البـارت #الثالث_عشر
.
.
.
روايـة #حـكايـتي🍁
.
.
.
مشي محمد لحوش عمه وحرش عمه ومرت عمه بس كانو مش راضيين وكانو زعميتك واثقين ان بنتهم ماديرش هكي وان هوا يتبلى عليها سيبهم محمد وركبلها يجري وخش دارها وسكر عليها بالمفتاح
علا..اااه حبيبي عارفاتك حترجعلي😍
محمد قربلها..ايه رجعتلك ياقلبي وعطاها كف يمسح ع كبدي وكبدكم😂
علا..ااااه يا حيوان شن اددددير انتتتت
محمد..تهددي في خواتي ياحقيرة تهددي فيييييهم بتقتليييينييي وييييينهم الصوووور تكلللللمي
علا..اطلقني بنموووت كح كح
طلقها محمد..طلعي صور تواااا
عمه..افتتتح البااااااب شن ادير للبنت ياحيوااان
امها..افتتتتح افتتتتح
محمد..يا اني يا هيا بنتكم هددددي
علا..والنبي حول وراسك حووول😭😭
ناضت علا وفتحت قجرها وطلعتله كل شي ومحمد بدون مايشوفهم طلع من روشن وولع النار وحرقهم كلهم
محمد..والله والله يا علا لو توصلي فيا او في خواتي بشعره والله اندمك في عيشتك الله يا علا ماتقدرينيش راااااك حي عليك رااااه بديتي تلعبي بي ديلك رااااااهو اهو حذرررتك🙄
وطلع
عمه..شننن درتتت
محمد..مافيها شي زي الحصان متربي اني مش زي رباييتك وحرقت صور وهدا الي نبيه واذبتها هيا شوية
طلع محمد يجري ومشي للحوش لخواته
محمد..من اليوم تنسو حاجة اسمها علا فاااااهمااااات
خواته هزو راسهم بي ايه وسكتو
بيان كانت بطير من الفرحة لانة فتكت من الهم الي فوق قلبها وبراءة تبكي ومش مصدقة الي صار وانها افتكت من الكابوس
طلع محمد ومشي لصحابه
.
.
.
سوسن تفكر..زعما خيره مايردش😫
بدرية..سووووسن يا سوووسن تعااالي
سوسن من دروج..نعممم
بدرية..تعالي قيمي معاي البساطاتا نغسلوهم جو برا قنين وبنات خالاتك جايات اغسليهم انتِ وياهم هيا نبدو ويلحقو علينا هما
سوسن..وااااك جو قنين قولي نطلعو ندهورو نشوفو حاجة مش جو قنين نغسلو بساطات الناس اطورت وبدو يحطو فيهم في مغسلة ويجيك مرتاح ماه لازم من الشقا حرام الواحد يرتاااح
بدرية..بري تزوجي وارفعي للمغاسل والا الي هوا😠هياااااااا
نزلت سوسن وطلعت هيا وامها البساطاتا وبدو فيهم شوية وجو خالاتها وبناتهم وغسلو البساطات وهيجو وضحكو فيسع ماكملوهم قعمزو يهدرزو مع بعض وجوهم مليح
.
.
.
تاني يوم
اني وخالتي طالعين نحجزو في حجات ونتممو
اني..خالتي شن صار في الموضوع
ايمان..موضوع شن
اني..موضوع خالي
ايمان..اي
اني..شن صار به
ايمان..فوتيه توا امتى نجيك؟
اني..تو نتصل بيك
ايمان..اوك
نزلت للكافي ولقيت سنابل و مسرة قدامي❣
سلمت عليهم وخشينا
لقيت صحباتهم وخواتهم عرفوني عليهم وعجبني جوهم قعدنا نهدرزو ونضحكو وكان جو جميييل💖
.
.
.
.
عند حذيفة
في شركة في مكتبه يخدم وغاطس ومش حاس بشي اتصل فونه سكر وماردش جاه مسج شافه حذيفة لين جي واقف
(اذا تبي تشوف حبيبتك وين ومع من؟ تعالى لي كافي ... في... فاعلة خير🙂)
فتح حذيفة ع رقمي واتصل بيا واني من دوشة ماحسيتش بيه
هااابي بيرد دي تووو يوووو سنة حلوووة يا جميييل
طفو مسرة وسنابل الشمعات وقصو التورطة وصفقنا كلنا مع بعض👏🏻
قعمزنا في مكاناتنا وبدت اختها تقص في تورطة وتفرق علينا فتحت فوني نبي نصور الحجات وهكي لقيت 5مكالمات من حذيفة
.
حذيفة وهو في طريق..ردددي رددديي😡
وجتني مكالمة خفت نرد ويقولي وينك ياربي شن ندير خشيت لتواليت طول ورديت عليه
حذيفة..وينننننك وين حاطة امه الخارب متعككك سننننة باااااش تردددي
اني..بببه بالشوية حذيفة خيرك شن العياط هدا
حذيفة..انتِ وين نبي جواب واضح وصريح
اني ياربي هدا عرفني وين شكله لالا مش حنكدب..اني في كافي نحضر في عيد ميلاد سنابل ومسرة هدوكا الي تعرفنا عليهم في الطيارة
حذيفة..نعم نعمممم
اني..خيييرك
حذيفة..شن قلت اني قلت موضوع كافيهات تنسيييه والاااااااا
اني..لما نبدا حلالك اتفقنا ننساه بس اني مش حلالك واني ماشية بإذن خوي
وسكرت عليه ناقص غير هو يتحكم فيا😕عجب
طلعت للبنات
سنابل..خيره وجهك مقلوب
اني..حذيفة
سنابل..خيره
اني..وين نندري عليه اني عرف ان اني في كافيه وطاحلي فيها عياطات وصياحات قتله وقت نبدا حلالك امنعه عليا اما توا طالعة بإذن خوي وسكرت عليه
سنابل..ياقدع احسن ماقلتي بس اني نعرف ليلتك بالطبيلة 😂
اني..اسكتي نفكر قاعدة
سنابل..ماتشغليش بالك ان شاءالله خير
واحني مقعمزين شوية وجي واحد وقف عليا
اني..تفضل!!
سنابل..خير خوي تبي حاجة؟
هو..نبي الي جنبك
سنابل..هيا توكل ع حالك خير مايصير شي مايعجبكش
هو..خيرنا عاد هيا نوضي نهدرزو شوية هكي وبعدين بري
اني..ياربي الصبر كان مايجي حذيفة ويشوفنا يذبحننني تي برا ع حالك ياراجل فكنا
سنابل خايفة يجي حذيفة ويشوفنا مع بعض
اني نرعش وقلبي يدق بسرعة
سنابل تلفتت وشافت من المرش حذيفة خاش وشافتلي وفنصت
اني..جيي😳😵بنموت اني خلاص
ناضت سنابل وشدت الولد من يده طول ورفعاته قدام تورطة
هو..😳خيرك شن في
سنابل..تعرف تتكلم او تقول حرف الموس هدا في بطنك اني حذرررتك والله مجرمة اني
هو..ءء بااااه حححااضر
ع خشة حذيفة واني قلبي بيطلع من مكانه ياربي من مسلطه عليا الولد هدا بسس
قعمز حذيفة جنبي ومن قوة التقعميزة لين نخضييت
حذيفة..حلوة التسكيرة
اني مش عارفة لما نشوفه نبدا نرعش وخايفة ياربي وين القوة وين علاش معاه مافيش قوة مافيش شي غير الخوف ياربي صبررني😭
حذيفة وهو عاقد حواجبه..نكلم فيك
اني دموعي بدو ينزلو
ناض وقف نستنى فيك في سيارة وكلمت احمد قتله اني بنروح بيها وحسك عينك ماتنزليييش
مسرة..اوووووه حذيييفة شرفتنا بعيد ميلادنا والله ماك طالع لين تاكل
حذيفة في قلبه الصببر..ءء كل عام وانتم بخير صحتين ماناكلش في الحلو
سنابل..كول حار
حذيفة شافلها..صحتيين
نزل حذيفة يجري وهو متعفلق
اني نضت وسلمت عليهم وشفت للولد الي شاداته سنابل المنظر يضحك
سنابل..حصلتيني فيه
هو..اطلقيني هونا نزل حبيب قلبها
سنابل..لا والله لين نطمن انهم مشو بعدين نبي نعرف انت من باعتك
هو..ماباعتني حد😕
اني..اطلقيه خلاص
سنابل..بري سلم وخيتي ليلة حافلة وراك بري
اني..خزي هههههه
مسرة..تفضلي ماكليتيش روحي بيه
اني..صحيتي والله ماكان لازم
مسرة..عيب عاد
طلعت ومشيت ركبت مع حذيفة واني كلني نرعش طلع حذيفة من قدام الكافي وسطرب يجري
اني..حذذذيفة بشوووية
حذيفة..كييييف تطلعي وماتقوليليييش كيييف رججل كرسييي انيييي ااااه تكلمي لين يجييينييي مسجج ويقولي شوووف حبيبتك وين ومع مننن اااه تكلممممي كيييييف
اني دموعي ينزلو وجامدة في مكاني مش قادرة ندوي لساني ارتبط وولا كلمة قادرة نقولها
يشبحلي..تكلمممي ادووووي قووولي حاااجة تغفرررلك بلا دمووع خلاااص في كل حاجة دمووع تتسبحي فيهم شن نفعوك تكلمممي ادوووي
اني بديت نبكي بالعبرة وتكيت راسي الفودرا وطحتله فيها بكي
درس سيارته ع الشط واني مزال نبكي
حذيفة ساكت ويسمع في شهقاتي
اني..😭😭😭خلاص عييت ملييت انييي تعبتني رااك خلاص يكفففي
حذيفة نصدم
نضت ومسحت دموعي
حذيفة يشوفلي
اني..تعبتني يا حذيفة ياسر الي درته هدا كله ساد حرام عليك اني مش الة تتحكم فيها راهو درهت كبدي
حذيفة..انييي
اني..ايه امالا انييي تي معيشني في خوف من كل شي نقعد نرعش وخايفة من كل شي نخاف بديت اني اصلا نخاف منك ديما وفي كل شي نقولك باهي لاني نخاف منك ومن الي صار توا اني مانبيش هكي نبي نقولك حاجة وتتكلم معاي فيها بهدوء مش بصياح وعياط هدا كله الي ادير فيه عمره ماجاب نتيجة وترا كل ماصيحت وعيطت اني بنعند راسي وبندير الي ماتبيشي تجيني بالهدوء في كل شي وتقنعني تاخد عيوني تجيني بصياح نردهالك بشي انت مش متوقعه حرام عليك والله تعبتتت نفسيي يوم انوض نقولك ع حاجة تقولي عليها باهي وتخلي يومي كله يمشي حلو ماسد الهم الي عندي ونبي ننغير جوي بأي طريقة تزيدني انت بتحبسني زايد ناقص في الحوش علاش باهي شن درت اني باش تعاقبني هككي😭😭
حذيفة يشوفلي ومصدوم..هدا كله في قلبك؟
اني شبحتله بغضب..ومزال
حذيفة..اسف
اني غمضت عيوني..روح بيااا
حذيفة..سامحيني حبيبتي والله مابقصدي شي هدا يصير بكل
اني..حذيفة راجوك للحووش
طلع حذيفة بيا واني الوقت كله مغمضة عيوني ودموعي ينزلو ماكلفش نفسه حتى يقولي كلمة حلوة تهديني😭ليش كل ماتزيد ياحذيفة بدال ماتوقف ع طبعك وكبرياء هدا الي عندك💔
وقف حذيفة..شوية وجايك خليك ماتنزليشش
اني..علاش جبتنا لحوشكم
حذيفة..شوية وجاي بناخد حاجة
اني..به😏
ركب حذيفة حوشهم كان فاضي ومافي حد خدي فلوسه ونزل جري وركب
اني نغير في الاغاني شوية ونشبح في حذيفة يسكر في الباب وليت كيف ماكنت وغمضت عيوني
حذيفة..رقدتي امالا
اني..روح بياا
حذيفة..باهي
طلع حذيفة من شارعهم ومشينا واني طريق كلها مغمضة عيوني ونبيش نفتحهم ربع ساعة ووصلنا
شوية ووقف حذيفة..انزلي هي
اني فتحت عيوني..وين حني
حذيفة..انزلي توو تعرفي
اني..حذيفة قتلككك نبي نروووح
حذيفة..واني مش حنخليك هي انزلي حبيبتي وراس عويناتك الي مابوش يبطلو دموع شن هدا ماجفووش؟؟
اني..عمرهم مايجفو مدام الناس توجع فيا
نزلت من سيارة وسكرت الباب بالقوة
حذيفة حط يديه ع وجهه..يااااارب صبرنني
نزل حذيفة وراي
اني..وين
حذيفة..هني
محل ذهب
اني..علاش؟
حذيفة..خشي هيا بيبي
خشيت واني متعفلقة بيرضيني بذهب! هه مش راضية لو جاب ألماس🙄
حذيفة..شن الامور ماشية؟
حاتم..مية مية شن امورك انت؟
حذيفة..الحمد لله
حاتم..تفضلو
حذيفة شافلي ولقاني نشوف لوطة وماخاطريش وقارنتهم
حاتم يوشوش..خيرها
حذيفة..ناصبينها
حاتم فنص فيه..اني شوية وجاي خود راحتك حذيفة
حذيفة ابتسم..تم
طلع حاتم واني شفتله..نبي نرووح
حذيفة..باه حاضر بس قبل مانروح نبيك تختاري من هدم
اني..شن بنختار😒
حذيفة..يوم الفضان نبي ندير تلبيسة بالمرة😁ونختارو توا الذبل مع بعضنا
اني..شننن تلبيسة شن تقول اني مش موتية شييي
حذيفة..مش ضروري
اني بديت نفنص..انت كل شي عندك تافه ومش ضروري خيرككك هكييي نبي نفرح زي البنات ونبي ندير الي خاطري فيه مدامني نقدر نديره علاش مستعجل😡
حذيفة..يشبحلنا الولد نقصي حسك
اني..ماهو انت مفهمتكش
.
.
حاتم..شكله بدال مايكحلها عماها خلي نخش باش يهدو
خش حاتم..احم اخترتو؟
حذيفة شافلي..هيا باه اختاري والي تبيه حيصير
حاتم شاد ضحكته ويشوف لصاحبه
اني مابيتش نحشمه قدام صاحبه وقعدت نشوف لفت نظري واحد وكان راقي وسيمبل
اني..هدا🙂
حذيفة..باه هي قيسيه
حاتم فنص فيه
حذيفة قامه ولبسهولي وجي عليا كويس
حاتم..ربي يتمم ع خير يارب
حذيفة ابتسمله
خدي حتى حذيفة واحد وطلعنا
حذيفة..كلمت احمد قتله بنعطلو
اني..امتى كلمته
حذيفة..بعتتله مسج
اني..لا بنروح
حذيفة..باه اخر مكان ونروحو
مشينا لمطعم ونكدبش عليكم كنت جيعانة ومارفضتش😂
قعمزنا مقابلين بعض طلبنا عشي وقعدنا نستنو
حذيفة..امتى تبيها تلبيسة
اني..تو يتفقو خالتي وامك😐
حذيفة..وانتِ؟
اني..اي ماه بنقول لخالتي امتى يناسبني وتقوللكم
حذيفة..به
اني..اي
حذيفة حط يده ع يدي..اسف سامحيني والله مابقصدي نزعلك حبيبتي
اني..ديما هكي ادير انت😔
حذيفة..ياعيوني اني مانحبش تسكير الراس باه تبي اديري الي تبيه عطيني علم اني بنمشي للمكان الفولاني وخليني نطربق والا ننحرق المهم عندي علممم ماتجيش لقطتك بالدرقة من وراي مهما كان لازم تقوليلي وجعتني منك حتى اني
اني..باه اسفة بس ماكانش قصدي بيها
حذيفة..حتى اني والله خدمة عندي لفوق راسي وشرين تلفوني سكرت جاني مسج اهوا شوفيه
شفته صدمني واذكرت الولد الي وقف عليا وقعدت مركزة في الرقم بس ماعرفتش منو بس اكيد الولد ليه علاقة بالموضوع 🤕
حذيفة..تعرفيه رقم؟
اني..لالا
حذيفة..باه مفهمتش اني جيت لقيتك بروحك مقعمزة من الي يقصدو بيه في المسج
اني..وانت قريب توصل كانت مقعمزة جنبي سنابل وقف علينا شاب وطاح فيها دوا ليا اني ماكنتش مركزة معاه شن يقولي كان تفكيري معاك ونقوله تفضل شن تبي كنت خايفاتك تشوفه واقف قدامي تفهم غلط شافاتك سنابل وانت جاي شدت الولد من يده وبعداته عليا وانت وقتها خشيت
حذيفة تعفلق..ستره ربي ان خشيت ولقيته مش جنبك كنهدا شن بيخلصه من يديا😡
اني..خلاص انساه الموضوع وترني وصدعلي راسي
حذيفة..زعما سامحتني حبيبتي؟
اني..بعد ناكل نقولك
جابولنا الماكلة وبدينا ناكلو لين شبعنا خلص حذيفة الحساب وطلعنا نتمشو لين وصلنا سيارة ركبنا وطلعنا
حذيفة في سيارة شاد يدي ويغنيلي..
يـا أول عشـق وحـب مـن صـدق يجـري ويـا احـساسـي😌 حسـيتـك دوا انـت الهـوا يصـعد ويـا انفـاااسـي❤
يـا أول عشـق وحـب مـن صـدق يجـري ويـا احـساسـي😌 حسـيتـك دوا انـت الهـوا يصـعد ويـا انفـاااسـي❤
غيـر انـتَ الگبد الغـالـي بعـد تـسوالـي كـل نـاسـي🌏🔥
ابـال دخـلـت واتـخـبلـت بـس بيـكـ وسـواسـي♥
تـؤمـرني امـر ايـ يـاقـمـمر😍 مـثلـكـ ولا ألقـي يـحبونـكـ كـذب كلـها الـبشر وحـبي إلـك صدقي😌❤
مـاعاشـق احـد اي متـلكـ ابـد بـس انـت لـكـ عشـقـيي ياااعـشـقــ💘ـيي
يـا أول عشـق وحـب مـن صـدق يجـري ويـا احـساسـي😌 حسـيتـك دوا انـت الهـوا يصـعد ويـا انفـاااسـي❤
وعـدنـي نـضـل سـوا مانفـترقـ🙅🏻👫 تـصيـر انـت كُـل أهـلـي كـلـك صـير إلـي مُـلكـي فـقـط وانـا إلـكـ كلـي💝
وعـدنـي نـضـل سـوا مانفـترقـ🙅🏻👫 تـصيـر انـت كُـل أهـلـي كـلـك صـير إلـي مُـلكـي فـقـط وانـا إلـكـ كلـي💝
شـاركـني النـفـس خلـينـي احـس انـكـ مثـل ظـلـي😌😍 ابقـا لـلأبـد أنـطيـني وعـد عـني ماتـتخـلـي❤
فـووت بـقـلـبي💘 ايـي يـاحـبي وبـكيفـگ يسـتنـقي خـلقـي لـلنـاس لا مـاعنـدي✋🏻 وشـطـولـه إلـكـک خـلقـي😌❤
خـلقـي لـلنـاس لا مـاعنـدي✋🏻 وشـطـولـه إلـكـک خـلقـي😌❤
مـاعـاشـق احـد مثـلـكـ ابـد بـس انـت لـكـ عـشـقـي🌷♥
يـااعشـشـقـي🔥❤
يـا أول عشـق وحـب مـن صـدق يجـري ويـا احـساسـي😌 حسـيتـك دوا انـت الهـوا يصـعد ويـا انفـاااسـي❤.....
وصلنا للحوش
اني..تصبح على الف خير حبيبي♥
حذيفة..وانتِ من أهلي حبيبتي❤😌
فتحت الباب وخشيت للححوش لقيت احمد مهناش
تكيت راسي ع الكنبة ورحت فيها نومة كانت اعصابي تالفة نضت ع صوت احمد
احمد..نونا نوضي خيرك راقدة اهني
اني..ااه راسي يوجع فيا
احمد..خيرك وعلاش عيونك منفخات
اني..شي
احمد..امتى روحتي
اني..مالياش هلبا
احمد..اممم خيره حذيفة وين رفعك وعلاش روح بيك بكري من العيد ميلاد
ساويت تقعميزتي وقعدت نحكيله في كل شي صار
احمد..هوا معاه الحق المفروض قلتيله يعتبر خطيبك هدا
اني..الله غالب اني معاش عندي جهد ندوي فيه الموضوع هدا
احمد..خلاص ارتاحي واهو رضاك خلاص لكن اخر مرة نخليك تطلعي معاه مش تقولي احمد عادي
اني..ايه استغربت فيك
احمد..حذيفة يعتبر ولد عمي وولد عمك وواثق فيه اني وهو مستحيل يضرك بشي وتاني شي قعد شادها جرتي قتله باهي
اني..ايه به خلي بنخش نغير ونرقد
احمد..به
اني..وانت خيرك عطلت
احمد..كان عندي عرس صاحبي
اني..اها به نضت بدلت ورقدت😴
.
.
.
الصبح نضت دوشت وبدلت وصليت طلعت درت فطور كليت وخليت فطور لأحمد وطلعت
خديت سيارتي ركبت وبنطلع للجامعة
اذكرت حذيفة
اني..زعماا نكلمه؟؟ والا نفوته😑! زعما شنو ياربي🤔 هي نكسر الشر ونكلمه لبين ماسخنت السيارة😌
اتصلت بيه رد ع طول وكأنه يستنى في ردي❤
اني..الو صباح الورد
حذيفة فرح لما لقاني راخية وجوي مليح..صباحك فل مطر بالياسمين😍
اني تحشمت..🙈
حذيفة..شن جو
اني..تمام نسخن في سيارة بنطلع للجامعة
حذيفة تغير صوته..مزال ع سيرة سيارة يا نوني
اني..ماعندي من يرفع ويوصل احمد ساد متحمل كل شي مزال حتى بيرفع ويوصل هلبا عليه واني تعودت عليها😓
حذيفة..خودي راحتك توا وبعدين لا
اني..هههههه هدا باش واخدة راحتي😀
حذيفة..امم هي اطلعي
اني..علاش مزال
حذيفة..اني قدام حوشكم بنمشي وراك
اني..كيف صار
حذيفة..وقت نكلم فيك اني كيف طلعت من حوشنا
اني..اهااا
حذيفة..يس
اني..به
حذيفة..هي اطلعي😘
طلعت بالسيارة وسكرت الباب وراي ومشيت وحذيفة وراي ومعاي ع الفون لين وصلنا جامعة خشيت لي كُليتي وهوا مشي للشركة🍃
.
.
.
فات الوقت اتصلت بيا سوسن
اني..ياهلااا وغلااا
سوسن..ياااهلااا بمرت خوي🌸
اني..شن جو هههههه
سوسن..تمامو اسمعي وين انتِ في جامعة؟
اني..يس
سوسن..خلاص اخطمي عليا روحي بيا حذيفة قالي قولي لي نور تخطم عليك عنده اجتماع قال ومش عارفة
اني..تمام هي جاية
شوية وكنت عندها خديتها وطلعنا
سوسن..وراس نونتي نحبك اصلا اني😛
اني..الي بعدها
سوسن..تخطميني على محل نبي ناخد هدية لي حمودتي😍عيد ميلاده غدوا ارجوووك😍
اني..ههههههههه مصلحة ياقردة
سوسن..حرام عليك والله كنت منكدة مانقدرش نطلع ونشريله لكن جابك ليا ربي اليوم😍
اني..😊باه حاضر غيرت طريقي ومشينا جرابة خشينا لي محل حمودة😍😍 خدت سوسن لبسة لي محمد حلوة هلبا وذوق😍
سوسن..وانتِ تبيش تشري شي😉
اني تلخبطت..ءءء شنن بنشري🤔
سوسن..لي حذيفة
اني..مافيش مناسبة
سوسن..كيف هو مش قايلك ان عيد ميلاده اليوم؟؟
اني..😳اليووووم
سوسن..😂😂اسكتي فضحتينا نبصر عليك عيد ميلاده الاسبوع الجاي يوم فضانيتكم😊
اني..😲الله
سوسن..ايه
اني..اممم
سوسن..هي اشري هدية ياغبية باش ماتقعديش تفكري
اني..به
فتحت شنطي وطلعت ناسية فلوسي في الحوش
سوسن..خيرك
اني..نسيت فلوسي في الحوش ماجبتهمش قبل ديما نجيب في احتياط
سوسن..هاك خودي
اني..عينك والله ماصارت
سوسن..غير خودي
اني..سلف ره نروح بيك حوشنا نعطيهملك كنهدا والله مامسامحاتك
سوسن..😂😂بااااه
خديتله حتى هوا لبسة حلوة ع ذوقي وطلعنا شرين فوني
اني..الو السلام عليكم عمي عادل
عادل..كيف حالك بنتي
اني..الحمد لله كيف حالك انت
عادل..كويس بخير يابنتي في افضل حال
اني..كيف حال العويلة
عادل..كويسين انتِ وين ؟
اني..والله اهو ندور كيف طلعت من كلية وطالعة مع صاحبتي ياعمي خير في حاجة؟
عادل..ايه درت جرد وسكرت حسابات ونبي نعطيك حقك يابنتي
اني..باهي تمام تو نخطم عليك
عادل..اني طالع تلقي ولدي يوسف
اني..اوك بس مانعرفاش
عادل..اتصلي بيا لما توصلي هوا يعرفك
اني..تمام
سوسن..نمشي معاك مش ضروري تحطيني
اني..به سهلتي عليا
مشيت للعيادة اتصلت بعمي عادل
عادل..تلقيه في مكتبي مزال ماطلعش
اني..باهي تمام
نزلت من سيارة وخشيت كنت صغيرة مرات نجي مع بابا ولما في ثانوية كنت ديما نحب نجي هني ع خاطر هدا حلمي نكون دكتورة سلمت ع الي نعرفهم وكانو مصدومين بالتغير الي صاير كان عمي عادل يعطي في الفلوس لي احمد بس شن سبب اليوم جابني ليه😕
خشيت اني وسوسن وركبت للمكتب نتع المدير اذكرت المرحوم💔خشيت واني مضايقة وخانقتني العبرة😭
اذكرت لما نخش نلقاه مقعمز ويقولي بننتي😔الله يادنيا
خشيت..السلام عليكم
يوسف قام راسه ونزله وقامه من جديد بصدمة وذهول وفاتح عيونه ع عشرة
اني توترت من نظراته..احم
يوسف فاق لعمره..ااه اهلين نور صح؟
اني..ايه صح كيف حالك
يوسف..بعد شفتك وليت بخير ءءء قصدي الحمد لله بخير تفصلي قعمزي
اني..معليشي مرة تانية مستعجلة لو سمحت
يوسف..المكتب مكتبك وانتِ الي تسمحي مش اني😉تفضلي هدي امانتك😊
اني..اوك شن اخبار العيادة تمام!!
يوسف..العيادة امورها ماشية تمام الحمد لله
اني..بنسئلك انت دكتور شنو؟
يوسف..اني دكتور نساء
اني..ااه مشاءالله
يوسف..وانتِ نعرف انك بتولي دكتورة
اني..يس اهو قاعدة نجاهد في الطب
يوسف..شن تبي تتخصصي
اني..نفس تخصصك ههههه نساء عاجبني الحق
يوسف..تخصص حلو صح
اني..ايه هي نستأذنك
يوسف..اذنك معاك😊
طلعت ناضت سوسن من كرسي ونزلنا مشينا ركبنا سيارة طلعت الفلوس الي خديتهم من سوسن وحطيتهولها في شنطتها
سوسن..تي علاش يا نور خيرنا احني صاحبات قبل ماقرايب
اني..معليشي بس الهدية لخوك وانتِ شاريتيها😂توا نكون اني شريتها
سوسن..الصبر به به
طلعنا بالسيارة💨
اتصل حذيفة
سوسن..ايوا
حذيفة..وين تنسرفي لتوااا؟؟ اني روحت وانتِ ماروحتيش؟؟؟؟😡
سوسن طول حطت التلفون ع وذني
اني نشوفلها
سوسن توشوش حذيفة
حذيفة..الووو
اني..😊😍😘
حذيفة..😳😳
#يتبع
.
.
.
ان شاءالله تنال اعجابكم يااااربي😍 #حنو
