البارت #السادس_عشر
.
.
.
رواية #حكـايتـي🍁
.
.
.
فاتحة راديو كل مرة تجي ع اغنية ودنيا زحمة هلبا امتى بنوصل مشعارفة😞
وصلوني مسجات
فتحت تلفوني لقيته ع فايبر فتحت الفايبر لقيتهم صور وقعدو يحملو وشوية وينفتحو
كانو صور محادثات وكان الرقم رقم حذيفة الكلام ماينقالش كلام كبير هلباااا💔
اني..ياربي شنو هدااا
سمعت كلاكسات دورت ووليت ومشيت بإتجاه الشركة
اني..الو
حذيفة..حبيبي
اني..في شركة ؟
حذيفة..ايه مزال عندي خدمة
اني..جاية
سكرت عليه حدفت تلفون جنبي ومشيت نجري ومش متحملة وكل مانذكر الي ريته نزيد
اني..ياربي نلقى عنده تفسير يارب كذذب يااارب😭
وصلت للشركة درست سيارتي ونزلت خشيت ركبت لمكتبه وفتحته بقوتي ...
.
.
.
حذيفة..زعما خيره صوتها مش عاجبني
طق طق طق
حذيفة..ادخل
خشت بنت وكانت بكامل اناقتها وجمالها
حذيفة..من انتِ؟
البنت..خلي نهدرزو وبعدين نقولك
حذيفة..ماعنديش دوة معاك تفضلي تكلمي
البنت..جايبتلك دليل ع خيانة خطيبتك ياحلوو
حذيفة..خطيبتي واثق فيها ومستحيل تخوني
البنت..ولو حتى وريتلك دليل
حذيفة..هاتي دليلك تراه رغم ان عارف انك كدابة لكن نمشي الكداب لفم الباب
كانت البنت مفبركة صورة ليا ولشخص تاني وكانو مدايرينها بإثقان🤦
نصدم حذيفة من كمية الصور ومن الدقة وان مافيش شي غلط ..
قربت منه البنت وحطت يديها على يديه..اهدا انت قاعد في اول طريق تقدر تفسخ منها
ونفتح اني الباب عليهم
جت عيني في يديهم
شافلي حذيفة ع طول وولا تحركتله شعرة ولا نحا يديه من يديها
دمعتي غرقت عيوني😢
اني..ءءحذذيفة
البنت تلخبطت..ااه
حذيفة..اطلعي برا
البنت..اهو طالعة
حذيفة..اطللللعي
طلعت البنت تجري وهي بتموت من خوف
اني..ممكن تفسرلي الي صار
حذيفة..وانتِ ممكن تفسريلي هدم ؟
لوح عليا الصور وتلفت
اني..شن هدا
حذيفة..شوفي
نزلت قمت الصور وقعدت نشوف ومع كل صورة تجيني صدمة لعند صخت
حذيفة سمع حاجة طاحت تلفت لقاني طايحة
حذيفة..نووور نوووور خيييرك نوووور تسمعي فييا
اني..ءء ححذييفة كككذببب
حذيفة ناض وسندني عليه وقعمزني ع كرسي
قعدت نشوف ونستوعب في الي صار من كتر ماصور دقيقات لعند ما اني شكيت في نفسي
حذيفة..فهمييينيي الصووور هدممم الي فيهم شنوو منووو هداااااا تكللللمي
اني نبكي ومش قادرة نحكي ولا حرف
حذيفة..انتِ علاش جاية لهني شن مزال تبي ؟
اني..😭😭جججيتتت نننووريييك الللي شششفته
حذيفة..شن شفتي هااا شن شفتي بتقلبيها عليا؟؟؟
اني..حذيفة اسمعني قبل والله كذب والله كله فوتوشوب مش اني والله ماخنتك ولا عمري نخونك
حذيفة..اكيد في غلطة بس مافيش ولا غلطة فهميني واضحة صورة
اني..صدقني اني هدا كله تخريييف زي ماكذبت وصدقتك
حذيفة..شن درتلك انيييي تكللللمي اني صنننتك وحبيييتك وقعدت جنبببك طووول الوووقت
اني فتحت تلفوني وفتحت ع صور
اني..هدا شنووو تكللللم مدامك مش مصدقننني حتى اني نبي نفهم هدممم شنووووو
حذيفة..شنو
فتح الصور وقعد يشوف ويتفرج ع الكلام الي مستحيل انه يقوله
حدف الفون ع طاولة وقعدت يدور في مكانه..وانتِ مصدقتيها دوة هدي؟؟
اني..زي ما انت صدقت الي عليا اني توا بنصدق ومع الي شفته توا زاد اثبببتلي بجدارة انك تخون فيا
خديت فوني وطلعت نجري
حذيفة..هدا ملعوب واضح من البنت هدي ياربييي نووور استنييي نووور
خدي مفاتيحه وتلفوناته ونزل يجري لحقني وشدني من يدي
حذيفة..استني قتلللك
اني..حذيفة خليني ارجوك وبلاش عياط قدام ناس
حذيفة..لا خليييي يسمعوووو ويعرفووو من تواااا😠
كلهم الي في شركة يشوفوله ومستغربين
اني نرعش وبنبكي😢💔
عبدالهادي في مكتبه..شن الدوشة هدي؟😞
طلع من مكتبه وقابلاته السكراتيرة..شن دوشة هدي
..يا استاذ هدا الاستاذ حذيفة
نزل عبدالهادي يجري ولقاه شاد يدي واني نبكي
اني..اطلللقنييي شفت الي لازم نشوفه خلااص
حذيفة..افهميني بسسس
اني..انت شكيت فيا وصدقققت الي جابوهولك خلااااص لهنننني وبسسس
ونحيت دبلتي ولوحتها عليه
عبدالهادي..لااااا
اني قعدت نبكي فلتت يدي ومشيت نجري لسيارتي
حذيفة..استننني
اني..خليييني
عبدالهادي..شنو فييي تكلمووو
اني..سامحني ياعمي لكن معاش في شي يجمعني بيني وبين ولدك المحترم
ركبت سيارتي ومشيت
عبدالهادي شاف لولده..شن درت؟؟؟؟
حذيفة..خليني يابوي تو نفهمك كل شييي
ركب سيارته وطلع يجري وراي
اني نخبط ع دومان..😭😭😭حيوااان حيواااان خاااااين كلهممم زي بعضضضض
حذيفة..ردي ردي😡
اني..ياربي سامممحني ياااارب ع الي بنديره بس خلاص معاش عندي طاااقة😭😭
وقعدت نجري بسرعة
حذيفة..حي ع المهبولة شن ادير هددددي
قعد يبيبلي حذيفة ويجري وراي لعند فته ومعاش قدرت انقص السرعة
اني..يارببي😭😭
شديت فرينو بس معاش بت
وانقلبت سيارة ومعاش نندري ع شي بعدها
حذيفة..نوووووووووور😵
نزل حذيفة يجري ويشوف فيا يشوف في دم يقطر تلقطو عليا الناس غبت عن الوعي ومعاش حاسة بشي
طلعوني من سيارة ورفعوني للمستشفى
حذيفة..نور حبيبتي نور تسمعي فيا
الممرضة..لو سمحت خلينا نديرو شغلنا
ركب حذيفة لسيارته ومشي ورانا لعند وصلو بيا
نزلوني ودخلوني
حذيفة..يارب يارب تساعدها يارب
عبدالهادي..خيره الولد مايردش
حذيفة..ايوا بوي
عبدالهادي..شن صار لحقت عليها؟
حذيفة..ءء بببوي
عبدالهادي..شن في
حذيفة..نور نقلبت بيها سيارة واني توا بيها في المستشفى
عبدالهادي..شنووووو وين
حذيفة..في مستشفى ال
عبدالهادي..جاي جاي
سكر منه طلع يجري
وسمعو الكل وكانو خايفين من ان يصيرلي شي هه توا اهتمولي💔
احمد..شن قالك دكتور
حذيفة حط يده ع راسه..قالي ان حالتها خطيرة عندها هلبا كسور ومش عارف مش عارف 😤😧
احمد..لاحول ولا قوة الا بالله
قعدت في العمليات لمدة ساعات وبعدها طلعوني
حذيفة..دكتور دكتور كيف حالها
الدكتور..درنا الي علينا والباقي ع ربي ادعولها بس
حذيفة زاد اضايق وكل مايتفكر ان الي صار بسببه يزيد
احمد..يارب سلمها يارب
خالاتي كانت حالتهم بالويل💔
صهيب الي مزعلني ومقاطعني حالته احرف منهم كلهم💔
الكل كانت حالته سيئة لدرجة مافي حد طايق يتكلم
شوية وطلعوني
حذيفة..نور نور حبيبتي
الممرضة..ماتعبش نفسك غايبة عن الوعي وتوا بنحطوها في غرفة العناية وان شاءالله ربي يشفيهالكم
حذيفة نزلو دموعه لأول مرة يبكي هكي حضنه احمد والزوز كانت حرقة بقلبهم💔
جت سنابل تجري
سنابل..وينها وينهااا نوور ويييين😭
احمد شافها جاها طول..اهدي اهدي هيا كيف طلعت من العمليات وحالياً في العناية
مسرة..متأكد نور مافيها شي مادرقوش علينا☹
جت خالتي..ماتخافوش ان شاءالله خير ادعولها بسسس
سنابل وقفت نزلت للكافي خدت اميا وقعمزت تفكر وتبكي وخايفة يصيرلي شي وتدعيلي
جي جنبها احمد..ماتخافيش نور قوية وحتنوض بإذن الله😓
سنابل..ان شاءالله😔
ركبت سنابل طول وقعمزت جنب اختها وكانو يستنو فيا انوض
جي دكتور..لو سمحتو قعدتكم اهني ماليهاش فايدة ره يقعد واحد بس
احمد..اوك نقعد اني معاها خوها
حذيفة..بنقعد معاك
احمد..تعالى غدوا في نهار نبدلو على بعض
حذيفة..اوك نزلو كلهم ومشو روحو لكن حذيفة قعد في سيارته راقد واحمد قعد يدعيلي ويقرالي في قرآن
.
.
كان حذيفة ديما في نهار جنبي يقرا في قرآن ويستنى فيا انوض وزع اميا ع العيادة كلها والي يعطيه يقوله ادعيلها تنوض بالسلامة
احمد كل شوية يجي ويقعمز جنبي هوا وحذيفة على امل انوض
.
.
البنت..نور خشت في غيبوبة ومعاش ناضت
اختها..اني قتلك قتلك ماديري شي بس ها هات من يسمع كلامي توا شن بينوض البنت ياحمارة خربتي حياتها لو صارتلها مصيبة لو معاش تمشي ولو معاش تجيب لو لو لو لو افرضي اي شي علاش درتي هكككي علاااااااش
البنت..ماكنتش نحسابها بتكبر هكككي كان غرضي نبعدهم ع بعض
اختها..واهو تباعدو واهي البنت بتموت هااا شن حصلللللتي ياتافهة هدا بدال ماتفوتيه وتمشي في حياتك وتنسي وتكملي قرايتك مقعمزتلي و تتجرالي ورا كل ولد يعجبها وتفسديله في حياته تي ماريتش اتفه منك بككككل عندك كل شي فلوس سيارات لبس تي حتى لو ماكملتيش تقدري تخدمي عند بوك اي ولد تعجبيه ويجيك من الباب مية ولد يتمناك غيره بس انتِ لانك وحدة حقيرة وماتسوي مليم والله لما نحكي لبابا كل شي
البنت..لاااااااا
اختها..ايه بنقوله حووولي
البنت شدتها من دراعها ولوتها..لو تقوليله كل شي حنقوله على حبيبك وانتِ وراحتك
اختها..هه قوليله عادي اصلا بكري مشاله وكلمه وقاله بابا تفضلو ترا بلكي عندك تهديد تاني هيا نسمع
طلعت من دار وصلفقتها ومشت تجري لي بوها
.
.
.
.
حذيفة..حبيبتي هيا نوضي والله ننسى كل شي صار اني اسف ياعمري والله ماخنتك ولا عمري نخونك وحتى انتِ مصدقك بس نوضيلي يانور بس وربي لما نجيبهم ونبهدل الي دار فينا هكي انتِ بس فيقي ياعيوني
كان حذيفة شادلي يدي ويكلم فيا واني نسمع فيه نبي نتكلم مش قادرة ومش قادرة نفتح عيوني نحس فيهم رزان قعدت نقاوم لين فتحتهم
حذيفة يمسح في دموعه..هيا ياعيوني نوضي
اني ضغطت ع يده
حذيفة شافلي..نووور😍😍والله كنت عاااارف كنت عااارف انك قدهااا قوية ومايهزك شي والله كنت عارف انك بتنوضي ياعيوني دقيقة انادي دكتور
طلع حذيفة يجري ويعيط في الممر..نااااضت نااااااااضت نااااااااضت
جو يجرو الممرضات و الدكتور
الممرضة..لو سمحت خليك برا
حذيفة..مش حندير شي بنشوفها بس
الدكتور..خليه وتعالي
خشيت معاهم وقعدت نشوف فيها
قعد دكتور يدوي واني مش لاهية معاه عيوني في حذيفة وفرحته وفرحت عيونه لما فقت كانت ماتوصفش
الدكتور..تماام؟
اني..اه
حذيفة..ءء تمام تمام
الدكتور..حالتك كويسة وكل شي متحسن وكل يوم في تحسن اكتر الحمدلله
حذيفة..الحمدلله
طلعو وقعد حذيفة معاي شوية وجو طلعوني للدار
اني..حببيبي
حذيفة..اششش ماتعبيش روحك انسي كل شي
اني..ماخنتكش
حذيفة..عارف عارف ياروحي خلاص فوتي
اني..بببه
فاتو ايام وتحسنت حالتي الحمدلله
وحذيفة معاي لحظة بلحظة وماسيبنيش ولا دقيقة❤
اني..حبيبي روح ارتاح هلبا تعبت معاي انت
حذيفة..لا بنقعد
اني..هيا عيوني ارجوك
حذيفة..باهي بس من بيقعد معاك
اني..بكري البنات قالو بيجوني
حذيفة..يقعدو معاك لعند نجي
اني..تمام😘
طلع حذيفة روح وجوني البنات سنابل ومسرة وامهم
اني..شرفتوني😘
سنابل..شن جو الحمدلله ع سلامتك والله خفنا عليييكك
مسرة..قريب هبلنا عليك قعدنا كل يوم هني وفرحنا وقت قالتلنا خالتك انك نضتي 😭
اني..ربي يخليكم
امهم..الحمدلله ع سلامتك بنتي
اني والعبرة خانقتني..الله يسلمك😔
اذكرت ماما ياريتها جنبي😤فقدتهاااا
قعمزو هدرزو وبعدين ناضو وحذيفة ماجاش تحشمت نقولهم اقعدو طلعو هما وقعدت متكية بروحي
جت الممرضة عطتني دواي ومشت
طق الباب
اني..جيت حبيبي!
يوسف..ها احم السلام عليكم
اني..ااه يوسف !
#يتبع
.
.
.
ان شاءالله تنال اعجاب الكل😊😍 #حنو
