البـارت #السـابـع
.
.
.
روايـة #حـكـايتـي🍁
.
.
.
اني..جدي مخليلي صندوق اشبح شن فيه من سنتين فاتو قالي خليه عندك💔 ماتفتحيشي لين نموت
احمد..هاتي نفتحوه
مشيت جبته وفتحناه اني واحمد
كان فيه مكتوب قعدت نقرا فيه اني واحمد ودمعتي تنزل
وبعدين لقينا اوراق مختوم عليها وموقع عليها جدي كانت قطعة ارض لأحمد كاتبها بإسمه
احمد..الله يرحمك ياجدي
وخدينا الورقة التانية وهدي الصدمة
كان مكتوب فيها ان الحوش الي اني فيه فوق ولوطة كله بإسمي اني 😳
احمد..حي حي
اني..خيره جدي دار هكي اني عندي خيري الحمد لله😳
احمد..اسمعيني يا نور جدي دار هكي لانة في يوم حيجي وحيصير شي واني بروحي عارفة الشي هدا زي بوي زي عمامي طماعين وحتشوفي شن حيديرو مع الايام وردي باااالك تتنازلي على حقك وردي بالك تقولي ايه عادي خلي ياخدو او يطلعوك عندهم نصيبهم كلهم كل واحد عنده ارض مكتوبة بإسمه وهدا من حقكك انتِ
اني..بس يا احمد هدا رزق بوهم ومن حقهم
احمد..من حقك قتلك وردي بالك تتنازلي ع حقك وعارفك مش حتتنازلي ع حقك اني واني معاك
اني..ربي يديمك ليا ياسندي😘
روح احمد لحوشه
واني اول ليلة ليا بدون جدي هو بايت تحت التراب واني اهني بروحي كافي والله تعبتتت😔😓
سكرت البيبان بالقفل والرواشن وامنت ع الحوش وخشيت لداري واتكيت تصفحت ع النت شوية ودرت فياق لانة خلاص ماعاد في من ينوضني بكري لمحاضرتي💔ومن اليوم كله بنفسي نديره
.
.
نضت الصبح دوشت وبدلت وصليت دعيت لجدي بالرحمة ولماما وبابا وطلعت من دار كنت انوض نشم ريحة قهوة والفطور وهو فرحان وقفت قدام باب داري اتكيت ع الباب وربعت يديا ونتخايل فيه وهو خاش للمطبخ ويقولي هيا ياكسولة هيا يابنتي الدكتورة وقت عليك💕
خشيت المطبخ ماجتنيش نية ناكل شي في الحوش
خديت وشاح وجيت قدام المراية دخلت شعري ولبسته وفعلاً زادني جمال❤
طلعت سكرت الباب وراي بالمفتاح وركبت سيارتي طق عليا عمي ع روشن..وين ماشية
اني..صباح الخير عندي محاضرة
عمي..سيارتي وقفت وصليني لعملي
اني..به هي اركب
ركب عمي جنبي ووصلته لخدمته
اني..نجي نروح بيك بعدين؟
عمي..امتى اتمي انتِ؟
اني..مع ساعة 3نروح
عمي..لالا تو نشوف حد نروح معاه
اني..اوك
خش عمي واني مشيت لي الجامعة وخشيت حضرت محاضراتي وكملت واني طالعة وفاتحة فوني وقف عليا المجهول🖤
..عظم الله اجرك🤝
اني..شكر الله سعيكم
..كيف مات
اني..جلطة ع قلبه
..لا اله الا الله محمدا رسول الله
اني..ايه هدي الدنيا
..غريبة حسيت ان مش مأثر فيك زي موتت اماليك
اني..اثر فيا هلباااااا بس هو علمني شي ان مهما يصير نرضو بالقضاء والقدر ومانعارضوش حكمة ربي وان هدي امانة من ربي وتوا طلبها💔
..هكي نبيك
اني..نستأذنك
..اذنك معاك
طلعت لبست نظاراتي وركبت سيارتي ومشيت
كنت فاتحة راديو برنامج وبعدها دارو دعاية وجت اغنية ع جرحي
فـقـدتكـ يـا أعـز الـناس😔💔
ماشية بالسيارة وسارحة في حياتي كيف كانت وكيف ولت الله يرحمكم ويوسع عليكم دنيا واخرة💔
.
.
.
وصلت للحوش لقيت عمامي كلهم عندنا استغربت شن في زعما!! ماعاد في صدمة اكتر من الي صار🙂
خشيت..السلام عليكم
كلهم..وعليكم السلام
عمي الي فوقنا..كيف حالك
اني..الحمد لله شن في خيركم متجمعين
عمي التاني..والله احني مداما بونا مشي ع حاله الله يرحمه نبو نقسمو ونبيعو العمارة هدي
اني نصدمت وشفت لأحمد وكان يشوفلي بنظرة انتع ريتي باش قتلك؟..كييف؟؟
عمي..زي ماسمعتي نبو نتريحو وكل واحد يدير حوش ع عمره
اني..بس جدي خلالكم خيرات الله ليش مافي حد منكم يبيع ارضه ويبني في ارضه التانية ؟؟
عمي التالت..والله علاش نخسرو في رزقنا مداما هدا واتي واني جبتلكم تقدير الحوش كله 10مليون
اني شفتله لهدرجة طمع في فلوووس!!..بس حوش بوك والي تربيت فيه هدا وغير هكي جيران ومنطقة كويسة علاش بتخسروه
عمي الي فوقنا..ماجيناش ناخدو في رأيك عطيناك علم احني بس
اني من صدمة نسيت ان كل شي ملكي💔💔
احمد يشبحلي ويفنص فيا يبيني نتكلم
خشيت للدار وخليتهم يدوو طلع احمد وهو مغلول مني اتصل بيا..شن الي اديري فيه اطلعي ووريهم
اني..مانقدرش نواجههم
احمد..اني معاك انتِ بس ادوي
اني..والله يقتلوني في ارضي مانقدرش نواجههم
احمد..هدا المكان امانة عندك من جدي تبي اتضيعي الامانة اسكتي امالا هي
سكر عليا وخش اني قعدت مقعمزة نبكي ونفكر في كلام جدي وكيف يصير نضت قدام مرايتي مسحت دموعي نحيت كبوطي وواسيت شعري وخشيت درت عليا المي صليت الظهر وتوكلت ع ربي وخديت الاوراق وطلعت
عمامي يشربو في الشاهي ومدايرين رجل ع رجل
عمي..نور اني بناخدك لولدي باش حتى نضمو ورتتنا مع بعض
اني نصدمت من وقاحته
عمي..لالا اني نبيها نور لولدي
اني قعمزت ودرت رجل ع رجل..وبالك تحسابوني بنرضا بي واحد من اولادكم المتخلفين!!
احمد يغلي عليا يبني نتكلم ونفقشها
عمي..الزمي حدودك والا
اني وقفت..هه والا شنو؟؟؟
عمي بو احمد..والا تاخدي قشيشك وتطلعي من الحوش وتوا
احمد حط يده ع وجهه مش هكي يابوي لا انت الي بتطلع والله
اني زدت حمققت واتأكدت ان احمد معاه الحق في كل كلمة قالهالي😡
اني..ومنين ليك الحق اطلعني من مكاني ومن حوشي
عمي..من وين لوين طلع حوشك لعلمك بس حتى حوشك هداكا الي مسكر نورتو فيه بإسم خوي وخوي ماعنداش راجل وانتِ البنت الوحيدة ف لينا الحق فيه ياحلوة
اني..طمع واكلكم ومش شايفين الدنيا والخير الي انتم فيه احمدو ربي وبلا تكبر وطغيان زايد
عمي..لا تعديتي حدودك البسي ولمي حوايجك وبري لخالك الدلووع
ونفلقو بالضحك كلهم
اني تقدمتله..خالي الدلوع خير منك ومن امثالك وهيا توا تفضلو اطلعو برا بدون مطرود😊ومعاش نبي نشوف وجه واحد منكم عندي كنت محترمتكم بس انتم واااو الحق تخلو الشخص يحترمكم غصبا عنه
عمي..من الي يلز فينا هههههههه هداكا قبل للما جدك عايش اما توا لا يا بنتي هدا حوشنا كلنا وبنقعدو فيه
اني..هاكم بتبيعوه
عمي..احني حريين
اني..باه وكان اني وقفتلكم قتلكم الحوش ماينباعش
عمي..ومنين ليك الكلمة
عمي..تتكلمي نقصلك لسانك هدا ماناقص جدك فرعنك علينا هلبا راهو وتبي ترباية من جديد
اني..ياتطلعو يا نجيبلكم الشرطة اطلعكم من حوشي
عمي..فهمينا انتِ من بكري حوشي حوشي
اني شفت لأحمد احمد شبحلي وابتسملي كنت نستمد في القوة منه لولاه ماكنت قادرة ننطق بحرف💔
اني..هدا حوشي واملكهولي جدي ليا اني عمارة كاملة بإسمي اني واني الي نحكم ونطلق كنت بنسيبلكم وقلت عادي لكن طلعتو ماتنفعو قرش واحد لولا هالورق الي مدايره جدي لكنتو توا لوحتوني قدام الحوش خزي ع الوقت الي هكي انتم عمامي الي بننسند عليكم بدال بوي الله يرحمه تي انتم الجتة هكي كبرها والعقل هكي كبره والله وطحتو من عيني يا اوادم😒هيا هيا من حوشي مش ناقصة اني
عمي..غررر كيييف لااا تزوير هدااا
اني..برا الي بديره ديره هدا اصلي وجدي مخليهولي ولعلمكم من اول سنة جيت فيها اهني كاتب كل شي بإسمي احني الي عانيناه واحني الي لينا الحق اكتر منك اني واحمدد وانتم برا معليشي
بو احمد يشبحله..اتفقت معاها عليااا؟؟
احمد..ما اتفقت ع حد اني واقف مع الحققق بنت مسكينة زيها جايين بتلوحوها برا شن دارتلكم هيا تي كلكم مافيكم راجل تستقوو ع بنت يتيمة وبتاخدو منها الي قعدلها خزي
بو احمد..اني متبري منك
احمد..مايشرفنيش ان يكون عندي اب زيك بوي ردمته تحت التراب الي هو جدي
طلعو عمامي يتمتمو وانقهرو قهرة قوية😂
اني طلعت وراهم..ونزيدكم من الشعر بيت كل املاك بوي بإسمي اني ف ماتسرحوش بخيالككم
وخشيت
قعمزت نبكي
احمد..خلاص اشش علاش تبكي توا اهو الحمد لله مقعمزة في حوشك في مكانك ومايقدر واحد يلمس منك شعرة
اني..اخييي عليهم طمع والله لو كانو كويسين معاي ماكنت طلعت الي دايره جدي وكنت فتت وسكتت بس شوفت عينك احمد امك ووبوك خليهم يقعدو عادي والي بيقعد يقعد فيه الحوش بس بإحترام زي قبل ومايطق فيا حد
احمد..فكك منهم
اني..مانقدرش نقعد في عمارة زي هدي بروحي
احمد..أجريها
اني شفتله..هما وين بيمشو خليهم هدا درس ليهم ولو شفتهم مش حنكلمهم
احمد..هدا رزقك وانتِ حرة فيه والي بديريه اني معاك فيه اني خلي نروح للهم الي عندي
اني..ربي يعينك حتى انت
احمد..امين تعرفي مش طايق نسمع صوتها لدرجة في الحوش ندور بالسماعات اني مانحبش حد يخوني ويخدعني ويضحك عليا زي هالضحكة هدي
اني..حسب ربك بس وهو الي ياخدلك حقك من كل شخص
احمد..حقا محمد فسخ من الاء
اني..بالله
احمد..وربي
اني..امتى
احمد..بعد عرسي ع طول
اني..ايه كويس ااصلا حسيتهم مش راكبين ع بعض
احمد..نفس رأيي هههههه هي بري ارتاحي انتِ واني خلي نروح
اني..وين سيارتك
احمد..واقفة تو نروح ع رجليا خطوة هيا
اني..به كنهدا خود سيارتي
احمد..لالا خليها عندك مرات تحتاجي شي ضروري
اني..ايه صح تمام سلامات
طلع احمد وقعدت اني بروحي مقعمزة
خطرلي نكلم خالاتي يجوني وهما مايجوش لانهم مايحبوش عمامي ونساوينهم بس توا خلاص مش حيقدرو يكلموهم بكل
اني..الو خالتي كيف حالك
ايمان..الحمدلله شن جوك انتِ شن امورك
اني..مية مية تعالي اليوم خاطري نشوفك ونهدرز عليك
ايمان..فكيني من مرت عمك بتلقح وجو تعالي انتِ
اني..بنت اختك قصتلهم لسانهم ومعاد يقدر مخلوق يمس شي يخصني هي تعالي
ايمان..شن قصدك
اني..لو تبي تعرفي تعالي
ايمان..تو نقول لي راجلي يحطني عندك هي ونكلم باقي خالاتك
اني..ايه كلميهم
ايمان..اوك
سكرت منها ساعة وجوني كلهم وتيت شاهي والقهوة والكيكة وقعدنا نهدرزو
ايمان..غريبة ولا مخلوقة جت ولقحت شن صاير يابنت ادوي
اني..😂😂انقص ديلهم
خالتي2..شن قصدك
اني..جدي طلع كاتب العمارة كاملة بإسممي
خالاتي..شنوووو
اني..ايه😊
خالتي..يعني هما حاليا مايملكو شي فيها !
اني..بالزبطط
ايمان..والشومة الي فوقك ام احمد هدي انقص لساااانها😍خلااص🤣😂😂😂
اني..يسس قتلهم الي بيقعد في العمارة هدي يقعد بس بشرط كل واحد في حاله مالياش علاقة بيكم ولا ليكم علاقة بيا😁والي مايبيش يحترم شروط هدي يتفضل
خالتي..والله انك قدعة ومانندرو
اني..الي خلوه ماما وبابا علمهولي جدي 😁
ايمان..هكي نبيك ردي بالك ثم ردي بالك تتنازلي على حقك
اني..ايه نفكر انأجر حوشنا
ايمان..علااااش
اني..نستفيد منه اني مش حنقعد فيه لانة اهني احسن من غادي مانقدرش نقعد بروحي بس هني ع الاقل مونسيني عمامي وانتم قراب مني واحمد خوي قريب
ايمان..في هدي ايه صح
اني..ايه
خالتي..توكلي ع ربي واجريه ماعندك منين بتصرفي
اني..احمد مش مخليني وديما جيبلي ويعطي فيا بس قداش منه
ايمان..تو عنده حوش ومسؤلية ومرته تو مرة من المرات تطلع حامل وتكبر عيلته
اني..احمد بيطلق مرته
خالاتي..شنووو
اني..ايه صارت مشكلة بينه وبينها ومعاش يبيها
ايمان..ياروحي عليه
اني..ايه هي الغالطة لو مش هي راه نزلت فيه وقتله ماطلقش
ايمان..كيف
اني..مانقدرش نحكيها بس غلطتها كبيرة ماتنغفرش
ايمان..ربي يهديهم💔
وخشت علينا سوسن😍
اني..سوووسن😍😍
سوسن..السلام عليكم
اني..اهلاااا
سوسن..اهلا بييك
اني..شن جو شن اخبارك
سوسن..الحمد لله جاية بنعزمك وبنمشي
اني..شنوو
سوسن..طبعا مش عرسي 😂😂 غدوا جايين امالي محمد ووبيشوفوني ف نبيك تجيني
اني..ايه تمام حااضر
سوسن..بالله عليك تعالي اني ماعندي وخيات نبيك تكوني معاي
اني..والله حاضر
سوسن..خلاص بنروح
اني..والله تقعدي خالاتي في دار تعالي خشي سلمي
سوسن..تبي حذيفة خاشلي داخل
اني..تو نطلعله وانتِ خشي سلمي
سوسن..به
لبست وشاحي وطلعتله
نزل حذيفة من سيارة
اني..كيف حالك🙄
حذيفة..الحمد لله بخير شن اخبارك انتِ كيف حالك توا خير من قبل!!!
اني..بخير الحمد لله عايشة وخلاص
حذيفة..الله يرحمهم
اني..خلي سوسن شوية ووليلها بالله عليك
حذيفة..لالا قولها تطلع تووا
اني..غر وراس الي عندك غالللي
حذيفة..ماعندي غالي غير امي
اني..مادخليش غير هيا بالله عليك حلفتك
حذيفة يشوفلي..تحجبتي
اني ابتسمت..ايه😌
حذيفة داب في ابتسامتي وبعدين استاقض لروحه..قولها ساعة ونجيك
وركب السيارة وطلع
مرت عمي..مشاءالله وبديتي مواعيد
اني..سكري روشن وتو نجيب سطاء يسكره روشنك هدا لو بتقعديلي هكي😬
مرت عمي خششت راسها وسكرت الروشن بالقوة وخشيت اني نتمتم..الحوش حوشي والناس بيشاركوني
ايمان..غر بالشوية مسرع😂😂😂
اني..😂😂😂😂
سوسن..قالك لا وله
اني..قالي باه😂ساعة ونجيك
سوسن..حي علمها كيف قدرتي تقنعيه
اني..من ابتسامتي مافيش حد يقدر يقولي لا😌
سوسن..حي حي خوي طاح بوجهه
خالتي..ومن يطلع هدا 😂😂
ايمان..تعالي جاي يابنت شن صاير من ورانا
قعمزت اني وسوسن..وحقربي مافي حاجة
سوسن..وحق ربي خوي ميت فيها
اني..بلا خرافات زايدة عادي يعني
سوسن..والله يموت فيها
خالتي..احكي ياسوسن شكله في تطورات😎
سوسن..امي تبيها لي حذيفة وبوي نفس الشي واني 😂نفس الشي المهم المهم خير ماتجي تضربني هدي من اول ماشافو بعض زي الفار والقطوس يتعاركو لكن وربي حذيفة يموت فيها ووقت ماما تجيب سيرتها يقعد يلحق بعيونه وودانه معانا وعيونه يلمعو لمممع بس مشكلة خوي طبعه صعب وعنايدي ونور نفس الشي طبعهم زي بعض ومش عارفة هل يمشو مع بعض او لا
ايمان..ايواه ايواه👏🏻👏🏻
اني..وحق ربي مايمشي معاي اني نبي واحد مسالم الي نبيه يقول به جوه فرهودي وهياجة وطلوع وضحك وجو سامحيني فيها خوك منكدي
سوسن..😂😂😂علاش بنسامحك فيها اني نقول فيها اصلا خوي منكدي وربي بس معاك غييير🙂الدليل انه خلاني ويوم الي بتت عندك قلب الدنيا وتوا خلاني😍
اني..باه غيرو الموضوع😂
اني كنت عادية وماكنتش نحمله اي مشاعر وكنت مش مصدقة الي يحكو فيه
المهم ساعة وكان بالزبط قدام الباب حذيفة
سوسن..باش تجي مش تنسسي
اني..حاضر من عيوني من صبح عندك
سوسن..اوك
طلعت سقدتها سوسن وسكرت الباب وخشيت شوية وخالاتي روحو وقعمزت بروحي والحوش فضي عليا
اني..كنت نقول ياريت نقعد في حوش بروحي مافي حد هه واهو قعدت شن استفدت😪 قعدت نتفرج لين رقدت ونضت الصبح بكري وتيت فطوري وكيف بنقعمز نفطر نسمع في الباب يطق فتحت لقيته احمد
اني..صباحو ورد
احمد..صباح الخير هدي خبزة سخونة جبت زوز فرادي قلت مافي حد معاك
اني..صحيت سلمه ياربي تعالى افطر
احمد..لالا الي فطرته ع صبح ساد
اني..خيرك😳
احمد..فوتي خلاص افطري بتمشي جامعة؟
اني..لا ماعنديش اليوم وبنمشي لسوسن
احمد..علاش!
اني..ماه اليوم جايينها ناس وتبيني نكون معاها
احمد..امممم امتى مروحة
اني..اكيد في الليل
احمد..تو نرفعك اني مش ضروري تلقي حتى في ليل بروحك
اني ضحكت..باه
احمد..نخاف عليك راهو
اني..باهي
احمد..هي ماشي توا
اني..سلامات اسمع شوية ونكلمك بنمشيلها بكري
احمد..باااهي
ركب احمد لأمه هدرز عليها شوية
امه..ياولدي بدت ادل فينا بنت عمك هدي قولها تنقص
احمد..نور ونعرفها اني
امه..امس لقيتها واقفة ع واحد لوطة وخالاتها لداخل ووقت قتلها كيف اديري هكي قتلي سكري روشنك والا تو نجيب سطا يسكره
احمد نصدم
امه..والله العظيم مانكدب عليك المرة هدي اني خفت عليها نور نعرفها مش من عوايدها هكي
احمد صدق امه ونزلي
طق احمد ع داري
اني..نبدل يا احمد
احمد قعمز ع الكرسي في وسط الحوش ويستنى وهو متعفلق
طلعت اني..عطلت علييك
احمد..شن تحسابي روحك انتِ!!!
اني نصدمت
احمد..تكلللمي من الي واقفة معاه امس وفي نص حوشنااا شن تحسابي مافيش رجالة يحكمو فيكك والا شنوو!!! والا كان كتبلك جدي الحوش بإسمك معناها خلاص اديري ماتبي ومادخله بيك حدد؟؟؟
اني..بشوية عليك راه ينطلسلك عررق افهم قبل بعدين تكلم اما الدوة هدي ماتحكيهاش معاااي
احمد..ضمي فمك ومعاش تعلي صوتك عليا كيف توقفي عليه وفي نص حوشنا فهمينييي
اني..وانت احترم نفسسسك وكان تبي تفهم تعالى بالطيب وخود الي تبيه اما هكي ماك واخد مني كلمة😡عجب والله وبعدين شن دخل الي داره جدي في موضوعنا؟؟؟
احمد..لانة الواضح انك تماديتي
اني..في شنو تمااديت!!! ترا تكلللم والي جي هدا يكون خو سوسن جابها ونبيها تقعد وماخلاهاش طلعتله اني والحمدلله طلعتله مستورة لابسة حجابي وعبايتي قتله خليها اختك ساعة ووليلها قالي باهي تمام وخشيت وقبل مانخش امك قتلي اديري في مواعيد عفلقتتتتني وقلت الي قلته يعني حتى كلمتها حارة شن ندير في مواعيد هدي من طبعي اني😡
احمد..بري نحي مش رافعك
اني..مش ضروري ترفعني😞
سكرت داري وخليته في الحوش خديت مفاتيحي وطلعت ركبت سيارتي وطلعت عجب والله ناقص غير هو يديرلي هكي😡
مشيت نجري ومانندري ع روحي لعند لقيت روحي قدام بابهم
اني..استغفر الله العظيم واتوب اليه حسبي الله ونعم الوكيييل
نزلت من السيارة اذكرت ان ماجبتش معاي شي تحشمت نخش ركبت سيارة وطلعت مشيت لأقرب محل خديت منه ووليت
سوسن..اهلاااا خشي خشي😍
خشيت اني وكان باين عليا متعفلقة
سوسن..خيرك
اني..صارلي موضوع بس فوتي
سوسن..تعالي نخشو داري واحكيلي
اني..لالا فوتيه خلي نسلم ع امك
سوسن..خشيلها مهناك حد كلهم طلعو
اني..ايه حسيت هدوء
نحيت وشاحي وواسيت روحي وخشيت..صباح الخير خويلة
بدرية..صباح الورد كيف حالك بنتي
اني..الحمد لله بخيير شن اخبارك مبروك ع سوسن😍
بدرية..الله يبارك فيك ان شاءالله ع خير
اني..ان شاءالله
بدرية..هاتي نفطرو يا سوسن نستنو فيك ممن بكري قلنا نفطرو مع بعض
اني تحشمت نقولهم فاطرة سايرتهم وخلاص
جابت سوسن صفرة اشكال وألوان فطرت معاهم الحق وكليت لين شبعت اللمة هيا الي تخليك تاكل وهي الي تخليك تفرح❤
هدرزنا شوية بعدين نضنا اني وسوسن ضمينا ع السريع تشطيبات بس وبخرت اني الحوش وخويلة بدرية تبدل وسوسن تبدل واني ندور ع كل تركينة في الحوش ونبخر
ع خشة حذيفة..اااه محلاها الريحة هدي يمااا
وكان خاش بسبيدروه..تي شن وين ويييين خاااش بسبيدروووك
حذيفة انخلع ووخر ونحاه وخش
اني..كيف منشفين يا حذيفة خيرك مبردك ره ماتقدرش بككل😡
حذيفة..باه خيرك ولعتي فيا انتِ
اني..اي لانك ماتحترمش في الي ينظفو وينشفو في الحوش من صبح يناري وانت جاي تخرب فيه بسبيدروك
قعد حذيفة يقدم واني نوخر وهو متكنطي من كلامي معاه يقدم واني نوخر لين لصقت في الحيط شدني من خصري وقربني ليه
حذيفة..معاش تدوي معاااي هكييي مفهووم والا والله نهارك
اني فقت ع عمري ودفيته..انت من تكون باش اديرلي هكي
حذيفة..مادخلكش
وحط يده ع لحيته..مافيش غدي
اني بالله عليك الا لحيتك ماديرها قدامي اللقطة هدي هي هي نور شن تقووولي نهارك اسود اغببر يالله قوي روحك..مافيش غدي😒
ركب حذيفة لداره واني ركبت نجري لي سوسن
سوسن..اااه واخيرا كملت
اني..ترا نشووف
سوسن..😊
اني..😍😍ولك تؤبري قلبي
سوسن..ههههههههه
اني..ايه
سوسن..ههههههههههههههه
اني..خيرك تضحكي شن في
قربت سوسن مني وقعدت تشم
اني..تي خير امك
سوسن..حذيفة جي😉
اني..اي باه!
سوسن..ريحته عليك كيف صار 😉
اني وجهي والا الوان كل مرة لون يطلع
سوسن..😂😂😂😂😂😂ووووووه جنابي كان تشوفي وجهك
اني..ياسري بلا خرا هو ريحته قوية ولصقت فيا بس لا تقابلنا ولا ريته
سوسن..تو نصدقك باه😂
اني..ياسر والله نروح راهو
سوسن..لالا خلاص نبصر قوليلي خيره خوك احمد
وكان حذيفة كيف جاي بيكلم سوسن وسمع اسم احمد وقف
اني..فكيني من امه حرقلي دمي دار روحه خلاص هو الي يحكم
سوسن..كيف
اني..باش امس طلعت لحذيفة وقتله بالله عليك خلي سوسن
سوسن..ايه
اني..وهو بعد طلع بسيارته مرت عمي كانت تشوف من فوق من روشنها طلع هوا قتلي اخرتها مواعيد في الحوش ومن هالكلام اني قتلها سكريه الروشن واالا نجيب سطا يسكره عليك فوق ما اني متحملتهم بالسيف بتجي بتتحكم فيا مصح وجهها ديما تفكيرها خبيييث المهم اليوم الصبح جي احمد جابلي خبزة وركب لي امه عباته وشحناته عليا جاني واحد مجنون وقالي مافيش مشي ومانيش رافعك قتله باه سكرت داري بالمفتاح وخديت مفاتيح سيارتي وركبتها وعينك ماتشوف الا الضي
سوسن..حيييي علمممك طلعتييي وخليتيه
اني..اسمعي اني لو جاني بإحترام كنت احترمته وفهمته كويس واني واعداتك نجيك تبيني نرخي بيك!!! واني معروفة بدماغي الي فيه بنديره عجب الناس والا ماعجبهمش اني مش قاصر باش يتحكم فيا الي يجي وعقلي في راسي ونعرف الصح من الغلط وطلعتي لخوك مافيهاش غلط قتله يخليك وقال به وخشيت وهو طلع وبعدين مش غريب عليا هوا بس تاني شي اني مانحبش من يعيط عليا ويهزب ويتكشخ كأنه مالكني ويتحكم لا بابا مش آلة اني تتحكم فيها كيف ماتبي فكيني منه بالله كلهم جنس ادم زي بعض
سوسن..😂😂خزي بس احمد كويس معاك اتصلي بيه طيبي خاطره هوا بس خايف عليك من دوة الناس وهكي
اني..ياريته غر دوي هكي وبس قالي شن تحسابي روحك بعد ما ملكلك جدي العمارة معناها خلاص بتتحكمي تخيلي صدمني اني ماقلتش لولا واحد يطلع وكلهم عايشين رغم ان ماعندي منين نصرف مفروض نطلعهم وانأجرها بس ضميري ماسمحليش ان نديرها مهما كان هدم عمامي كانو بيلوحوني اني برا العمارة لولا ستر ربي
سوسن فتحتلي حضنها..حيكون مكانك عندنا لو صار شي زي هدا انتِ اختي وصاحبتي وكل شي
حضنتها كنت فعلا محتاجة هالحضن حضن اخت اطبطب عليا مليت من تمثيل بالقوة وان مايهزني شي نبي ولو لمرة نطيح في حضن شخص يحبني حق وننسى كل شي ولو لي دقيقة بكيت شوية وبعدين مسحت دموعي طول
اني..اسفة
سوسن..ولو انتِ اختي مش مهم المهم انك ترتاحي وبس
اني..ربي يخليك ليا
واحني بنطلعو مشي حذيفة طول لداره وقعمز وقعد يفكر في كل شي صار وكل شي قلته لي سوسن اضايق هلبااااااا ومافهمش روحه علاش اضايق💔
سوسن..حذيفة تعالى كان تبي تتغدا
حذيفة شافلي..مش مافيش غدي ؟
اني..😂😂
سرح حذيفة فيا وفي ضحكتي
سوسن..تتسهوك هدي درنا غدي واستنيناكم هيا الباقي جو هي انزل
حذيفة نزل معانا واني خايفة من نظراته ليا خوفني وقت يفنص معاش فهمته مرة يفنص ومرة يسرح
قعمزنا نتغدو
عمي.. #يتبع
.
.
.ان شاءالله تنال اعجابكم يااارب😍
#حـــــنــــو
