البـارت #الـعشـرون
.
.
.
روايـة #حـكايـتي
.
.
.
حذيفة تلفت لما سمع خبطة راسي لقاني اني يحسابني نعست ورقدت قعد يفيق فيا..نور نور خيرك نور نوضي حبيبتي ماتخوفينيش قعد يفيق فيا مافقتش كنت حاسة راسي رزين ومش قادرة نفتح عيوني
مشي ناض حذيفة جابلي البرفيوم وقعد يبخلي فيه ع يديا وقعد يشمملي فيه فقت وحسيت راسي يومجع فيا🤕
حذيفة تنهد وعقد حواجبه..خوفتيني خيرك ؟؟
اني..مش عارفة ماحسيتش بنفسي الا وطايحة
حذيفة..هي نوضي نرفعك تعايني
اني..لالا عادي دوخة عادية
حذيفة..ماه هدا من اهمالك ماتاكليش تو كيف هكي فهميني مفروض تاكلي زين لانك ترهقي في نفسك😠
اني..خلاص حاضر بس والله نية مافي
حذيفة سيبني ونزل طول دارلي سندوتش ع سريع في توست وخدي صونية وحط فيها فواكه وحط سندوتش وحط عصير طبيعي كنت دايراته وركب لقاني متكية بالكرسي
حذيفة..قعمزي زين وكولي توااا
اني..والله ماخاطري حبيبي
حذيفة..مش حبيبك اني لين تاكلي هياااا بلا دلللع
اني..افف به😐
كليت بالسيف عليا وقعد هو يوكل فيا كل مانقول خلاص لين فضيت الي جابه كله كليته
حذيفة..هكي شاطرة معاش بنخليك ع راحتك وتقوليلي كليت اني شبعانة اني تو تشوفي في جديد
اني..باه نبي نمشي نرتاح نحس راسي يوجع وبطني تقول بنستفرغ
حذيفة..باه بري ارتاحي حسيتي بحاجة كلميني
اني..اوك
خشيت اتكيت و ع طول رقدت😴
قعد حذيفة خايف ومش مطمن ومرة مرة يجي ويشوفني😌
.
.
طوووط طووووط طووووط
سوسن..خيرها هدي ماتردش🤔
محمد خش عليها في دار..منو
سوسن تلفتت..نور مرت خوي نبي نعزمها ع عرس اختك
محمد..اهاا
سوسن..ماتردش اشبح خيرها خلي شوية ونعاودلها
محمد..ايه شن درتي
سوسن..شي هونا طلعت مع خواتك وروحنا ركبت هني وانت جيت توا
محمد..ايه خديتي حاجة
سوسن..لالا ماعجبنيش شي🤦🏻اصلا لبسي مزال جديد ونصه مش لابساته ف قلت ماعندي علاش نشري
محمد..براحتك حبيبي تبي تطلعي تشوفي شن تبي نطلعك توا
سوسن اتكت جنبه..لالا والله عندي حبيبي
محمد..باهي تعالي اهني ويأشر ع صدره
سوسن ابتسمت..حاضر وجت اتكت ع صدره
محمد..نرتاح هلباااااا لما تجي اهني
سوسن..واني الامان كله نحسه لما نجي اهني
زاد محمد ضمها ليه..ربي يحفظك ليا والله مامصدق انك معاي
سوسن..هههههههه خلاص عاد شهر مر ع زواجنا صدق
محمد..كل يوم انوض ع صوتك وع شوفتك تنرد فيا الروح ونفرح ونبدا يومي احلى يوم رغم الي نواجه فيه في يومي الا انِّ فرحاان
سوسن..حتى اني والله
قعدو شوية ساكتين وبعدين
سوسن..خلي نعاودلهم
اتصلت بيا تاني بس شي شي اتصلت بحذيفة
حذيفة..ايوا سوسن
سوسن..شن جو
حذيفة..الحمدلله كيف حالك انتِ ومحمد
سوسن..الحمدلله بخير بنسئلك نور نتصل بيها ماتردش وينها؟
حذيفة..كيف رقدت كانت تقرا خيرها تبي حاجة؟
سوسن..ايه بنعزمها ع عرس حماتي
حذيفة..اها امتى؟
سوسن..قولها يوم الخميس الحفلة ويوم النجمة الاربعاء
حذيفة..باه تو نقولها ان شاءالله
سوسن..ايه تمام اني بعتت بطاقة لماما قلت نزيد انأكد عليها
حذيفة..تمام ان شاءالله تو نقولها
سوسن..اوك هي مع السلامة
سكرو من بعض
وتلفت لقاني نازلة من دروج
حذيفة..علاش نايضة قعدتي مرتاحة
اني..لا ارتحت الحمدلله بنكمل نقرا
حذيفة..لالا مافيش قراية اليوم وتي روحك نطلعو نغيرو جو
اني..اوك😍حقا من الي كلمك
حذيفة..سوسن تتصل بيك ماترديش
اني..حييي سايلنت من بكري
حذيفة..ايه المهم تعزم فيك ع عرس حماتها قتلك الاربعاء والخميس
اني..اهاااا باهي ان شاءالله
حذيفة..قالت بعتت بطاقة ليك هونا في حوشنا
اني..باهي تو نبدل ونطلعو يعني😍
حذيفة..ايه ياروحي😘
شد حذيفة يدي وركبنا بدلنا ونزل هو يسخن في سيارة واني كملت وطلعت قعدت نسكر في رواشن والحوش وطلعت وراه ركبت سيارة
اني..الجو حلو😎
حذيفة..ايه وين تبي نمشو
اني..وين ماتبي انت المهم نغير جوي
حذيفة..تمام
مشينا طلعنا وقعد يلود بيا كل مرة نوقفو في مكان وننزلو كان جو حلووو😍💘
اني..حبيبي نحبككك
حذيفة كان مش مركز معاي ويشوف للمراية
اني..حذيفة حبي خيرك
حذيفة..شي لحظة بس
وزاد حذيفة في سرعته واني بدي الخوف يخش بشوية ع قلبي
حذيفة..تي خير امهم هما
اني..خيرك شن فييي
وهووب تجي سيارة قدامنا بالعرض
حذيفة فتح القجر الي قدامي وطلع منه سلاحه وعطاهولي
حذيفة..اي شطاني يقرب عليك ايدك ع زناد وطوووول ماتفكريش حتى تفكير😡
اني..ششن هددا وهدم خيييرهم
حذيفة..ربي يستر تفكري ان اني نحبكك ولو نزلوني اركبي في سيارة واطلعي بيها اني نقدر نخلص روحي منهم
جو وكانو رافعين علينا سلاح نزلت سلاحي درقته عليهم ونزلو حذيفة وشوية ويجي واحد يفتح عليا الباب ويشحني من يدي طلعت السلاح الي عاطيهولي حذيفة ووجهته عليه والثقة الي جتني والقوة الي ماكنتش متخيلتها🤦
الراجل وخر وقام يديه
التاني..تي شدها خير ٥-$:%-#؛
االاول..سلاح يا وقال اسمه بهمس حسيته كأنه قال احمد حاجة زيها هكي
التالت..نزلي سلاحك لانة مش حيفيدك
حذيفة..اطلقني يانعن&%@-+اطللللقنننني
الاول وجه سلاحه ع حذيفة..لو مانحيتيش سلاحك وجيتي معانا توا قدامك راجلك يموت
اني نشوفله ودموعي ينزلو بس مستحيل نتخلى عن حياتي وشرفي واضح شن يبو هما وحتكون حياتي زي اي بنت دارو فيها ما يبو ولوحوها ونقعد لاني من حياتي ولاني من شي
اني رفعت راسي ودموع يصبو
وحذيفة يقولي لا ماتنزليشي
واني نشوفله ونشوف للي شاد حذيفة ودموعي ينزلو
طبست وبنزل السلاح بنحطه ع الارض
حذيفة..لااا لاااا ماتنزلييييشي
اني قبل مانحطه..نحي سلاحك منه انزل سلاحي ونسلم نفسي لكن قبل مانطمن انه ركب سيارة💔
نحاه السلاح وطلق حذيفة ويشوفلي وعيونه واضح عليهم يترجو فيا ان مانزلاش
قمت السلاح ع سريع وضربت الي جنب حذيفة وقعدت نضرب ومانندريش ع نفسي الا واني في مستشفى وحذيفة فوق راسي
حذيفة..يارب يارب تنوضهالي يارب😤
دموعه ينزلو وخايف وبموت من الخوف عليا💔
حذيفة يبكي..يارب كون معاي يارب😭
الممرضة..يا استاذ تفضل اميا
حذيفة..مانبيش بس شوفيلي كيف حالها😭
الممرضة لاحظت ان حذيفة ينزف من يده..يا يا استاذ انت يدك تنزف
حذيفة..عادي خدشتني خدش خليني نبي نشوفها
الممرضة نادت ع الممرضات وخدو حذيفة بالسيف وجاه دكتور قعد يخيطله في جرح وعطوه مسكن ورقد🖤
اما اني كنت في العمليات وغايبة ع الوعي💔
.
.
.
تعالو نشوفو شن صار🔥
بعد ماضربت عليهم الرصاص وماخليتلهمش فرصة ونجري نبي نركب سيارة جتني رصاصة في رجلي ورصاصة في بطني ومن بعدها مانعرفش شن صار💔اخترت الموت ولا نوسخ نفسي او شرفي الموت اهون من ان نمشي معاهم💔امتى يا بلادي تتهني ونمشي في شوارعك بدون خوف🤕💔
.
.
.
دارولي العملية وطلعوني ولحد توا مافيش شخص يندري ع الي صارلنا🔥واني قاعدة غايبة عن وعيي
اما حذيفة ناض ولقي روحه في دار ناض وجعاته يده
حذيفة..اااه يارب
ناض طلع ع طول ولقي الممرضة قدامه..انت زوج المريضة الي جبتها!؟
حذيفة..ايه كيف حالها ؟ طمنيني؟
الممرضة..ماتخافش المريضة حاليا كيف طلعت من العمليات وحالتها مستقرة بس نبوك ادير الاجرآت لوطة لو تقدر او تكلم حد يجي يديرهم🙂
حذيفة..لالا ساهل تو ننزل توا
نزل حذيفة دار كل شي وطلع برا ركب سيارته وخدي تلفونه الي كان مطفي من شحن فتش في شنطي لقي فيها تلفوني فتحه واتصل بأحمد
.
.
.
.
في مكان تاني
احمد..نتصل بيها ماتردش!😕
سنابل..حتى اني هدا باش اتصلت بيك قلت بلكي تعرف حاجة لانة نبيها ضروري
احمد..تمام تو نمشيلها كان لقيتها حتى اني نبي نقولها ع موضوع🙂
سنابل..تمام طمني
احمد..اوك
مشي احمد لحوشي ومالقاناش اتصل بحذيفة عدة مرات وماردش عليه اتصل بي خوت حذيفة وقالوله مانندروش عليه وين
احمد.. ان شاءالله خير يارببب قلبي مش مطمني
والا اتصل احمد بي سنابل..عندك رقم سوسن
سنابل..ايه عندي
احمد..ترا اتصلي بيها شوفيها
سنابل.به
اتصلت سنابل بسوسن
سوسن..اهلا اهلا
سنابل..اهلا بيك شن جو
سوسن..الحمدلله تمااام وانت
سنابل.. الحمدلله شن اخبارك
سوسن..كويسة اهو حال الجري عرس حماتي ونوتوله
سنابل..اها الف مبروك ان شاءالله ربي يتمم ع خير
سوسن..الله يبارك فيك عقبااالك شن دايرة
سنابل..كويسة بنسئلك ماكلمتيش نور!!
سوسن..خير شن في؟
سنابل..شي غير نتصل بيها ماتردش بكل واحمد مشالها لحوشها مالقاهاش وكلم خوك حذيفة اكتر من مرة ماردش كلم خوتك قالو مانندروش عليه وين
سوسن..ياربي ان شاءالله خير والله مانندري عليهم بكري كلمني حذيفة ماطلعتش عزمتهم ع العرس وسكرت وكانو في الحوش ونور راقدة بلكي راقدين
سنابل..لالا مالقاش سيارة😣
سوسن..تو نشوف بابا هي
وقعدو يتصلو بحذيفة لين تسكر الفون وعطاهم مقفل واهني زادو نشغلو
اتصل احمد برقمي ومارديتش ويتصل ويعاود هوا وسنابل والباقي كل مرة يتصل رقم ومافيش اي خبر علينا وجي الليل ومالقانا حد ولا حد عرف💔احمد قريب يهبل وخايف هلبااااا
.
.
.
حذيفة..ايوا
احمد..ايوا تي وين ياراجل من بكري واحني قالبين عليكم الدنيا وينكمممم😡
حذيفة وهو يتوجع من يده..ماتخافش غير صار معانا موضوع واحني في المستشفى
احمد..كييييف وين وخيرك ماقلتش
حذيفة..تعالى وتو تعرف واسمع قول للباقي والله ماقادر ندوي في مستشفى الـ...
احمد..تم تم
سكر وقعد حذيفة يتفكر في الي صار ونزل وسكر السيارة وخش
الممرضة..مافيش داعي تقعد لانة مش حتفيق الليلة عاطيينها مسكنات وادوية
حذيفة..نبي الدكتور
الممرضة..اوك تعالى نرفعك لحجرته🙂
رفعاته وخش حذيفة
الدكتور..تفضل قعمز
قعمز حذيفة وقعد يشوفله
الدكتور..الحمدلله المريضة نور حالتها كويسة وطلعنا الرصاصات وكان جسمها قوي وقاومت💕
حذيفة..الحمدلله
الدكتور..بس في شي
حذيفة..شنو
الدكتور..المريضة كانت حامل وخسرتو الجنين
حذيفة نصدم
الدكتور..عادي ماتضايقش ان شاءالله العمر قدامكم وتجيبو لانة الانسة نور الرصاصة مجتهاش في الرحم والحمدلله كانت شوية وتصيب الجدار لكن توا مش لازم تفاصيل المهم الحمدلله حتقدر تجيب وامورها طبيعية اما رجلها ف حتقدر تمشي عليها الحمدلله البنت عندها نصيب قوي وحظ 💙
حذيفة ناض..شكرا يادكتور
وطلع وهو مش عارف يفرح لانة حبيبته ناضت او يحزن لانة كانت شوي ويخسرها والا ع الجنين الي مات قعد مقعمز ومضايق ومزال مش مطمن لين تنوض حبيبته ومرته قدامه🖤
قعد مطبس وحاط راسه بين يديه
شوية وخشو احمد والعيلة كلهم وهما راعشين
احمد..شن صار ياحذيفة تكلم ياراجل
بدرية وهي راعشة..ولدي يدها خيرك
سوسن..حذيفة نور وين😵
عبدالهادي..خلوه يدوي وانتم استلمتوهه
حذيفة..كانت تقرا وخلوقها ضايقة وبعدها داخت نوضتها ورقدتها في دار وكملت نخدم ومرة مرة نطل عليها بعدين ناضت وكانت بتمشي تكمل قراية😢مشي قلتلها هيا نطلعو وغيري جوك لانة ليك هلبا تقري حتى تغيري جو فرحت مشت لبست وحتى اني وبعدها طلعنا وكل مرة نرفعها في مكان لين جينا في مكان كانت سيارة ورانا اضايق فينا مابيتش نحسسها لكن هيا فهمت وحست قعدت تبكي وماقدرتش ندير شي قعدت نجري ونهدي فيها شوية وجو قدامنا وقفت نزلو يجرو وجايين جيهتنا فتحت القجر وطلعت منه سلاحي وعطيتهولها قتلها لو قرب منك حد اضربي طول شوية ونزلوني اني وجي واحد من جيهتها بينزلها وجهت عليه المسدس وخلاته يبعد عليها❤بعدين هددوها قالولها يا اما تسلم سلاحها ويخلوني عايش وتمشي معاهم يا اما يقتلوني واني نعيط ونقولها ماتنزليشي قعدت تبكي وتشوفلي وبعدين نشبح فيها تنزل في سلاحها وقبل ماتحطه قتلهم يطلقوني ويخلوني نركب سيارة وهيا تجيهم صدقوها طول نحو سلاحاتهم وهيا وصلت سلاحها لوطا بعد طلقوني قماته بشكل سريع وبدت تضرب كانت تضرب وتبكي😔وماتشوف في شي غير انها تضرب فيهم لدرجة انها ماخلتلهمش فرصة جت تجري بتركب ضربوني اني لكن ماجتش في خدشت يدي بس لكن هيا ..ونزل راسه وخاناته دمعته مسحها ع طول..هيا ضربوها ع رجلها وبطنها💔وغابت ع الوعي
احمد حط يديه فوق راسه وقعد مصدوم وخايف من الي بيسمعه بعدين💔
حذيفة..توا كيف طلعوها من العمليات وكنت عند دكتور وقالي حالها كويس هلبا غير من دوا راقدة ومش حتفيق غير غدوا
قعمزت امه جنبه وقعدت اطبطب ع ظهره
قعمزو كلهم ومش عارفين شن يقولو كان الموضوع زي الفاجعة عليهم💔
نزل خو حذيفة جاب اميا للكل (نسيت اسمهم😂بنقول اي اسم)
مهند..خود احمد اميا
احمد..مانيتيش خليني
مهند..مش باهي ليك من بكري وانت هكي ياراجل خود اشرب بل ريقك
خداها احمد بعد ما ألح عليه مهند وناض ومشي للباقي وعطاهم اميا شوية وخشو يجرو سنابل ومسرة
سنابل شافتلهم وشافت لأحمد..شن شن صاير
احمد شافلهم وكان ماعنداش جهد يتكلم
هاني شاف وقعد مركز فيهم هما الزوز فيش فرق عن بعضهم
سوسن شافتلهم
مسرة..سسوسن ويننن نوور😭
سنابل..نور وييين😭
خدتهم سوسن ونزلتهم لوطة للكافي وقعمزو وهما يبكو
سوسن..اشش خلاص عاد نور حالها باهي الحمدلله
سنابل..شن صار
وبدت سوسن تحكيلهم
وشوية ويخشو خالاتي وخالي وحكولهم شن صار
حذيفة طلع برا وقعمز
جي جنبه خوه مهند حط يده ع كتفه..حتنوض ماتخافش😌
حذيفة..علاش مش اني علاش هيا💔ياريت اني الي بدالها راقد توجعت هلبا وفات بوها وامها وبعدها جدها وبعدها حرقة الحوش وبعدها خالها وبعدها الحاادث وبعدها الي صار اليوم والله هم مايحمله جبل هلبا واجعتني💔
مهند..ربك هدا نصيبها وهكي مكتوبلها ان الله اذا احب عبداً ابتلاه❤وخلاص هيا حالها كويس توا هي عاد عمري ماشفتك هكي بالحالة هيا
حذيفة..لازم نعرف من هدم
مهند..ماتوجعش راسك عصابة واضحة يعني
حذيفة..ماكنتش متوقع نور بالشجاعة هدي اختارت انها تموت ولا تمشي معاهم
مهند..نور بنت قوية ونقولو بالاحرى يا بتخسرك يا بتخسر نفسها اما نفسها ف هيا عادي مش غالية عليها علاش لانة هي ادور في فرصة باش تمشي لي امها وبوها فهمت نور الي قواها هدا الشي لو قعدت فبتقعد معاك ولو ماتت ف بتمشي لي ربي💙
قعد حذيفة يدخن وساكت
مهند..اني بنوض نقوللهم بروحو قعدتنا اهني هكي وخلاص🙂
حذيفة..ايه تو نقعد اني
وقف مهند وشاف احمد جاي ليهم
مشي مهند ركب لي اهله
احمد قعمز جنب حذيفة وتنهد..اااااه 💔
حذيفة.. #يتبع
.
.
ان شاءالله تعجبكم ياااارب#حنو
