالعة😂
طلعت سنابل من مربوعتهم وخشت ودارت يدها ورتهم الدبلة وقعدو يزغرطو وفرحانين
اما ام سنابل ف عيونها في ام احمد ماخلتهاش تغيب عن عينها نهائي
والبنات يزغرطو ويدربكو وجوهم مليح وفرحانيلها
روح احمد واهله وقعدو اهل سنابل بس
سنابل..تمنيت نور حاضرة
مسرة..ايه بتجيب غادي هيا
سنابل..احتمال حتى معش تولي اهني
مسرة..اممممم خسارة
ومشت الايام بسرعة وحددو العرس بعد شهرين بما ان احمد واتي ومش ناقصه شي والشهرين هدم سنابل تجري من مكان لمكان باش تلحق ادير كل شي خاطرها فيه ❤
.
.
عندي اني🙆
اني..حبي حسيتها عميمة حرجت ع خاطر حولنا
حذيفة..تو ترضى اني ماخديتش راحتي بككل
اني..بالعكس والله تعودت عليهم
حذيفة..اني هكي متعود نبي بروحي مش عاجبني جو مع خوتي وعيلة ماخديتش راحتي معاك
اني..انت هدا كله ع خاطر هنود
حذيفة تلفتلي..ومن امتى والا هنووود؟؟؟
اني..خيرك والله كويس الولد
حذيفة..الصبببر😡طالع اني
اني..افففف
طلع حذيفة واني قعمزت وقعدت نبكي اخي ماحبيتش الي اني فيه غربة و مافي حد يغيرلي جوي💔
قعمزت غير نبكي وخلاص ستاحشت ماما وبابا تمنيتهم معاي في الغربة هدي💔
اتصلت بيا سوسن وكأني نستنى فيها رديت ع طول واني نبكي
سوسن..خيييرك
اني..مضايقة هلبااااا
سوسن..وين امي
اني..حولنا لي حوش بروحنا وخوك لايطلع لا شي تقول في حبس فديت بجديات عييت نقهرت
سوسن..علاش احكيلي خيركم
اني..خوك نحسه معاش يحبني والا كرهني بدي يتنرفز مني في ابسط الحجات و معش مهتملي زي قبل من وقت ما حملت وهوا بعيد عليا ووقت نسئله يقولي خدمة وتعب بجد اني الي تعبت والله عييت نفسيتي تعباااااانة تعالي سوسن ارجوك والله مضايقة💔ومافي لمن نحكي
سوسن..اول مرة نلقاك هكي خيركم شن صارلكم اللطف
اني..مانعرفش مانعرفش تخيلي مرة لقيته في قهوة يتغدا مع بنت ووقتت تعاركنا قالي هيا لاصقة فيا ومش اني واجتماع المهم ع خاطر نبيش انكد ع روحي فته الموضوع وتصالحنا ع اساس بس والله مولي احرف من قبل توا يالاه خوك مهند قبل يطلع فيا ومرة مرة نتمشى اني وياه قريب يهبل باه هوا مش مهتملي وفاضيلي اني نفسيتي تاااعبة وخوك مهند ملاحظ الشي هدا وديما يقولي انتِ زي سوسن اختي واني اختي توا عند راجلها نبي نديرك زي اختي ونشكيلك ونحكيلك باه شن تبيني نقوله لا والله تعبني بجديات حاسة روحي في حبس😭
حسيت بي حد حضني من خلف ودفن راسه ع كتفي وخدي نفس قوي لدرجة اني جمدت في مكاني
اني..سس سوسن ت تو نكلمك
سوسن..خيرك
اني..لا شي غير نبي الحمام
سوسن..اه اوك تمام
سكرت منها وقعدت في مكاني
حذيفة..اسف سامحيني 💔
اني حطيت يديا ع وجهي ووليت نبكي بعبرتي
جي مقابلني ونحالي يديا مسحلي دموعي وخداني في حضنه💔
حذيفة وهو يمسح ع ظهري..اسف حبيبي ماكنتش نحساب روحي مداير هدا كله لهيت في الخدمة ونسيتك انتِ سامحيني ياملاكي😘
اني..😭😭
حذيفة زاد حضني واني نبكي زي البيبي ع هلبا حجات نبكي ع ماما الي ستاحشتها نبكي ع بابا نبكي ع جدو نبكي ع اهمال حذيفة ليا ع شن نبكي بزبط مشعارفة 😭😭 لين فرغت طاقتي كلها ورقدت واني نبكي
حذيفة..ياربي شن الي درته اني بسسس حرام عليا هكي
قعد حذيفة في مكانه واني راقدة شوية وقامني حطني في دار وهو بيطلع شديته من يده..اقعد جنبي
خش حذيفة جنبي ورقد حتى هوا💤
.
.
وبعد شهرين تزوجو احمد و سنابل
احمد وهو خاش للصالة
سنابل كانت واقفة في اخر الصالة
فتحو اغنية سمو علييه قلببي مابين يديه لي (بلقيس)
سنابل مبتسمة وفرحانة ومش خايفة بكل
وصللها احمد قاملها الطرحة وباس ع راسها..ربي يحفظك ليا ومن اليوم اني انتِ وانتِ اني😊😉
سنابل..ويخليك ليا ياروحي😘
تلفتو للناس مع بعض وقعدو واقفين شيوة تصور فيهم المصورة قعمزو شوية وبعدين طلعو خشو للدار صورتهم المصورة صور هلبا وبعدين طلعو خشو من جديد قصو التورطة وكانت فرحتهم في عيونهم وطلعو طول للفندق لانة احمد مكانش مداير شي
سنابل..احمد
احمد..عيون احمد
سنابل..نحبكك
احمد..واني نموت فيك
ومشو شهر عسل واني بديت مكركبة ع قولة حذيفة😂
حذيفة..بطة وينك
اني مقعمزة في مطبخ ونقرض في الخضرة..واااااك مبردك عاش تقولها
حذيفة..🤣🤣😂احلا بطة والله
اني..بارد ماه انت😐
حذيفة..شكرا 😂
حط حذيفة الحجات الي جايبهم وخش يبدل
اني..نحطلك الغدي توااا
حذيفة من دار..ايه جيعااااان
اني..به
حطيت الغدي وتكمته طق الباب لقيت حذيفة في حمام حطيت وشاحي ع راسي وطلعت فتحت الباب
اني..منو انتِ؟
البنت..لو سمحتي بدي حذيفة
اني..لا والله ومن تكرمتي
البنت..انا بشتغل معو بالشركي
اني..وتشتغلي معاه في شركة جايتيه لعند حوشه!
البنت..ولك بلا لعي وناديلي ياه
اني..خزي بلا ترباية قليلة ادب تحشمي ع وجهك اني مرته
البنت..طيب ناديلي ياااه
اني..اطلعي من اهني احسنلك
ع طلعة حذيفة..حبيبتي وينك
اني..حذيفة منو هدي؟
حذيفة شافها عقد حواجبه..انتِ شن اديري اهنني!!!!
البنت بدت تبكي..اه ءء انا انا كان بدي ياك بس هي المرا شرشحتني وماخلت عليي كلمة وماقالتها
حذيفة شافلي وفنص فيا وشافلها هيا..شن تبي ؟
البنت..للصراحة قلعوني من بيتي وماعرفت لمين روح
اني..شن يعني بتسكني عندنا والا شنو؟
حذيفة..نوور خلي البنت تدوي
اني..😡
البنت..بدي نام عندكم هاي الليلي وبكرا رح روح من عندكون وبدور ع بيت
اني..نعمممم
حذيفة..خليك هني شوية نور تعالي
خشينا داخل
حذيفة..البنت عيب ماليها حد خلي اليوم تبات اهني نكسبو اجرها وغدوا تمشي
اني..لااا والف لااا مستحييييل
حذيفة..كانك عليا نمشي نقعد في حوشنا
اني..لهدرجة انت عاطف عليها
حذيفة..ياحبيبي مش هكي هيا القصة بس عيب هيا طلبت مساعدتنا هيا ندخلوها
اني..افففف به
خشت معانا تغدينا واني ع قلبي زي الجمل مش هاضمتها
حذيفة..الحمدلله اني طالع حبيبتي تبي شي
اني..سلامتك
طلع حذيفة خشيت سكرت داري بالمفتاح وطلعت غسلت الماعين وهيا مقعمزة تتفرج قلت نحط شاهي ونتحملها هاليوم وخلاص
درت شاهي و حلويات وحطيتهم
البنت..تسلممي
اني..هدا كل يوم ندير فيه يعني مش جديد😑
البنت..اسمك نور صح؟
اني..ايه وانتِ ؟
البنت..فادية
اني..باهي كويس
فادية..انتِ ليش مابتحبيني
اني..اشربي شاهيك واسكتي مانبيش ازعاج لانة اني عندي جنون وقت يركبو نقتل حتى القتل ره
فادية خافت..ياوويلي خلص خلص سكتت😳
اني حسيتها عبيطة وفيسع ماتصدق قعدت نفكر في شي نديره زعما شن نديرلها شنو شنو ايوااااه لقييييتها ياوخيتي سلمني اني بس 😈
اني..بنمشي حمام تو نجيك
فادية..طيب
نضت من جنبها ودرت روحي خشيت قعدت شوية في دار وبعدين طلعت بدون ماتحس سكرت تاكو وظلمت الحوش
فادية..بسم الله يا إمممممي😳
اني حطيت يدي ع فمي وبنضحك ومش قادرة😂
خشيت نجري درت الطرف الابيض ع راسي وفتحت فلاش تلفوني باش يبان 👻👻 قعدت نديرلها في اصوات وهيا تعيط وتبكي وترعش
اني بصوت غليظ..شووفي اذااا قربببتي من حذيييفة والله نقققتلك اناااا عفريييييت تبعه وتوووا تااااخدي حجااااتك وتقلللبي خليييقتك والا لما اندمك في حياااتك مفهووووم
فادية ضامة ليها رجليها وتبكي..😭😭مف مففف هووم
اني 😂😂😂غبية حمارة هلبا..هييييا تووووا اطلللعي
وطفيت الفلاش وباعدت نجري للدار فتحت تاكو ونحيت الطرف وطلعت..خيرك تبكي شن في😲
فادية..فين كنتي انا كنت رح مووووت
اني..خيرررك شن فييي
فادية..انا مارح ابقا ثانية هوون ولك هاد البيت مليئ بالجنون ولك كيف عايشين انتوو ولك خدي زوجك واشبعي منو انا مابدي شييي بدييي رووووح
اني..تي خيرك شن صارلك يابنت شن جاك تقول ركبك عفريت
فادية عيطت..هوا هوا عفررريت😭
اني..هبلتي شكلك
فادية خدت شنطتها وطلعت تجري نشبح فيها من روشن طلعت خدت تاكسي ومشت
اني..درب السد مايرد😏
شوية وجي حذيفة
حذيفة..وين البنت
اني..هدا بدال ماتقولي كيف حالك حبيبتي جاي تسئل عليها🙄
حذيفة..ماهو هدوء
اني..مشت طلعت
حذيفة..كيييف شن درتيلها
اني..مادرتلها شي وين نندري ع عمها قتلي في عفريت وخلي راجلك عندك مانبيشي تخرط بروحها قتلها خيرك شن صارلك تقول ركبك عفريت قعدت تشبح وراي وتقولي هوا هوا عفريت
حذيفة..بسم الله كيف هكي
اني..نخبطت شورها والنبي فكني منها مش طبيعية اني قتلك انت تبيش تصدقني
حذيفة..حصلتلها حوش ع اساس بس خلاص مدامها مشت
اني..ادور بروحها شن لينا علاقة بيها احني😐ناقصني همها ماهو😕 ااااه قولي نوض نرقد خيرلي
نضت مشيت ودرت روحي تعبانة وبنرقد
حذيفة يشوفلي وفي عقله..نحلف عليك الا انتِ اشبح شن درتيلها من مصيبة خليتيها تتنطر لاني نعرفها لصيقة يالله فتكينا حق😞
خش وراي بدلنا ورقدنا😅
.
.
.
بعد مرور اشهر خشيت في شهري
اني..ااااخ معاش قادرة نوقف ولا نقعمز
بدرية..اهو قرب موعدك
اني..ان شاءالله خير يارب
بدرية..ربي ينوضك بالسلامة
اني..امين يارب
بدرية..وتيتلك كل شي
اني نزلت دمعتي..لو ماما حية لكانت فرحانة وتوتي زيك لحفيدها الاول هيا وبابا
بدرية..الله يرحمهم ويوسع عليهم
اني..امين يارب
بدرية..امتى موعدك
اني..بعد اسبوعين
بدرية..قتلك تمشي وله
اني..ايه لكن عيييت ياعمتي والله تعبت
بدرية..هانت هانت
اني..ايه
فات الوقت واحني نهدرزو ونضحكو وشوية وطق الباب
اني..منو ياعمييييمة
سنابل واحمد..مفااااااجأة
اني..😍😍😍حييييي احممممد سنااااابل
وقفت وتغمرتهم زوز وقعدت نبكي😭
سنابل..ستاااحشتك
اني..حتى اني ستاااحشتكممم
احمد..حولي خليلي اختي بروحي
اني..هههههه
احمد..وليتي بطططة
اني..ياباااارد😂
قعمزنا وقعدنا نهدرزو
بدرية..زارتنا البركة😍
سنابل..الله يسلمك
احمد..وين الاولاد
اني..مهناش تو يروحو مع الظهر
احمد..اهاا ايه شن اخبارك
اني..الحمدلله شوفت عينك ههههههه
احمد..بنت والا ولد
اني..انت شن تقول
احمد..الي يجي خير وبركة
سنابل..احساسي يقولي ان ولد
اني ابتسمت..صح
سنابل..ههههههه
احمد..خلاص معاش تشوفي دكتورة اهي بدت تخدم بالحساس 😂
اني..🤣😂😂😂😂
سنابل..خزي عليك يابارد
بدرية..كيف حالكم
سنابل واحمد..الحمدلله بخير
بدرية..كيف حال امك والعيلة في ليبيا غادي
احمد..الحمدلله ماشية
اني..حقا في ضرب غادي
احمد..ديما اصلا
اني..ربي يسلم الجميع
احمد..امين يارب
اني..شن جو عمامي
احمد..ماشية امورهم
سنابل..عاقلين😂
احمد..ههههههههه
اني..ههههه تخيل ماتصل حد منهم
احمد..فوتيهم
بدرية..اهو احني معاك خلاص
احمد..بالزبط
وفات الوقت وجي حذيفة وخوته وبوه وقعمزو في صالون واحني قعمزنا في المطبخ وعميمة تحط في الغدي
بدرية..ترا ناديلي ع حذيفة يا نور
اني..به
نضت ومشيتلهم
سنابل..تكركبي😂
اني..توو يجيك التكركيب حتى انتِ
سنابل..خزي 😂
اني..حذيفة تعالى ارفع الغدي
حذيفة..به
خشينا اني و سنابل لي دار وقعدنا نهدرزو لين نادت علينا عمتي وقعمزنا تغدينا احني 3 وهما بروحهم
اني..وين قاعدين توا
سنابل..فندق
اني..تعالو عندي
سنابل..لالا مرتاحين
اني..عينك هوا الفندق فيه راحة؟ اقعدو عندي لين تروحو
سنابل..على احمد بس ما اعتقدش
اني..تو نكلمه اني
مع العشي
احمد..قوليلها هيا
اني..وين
احمد..للفندق
اني..لالا روحو معانا لحوشنا
احمد..لا صحيتي اهو احني حاجزين في فندق اسبوعين ومروحين مش قاعدين
اني..باه اقعدو عندنا
احمد قربلي وحضني وشوشلي..تو نجيك ديما باهي وفكيني نبي ناخد راحتي
اني..خزي يابارد
احمد..هههههه هي تصبحو على خير
اني..وانتم من اهله
سنابل تسلم عليا..تصبحي على خير تو نجوك غدوا
اني..باهي😐
روحو هما وجي حذيفة..هيا
اني..هي
طلعنا اني وحذيفة روحنا لحوشنا
اني..خسارة ياريتهم روحو معانا
حذيفة..ايه
روحت رقدنا وهكي كل يوم نطلعو اني واحمد وسنابل ونوري فيهم في الاماكن لانة حذيفة طلعني ووراني كل شي
لعند جي يوم ولادتي كنا قبلها بايتين عند حوش اهل حذيفة شدتنا عميمة نباتو عندها مع ساعة 3
اني..حذيفة نوض اااااه حذذذذيفة
حذيفة من عيطي جي واقف خدي ساكو ونزل يجري
اني..تي تعاااااااااالى ااااااااااااااااه يماااااااااااا
حذيفة..حيييي نسيتها ووووه
ركب يجري وكلهم طلعو من ديارهم
اني..ياغبببي نزلت وخليتني
حذيفة وهو راعش..اسف اسف هي البسي
لبسني عبايتي ووشاحي واني في عيطة وحدة
بدرية..بشوية عليها
قعدو ينزلو فيا مهند وهاني يضحكو ع حذيفة كيف راعش ركب مهند وجنبه حذيفة مهند ساق بينا للعيادة واني نعيط
اني..ااااااااااه كله ممممننننننننك كللللله مننننك
حذيفة..تي خييييرك شن درتللللك
مهند..😂😂😂😂😂
حذيفة..ضم فمك انت
اني خبشته من رقبته..كلللللله مننننك وووووووه عليااااااااا يمااااااا😭
حذيفة..ااااااه تي خييييرنا
اني..ووووووووه يمااااااا
مهند قعد يدير..شهيق زفير شهيق زفير
حذيفة..تي ضم فمك شن شهيق زفير
مهند..هكي نشوف فيهم في المسلسلات
اني..وووووووووه وقت امهم تووووااااااا هياااااااا اجررررري بنجيييييببببب
حذيفة..تي اجري يا كلب بتجيبه اهني
وصلو بيا ونزلوني هما زوز وخدوني طول رفعوني للولادة
حذيفة مقعمز ويدعي ومهند متكي ع حيط ويضحك على حذيفة..كله منك وووه😂😂😂😂
حذيفة..يا-:#-#؛-& ضم فمك ضممم
مهند..ها ها سكتت اس😂خلي نكلم احمد
شوية وجي احمد يجري وطلعت وقتها الممرضة
الممرضة طبعا بندوي بالليبي
الممرضة..مبروك المدام ولدت
حذيفة..كيف حاله وحال البيبي
الممرضة..كويسة شوية وتطلع واه البيبي جاكم تووم بنت وولد
حذيفة نصدم..كيييف
الممرضة..الكيس الي كانت خايفة منه الدكتورة ومش واضح كان التوم
حذيفة شاف لي مهند وتغمره طول..ووووه وليت بووو لي زوززز😍😍خشششي
احمد..هههههههه الف الف مبروووك
مهند..قصدك وليت عم😍ياربي محلاه الشعور
احمد يحك في راسه وهو فرحان..واني خال 😂😍
تغمرو بعض التلاتة وهما فرحانين شوية وطلعوني اني والبيبي كنت راقدة
الدكتورة..خلوها ترتاح تعبت هلبا
حذيفة..اوك نبي نشوف البيبيات
الدكتورة..في الحضانة حطيناهم
مشولهم وشافوهم وكانو زوز كتاكيت يهبلو😍
وصلت بدرية وعمي هاني جابهم
بدرية..ها شن صار طمنوني
حذيفة دار بي يده ✌🏻
عمي..كيف
مهند..جوكم زوز احفاااد توامة
عمي تغمر حذيفة..😍😍الف الف الف مبرووووك
حذيفة..الله يبارك فيك بوي
بدرية دمعو عيونها..قلتها اني بس انتم مش مصدقيني😍الف مبرووووك كيف حالهم
حذيفة..الحمدلله حالتهم مستقرة وكويسين ونور راقدة
بدرية..الحمدلله ياربي
عمي..هي نروحو مداما اطمنا وغدوا من صبح نجو
روحو كلهم وقعد معاي حذيفة مقعمز ع كرسي ويتفرج عليا نضت اني شفت حذيفة
اني..حذيفة
حذيفة..حبيبتي
اني..#يتبع
.
.
ان شاءالله تنال اعجابكم #حنو
