البـارت #الـعاشـر
.
.
.
روايـة #حكـايـتي🍁
.
.
.
عند احمد خش للحوش كان جايب سطاوات خلاهم بروحهم وركب لي حوشهم فوق
امه..اني قتلك دير نار من روشن دارها انت شي شي ماتبيش غبي
بوه..طلعت منها هيا والاوراق باه شن استفدنا !! تو كيف بنديرو وهي مستحيل ترجع هني وحتوقف من جديد وحطلعنا لو عرفت وين بنمشي بيك ماه خليتينا في حالنا خيررر
امه..تي والله لما نوريها نسحرها نركب فيها جن لا يقرا ولا يكتب ماتلعبش معايااا هدي فرخة نوور
بوه..حتى هدا حل
فتح الباب احمد بقوته وكانو عيونه حمممر ويقدحو نار
الام والاب انصدمو ب أحمد
امه.. ءءء ولييدي
احمد وعيونه مليانات دموع..شن تقولو شن الي سمممعتتتتتته هداااااا كيييف كيييف ترضو تقتلووو بنت يتيييمة بريئة حرام علييييكم خيركممم قاطعين يديكممم من ربببي حرااام عليييكم
بوه..غر نفهمك
احمد وخر..نحي يدك ماتمسنيييش انت شنو انننت انت حراااام فيك كلمة بوي اصلا انت لا بوي ولا انتِ امي ولا نبييكم من اليوم فوق ما عايشين في رزقها فوق ما بتقتلوووهاااا وبتمشو في جناااازتها ولا كأنه صار شيييي انتتتتم بشرررر!؟؟؟؟ 😠
ع خشة العمام ونساوينهم من صوت احمد وتكسير المرش
عمي..خيركككم خيركك تعيط ع بوك وامك هكككي احترم نفسسك😠
احمد..عندكككم سااااااعة لو ماطلعتتتوش من اهني حنجيب الشرطة اطلعكمم وقد اعذررر من انذذر اطلعو بكراااامتكم خييير واني من اليوم لا نعرفكم لا تعرفوووني
عمي..شن في ياولد شن تقول انت انت هوا الي تطلع مش همااااا هدا حووشهم
احمد..هدا حووووش نوووور ومنغير هي مخليتكم ومش مدورتكم يمشو الهوانم امي وبوي شن يديرووو
بوه..خلاااص
احمد..مش خلاااص كان اني غااالط قول يا عمي تي هما الي حرقو الحوش وماسدهمش الي داروه امي تبي اديرلها سحر وكتيبة وعفففن باش يبوها تموت علاش باهي قولي علااااش مش لهدرجة توووصل للقتتتتل
عمي نصدم وقعد يشوف لي بو احمد..طمع وصل بيك لدرجة تقتلهااااااا
احمد..تي ماديرليش روحك خايف عليها وانفعلت كلكم زي بعضكككم
طلع احمد نزل للسطاوات ودمه محروق ومصدوم مزال مش مستووعب
شوية ويسمع في صوت شناطي يكرو فيهم شبح من روشن لقي امه وبوه طالعين تلفت وقعد يقول للسطاوات شن يديرو وشن مايديروش
وهو قاعد يغلي وبيتصل بيا بس ماقدرش خاف يضايقني ويزيدني
.
.
.
عندي اني
ايمان..نووور هي تعالي
اني نضت..هيا هي
اني..سلم يدياتك خويلة😍زي العسسل
ايمان..الله يسلمك😊
حارث..ماما طعميني بابببب
اني..هههههههههههه كبااااب
حارث.. كك بببااااب
اني..كبااااب
حارث..باااابب
اني..😂😂
حارث..تلميها ماما تضحك عليا
اني..خلاص ها سكتت ههههه
قمت اني الماعين غسلتهم ورتبت المطبخ وقعمزنا نشربو في الشاهي
ايمان..عيوني
راجلها..هيا روحي ياسرك
ايمان..علااش
راجلها..ستاحشتك سادك بايتة غادي
ايمان..ههههههه باه حاضر تجي تروح بيا انت
راجلها..خيرا سيارتك
ايمان..تعرف نور سيارتها قعدت في حوش جدها غدوا بتمشي بيها جامعة لبين ماجابهالها صهيب
راجلها..باه اهو جايك
ايمان..اوك
سكرت ايمان وناضت طول دوشت وبدلت وبدلت لصغارها الزوز وقعمزت تستنى
اني..بترووحي
ايمان..ايه شن بديري قالي توا جايك
اني..الله غالب صح لأمتى بتقعدي
ايمان..تزعليش تو نجي غدوا العشية
اني..اوك هاك مفتاح سيارتك
ايمان..لالا خليها مرات تلزمك تو ناخدها
اني..به😊
خالاتي روحو كلهم وقعدت بروحي شوية وروح صهيب لقاني نقرا
صهيب..فيش عشي؟
اني..اهو تو نسخنهولك
صهيب..لالا خليك في مكانك اقري بس قوليلي وين
اني..به طلعتهوله ووليت نقرا وهو يسخن فيه لانة ماتغداش
قعدت نقرا لييين طاب خاطري وعييت
صهيب..غدوا ماعندكش جامعة وله
اني..للأسف بنمشي بنحضر محاضرات فايتيني
صهيب..قبل قلت نمشو للحوازة نزردو
اني..الله غالب بنمشي غدوا والي بعده باش نفهم الي عطاهولنا اليوم
صهيب..عادي مرة تانية
ناض صهيب قام اماعينه وغسلهم وجي قعمز يتفرج جنبي واني نقرا ونسمع في تسجيلات
صهيب..اني بنخش نرقد مزال انتِ
اني..ايه مطولة معاش قريت اني
صهيب..اممم به براحتك
خش صهيب للمطبخ دار قهوة وحط معاها بسكويت😍 وجي حطهملي جنبي
صهيب..هي باش تصحصحي واني خلاص بنرقد
اني..صحيت😍
خش نسمع فيه يدوي مع خطيبته ويهدرز ويضحك
كملت اني قراية مع الساعة 2 قمت الماعين غسلتهم وقمت شيتاتي وحجاتي كلهم ضميت مكاني وكنسته وخشيت للدار اتكيت ورحت في سبات عمييق
.
.
تاني يوم نضت اذكرت ان في السيارة الباقة والشكاليط
اني..حي ع النسووووة 😞مامتعودة بشكاليط اني😬
نضت دوشت وبدلت ولقيت صهيب مزال راقد طلعت نجري خديتها من سيارة وخشيت بيها للدار دسيتها
اني..مالي ومال الهم اني اففف
جاني مسج
{صباح الورد}
اني..اياااح بنبدو عاااد
فته وطلعت لي المطبخ درت فطور واني كُلي روااق ونغني وجوي مليح
خشيت لي صهيب لقيته مزال راقد
اني..خالووو هيااااا نوووض
صهيب..فكيني منك يابنت اليوم راحتي خليني
اني قعدت ندربك ع الباب..خالي يا خااالي طووولت الغيييبة
صهيب..حي عليك حييي
اني..مادخليييش موتية فطور وكل شي نوووض هيااااا
صهيب..شنو قولي شن تبي ممن الاخير
اني..مانبي شي غير اني جامعة بنمشي بنفطر وبنقيم الفطور ودور من يحطهولك
صهيب..الزفت تخلوش الواحد يرتاح يا انتِ يا هيا
اني..😂😂😂باحو وردد
طلع صهيب دوش وبدل وفطرنا مع بعض
صهيب..هي شنو نرفعك!
اني..لا سيارة خالتي خلتهالي
صهيب..باه امالا بنولي نرقد
اني..حي عليييك شن تولي ترقد
صهيب..اليوم نبي نرقد مش راقد امبارح الزفت
اني..به خيرك من صبح تزفت انت برا ارقد نومة الكهف ان شاءالله
خش صهيب رقد واني قمت المواعين غسلتهم وضميتهم وخشيت لبست وطلعت ركبت سيارة ومشيت
.
.
.
.
احمد..عمي هدم معاش نبيهم يخشو اهني والي بيدخلهم يمشي معاهم
عمي..ياولدي امك وبوك هدم عيب عليك
احمد..معاد تقول امك وبوك شن العار الي مدايرينه هدااا قال امي وبوي شوفهم شن مدايرين يخططو بيقتلو ويسحرو تي هدم سفاااااحين
عمي..ربي يهدي
ركب لحوشه واحمد قعمز مع سطاوية
.
.
اني..خيره احمد لا عاد دور ولا سئل💔
واني في طريق اتصلت بيه
احمد..يا صباااحو
اني..صباحك ورد
احمد..شن جو
اني..تمام
احمد..كيف حالك
اني..الحمد لله
احمد..سامحيني مادورتكش غير لاهي في السطاوات
اني..سطاوات شنو
احمد..حوشك شن تبيه يقعد هكي
اني..سلمه وخيي ياربي
احمد..قداش عندي اخت اني
اني..وحدة بسسس
احمد..وقداش عندي نور اني
اني..وحدة بسس هههههه
احمد..خلاص معناها
اني..هي حمود وصلت جامعة اني
احمد..بأما سيارة
اني..سيارة خالتي
احمد..تو نجيبهالك سيارتك
اني..اوك
نزلت وخشيت للجامعة وهكي مشت الايام
سوسن وافقت ع محمد والعيلة وافقت وفرحتها مش سايعتها اني قتلهم لا ورفضته وبديت نتهرب منه اكتر شي و لهيت بقرايتي اكتر فاتت شهورة وتزوج خالي من خطيبته وفرحنالهم هلبا قعدو في الفندق اسبوعين و في يوم اني بروحي في الحوش روحو خالاتي
اني..اياح من يطق توا
فتحت الباب اني لقيته خالي ماتحملتش طول تغمرته وكعبشت فيه💘
خش خالي ووراه مرته نورا
اني..سامحيني بس والله استاحشته😂كيف حالك تفضلي ع حوشك😍
نورا..الله يفضل عليك😘
طبعا كنا مغيرين الديكور وكل شي
صهيب..شن اديري
اني..شوفت عينك كومة هالشيتات
صهيب..مش عطلة!!
اني..ايه امتحانات الشهادة الثانوية بس قلت نكسد فيهم😂
صهيب..عمري ماريت وحدة تكسد ع القراية🙄
اني..😂😂
لميت شيتاتي طول وخشيت للمطبخ صبيت عصير وشكلاطة وضيفتهم
اني..هي تفضلو😊
نورا..سلمها😘😍
صهيب..اووه بنت اختي واخيرا ضيفتنا😂
اني..خزي عليك يابارد😒
صهيب..ايه جينا نبو نقولولك حاجة
اني..قصدكم بتولو للفندق😓
نورا..لالا
اني..هي قول انت
صهيب..نبي نقولك
نورا..تو نقول اني😊بتسافري معانا شهر العسل😎
اني..انتِ قلتيها شهر العسل اني شن جيبني في النص😂😂
نورا..مادخليش ولو مامشيتيش معانا مش حنمشي وهدا اخر قرار عندي😋
صهيب..ايه هي شن قولتك
اني..لاالا نبيش نفسد عليكم اني برو انتم استمتعو بوقتكم
نورا..عينك بري معانا يا لا
اني..علاش تحرجو فيا هكي والله مالازمة مشيتي وشن بيقولو عليا الناس لاصقة فيهم حتى في شهر العسل لالا عيب
صهيب..مادخلناش واهي تذكرتك واتية ونوضي لمي حوايجك لانة غدوا العشية طيارتنا😊
اني..بالحقققق😲
نورا..ايه😎هياااا نوووضي
شدتني من يدي ونوضتني رفعتني لداري وفتحت شنطة ونشبحلها ومصدومة
اني..والله يا نورا مالازم🙂
نورا..ضمي فمك واسكتي بلا كلام زايد قتلك منغيرك مانمشيش اني
اني..عييب هدا شهر عسلكم
نورا..تعرفي كلمة تانية طريحة نقناقة راك اسكتي هي شن بتحطي تاني
اني..انتِ حطيتي دنيتي كلها
نورا..😂😂عادي مرات نعطلو😊
اني..باه😂الله في ثانية تغير كل شي في يوم وليلة
نورا..😂😂
خش علينا صهيب واقف ونهدرزو اني ونورا وجونا حلو فيسع مامشي جونا مع بعضنا
وصهيب فرحان بينا وكان خايف من نقطة هدي هلبااا
وتاني يوم نضت ع صوت نورا تنوض فيا
نورا..نوور نوضي حبوبة هيا
اني..صباح خيير
نورا..صباح الورد هي نوضي افطري
اني..هي
نضت دوشت وبدلت حوايجي طلعت لقيت خالاتي عندنا ويفطرو مع بعض قعمزت فطرت معاهم وقعدت نفكر (اني وين كنت حياتي كانت مش حلووة بككل!! مافيهاش ولا لون كانت عبارة عن حسد وكره وحقد🖤وقلب اسود وتوا تلونت حياتي بالحب والفرحة والنية الصافية والاجواء الحلوة💗 اجواء العيلة ولمتها مافيش من احلى منها💘مهما نديرو مستحيل نديرو زي فرحة العيلة وحتى لو شخص واحد يكفي يكون عيلتك وفرحتك😍)
كملنا فطور قمتها اني
نورا..خلي نغسلهم اني
اني..والله ماهي صايرة بري قعمزي بحدا خالاتي تو نديرهم اني ساهلات
مشت نورا وقعمزت جنبهم وتهدرز ويشربو في شاهي واني كملت وجيت قعمزت جنبهم
اني..صهييب
صهيب..عمرها ماتكبر وتقولي خالي
اني..تبيني نكبررك خاااالي
صهيب..خلخل عظامك
ايمان..بعيد السو 😂
صهيب..شن تبي هي
اني..شي غر ركز معانا بس وانت سارح
ويضحكو كلهم ونورا يولو خدودها حمرر
صهيب لوح عليا المخدة..تعرفي ماتسكتيش نهارك
اني..🤣🤣باه سكتت هاا🤐
صهيب..هي ساعة 3 وطيارة ساعة 5 هي نوضوو بدلو هيا وقت
اني..هي نضت بدلت ع السريع وخشيت قعمزت بحدا خالاتي وخشت نورا ولقت صهيب يبدل
صهيب..كل شي تمام جوازات السفر حطيتيهم في الشنطة الي قتلك عليها
نورا..ايه حطيت كل شي قتلي عليه حبيبي
صهيب..هي ياروحي متأكدة مش مضايقة ان نورا بتمشي معانا!!
نورا..والله اني فرحانة لانها بتمشي معانا
صهيب..واني اكتر😊هي بدلي اني طالع نسخن سيارة
نورا تواسيله في رقبت سوريته وبختله بارفانه ولبستله ساعته وخاتمه..هي برا توا
صهيب وسارح فيها..ضروري ؟
نورا.. تي برا وقتت
طلع صهيب يضحك
اني طلعت شنطي حطيتها في سيارة خالتي وركبت اني وخالاتي وقعدنا نهدرزو ونضحكو وقدامنا صهيب ومرته لعند وصلنا
واحين نستنو قلت خلي نكلم سوسن نودعها ونسكر
وخليت نورا تكلم في امها فيديو
وصهيب يدير في الاوراق
اني..ايوا سوسو
سوسن..غر مسافرة كنهدا راه سكرت في وجهك
اني..😂😂😂😂😂معاش نقولها حاضر شن جو
سوسن..اخييي بتخلي مكااانك☹😭
اني..بلا جو هي افتحي نت نكلمك فيديو
سكرنا وفتحت نت كلمتها فيديو هدرزنا وهدرزت مع امها وضحكنا مع بعض
اني..هي مع السلامة توا بنركبو طيارة
بدرية..باه بنيتي ان شاءالله توصلو سالمين
اني..امين يارب عقبالك سوسن😍انتِ وحميدا
سوسن..يارب
سكرت منها ومشيت اني وراهم وهما قدامي
شادين في يدين بعض ويهدرزو واني صورتهم من الخلف😍😍 اصلا هدي حتكون مهمتي 😂
وركبنا الطيارة بعتت مسج لخالتي ايمان ان ركبنا الطيارة ومشيت لمكاني لقيته بعيد ع خالي ومرته قعمزت وجي ولد قعمز جنبي
واذا بيه يكون حذيفة😳😱
اني تلفتت لقيته جنبي..واااات😳
حذيفة..😎😎
اني..شن ادير اهننيي😱😱
حذيفة..اسس الطيارة بتركب
اني..غر فهمني قبل
حذيفة..شن بنفهمك مسافر لتركيا
اني..الله شكرا نحساب روحي لتونس
حذيفة..هاهاها
اني..قيقيقيقي😒
حذيفة..بلا جو مفرخ🙄
اني..لا ياكبير
حذيفة..ضمي فمك خلي الواحد يرتاح😊
اني..كيف بنضمه
حذيفة شافلي وفنص
اني سكتت وتلفتت
شوية وطارت الطيارة قعدت مقعمزة ونتفرج من روشن ونفكر هدا شن جابه وشن يبي مني ياهمي💔
لعند نخصني
حذيفة..وين سارحة
اني..شن تبي
حذيفة..شن تبي تاكلي
اني..حتى زقرلو
حذيفة نفلق بالضحك
اني..ياسر مبردك الناس تشبحلك حشم حالك حشمتتني😱
طلب شن يبي ليا وليه وشوية وجابوه
حذيفة..خيرك تشبحيلي
اني..شييي
حذيفة غمزلي وحط يده ع لحيته..معجبة بيا😉
اني سخنت..معجبة بحناك😒😒
حذيفة..قصري لسانك خيرلك😏
تلفتت قعدت ناكل وبعدين خدوه دورت سماعاتي مالقيتهمش
اني..حذيفة😓
حذيفة..🙄ها
اني..شوية بسس بنمشي لي خالي😁بناخد منه سماعاتي
حذيفة..هاك متعي بنرقد اني
اني..لالا عادي
حذيفة..اياح توا بنوض بعد واسيت روحي وبتمشي وبتولي
اني..اففف مبردك
حذيفة..امالا ارقدي مش لازمك
اني..هات هي😑
حذيفة..هاك😴
درت سماعاته لبستهم وقعدت نسمع في قرآن ورقدت واني نسمع
لعند نوضني حذيفة
حذيفة نحالي السماعات وقعد ينوض فيا..نونو نوضي نور هيا نوضي وصلنا شوية وبننزلو
اني حطيت يديا ع رقبتي..ااه رقددت
حذيفة..ايه حتى اني
اني..هي بننزلو
حذيفة..شوية وننزلو
اني..به
واسيت روحي وواسيت وشاحي وعطيته سماعاته..شكرا😊
حذيفة قدملي وشاحي..عفواا وخليهم عندك وشعرك معاش يطلع
اني..😳😳كيف؟!
حذيفة..شن كيف خليهم عندك ذكرة مني😉
اني..به صحيت حقا شن جاي ادير انت اهني؟
حذيفة..خدمة ديما نجي اني
اني..اهااا به هي نتلاقو😊
حذيفة..اووك سلامات
مشيت القدام اني وحذيفة وهو وراي مالقيتهمش في مكانهم
اني..حييي نزلو شكلهم نسوني😓
حذيفة..مرات يستنو فيك لوطة
دورتهم بعيوني مالقيتهمش للحظة خنقتني العبرة وعيوني دمعو
حذيفة..علاش جو اني معاك اسكتي اهو اكيد تلقيهم لوطة
نزلنا اني وياه ومالقيتهمش زدت خفت
اني..نسوني يا حذيفة😭
حذيفة..اششش معاش تبكي خلاااص يامهبولة مرات مشو للشناطي انتِ تعرفي الطريق عادي يعني وبعدين تاني مرة نقولك اني معاك وراقيك وحجاتك عندك والا
اني..ايه
حذيفة..خلاص تم الحقيني بس
اني..به
ومشينا خشينا داخل وقعدت نتبع فيه درنا الاوراق وكل شي وخشينا داخل للشناطي مشي حذيفة بياخد شنطه واني لقيت نورا وصهيب قدامي يستنو فيا وواخدين الشناطي مشيتلهم طول
اني حضنت صهيب طول..مبردددكم علاش هكيي😭😭خليتووني
صهيب يضحك..ههههههه خوووافة بالعاني خليتك بروحك نبيك تعتمدي ع نفسك وتعرفي كيف تتصرفي وهاك جيتي
اني..نعتمد ع عيني والله كان مش من هدا راه ماوصلتلكم وقعمزت في طيارة ماني طالعتها😞
صهيب..منو؟
نورا..😂😂اني قتله راهو نستنوها قالي لا خليها تجي بروحها نبيها تعرف وتعتمد ع نفسها بروحها باش لما تصير حاجة زي هدي تعرف شن ادير
اني..بالله وقت نعتمد ع نفسي هوا جاية نتفسح ضروري تنكد عليا المهم استنى شوية
مشيت لي حذيفة وهو مركز مع شناطي ويستنى في شنطه..حذيفة
حذيفة تلفتلي..انعم
اني..شكرا اهو لقيتهم خالي ومرته كانو يتسهوكو عليا😒
حذيفة..😂😂طفلة كان ماجبتكش معاي راهو قعمزتيلهم تتبكي غادي
اني..باه ياسر تعالى لازم نعرفك على خالي لانة شدها جرتي منو هذا
حذيفة..لحظة اهي شنطي
خدي حذيفة شنطه وجي معاي
نورا توشوش..خايلين ع بعض😍
صهيب..منو هوا😕
نورا..تو جايباته بتعرفه عليك اصبر وتو تعرف وبلا تصرفات غبية خليك عادي
وصلناهم
حذيفة..السلام عليكم😊
صهيب..وعليكم السلام
اني..خالي هدا الولد الي كان مقعمز جنبي وساعدني باش وصلتكم😂
صهيب..بارك الله فيك صحيت
حذيفة..اسمي حذيفة عبد الهادي الـ...
صهيب سكت شوية وشافلي..يقربلكم معناها
اني..ايه خو سوسن😅وهو الي طلعني من الحوش في النار
صهيب سلم عليه..تشرفت بمعرفتك وبارك الله فيك ع فزعتك في هداكا اليوم
نورا في داخلها اوبااااااا وسوبر مان كماان
حذيفة..هذا واجبي مادرتش شي اني والحمد لله ع سلامتها وربي سلمها منها وجتها قريبة
اني..ايه الحمد لله
حذيفة..هي نتلاقو😊
صهيب..سلام
طلع حذيفة قدامنا واحني وراه
صهيب..صار يقربلكم
اني..ماتشوفليش والله العظيم مانندري عليه لين لقيته جنبي ووقت سئلته قالي ديما نجي هني لانه عنده خدمة فكني من لسانك ايوااه
صهيب..تي باهي باااه
نورا..سوبر مان هدا واضح يبيك يابنت
اني فنصت وووه شن بيسلمني من لسان صهيب🙁
نورا عضت لسانها ونست روحها
صهيب وهو متعفلق..نغيرو الموضووووع
اني..ايييه وين اما فندق!😁
صهيب..اسكتي انتِ نبيش نسمع حسك
اني اضايقت وسكتت
صهيب كان مضايق مني من اول ماطلعنا من الحوش تغيرت طريقة دوته معاي وقعد يشبحلي تقولي جني قدامه مش اني نور نفسها💔
ونورا فنصت فيه ورخت يده وخلاته يمشي قدامنا
اني..شن درتله اني😔
نورا..فوتيه ماتعدليش عليه
اني..اففف جايين بنتفسحو احني خيره هوا
نورا..تعدليش عليه غبي تي سوبرمان زي هدا فيه ماينكره؟ تي كان اني راه قتله هي نكتبو الكتاب؟ 😂😂
اني نفلقت بالضحك
نورا..تحبيه حذيفة؟
اني..لالا طول الوقت اني وياه ناقر ونقير غير تمتيلية قدامكم
نورا..بري ملحي امشي عيونه يلمعو لمع كيف يشوفلك وانتِ نفس الشي ولما جبت اسمه توا قدامك عيونك قلوب
اني..نوراا خلاص فووتيه تو يسمعنا راجلك
نورا..هههههه الايام بيننا وتو تشوفي
اني..به به
مشينا للفندق
وخشينا ركبنا وندعي ان مايكونش معانا في نفس الفندق والحمد لله ماريتاش
خشيت لداري اني قعمزت نحيت وشاحي واتكيت رقدت مشيت فيها لين نسمع في طقان ع الباب نضت فتحته لقيته صهيب تلفتت وخليت الباب مفتوح..نعم
صهيب..شن جو
اني..راقدة
صهيب..هي انزلي معانا نتعشو
اني..لا قولهم يركبوهولي ماخاطريش ننزل
صهيب..زعلانة مني ع امبكري
اني..لا عادي بس والله ماخاطري ننزل قلهم يركبوهولي
صهيب..به 😑
نزل صهيب هوا ونورا طلبتلي نورا ع ذوقها وركبوهولي وهما قعمزو يتعشو ويهدرزو مع بعضهم💘
نورا نصدمت باللي شافاته ورا صهيب
حذيفة يأشرلها ويقولها وينها
نورا..ءء حبيبي جيبلنا فواكه
صهيب..ايه نسيت ماجبتش هي لحظة
نورا..اوك خلت صهيب يتلفت وأشرتله فوق
حذيفة جي من جنبها..كم رقم الغرفة
نورا تشوف لصهيب..505 الدور التالت
حذيفة..اوك
مشي حذيفة ونورا قلبها قريب طلع خافت صهيب يشوفه
قعمز صهيب وحط الفواكه وقعدو ياكلو ويهدرزو
صهيب..حييي مابعتناش لي نور الفواكه
نورا تخزرطت..ءءء اكيد رقدت البنت خليها نبي نطلعو والا قولهم يركبولها ونمشو
صهيب..حتى هذا رأي
.
.
كنت مقعمزة ناكل وشيتاتي جنبي كنت جايبتهم معاي لأي احتياط وحتى ظميري مايأنبنيش😂
طق باب الدار
اني نضت طول..اياااح علينا شن نسيت تاني يا صهيببب
فتحت الباب ع وسعه واذا بي نلقا حذيفة قدامي..هييييييي
حذيفة خش وسكر الباب..انتِ كيف تفتحي طول هكي بدون ماتعرفي منو وزيادة على وسعه فتحتيه😡
اني..وين نندري عليك انت اني ونحسابة صهيب والا وبعدين هيييييي شن دخلك اهني انت
حذيفة..ماه فاتحتيلي الباب الي ماشي والي جاي يشوف
اني..هي اطلللع
خديت بدلة صلاة ولبستها..اطلع تحشممم😬
حذيفة..والله ماني طالعها
شوية وطق الباب من جديد اني وجهي انصفرررر
اني..وووه هدا صهييييب البدد
حذيفة لبد في الحمام واني فتحت لقيتهم جايبين فواكه خديتهم وسكرت الباب
اني..اطلع مش صهيب
طلع حذيفة خدي تفاحة..ايه مليح عندي موضوع بنقوله
اني..مزال حتى في موضوع اطلع اطلع توووووا الي يشوفنا مع بعض يفكر غلططط
حذيفة..😂😂به حاضر حنطلع بس مش قبل مانقول الي نبيه
اني..قول هيا بسرررعة
حذيفة قعمز ركبة ونص وطلع باكو من جيبه وفتحه..تقبلي تتزوجي😍
اني من صدمة لين صخت
حذيفة..نوور نورر نوضي نور خيرك ياربي وقتها هيااا قالك رومنسية الله يصلحك ياحاتم على هالنصيحة
قامني وحطني ع سرير ينوض فيا ويبلي في وجهي بالميا..نوور نوضي ماتخوفينيش عليك
اني فتحت عيوني ونشوف فيه زوز غمضتهم ووليت فتحتهم من جديد فنصت فيه..هيييييييي شن جاااااابني اهننننني
حذيفة..اني قمتك كنتي طايحة ع الارض
اني..شن درتلي يا حيوان😭
حذيفة..واااك قتلك تقبلي تتزوجيني مشيتي صختيلي
اني سكتت ومعاش قدرت نتكلم..😳😳
حذيفة قرب مني..هي شنوو😉نحبك يا مهبولة وربي نحبك وهبلتيني بحبك بجد ماكنتش متوقع ان يكون في بنت تخليني نحبها لهدرجة هدي
اني سخنت ومعاش عرفت شن ندير اول مرة ننحط في موقف زي هدا واسيت روحي وقعمزت..خلاص حذيفة اسكت
حذيفة..نحبككك نحبكككككككگككك
اني..يسمعك حد يا مجنوووون
حذيفة..وربي العزة نموت فيك
اني..حذيفة خلاااص اسس
حذيفة..شن اس نبي جواااب
اني قعدت نبكي..حذيفة اطلع ارجوووك😭
حذيفة نصدم بردة فعلي..خيررك
اني..اطلع حذيفة بالله عليييك
تكنطا وطلع ونزل يجري وهو متعفلق وطلع برا الفندق يتمشى ويفكر خاف ان اني نرفضه
اني نبكي وخايفة اول مرة شخص يقولي نحبك ونحس بيه يحبني حق اول مرة شخص يقرب مني ومانصداش اول مرة نضعف قدام شخص في حياتي ماصارلي هكي😓يااارب سامحني وساعدني توو كيف ندير اني ياربي نبي نورااا
واني غارقة في كل تفكيري طق الباب
اني..يارب مش هوا يارب منوو
نورا..اني نورا يا نور افتحي
فتحتلها الباب وخشت طول..شن صااار جاااك
اني نصدمت..كيف عرفتي
نورا..هوا سئلني ع غرفتك
اني..ايه جي وصدمني وطلع
نورا نقزت ع سريري..حييييي كييف
اني قعدت نحكيلها في الي صار كله..وهدا هو
نورا..اوووباااا ورومنسي كمااان
اني لوحت عليها المخدة..اسكتي اني قعدت نتبكاله وخايفة وكشخت عليه قتله اطلع
نورا..بالنسبة للي زيك عادي ردت فعل طبيعية كاول مرة تصيرلك هكي والمهم يعني عادي تو يتقبل هوا وانتِ تراضيه
اني..كيف ندير
نورا..شوفي اسمعي قلبك لما دار هكي ولما شفتيه كيف صار فيك
اني..تي نقولك لين صخت 😂
نورا..تي انتِ طايحة فيه بوجهك ره يحبك وماتفلتيشي من يدك وبالدليل جاي وراك لهني يعني وافقي عليه ثقلي روحك الايام هدي وبعدها وافقي وخليه يجري جرتك قبل طبعا😂والمهم بهدليه لانة الحاجة لما تجي بالساهل تمشي بالساهل خليك حاجة صعبة زي مانعرفك وماتجيش بالساهل وخليك ثقيلة ويخاف منك ويحسبلك في الف حساب لكل شي فهمتيي ردي بالك انتِ غر ابدي واني معاك
اني..به يصير خير نصلي الاستخارة قبل
نورا..اوك
طلعت نورا ومشت لصهيب
اني..ياربي كيف بندييير😣
نضت صليت ووليت لميت فراشي وكل شي واسيته ورقدت💤
.
.
.
احمد..خيرها هدي رقمها مسكر ياربي ان شاءالله خير خلي نتصل بخالتها
ايمان..الو السلام عليكم احمد
احمد..خير كيف حالك
ايمان..الحمد لله بخير شن اخبارك انت
احمد..الحمد لله بالله بنسئلك نور وين؟؟ نتصل بيها ماحصلتهاش
ايمان..حييي مقالتلكش
احمد..شنو
ايمان..نور سافرت اليوم لي تركيا مع صهيب ومرته
احمد..نعم!!!
ايمان..والله هي جتها بين يوم وليلة داروهالها مفاجأة بلكي من الفرحة نست حتى تكلمك
احمد تعفلق مني..تمام صحيتي ابعتيلي رقمها غادي
ايمان..توو لما تكلمني نبعتهولك لانة قاعدين ماداروش كلمها ع نت اكيد فاتحة
احمد..مية مية
سكر عليها وقعد يغلي ومتكنطي مني اتصل بيا ع فايبر كنت راقدة ومارديتش رقد حتى هوا
.
.
الصبح
اني..اااه أصبحنا وأصبح الملك لله
خديت فوني بنشوف الساعة لقيتها ساعة 9 فتحت لقيت مسجات ع فايبر هلبا ممن احمد
اني..حييييي ع امي اني تي نسيييته مرة وحدة واااك راهو حرجان بيطربق ياربي حي عليااا
اتصلت بيه رد عليا
اني..حميداا
احمد..
اني..رد عليا
احمد..نعم
اني..شن جو
احمد..شن رايك
اني..اسفة ياقلبي
احمد..شن بينفع اسفك هدا
اني..والله الا نسيت نقولك
احمد..انتِ من لما مشيتي غادي لحوش جدك نسيتيني
اني..والله لهيت يا احمد وبعدين السفرة مانندري عليها لين خالي قالي نوضي بتسافري والله من الصدمة نسيت كل شي
احمد..تي باهي به
اني..اسفة به سامحني وخيي
احمد..ماشي عندي خدمة توا
وسكر عليا
اني..وااااك عليا كيف بنديرله هدا🤔
#يتبع
.
.
.
ان شاءالله تنال اعجابكم والمرة هدي مافيهاش حزن😂بس الحلقة الجاية فيها مانقعدوش منغيره عاد😂😂هي تفااااعلو 💎 #حنو
