روايـة حـكـايـتي مـن تـأليـفـي #حـنـو

حكايتي

البـارت #الـثانـي_عـشر
.
.
.
روايـة #حـكـايـتي🍁
.
.
.
كملنا اجرآتنا واستنينا الشناطي
اني..هيا حذيفة بنرقد خلاص😴
حذيفة..باه حبيبتي شوية بسس اهو شنطك مزال اني شنطي خديتها
شوية وطلعت شنطي وطلعنا لقيت احمد واقف وعيونه واضح بيرقد طلعنا برا وسلمنا ع بعض
احمد وهو عاقد حواجبه..صحيت بارك الله فيك حذيفة
حذيفة..ولو نسيبي😎في الخدمة اني
اني نصمتت حتى كلمة شافلي احمد وشافله
حذيفة..اسمع هكي من الاخير يا احمد اني نبي اختك ورايدها بالحلال والي تبوه اني فيه وراه مش تقول لعبو عليا وعلاقة وجو اني مانديرش هكي بكل مجرد ما خذيت رأيها بس وكان عندي خدمة في تركيا وتلاقينا نفس طيارة وماتفهمش غلط بكل وغدوا امي ان شاءالله حتجيكم وتتفق معاكم وغمزلي ومشي
اني اااخ ياقلبي..😳❤
احمد..قدامي هي
اني..ءءء
احمد..نتفاهمو في الحوش
ركبنا سيارة ومشينا للحوش كنت مترددة ننزل من يوم الحريقة معاش خشيتله ولا عاد جتني نية نخشله💔شفت لأحمد
احمد..ماتخافيش غيرت كل شي هي انزلي
اني اطمنت شوية ونزلنا كان فعلاااً الحوش متغير ومولي حلووو😍 خشيت لداري كانت مرتبة ومنظفها وكانت حلوووة💕
اني..ذووق😍
احمد..نحسابك بتولي معاي درتهالك ولما قلتي لا قلت براحتها مرات ارتاحت غادي اكتر مابيتش نجبرك بس كنت دايرلك دارك مفاجأة وكنت شاريلك هدية وحجات هكي🙂
اني تلفتتله..احمد
احمد..اششش ارتاحي توا وغدوا الصبح نفهم منك كل شي
اني حضنته..ربي يخليك ليا يا سندي💕
احمد..هي ارتاحي تبي تاكلي جيعانة؟
اني..لالا شبعت
احمد..شن كليتي
اني..كليت في طيارة وغادي
احمد..وكان نتصل بحذيفة ويقولي لا
اني..والله كلييت
احمد..به خلاص ارتاحي هي تصبحي ع الف خير😘
باس ع راسي وخشيت دار دوشت وبدلت حوايجي واااااه محلااااها الراحة😌
اتكيت وفيسع مارفعني النوم💗
خش احمد لما سمع مافيش حركة في داري لقاني راقدة غطاني وطفا المكيف وسكر السرانتي نتع روشن وطفا الضي ورد باب الدار وخش لداره اتكا ويفكر افكار ترفعه وافكار تجيبه وكان من جيهة تانية فرحان ان حذيفة يبيني لانه كان ديما يتمناه يكون زوج لأخته شخص زي حذيفة💙
جي الصبح نسمع في تقربيع اماعين وصوت الـ TV وصوت العصافير وشمس خاشة في داري من الباب
اني..اااه يارب
فتحت فوني لقيتها ساعة 9ونص نضت خديت حوايجي ودوشت وبدلت وصليت ودرت شعري وطلعت..صباح خيير
احمد..صباااح الورررد ياورد هي قعمزي يا مادموزيل وافطري هي
كان مجهز كل شي وقعمزت وقعمز هو مقابلني
اني..حيي انت هدا كله!!
احمد..بنت جيرانة لخبطتها ودارتهولي تي منو امالا بيديره اني اكييد
اني..😍تعلمتتت
احمد..عززوووبية شن من بيديرلي ترااا
اني..ههههه
احمد..هي افطري
فطرنا اني وياه وقعمزنا نهدرزو
اني..ايه قصدي من لما وصلت غادي بدي يدير في لقطات وحركات مش مزبوطة اول مانزلنا من طيارة سيبني بروحي ودار سبلة ان يبيني نعتمد ع نفسي
احمد..كيييف ماستناكش ونزلتو مع بعض؟؟
اني..ايه ولولا حذيفة راه والله مانازلة من طيارة وبعدين كملنا امورنا ولقيتهم جنب شناطي وبعدين ع حسن نيتي اني عرفته على حذيفة تعفلق وتكنطى والمهم بدي يهزب قلنا فوت عادي مرات مايحبش هو جو هكي يعني رغم ان عادية هيا المهم برا برا كل مرة هو يلوح كلمة ويهزب وهكي يعني لأخر مرة امس و........)
احمد..تعرفي يا نور طلعة من حوش هوا معاد في الا لحوش راجلك فاهمة والا لا عند خالي لا عمتي لا حناي هدا حوووشك معززة مكرمة فيه ومايقدر حد يواطي حيطك شن مخليك اصلا تقعدي عند وتحت الخال والخالة وحياشك يمين ويسار وهدا غير مستشفى بوك وفي النهاية تتحملي ذل وجو هوا!!! اني تصدقي نحسابك مرتاااحة لدرجة نسيتيني وماقلتيليش حتى يا حمار اني مسافرة لين نعرف من خالتك وتقولي فيها بهزوة نوور ساافرت قصدي من الاخير هكي مهما اديري اني ولد عمك وخوك مفروض يكون عندي علم
اني..اسفة احمد والله اسفة ماقصدي اني
احمد..الله غالب المهم حالك باهي وكويسة خلاص وتعلمتي من درسك زفت كيف بديتي معتمدة ع نفسك نور القوية الشجاااعة الي مايقدرها حد رجعولك طبعك الاول الخوف والذل مكانش فيك هدااا ارجعي نورر القوية الي ماتهزها ريح لا بكي لا شطان لا جرحني لا قالي بمية راجل ومايقدر من يواطيك واني معااك
اني..😘ربي يخليك ليا
احمد..ويخليك ليا يا احلا اخت وشن اسمه هدا شن قصته
اني..منن
احمد..حذيفة😉
اني..ءء فوني يشرين 😀
رديت طول..سنابل كيف حالك
سنابل..كوويسة تمااام شن اخبارك
اني..الحمد لله بخير
سنابل..واللهي متصلة بيك بنقولك حاجة ههههه
اني..شنو في
مسرة..هاتي جاي ايوا اهلين شن جو اسمعي عيد ميلادنا احني غدوا ومدايرينه في موزارت وباش تتفضلي
اني..ان شاءالله خير
سنابل..افتحي المايك افتحي
فتحت مسرة المايك..تسوقي انتِ والااا
اني طقت في راسي فكرة..ايه نسوق بس تو نشوف احمد يرفعني
سنابل..مننن احمدد😳حييي كان زي طرفك جيبيه معزوم حتى هوا
اني..😂😂خزززي تو نشوفه ونكلمكم غدوا
مسرة..تشم تشم😂
اني..وجههك انتِ وياااها
سكرت منهم وشفت لأحمد
احمد..منو هدم
اني..تعرفت عليهم في طيارة جوهم ماينملش منه الحق وتواامة يقرو 3ثانوي حلوااات وبذات سنااابل هدي تجنن هيا وجوها😍
احمد..اختصري لوين تبي توصلي
اني..هههههههه محلاه وخيي يفهمني ع طاير عزمو ع عيد ميلادهم وقالولي انك معزوم حتى انت😀
احمد..شن دخلني عيد ميلاد بنوت والااااا!!!!!
اني..لااااااع فيش ولاد غر يتسهوكو قتلهم احمد قالولي كان قنين جيبيه😂
احمد..باش قتلك لوين تبي توصلي تي باهي بااااه يا نور
اني..ايه😀
احمدد..اييييه وين هاربة وييين😁هياااا ادوي
اني..شنووو
احمد..حذيييفة
اني..تبي الحق قداش لينا نبو بعض واحني مش معترفين لي بعض وكل واحد مطنفر ع تاني ويبي تاني يتنازل ايه لين صارت القصة هدي باش انفقش الموضوع
احمد وهو رافع حاجبه..امممممم متأكدة😎
اني..والله هكي بس حميدااا
احمد..باه المهم هو امس قال امه بيجيبها نوضي بلكي بديري حاجة
اني..ايه صح
احمد..شوفي شن ناقص واكتبيهولي في ورقة
اني..تمام به
قعدت نحوس في المطبخ وكتبتله الي ناقص وقعمزت ندير في ضولمة😍
اتصل فوني ع فايبر نضت غسلت يديا وخديت فوني لقيته نورا
اني..اهلا نورا
نورا..اهلين حبيبتي كيف حالك
اني..بخير شن جوك انتِ
نورا..اخي وغدوا مروحين
اني..كييييف
نورا..ايه
اني..ليييش
نورا..شن ليش هدي مش معقولة الي صار ولعلمك صهيب مش منقلب عليك انتِ بس راااه حتى انيي يا نور والله متعبني وماعرفت خيره كرهني في حياتي بهدلني مانيش عارفة خيره بككل مولي قلبه حجر ومعاش يحبني زي قبل يا نوور💔💔
اني..لا حول ولا قوة الا بالله علاش هكي باهي شن صايرله
نورا..اني شاكة في موضوع وغير نروحو ساهل بعدين وتو تعرفيه شن هوا الموضوع
اني..ان شاءالله خير
نورا..اي قوليلي خيرا جوك حلو اليوم
اني..ايه اني في حوشي و معاي احمد خوي وهكي وحذيفة جايب امه اليوم تخطب😁
نورا..حييييي قولي والله😍😍
اني..والله
نورا..باه الف الف مبروك حبيبتي تستاهلي كل خير
اني..الله يبارك فيكك وانتِ تستاهلي كل خيير وربي يهديه خالي ويرشده للطريق الصح
نورا..امين يارب اهو حسه جي هي بنسكر
اني..اوك بيباي
سكرت نورا وقعمزت ع سرير وعطاته بظهرها
صهيب..اياح علينا نكد في نكد في نكد الواحد حتى شهر عسله مايرتاحش فييه
نورا..درته بيديك وبنرقد مارقدتش امبارح
سكرت السهارة ورقدت وهو طلع من البلكونة وقعمز يتفرج ع الناس والسيارات لعند خداه نوم ع كرسي
.
.
.
اني نضت درت شربة ودرت حجات جي احمد يشمشم من بعيد 😂
اني..خيرك اللطف
احمد..قداااااااااااااش قدااااااش ليا ماكليتاش
اني..ههههههه
احمد..تسلم يدياتك ياوخيتي
قعمزنا نتغدو ونهدرزو
شوية وسمعنا الباب يطق
اني..حييي شكلهم جو😓
احمد..بري انتِ افتحي واني تو نديرلك😊
مشيت فتحت الباب وفعلا طلعو هما خويلة بدرية وسوسن ووحدة معاهم نعرفهاش وخششتهم وقعمزت شوية نهدرزو
وع خشة خالتي ايمان اني نصدمت😳
خالتي ايمان..اششش احمد قالي كل شي خلي نخش للنساوين توا
اني خشيت للمطبخ لقيت احمد موتيلي الكابتشينو والحلوياات ومتكم ومنظم السفرة وحركات
اني..😍 يا حركاااتك
احمد..😂 هي ارفعيها
اني..خشت خالتي غر توا تكلم شن جيبها خالتي اني ماقلت لحد
احمد..اني قتلها وهي عرفت كل شي من نورا وتبيك انتِ تكلميها وتحكيلها بس راس مسكر يابس مادويتيش واني قلت لازم تكون معاك هيا في يوم زي هدا
اني..به
خديت السفرة وواسيت روحي ع المراية وخشيت
فرقت عليهم وقعمزت بحدا خالتي
ايمان..شن يشتغل هوا
بدرية..تاجر اثاث و عنده شركة بوه
ايمان..اهاا باهي مشاءاالله ربي يحفظهولك
خالت حذيفة..امين يااارب وهو كبير امه
ايمان..ربي يحفظه ومايوريها فيه مكروه وتشوفه عريس يارب
سوسن..اسمعو بلا جو رسميات نعرفو بعضنا خلاص نوور موافقة او لا😁😂
قعدو يضحكو كلهم واني وجهي والا احمممر
بدرية..والله هدي اختصرت كل شي
اني..ءءء ربي يقدم الي فيه الخير
ونضت طلعت طول للدار
سوسن..روروروروروروروري
بدرية..خلاص معناها يا ايمان يساعدكم الخميس هدا الفضان ؟وتلبيسة؟
ايمان..خليها الخميس الي بعده شن رايك؟ باش نوتو روحنا وهكي😅
بدرية..باهي تمام الي يريحكم
اخت بدرية..ربي يقدم الي فيه الخير ويجمعهم بحلاله
الكل..امييين
اني..يااارب نكون ماتسرعتش ياااارب يكون حذيفة قد المسؤلية ياااارب يكون شخص كويس وخير ليا ويفرحني بعد الي شفته💔
.
وهدي ضمن الكوارث الي درتهم في حياتي نربط في سعادتي بشخص💔
.
روحو هما وخشت خالتي عليا في دار
ايمان..من امتى الحب ياقردة واحني اخر من يعلم
اني..هههههههه والله مانكلمو في بعض غير هكي يعني من بعيد لبعيد
ايمان..تي باهي باااااه
طلعت ايمان للمطبخ لقت احمد مقعمز ومنكد
ايمان..اليوم مفروض تفرح لأختك مش تقعمز منكد
احمد..بعد فرحت انها رجعت ورجعتلي الضحكة💔بتمشي وبتخليني
اني خشيت وحضنته من الخلف..ومن قال ان بنخليييك اني قاعدة ع قلبك لين نتخرررج
احمد..قصدك شنو
اني..يعني خطوبة بس اما زواج لا والف لا
احمد..اااه فرحتيني
اني..ههههههه
ايمان..الفضان الخميس هدا لا الخميس الي بعده
احمد..ايااااح
ايمان..والله كانو يبوه الخميس الجاي ره غر اني قتلهم باش نوتو روحنا مانقدروش
احمد..ايه احسن ماقلتي هي تبو تطلعو من اليووم!!
اني..لالا خليها غدوا ارجوك
احمد..به ع راحتك اني طالع عندي مشاوير وخدمة تو نروح خودو راحتكم
طلع احمد واني وخالتي مقعمزين
اني..خاالتي عرفتي باللي صار!!!💔
ايمان..ايه عرفت😓
اني..علاش هكي باهي علاش قالي بري معانا مداما هككي😭
جتني خالتي وحضنتني..خلاص حبيبتي اششش معاش تبكي
اني..ومش اني بس ره حتى نورا
خالتي شبحتلي..خيرها نورا!!!!
اني..منكد عليها هلبا
خالتي..كيييييف
اني..ايييه لو اني عادي بس نورا هي عروسة يناري ليش يديرلها هكيي؟؟
خالتي..تعرفي اني في موضوع شاكة فيه وان شاءالله خير
اني..شن هو
خالتي..خليني ساكتة لين نتأكدد قببل
اني..به💔
خالتي..اليهود الي فوقنا ماجوش حتى بالكدب وسلمو عليك وشافوك؟
اني..انتِ قلتيها يهود فوتيهم اني هكي مرتاحة
خالتي..ايه يالله ماعلينا قعدنا نهدرزو وطول الوقت اني في حضنها ومستاحشتهااا👩‍❤️‍👩 لعند رقدت
ايمان..ننونو حبيبتي رقدتيي
اني..😴😴
جي مسج لفوني خداته ايمان وفتحاته كانت تعرف الباس تبعي لقت مسج من حذيفة
.
.
{الله يديمك لي بقدر ما يبتسم قلبي بوجودك♥️}
.
.
ايمان..ياوخييتي مشاءالله ربي يخليه ليك ياقلبي ويتمم ع خير ويبعد عليك الي في بالي💔
رقدتني ايمان ع الكنبة وساوتني وجت لصغارها لقتهم متكيين في داري ويتفرجو ع TV
ايمان..نسيبة حبيبتي ماتمسيش حجات نونو باااهي عيب مامااا
نسيبة..به ماما ني نتفلز
ايمان..هههه ايه تفرجي
قعدو يتفرج وايمان طلعت قعمزت تتفرج ع TV الي برا وتستنى في خواتها
ايمان..ايوا منال جيبيلنا وانتِ جاية هكي فاهيتا والا ليباني وحق ربي خاطري فيهم هيا بالله عليك ماتخليشي في خاطر وخيتك
منال..عاملتيها شكلك ياحيوانة حاااامل!!
ايمان..شكلي ايه مانبيش نعرف بالله عليك نفسيتي زيرو مانبيش توا نسيبة قاعدة صغييرة
منال..احمدي ربك ع نعمته في اللي متمنية تكون حامل وفرحانة
ايمان..الحمد لله غر جيبي الي قتلك علييه
منال..باهي تو نوصي ايمن ولدي
ايمان..اوك وقوليله قتلك خالتك تو نوريك ع الي قتلك عليه تو يفهم هوا😂
منال..به هي بسلامة
ايمان..بسلامة
سكرت وناضت ايمان توتي في سفرة باش يجو يحطو وياكلو طول
شوية وجو كلهم
منال..نونو بنتي هي نوضي حبيبتي نتعشو
اني..اااه رقدت امتى جيتو
منال..كيف خشيت اني كانو عندي ناس روحو وجيت طول
اني..به ستاحشتك💔
منال..ياقللبي حتى انيي
احمد واقف يشوفلي ومش ع بعضه
تعشينا مع بعض
نسيبة..عمو اهممد
احمد..هههههه احمممد
نسيبة..اهحمد
احمد..😂😂😂ردي الاولى خير
وشفشفلها شعرها..نعم شن تبي هي
نسيبة..انت وييييل قييمني (انت طويل)
احمد..حااضر
قامها احمد ليه وقعد يلعب فيها وخطم طيف منار طليقته💔 واستعود من الشيطان طول لما اتفكر انها قاعدة تلعب مع ولد جيرانهم نفسه😞
احمد..الطيبوون للطيبات والخبيثون للخبيثات☺
نسيبة..سسن تقول عمو
احمد..لما تكبري حتعرفي هي بري لماماا
مشت نسيبة تلعب لأمها واني مقعمزة نهدرز معاهم لين روحو كلهم وقعدت اني واحمد كنت في داري بعد ضميتها طلعت لقيت احمد مقعمز يتفرج ع مبارة
اني..شن ادير
احمد..نتفرج
اني..به
خشيت مطبخ ضميته وساويت كل شي في مكانه وطلعت كنت ماشية داري
احمد..تعالي
اني..نعم
احمد..تعاالي جنبي
جيت قعمزت جنبه
وقعدنا نتفرجو وكل واحد يفكر في شي يبي يقوله ومش عارف كيف يبدا
اني..احمد
احمد..نعم
اني..خيرك بكري تشبحلي هكي ومش ع بعضك
احمد..لانة الي قدامي وحدة تانية ومصدوم فيها كيف مولية
اني..كيف قصدك😓
احمد..الي قدامي بنت زي اي بنت ضعيفة ومكسورة وبس
اني..ما اني مكسورة ليا سنين
احمد..لا يا نور ماكنتيش هكي
اني..كيف كنت