الـبارت #الـسادس_والـثلاثـون
.
.
.
روايـة #حـكـايـتي🍁
.
.
.
اما عند حذيفة
طارق..شن جوو
حذيفة..شن استاحشتني امالا😏
طارق..لالا غير بنقولك اليوم جنازتك
حذيفة..الاعمار بيد الله
طارق..انت مفهمتنيش ههههههههه وفتح فونه ووراله خيمة عزاه وراله فيديو فيه خوته كيف مقعمزين ودمعتهم ع خدهم وراله صغاره كيف جنب احمد مقعمزين ومش فاهمين شي غير انهم يبكو على بوهم
حذيفة بصدمة..درتهااا؟؟
طارق..درتها😉وتوا هما دارو جنازتك تعتبر ميت🙂
حذيفة..انت قتلتني قدام الناس بس ماقتلتنيش اني لانك جبان😏هه
طارق قعد يضحك في ضحكة الشر..ههههههههههههههههه ووووه ضحكتني تعرف انت تذكر كيف حرقتلي قلبي وخديتها!!! اني توا بنحرقلك قلبك بالشوية بالشوية نبيك انت تنحرق لو قتلتك شن بنستفيد اني نكون ريحتك هكي بس بنخليك تموت بالعرررق اااه بالمناسبة هدي مرتك
فتح فونه ووراله صورتي واني في العناية
حذيفة فتح عيونه من صدمة وقعد يحاول يفك يديه وعروق رقبته باينات..شن درتوووولهااااااااا ياااااكلاااااب شن درتووووولهاااااا😠
طارق..هدي روحك يا اخ انت تعرفني مانقدرش انأذيها بس هي يناري زعلت عليك من يوم المطار خشت في غيبوبة ربي يرجعها سالمة وناخدها وعينك تشبح
حذيفة..حسبي الله ونعم الوكيييل فيييك وانت مشكلتك معاااي مادخلش النساوين فيها
طارق..اصل مشكلتي معاها اني نبيها وانت بكل عين باردة جيت خديتها
حذيفة..انت الي خليتها وانت الي قتلها انها ماتقبلش بيك وانت الي قتلها انك واحد فاسد تاجر مخدرات توا شن جاي تبي مننا
طارق..نبي حقي مش طارق الي ياخدو حاجة متاعه
حذيفة..مش متاعك يا اخ شكلك نسيت انها قاعدة على ذمتي وقاعدة مرتي☺وام صغاااري
طارق..مليون وتطلع تعيش برا كيف ماتبببي وتأسس حياتك من اول وجديد بشرط انك معاش ترجع اهني نهااائي
حذيفة..زيد بيهم على حالك مانبيعش مرتي بفلوس وسخ دنيا
طارق طلع شيك من جيب دجاكة..شكلك تبي اكتر اوك شن رايك توا
وكان كاتب في شيك 5مليون
حذيفة..ههههههههههههه تي خيرك انت ماتبيش تفهم !!؟؟؟ راك لا انت ولا غيرك تقدر تشريني بالفلوس هنيلي عظامك بالله بلا جو مفرخ
طارق..اسمع اني هدا الي عندي تقبل باهي ماتبيش تقبل بتقعد طول عمرك مخطوف
حذيفة..نقعد طول عمري مخطوف مابعد الضي الا الفرج زي ما احني في صيام نصيمو وعارفين ان المغرب بيجي نفس شي حنصيم والمغرب سيوره يجي😉
طلع طارق وهو متعفلق ومش عارف كيف يتصرف مع حذيفة
.
.
.
عندي اني بعد فترة
كان احمد كل يوم يجيني ويسئل عليا ونفس الكلام يقولوله فيه الدكاترة
احمد يشوفلي من المرش نوضي يا نوور نووضي نعرفك قووية😔والله ادمرت من بعددككك
روح احمد للحوش لقي سنابل متكية
احمد..وين صغار
سنابل..صغارنا والا صغار نور؟
احمد..كلهم
سنابل..صغارنا راقدين وصغار نور جاهم عمهم خداهم
احمد..راسي
سنابل..مزال مافيش امل؟؟
احمد..مش عارف والله ماعارف😔بنهبل يا سنابل عليها مشعارف شن ندير يديا مربوطين مشعارف كيف ندير
سنابل..مالينا الا الدعاء يا حميدا خلاص ماتغشش روحك نور قوية😢وحتنوض بإذن الله
احمد..ادعيلها بالله عليك☹
سنابل..ندعيلها كل وقت😭والله خلت مكااانها😓
احمد..الله يرحمه حذيفة لو تنوض وتعرف انه توفى كيف حيصير فيها والله حاااامل همها تخيلي حتربي 3 صغااار بنموت عليها اني يا سنابل قوليلي كيف ندددير
سنابل..الله غالب قضاء وقدر وهكي ربي رايد وان شاءالله حتنوض وتصحى اكتر من قبل وتتعود و تخدم هي دكتورة وعارفة حياتها كيف حديرها بس حتصعاب عليها اول فترة فكرة ان حذيفة مات صعبة تتقبلها ان شاءالله خير😭
.
.
وفات شهر وراء شهر حذيفة كل يوم تعذيب وكل يوم ضرب ولما يغمى عليه يجيبوله في دكتور يعاينه ويستنوه لين يصحى ويعاودو عليه من جديد
اما عندي
نضت اني
طلعت ممرضة تجري..دكتووور دكتووووور المريضة فااااقت😍
خش يجري دكتور وقعدو يشوفولي في نبضي ويكشفو عليا وشوية وطلع دكتور
احمد ومهند وهاني كانو اقفين ويستنو وراعشين
دكتور..الف الحمدلله ع السلام المريضة تعدت مرحلة الخطر وتوا بنحطوها في غرفة تانية
احمد من الفرحة نزل سجد وهو يبكي
اما هاني ومهند كأنه رجعتلهم الحياة تغمرو بعضهم من الفرحة ناض احمد وتغمرهم وهو فرحان برجوعي لحياتي💕
شوية وطلعوني للغرفة
دكتورة..ساعة تانية وتفيق وتصحصح ان شاءالله
احمد..شكرا دكتور😌
قعدو يستنو فيا لين فقت شفتهم 3 قدامي
اني..ءءءاححمد
احمد..ياقلب احمد وخيتي واخيرا نضتي شغلتينا علييككك
اني..وييين اني
احمد..في المستشفى
اني غمضت عيوني وقعدت نذكر في الاحداث وشن صارلي اتذكرت ان حذيفة اختفي فجأة والتلفون الي جاني والبنت الي وقفت عليا باش تلهيني كله اذكرته في لحظة وجعني راسي هلبا ونزلو دموع حاميات ع خدي وفتحتهم وبصوت مخنوق..وين حذيفة💔
احمد ومهند وهاني شافو لبعضهم وشافولي
احمد..وخيتي لتالت مرة نقولهالك انتِ مؤمنة بقضاء الله وقدره
اني عيطت..لا يا احمد لاااا حتى هدا معقولة حتى هوا علاش كل الي نحبببهم يموووتتتتوووووو😭😭😭
احمد قعد يهدي فيا..اهدي بالله عليك هدي نفسك انتِ كيف طالعة من غيبوبة
اني..كيف تبيننننني نهداااااا كييييييف انت تقولي حذيفة مات وتبينننننني نهدااااااا😭😭😭والله تعبتتتتتتتت تعبتتت كل مرة مشكككلة كل مرة شي جددديد عيييت😭😭نببببي نموت علاش ربي ماياخدنننني كرهت روحي كرهت حياتي
احمد قعد يضحن فيا ويهدي فيا اما مهند و هاني كانو متأثرين ودمعتهم تقطر ع خدودهم
اني..علااااش حرموني مننننه علاااش قتلوووه😭😭علااااااااش الدنيا حرمممممتني ممممنهم حرمممتني يا احممممد قووولي علااااش امي وبوي وجدي وتوااا سندي وعمود ظهري وبو صغاري تقولي مات علاش يا احمد علااااش😭😭😭ااااااااه ياقلللبي قداااااش مابتتحمل ااااااه ياميمتتتتي تعالي شوفي بنتككك شن صاير فييييها ااااه ياقلبي اااااه حرقولي قلبي ياميمتي طعنونننني ياميمتي الدنيا ماتحبني يا ميمتي الدنيا تحب تزعلنننني ياوبببييي من بعدكم ماريت فرررح ماعمرها كملتلي فرحة يا وخييي ماعمرها كملتلي فرررحة😭😭كل مرة تصيرلي حاجة علاااش هكي علاااش
مهند..اهدي بس والله كله ربي هكي رايد هكي نصيبك ارضي بقضاء والقدر ربي هكي مقدر انتِ ماتعارضيش حكمة ربببي يا نور خليك قوية كيف مانعرفوك
اني..ياااااسر منهاااا كلمة قوووية لاني قوية هكي يصير فيا لاني مايقدرني حد هكي يصيييير فياااا وتوا قوتي ماتتتت حذيفة مااااات وماتت معااااه قوتي وحياتي😭😭😭حرام عليييهم حسبي الله ونعم الوكيل فيييييهم الله لا تربحهم الله لا تربحك ياطارق حسبي الله ونعم الوكييييل فيييك😭😭ياربي تاخدلي حقققي منننهم😭😭اااااه ياقهرتتتي ااااه قعادي منغيرك يا حذيفة اااااه يقوتي وسندي ااااااه كسروني فييييك الله لا تربحهممم
وقعدت هكي لين جوني الممرضات وعطوني مهدء لانة صارلي انهيار عصبي ورقدت
اما احمد الي كان يبكي معاي ومش قادر يدوي
جت بدرية ام حذيفة قعدت تنوض فيا بس مانضتش كانو عاطييني منوم باش ماننوضش وماننهارش من جدديد بدرية..الله يرحمه كسروني فيه وكسرولك ظهرك بيه الله لا تسامحهم يا بنيتي الي مايخافو ربي يتمو 3 صغيويرة ورملوك حسبي الله ونعم الوكيل🤧😢
.
.
.
حذيفة..اااه خلااص اقتلووووني
طارق..هههههه باش قتلك نخليك تتمنى الموووت عموما مبروك المدام فاقت وعرفت انك متت وقلبت المستشفى بعياطها واااو الحق ماكنتش نحسابها تحبك هكي
حذيفة قعد ساكت وفرحان اني نضت وانه مش حيخسرني بس خاف من الخبر الي قالهوله ان قلبت المستشفى واني لما ننهار معاش نعرف حد نقعد نعيط ونخبط ونبكي عارف شن يصيرلي الي صارلي في عيلتي بيصيرلي فيه💔
.
.
اني بعد فترة طلعوني من العيادة روحت لحوش اهل حذيفة درناه عزي من جديد اني وسوسن و امه كنا مش مصدقين موتته اخر شي نتوقعوه💔 اما عمي الي بدي لا كلام ولا سلام دابه وداب المصحف في يده وصلاته كان الحزن والكآبة معبية الحوش جاني احمد ويبيني نروح نرمي عدتي عنده لانة مهند وهاني وعمي يعتبرو غريبين عليا اقتنعت وروحت معاه احمد كان موتي شقة الي كانت فيها امه وبوه ودارها ليه واما حوشي ف كان زي ماهو روحتله رجعتله بس هالمرة مش بروحي💔الحوش الي كل ماتكسرني الدنيا نروحله بروحي اليوم روحتله بصغاري وهم منكسرين زي كسرتي الاولى🖤
بعد فترة بديت نتحسن بشوية بس مش زي قبل قعدت ديما ندعي ونفكر في حذيفة الي موته مش عاجبتني و مش خاشة راسي 🖤 وطارق الي مختفي شن غرضه!! باش غرضه يقتل حذيفة وياخدني علاش ماريتاش!!!؟؟تعبت ياربي تعبت من التفككير😓
جتني ليليان..ماما وين بابا علاش معاش جي😓
اني..شن بنقولك يابنيتي والله ماعارفة نقولك بوك مات والا عايش مشعارفة ياماما
ليليان..😢ستاحشته
اني حضنتها..ياروحي ستاحشته حتى اني
محمد..ماما نبي بابا
اني..ياماما تو يجينا بابا😣مسافر تو يجينا
وتين..اغاا
اني شفتها طالعة من دارها وتمرد
اني..حي هدي شن نزلها
ليليان..نعرفس
نضت قمتها..شنو يا ماما علاش توا هكي مشردة روحك قعدت نواسيلها و حطيتها جنبي
نزلتلي سنابل هي وصغارها وقعدو صغار يلعبو في جنان واني و سنابل نهدرزو وتحاول هيا تغيرلي جوي
سنابل..شن رايك تبدي تخدمي حتى تشغلي وقتك
اني..ايه صح فكرت فيها بس تعرفي اني قلت مداما فلوسي تجيني لعندي علاش بنخدم بالله شن بندير بالشقاء
سنابل..اني قصدي ان تشغلي وقتك وهكي وحتى تكملي الي بدي فيه بوك والله ننصحك لو بتقعدي هكي بتقعدي في الفراغ وبتقعدي تفكري في حجات وهلبا تفكري
اني بتفكير..زعماا بس حذيفة ماكانش يبيني نخدم كان ديما يقولي اني نصرف واني راجل الحوش اني ماعنديش مراء تطلع وتخدم لما انقص عليها وقتها اديرها حذيفة كان غيور ويحب راحتي يحب يخليني مرتاحة❤بس توا توا خلاص توا اني المسؤلة ع كل شي ترباية صغارنا وتوصيلهم وقرايتهم وكل شي تااااعبة نفسيتي 😔
وبعد تميت الاربعين بديت نفكر بجد ان لازم نبدا نخدم ونعبي وقتتي لااازم ماندير شي مانبيش نقعد هكي لاني بنموت من تفكير بعدها قعدت نستنى في احمد يروح باش نحكيله😿
.
.
.
عند حذيفة الي كان شاحب وضاااااعف لحيته الي زادت في الطول شعره الي كان زايد في طوله جسمه الي كله علااامااات من الضرب💔
خش طارق..اوووه تعرف استاحشتك ليا قداااااااش معاش جيتك
حذيفة شافله وابتسم ع جنب..نفس الشعوور
طارق..مليت والا مزال مستعد نجيبهالك توا وتاخد كلمتها
حذيفة..كم مرة بنقولك ان في احلاااامك لو كان تقتلني طرف طرف مستحيل نطلق
طارق تنرفز وضربه بوكس..انت امتى بتفكر بعقلككك ع فكرة عرضي عليك مزال قااائم متع الفلوس انت بس قول ايه وحتطلع ع طول
حذيفة..لا والف لا قلنااا دير الي تبيه بس نووور حتقعددد مرتتتتي ولياااا اني وبسسسس
.
.
اما عن صدمة محمد الي عرف ان ولد عمته ليه يد في قصة خو مرته روح قعمز وحط يديه ع خدوده ويفكر شن بيدير وكيف بيصير لو سوسن تعرف شاف للحوش الفاضي
محمد..ااااه ياربي ستاحشتها😔ان شاءالله يارب تحفظهالي هيا وصغار ياااارب ماتوريني فيها مكروه قعد محمد يخمم كيف بيدير ومضايق
.
.
عندي اني روح احمد و حكيتله ع كل شي
احمد..باهي عادي حقكك
اني حضنته..ربي يحفظك ليا انت الوحيد الي قاعدلي في حياتي😔
احمد..ماتخافيش اني معاك ديما
ركب احمد واني اتصلت بيي عمي عادل الي شاد العيادة طول
اني..الو السلام عليكم عمي
عادل..وعليكم السلام يابنتي كيف حالك
اني..اهو نقولو الحمدلله
عادل..الله غالب يابنتي كله قضاء وقددر
اني..هوا هدا عمي بنقولك اني بنبدا نخدم في العيادة قلت نعطيك علم
عادل فرح..والله تنوري العيااادة
اني..شكرا
عادل..من غدوا مكتبك حيكون جاهز ان شاءالله
اني ابتسمت بوجع..ان شاءالله
سكرت منه وحمدت ربي ان بابا مخليلي شي زي هدا والا كنهدا كنت تعذبت اكتر مما اني متعذبة في حياتي شفت حضانة سجلت فيها صغار باش يقعدو فيها وقت دوامي نضت الصبح بدلتلهم وبدلت اني لبست عبايتي وطلعت بيهم مشيت حطيتهم في حضانة وبعتت مسج لي احمد ان اني بديت نخدم ومشيت للعيادة قعدت نصبح ع الكل وعرفتهم بنفسي ركبت لمكتب بابا الله يرحمه لقيته فاضي استغربت كان في بالي ان فيه عمي عادل نزلت وخشيت للمكتب الي فيه يوسف..اني السلام عليكم
يوسف وهو متفاجأ..وعليكم السلاااام
وكانت مقعمزة عنده في مكتبه مراء باين عليها من اناقتها حلوة ولابسة بالطو عقدت حواجبها وقت شافت يوسف كيف شافلي
اني..دكتور يوسف عرفتني
يوسف..اكيد حنعرفك نور تفضلي استريحي
اني..لا شكرا بس نبي عمي عادل
البنت حطت رجل ع رجل وهي تشوفلي..اسمه الدكتوور عادل
اني شفتلها بإستغراب خيرها هدي فتتها وشفت ليوسف الي كانو عيونه فيا ومش قادر يقيمهم من عليا بس لاحظت الدبلة في يده اليسار..اني مبروووك تزوجت؟
يوسف ارتبك..ءء ايه نسيت نعرفك زوجتي انسام حتى هيا دكتورة معانا في العيادة اهني
انسام..منو هدي يعني باش تعرفني بيها هه
اني شفتلها وقربت منها بثقة..حسيتك بديتي تغلطي يا هه دكتورة
انسام وقفت وجت مقابلتني ونظرات التحدي في عيونها..يعني من بتكوني انتِ باش نخاف منك
اني جيت بنتكلم بس يوسف سبقني..يا انسام عندك حالات وتم وقت راحتك تقدري تمشي تشوفي شغلك
اني فتحتلها الطريق ودرتلها بيدي للباب
انسام تغايضت وشافت لي يوسف بغضب وطلعت تجري
اني..ربي يعينك ياوخي شن هدا قولها تلزم حدودها وتعرف مع من تدوي😤
يوسف..سامحيني دكتورة هيا ماتعرفكش منو بس
اني..مافيش بس يا دكتور هيا مفروض تحسن من ألفاظها وأسلوبها يعني اذا كان اني تكلمت معاي هكي تي امالا المرضى كيف تتكلم معاهم🤔ديرلها حد احسن
وطلعت واني متعفلقة خشيت لمكتب بابا وحطيت شنطي واني راصي يصدع من اول يوم هكي هيااا؟ياربي صبرني عليها خير ماناخد الموس ونشرحها هيا بدال المريض
طق عليا الباب عمي عادل وهو مبتسم وفرحان
اني وقفت..اهلين عمي
عادل.. #يتبع
.
.
.
ان شاءالله تنال اعجابكم ياربي #حنو
