البـارت #الـرابـع_والـثلاثـون
.
.
.
روايـة #حكـايـتي🍁
.
.
.
حذيفة..ايه علاش تبكي!؟
اني نزلت راسي..شي
حذيفة..ع خاطر الصبح ؟؟
اني..لالا
حذيفة..امالا شنو
اني..شي فشة غل وخلاص
حذيفة..قوليلي هيا
اني..لانة ماعنديش حد لا اخت ولا ام
حذيفة..علاش
اني..مافيش من يساعدني اني مفروض مانتحركش هلبا قاعدة كيف جايبة 💔 وقعدت نبكي من الوحدة و كل شي فوق راسي تعباانة😢
حذيفة..خلاص اس معاش تقولي هكي اهو اني موجود
اني..وينك ترا حذيفة افهمني اني نبي من معاي نبي من يساااعدني بس انت لو قعدت من بيصرف علينا حد ف مجبور انك كل يوم تمشي للخدمة وماتتغيبش عليها واني عاذراتك بس مافيش حد يقدر يساعدني نعبا عليه في شي
حذيفة..باهي خلاص نكلم امي ونقوللها بنقعدو عندك لعند يبدا حالك باهي
اني..كان يبو نقعد معاهم راه قالتلي امك وحلفت زي المرة الي فاتت بس شكلها ماتقدرش وهي اصلا كبرت يناري خلاص معاش تقدر زي قبل عادي اني فضفضتلك بس
حذيفة..حليمة اليوم ماجتش؟
اني..لالا
حذيفة..فوتيها تو نشوفلك غيرها تساعدك
اني..يكون احسن
حذيفة..نحبك
اني..حتى اني
حذيفة..اسف ع الصبح غير كنت فاصل
اني..لا عادي
حذيفة..اوك
جي قعمز جنب لولي واني نضت قمت الي كنا حاطينه وجيت للمطبخ طلعت الماعين ستفتهم وكملت ركبت وخليت وتين جنبهم
اني..خلوها معاكم نبي نرقد ونرتاح امس مارقدتش
حذيفة..اوك بري ارتاحي
ركبت نجري ولعت المكيف وخشيت في سبات عميييق 😴💤💤💤
.
.
بعد ساعة طق الباب فتح حذيفة لقاها العيلة امه واخته وعزوزة اخته وخواتها خشو للصالون وركبلي طول
حذيفة..حبيبي حبيبي نوضي ياعيوني
اني..شنو خليني كيف ارتحتتت
حذيفة..عيوني في ناس لوطة
اني وواخدني النوم..طلعلهم وتين اني شن بيديرو بيا
حذيفة ضحك..نوضي هيا حتى اماليا جو
اني نضت قعمزت..الصبر وخلاص تعبانة وربي
حذيفة..باهي سايري ياقلبي الله غالب مش حيعطلو
اني..به اطلع خير مانفش غيضي فيك
طلع حذيفة وهو يضحك خدي مفتاح سيارته وتلفوناته ونادا ع سوسن
سوسن..وين مرتك العفو
حذيفة..اهو نوضتها كانت راقدة تو تنزللكم في حاجة ناقصة
سوسن..لالا
حذيفة..تمام ردي بالك من وتين لين تنزل نور
سوسن..اوك
طلع حذيفة ومشي لصحابه 🙂وخلاني اني مع الهم
لبست وبدلت ودرت شوية ميك اب ودرت بارفاني ونزلت خشيت للصالون ..اهلا اهلا
عزوزة سوسن..اهلا بيك كيف حالك مبروك عليك المزيود تتربا في عزكم ياربي ودلالكم
اني..الحمدلله بخير تسلميلي امين يارب
سلمت ع الباقي وطلعت وتيت العصير وجبته حطيتهولهم وقعدنا نهدرزو شوية والباب طق
سوسن..خليك مرتاحة توا نفتح ☺
طلعت سوسن فتحت لقتها فلبينية..تفضلي من انتِ
الفلبينية..انا جاي اخدم هنا
سوسن..من بعتك
الفلبينية..بابا حذيفة هوا قالي
سوسن..اوك تفضلي
خشت خششتها سوسن للمطبخ ونادت عليا جيتها قعدت نكلم فيها ومشت سوسن
اني..توا انا درت شاهي من بكري نبيك توا تسخنيه وتحطيه تعرفي؟واهو الحلويات اهني
الفلبينية..ايه انا اعرف حجات كتييير انت كون متهني😊
اني..ااااه الحمدلله ياربي اوك اااه شن اسمك
الفلبينية..اسمي سونيا
طلعت وقعمزت نهدرزو شوية وجابتلنا الشاهي كانت صح مفتلكة الجو وفاهمة وعارفة شغلها😍ارتحت هلبا وابتسسمت
ضيفتنا ومشت للمطبخ تغسل في الماعين
بدرية..جديدة هدي يابنتي!
اني..ايه ياعمتي شكلها حليمة معاش تبي تجي لانة بكري حذيفة قالي انه حيكلمها لو معش بتجي تو نبعت وحدة تانية وبعتها هدي توا بس شكلها احسن من حليمة
بدرية..ايه غير ردي بالك من حاجاتك بس
اني..لا ماتوصي حريص ياعميمة قعدنا نهدرزو ونضحكو مع البنات كان جوهم حلو هلبا شوية وقالي بنوضو
اني..لا والله ماكم طالعين لين تاكلو من عصيدة وتين😊
بدرية..ايه خيركم اني كيف بنوض انديرها
عزوزة سوسن..باهي تو مدامك حلفتي خلاص😊
قعمزو وخشت بدرية تعصد فيها واطيب في الحلبة وقعدو للعشي تعشينا و روحو سوسن وعزوزتها وحماواتها واني طلعت لوسط الحوش اني وعزوزتي
اني..كيف حالكم وين محمد مجاش معاكم
بدرية..مع هاني قال بيطلعه والا مشعارفة
ليليان..اشبح وخيرني اني😏
بدرية..بيطلعه مع ولاد صحابه😂انتِ توا كبرتي خلاص
ليليان..الله غالب عليا🙂
اني وبدرية..😂😂😂😂
اني..باتي عندنا عميمة
بدرية..لا والله مانقدر نخليهم وهداكا مهند مفهمتش خيره
اني..خيره
بدرية..عيونه في التلفون وبس وديما هوا يضحك ماني عارفة عليه شكله يحب
ليليان تلعب وتسمع فينا
اني..وكان يحب اخطبيله وخلاص
بدرية..وين نخطبله وهوا لا حوش و لا بدي خدمة يطبوطحلي طول نهار يمشي يعتمد ع روحه يخدم ويكون نفسه وقتها نمشي نخطبله
ليليان جت وقفت جنبنا وتبي تدوي اني نفنص فيها
ليليان تنهدت وكأنه حاجة تنخص فيها تبي تدوي
سونيا..ماما نور تعال شوية
طلعتلها للمطبخ وكانت ادور ع حجات نكلم فيها ومنتبهة مع ليليان
ليليان..تعرفي ياحنينة نقولك حاجة لكن ماتقوليس لي حد
بدرية استغربت..شن في
ليليان..عمو مهند وله
اني ناديت عليها..لوللللي تعااالي شوفي باابااا شن جاااابلك بكري
ليليان ناضت تجري..حييييي شنوو
اني طلعت الجيلاطي من الفريز ونزلت لمستواها..هاك هدا اركبي كوليه فوق ونهارك احرف كان سمعتك تدوي كلمة عيب عواد الدوة عمو بعدين معاش يكلمك
ليليان..باه اسفة
خداته ومشت بتركب
بدرية..خيره عمك يا لولي
ليليان..ءء قالي ان هوا يحبك هلباااااااا ياحنينة
بدرية ضحكت..هههههه به
ركبت تجري وهي خايفة مني خشت للدار قعدت تاكل وطلعت اني نهدرز لعند جي حذيفة
حذيفة..اقعدي يام
بدرية..لا ياولدي قالتلي نور اقعدي قبلك هيا كان بتروح بيا
حذيفة..به ع راحتك يام حقا جت الشغالة؟
اني..ايه جت
حذيفة..شن رايك فيها
اني..كويسة الحق لعند توا
بدرية..والله كان تفكو رواحكم من هالشغالات حوشك ماكش كايدة فيه وصغارك وراجلك مش كايدة فيهم
اني..والله تعبت ياعمتي ع الاقل الايام هدي بس تساعدني
بدرية..كله دحول قبل كنا من نبلطو العيل نغسلو نجرو وماندرو ايام بالله
اني ابتسمت مجاملة ليها..🙂 وركبت وخليتها هيا وولدها
بدرية..العفو خيرها
حذيفة..هيا يام
بدرية..وخيرك انت قريب تلزني اهو طالعة
طلعت مع حذيفة وصلها وخدي محمد وروحو
محمد..ماماااا
اني..عيوني اني
جي حضني طول..ستاحشتك
اني..انت مسيبني وقاعد غادي هكي تخلي الماما😒
محمد..مش اني يا ماما كل مانقولهم نبي ماما تقول حنينة ماما ماتبيكش توا
اني نصدمت وشفت لحذيفة..نعم
محمد..ايه تقولي ماما عندها بيبي ونبيك تقعد عندي اهني ومعاش تروح لكن اني استاحشتك ياماما😣
اني..ءء لالا ياماما نبيك اني انت ولدي حبيبي😍خلاص ياعمري برا اركب ارقد هونا اختك رقدت
محمد..حاضر
ركب يجري بدل ورقد
واني وقفت شفت لحذيفة..شن صاير!!
حذيفة..علمي علمك
اني..قصدها امك تبي تاخد ولدي مني!؟؟
حذيفة..شن تاخد ولدك منك لالا وبعدين هدا حوش جده يا مامنهم قعدو عند جدودهم عادي يعني ماتتحسسيش تاخديش في بالك
اني..ايه نقعد ماناخدش في بالي لين نلقا ولدي ضايع مني
حذيفة..الصبر باه شن تبيني نديرلك؟؟اهو روحت بيه
اني..معاش يبات غادي
حذيفة..يصير خير خلينا نرقدو مداما وتين راقدة خير ما اطوفلنا ليلتنا
اني تنهدت..به 💔
خشينا بدلت اني ورقدنا
.
.
نضت الصبح ع صوت فوني
اني بدون مانشوف من المتصل..الو
خالتي..ياهلاااا ماشااااءالله قاعدة راقدة اووو
اني..خااالتي اهليين بيك كيف حالك ؟ ههههههه والله ايه متعبتني وتين تعرفي ماترقدش
خالتي..الحمدوولله كيف حالك انتِ؟
اني..الحمدلله بخير
خالتي..باه هي نوضي وتي روحك بنجوك احني اليوم
اني..باهي تفضلو مرحبتين بيكم😅
سكرت منها وتكيت راسي..اخخخ ياربي تلفتت لقيت حذيفة مش قاعد شفت ساعة لقيتها 10 نضت طول بندوش بس خفت وتين تنوض
اني..سونييا
سونيا جت تجري..نعم ماما Good morning
اني..good morning 😊 خليك جنب وتين لعند نخش ندير شاور ونجيك اوك؟
سونيا..اوك حاضر ماما
خشيت اني دوشت وكملت وطلعت لقيتها قاعدة جنبها وتلعب فيها
اني..سونيا
سونيا..نعم ماما
اني..انتِ وين كنتي تخدمي قبل ؟
سونيا..كنت اخدم مراء كبيرة في السن بس الله يرحمه بس خدمتها 5سنين وهي معلمتني كل شي
اني..اهااا واني نقول منين جاياتك الفلاحة😉 باه انزلي توا وتيلي فطور نبي نفطر باش نطيبو مع بعض الغدي لانة في ناس بيجونا ع الغدي😊اوك؟
سونيا..حاضر
نزلت طول للمطبخ توتي في فطورنا واني نوضت لولي و حمودي خليتهم كل واحد يدوش في حمام وجيت لي وتين بدلتلها وواسيتها ونزلتها حطيتها مع سونيا وركبت لي لولي و حمودي لقيت حمودي لابس ويدير في شعره ويبخ في بارفانه
اني..ماشاءالله ع ولدي حبيبي😍
محمد..ماما نحبك اني 😍
اني قرصتله خده..ياوخيتي سلممه حتى اني ياروحي هي انزل افطر خلي اختك تبدل وتنزل حتى هيا
نزلنا فطرنا وكملنا وقعدت نكتب في الحجات الناقصة وبعتت سونيا تشريها واني بديت نطيب في الحجات الخفيفة لعند جت وجابت الحجات بدت هيا تعاون فيا وشالت عليا حمل كبير هلبا لعند جو خالاتي
اني..هلا هلا
سلمت عليهم بالاحضان وفرحانة بيهم وسلمت على نورا مرت خالي وخش خالي سلمت عليه وطلع
اني..انستووني وشرفتوني في حوشي والله😍
نورا..ماشاءالله تبارك الرحمن ع حوشك
اني..تسلميلي😍
خالتي..حتى هوا حذيفة ولد العم ياحنة😎😍
نورا..ولد عمك هوا؟
اني..لا ولد عم بوي خيرك نسيتيه؟ههههههههه
نورا..باهي الحمدلله لالا غير قالت ولد عمك استغربت😉😂
اني..ايه بالزبط
نورا..تذكري يا نور كيف قتلك في المطار خوديها مني حذيفة هدا يبيك ويحبك
اني ابتسمت..ايه😍
جابت سونيا العصير والشكلاتة وقعدت نهدرز عليهم وفرحانين والصغار يلعبو برا ع خشة حذيفة..احم السلام عليكم
اني..وعليكم السلام
طلعتله طول
حذيفة..خيرك ماقلتيش ان عندنا ضيوف راه ماروحتش اهني
اني..واني هدا باش ماقتلكش باش تروح ونشوفك لاني ستاحشتك😍
حذيفة..وين ع الرواق هدا بس
اني..ههههههه خالاتي هدم ومرت خالي خش سلم
حذيفة..باهي والله ناقص غير نخش
اني..لا بلكي بتخش😂😂نبصر عليك هي خش للمطبخ وتو تحطلك سونيا الغدي تغدا باهي عيوني
حذيفة..لالا المطبخ ينسمعو اصواتكم اني راكب فوق وقولي لي سونيا تركبلي الغدي فوق نتغدا ونرقد نرتاح وبعدها تو نطلع
اني..تمام عيوني الي يريحك
ركب حذيفة واني مشيت قلت لسونيا تحط الغدي لي حذيفة وتركبهوله وخشيت للصالون
اني..اه جيتكم
خالتي ايمان..وين البنوتة ماريناهاش
اني..هي دقيقة نجيبها
خالتي..ردي بالك معاش تمشي بسرعة هكي بشوية عليك
اني..باهي
مشيت جبتها وجيت قعمزت بيها قعدو شادينها ويلعبو عليها وفرحانين بيها ويضحكو وجو حلو الله قداش ماكان خاطري في اللمة هدي الفرحة هدي ماكنتش نفرح فيها توا بس فرحت وطلعت من قلبي لانها مع ناس قلوبها صافية وخالية من الحقد والكره عيلتك هيا عيلتك😍
اني..هيا عويلة تفضلو معاي لدار الأكل انتم مش برانية
نورا..سلمها ياربي
مشينا قعمزنا تغدينا وكانت اصوات الضحك والفرح متعلية في الحوش وكنا فرحااانين
اني..إلا بنقوللكم اني راهو بندير سبوع غير نصح شوية
خالتي..صح؟باهي وين ؟
اني..في صالة وين يعني
نورا..فكرتي وين بتحجزي ؟
اني..مزال والله حذيفة قالي ديري الي تبيه والفلوس ماتاكليش همهم لانة حني في لولي وحمودي هونا كنا مسافري ومادرنا شي وحتى الناس الي تبي تواصلني لا عرفت تجي ولا تراجي السبوع ف قلت لازم نحسم الامر
خالتي..خلاص احجزي في صالة الـ... لانة اكيد بيكونو معازيمك هلبااا هدي اولك فرحة بديريها
اني..ايه فكرت فيها واسعة وقنينة وفخمة
خالتي..ايه
خالتي ايمان..امالا الحلو هدية مني اني 😌
خالتي التانية..واني نلبسك صدرتك
نورا..شن ناقصك قوليلي واني نديرهولك
اني..سلمهم ياربي😍😍صحيتوا
قعدنا نهدرزو لعند جو باقي خالاتي ولتمينا لمة حلوووة وروحو مع المغرب
اني..لولي حبيبتي قيمي ألعابك هيا بنتعشو بابا قريب يجي
ليليان..حاضر ماما
اني..وين سونيا
ليليان..سفتها في دار ترقد في وتين
اني..به
ركبتلها لقيتها في دار الصغار تغنيلها وترقد فيها ابتسمت ونزلت بشوية وخشيت مطبخ سخنت الحجات الخفيفة وحطيتهم شوية وخش حذيفة
اني..حبيبي جيت هيا بدل وتعالى تعشى
حذيفة..متعشي
اني..خيرك
حذيفة..شي بنركب نرقد
اني..به في خاطري ضروري ما واحد ينكد زي الهم😐
جو صغار وتعشيت اني وياهم لين شبعنا وقامت سونيا الماعين وغسلتهم واني ركبت الصغار بدلتلهم وفرشو سنونهم وخشو رقدو واني خشيت للدار صليت وجيت اتكيت لقيته نايض ويشبح للصقف
اني..خيرك!
حذيفة..شي
اني..قولي من امتى ادرق عليا
حذيفة..علاش ماقلتيش لأمي تجيك اليوم !!
اني..راحت من بالي واصلا هيا كل يوم تجي نحسبتها حتى اليوم بتجي بس ماجتش هيا خيرها؟
حذيفة..حرجانة ع خاطر جوك اماليك وماكلمتيهاش
اني..اللطف هدا حوش ولدها وامتى مايخطر ع بالها تجيه يعني مش لين نعزمها ومدامها سمعت بيهم عندي خيرها ماجتش ؟؟
حذيفة..وين نندري عليكم اني خليني نرقد تراه صدعتولي راسي
اني قلبت عيوني وعطيته بظهري..تصبح
ورقدنا 💤💤
.
.
.
.
نضت ع صوت بنتي وتين تعيط مع ساعة 7 قمتها طول وقعدت نهز بيها لقيت حذيفة مزال راقد..حذيفة نووض
حذيفة..نعم ها
اني..صباح الخير نوض وقت عليك
حذيفة ناض وخش الحمام يدوش اما اني قعدت نهز بيها لعند رقدت حطيتها وخشيت حمام (حشاكم) التاني توضيت وصليت شفت حذيفة لقيته يصلي نزلت وتيتله قهوته وحطيتله كيكة معاها
نزل حذيفة بلبسته الرسمية واناقته قعدت نشوفله وسارحة فيه😍
حذيفة..متغدي عند حاتم اليوم
اني..
حذيفة..الووو نوور
اني..اااه نعم
حذيفة..وين سارحة
اني ابتسمت..فيك😍
حذيفة ضحك
اني..اويل قلبي
حذيفة..خيرك شن صايرلك
اني..شي بس قداش ليا معاش نضت معاك الصبح
حذيفة..اممم باه وتيتي قهوة
اني..ايه هدي قهوتك وهدي كيكتك وكانك مستعجل نحطهالك تاكلها في طريق
حذيفة..لالا تو ناكلها اهني قتلك متغدي عند حاتم اليوم عازمني
اني وسارحة فيه..به
حذيفة ضحك وهز راسه وكمل
كلي وشرب قهوته وناض
اني..ضروري تمشي
حذيفة قعد يضحك..خيرك يا نور شن فيك
اني حكيت راسي..شي مشعارفة😅خلاص برا خير مانسكر الباب بالمفتاح
حذيفة ابتسم طبس باسلي راسي..ربي يخليك ليا واسف ع امبارح غير متعفلق بس
اني..ولا يهمك😌
طلع حذيفة سقدته اني وركبت رقدت
والمرة هدي وتين ماناضتش رقدت ورقدت اني معاها للظهر
.
.
عند سنابل ناضت الصبح وتت الفطور وفطرت هيا واحمد
احمد..ضروري تمشي من توا خلي نروح نتغدا ونحطك ؟
سنابل..لالا ضروري من توا حبيبي باش نروح العشية نبيش نقعد
احمد..علاش؟
سنابل..صغار مايهفتوش
احمد..باهي تمام حاضر ياقلبي انت❤
مشو احمد وصغار وسنابل حطهم وقبل ماتنزل سنابل شد يدها احمد باسها..ماتعطليش عليا
سنابل ابتسمت..حاضر😊😍
وفات الوقت وكل شوية احمد وسنابل يبعتو في مسجات لبعضهم
.
.
خش حذيفة وخشت وراه بدرية
بدرية..خلي الباب
حذيفة..اوووه امي كيف حالك
بدرية..الحمدلله كيف حالك انت
حذيفة..الحمدلله اهو هدي مرواحتي من الخدمة
بدرية..باهي امالا نتغدو مع بعض
حذيفة..ايه تفضلي
خشت بدرية وخش حذيفة وراها وكنت اني راقدة
بدرية..امالا وين مرتك ؟
حذيفة..اكيدة فوق مع صغار
بدرية..مافيش ريحت تطييب
حذيفة يتخضر ويتصفر..تو نشوفها خليك دقيقة هي
ركب حذيفة وخش للدار لقاني راقدة وجنبي لولي وحمودي راقدين احني الاربعة قعد يشوفلنا ويتأمل فينا وهو مبتسم
بدرية..خيره عطل هدا🤔خنركبله
ركبت ولقت حذيفة مبتسم ويشوفلنا كيف راقدين بدرية شهقت..هييييي طيح والله سعدك قاعدة منطمرة راقدة عبيت عليك واني نقول خيره وليدي رايح زي الخلال وانتِ تترقدي للظهر اووو😏
اني نضت مخلوعة ونشبح في خاطري هدي امتى جت وكيف تخش عليا هكي شن العقلية هدي وخيرها هكي مولية متغيرة😲
اني..خيرك ياعمتي معقولة هكي هدا كلام؟؟؟
نضت طول خشيت للحمام واني عبرتي خانقتني دوشت واني تحت الدوش ونبكي
اما حذيفة المصدوم ويشبح وبعدين فاق ع عقله..يما خيرنا عاد شن الكلام هدا انتِ عارفة ان المرا قاعدة كيف والدة حتى شهر ماسكرتش معقولة هكي تدوي وبعدين اني درتلها شغالة واكيدة مطيبة
بدرية..هدي اخرتها اووو تغيرك عليااا هكي اخرتها يابكري😤هدي اخرت الزمان ترد على امك
حذيفة دخل يده بين شعره..يام اكسري الشر وخلي ننزلو ونتغدو خيرك عاد
بدرية..لا شر ولا ناوية شر اني هي بسليمتك انت ومرتك
نزلت طول وطلعت لحوشها ع رجليها لانه مش بعيد خشت وقعدت متكنطية ومتحلفة فيا 💔
طلعت اني من الدوش ونوضت الصغار يدوشو وسونيا اهتمت بيهم وواني نزلت لحذيفة لقيته مقعمز ويهز في رجليه وحاط راسه بين يديه
اني..حذيفة اني مشش قصدي نرقد
حذيفة..مش ذنبك عاذرك انك تسهري مع وتين
اني..توا نطيب الغدي اسفة بس والله راحت عليا نومة وارتحت فيها
سونيا..بس ماما انا طيبت الغدي
اني فاجأتني..كيف ؟
سونيا..انا طيبت شنو اسمه شنو اه كسكسي
اني فرحت.. صحح؟؟
سونيا..ايه ماما
حذيفة..حطيلنا نتغدو
مشت سونيا تحط في الغدي
اني..وين عمتي
حذيفة..شن تبي فيها مشت للحوش روحت
اني..علاش ماشديتهاش😓
حذيفة..خليها لقطتها بايخة وحنقول عليها لبوي قصدي مش لقطة تخش عليك في دار افرضي انك كنتي لابسة حاجة هي مش لازم تشوفها غلط هكي
اني..انت الي غلط تحكي لبوك وخلاص موضوع وفات واني مازعلتش منها هيا زي اميمتي واني مانزعلش منها امك كبرت وبدت تغير شوية وحاسة ان اني خديتك منها وانت لازم تهتم بيها هكي وبرالها ديما مش مرة مرة
حذيفة ابتسملي..فعلا انك بنت اصل واحسن ماخترت😌
اني ابتسمتله وخشيت المطبخ وتيت الباقي وتغدينا
اني..حبيبي هي نمشو لأمك؟
حذيفة..علاش؟
اني..اكيد زعلت مننا خلاص هي نمشولها
حذيفة يشوفلي وحاير..اممم باهي هي نوضي
نضنا ومشينالها
اني..كيف حالك عمتي
بدرية شبحتلي ومن فوق خشمها..بخير من الله
حذيفة..يما تو علاش الزعل اهو جينا بنرضوك
اني..عمتي اني حاسبتك كيف امي ومانزعلش منك وعندك حق بس انتِ عارفتني مزال حتى الاربعين ماسكرتهمش والبنت ماترقدش بكل في ليل قصدي نسهر معاها ونرقد الصبح كيف تبيني !؟
بدرية شافتلها..ومن قالك ان اني بنحرج منك انتِ!؟
اني..باه علاش روحتي مداما هكي؟ قعدتي تغديتي معانا
بدرية..****
اني..😳💔 #يـتبع
.
.
.
ان شاءالله تنال اعجابكم حبايبي هيا نبي رأيكم في الباااارت❤❤❤❤ #حنو
