البـارت #الثـلاثـون
.
.
.
روايـة #حـكـايتـي🍁
.
.
.
محمد..اليوم ماما وبابا تعاركو😔
ليليان..ماما وبابا اول مرة يتعالكو
محمد..حالو قول لماما تسامح بابا ونرزعو لحوسنا
احمد..اششش هما زعلانين بس تو يتسامحو عادي
ليليان..امباااه
قعمزو يلعبو واحمد نزل شرب اميا وقعد يفكر شن يدير طلع ركب سيارته ومشي لقي روحه قدام حوشي
هه حوش حذيفة خشله لقاه مقعمز
حذيفة..شن في نور فيها حاجة؟
عطاه بوكس قوي لين خلاه دم وبغل غله..هدا حق نور انت شنو انت ماتحسابش ان في حد وراها والا شنو!!! تحللللم نور ترجعلك تحللللللم هدي اختي الي امنتتتك عليهاااا معقووولة بعد سنين هكككي ادير فيها بعد 2صغااااار في شن نقصت في شن قصرت قولي واني نقتلها بس المشكلة كلكم هكي وقت تكون مش مقصرة معاكم المراء و وتكون معاكم في المرة قبل الحلوة اتضحي بكل شي ع خاطركم تمشو تخونوووها
وطلع وخلا حذيفة طايح ع الكنبة ويفكر في كلامه
.
.
.
فات شهر واني ع الحال هدا اجهضت البيبي وصار فيا ماصار احمد وسنابل ديما عندي واني نفكر كيف ندير في حياتي وكيف نخلي حذيفة يندم ع اللي داره فيا
اني..احمد
احمد..ايوا
اني..نبيك تكلم يوسف عرفته
احمد..ايه خيره
اني..ايه كلمه قوله من الاسبوع الجاي دكتورة نور بتباشر في خدمتها😌
احمد..كيييييف
اني..زي ماسمعت
احمد..وحذيفة
اني..مالياش علاقة بيه ومعاش تجيبلي سيرررته
احمد..غلط الي اديري فيه غللللللط
اني..شن الغلط ان بنخدم باش نوكل صغاري ؟
احمد..له له له لهدرجة استحقيتي لين بتخدمي فلوسك عندك وانتِ مرتاحة خليك وخيتي خيرلك
اني..شن قصدك يعني بنقعد هكي!!! اني نبي شي يشغلني
احمد..مشعارف نظمي امورك
سنابل..حبيبي خليها ع الاقل تشغل وقتها وراجلها سيوره يرضا اصلا بيشوف نور جديدة نور المسالمة متع قبل ينساها احسنله😒
احمد..شن تخططو
اني..مادخلكش الي عليك تكلملي يوسف وتقوله
احمد..الصبر منكم
طلع احمد فونه واتصل بيه
يوسف..اهلين
احمد..اهلا بيك
يوسف..كيف الحال شن الاخبار
احمد..بخير الحمدلله بنقولك خبر
يوسف..شنو
احمد..دكتورة نور بتبدا تخدم معاككم
يوسف فرح..تحكي جديات
احمد..ايه والله
يوسف..تتفضل المكان مكانها
احمد..شكرا عطيتك علم بس باش تقول لبوك وتعطيه علم وتبي تباشر ممن الاحد الجاي😌
يوسف..تم ان شاءالله
سكر منه احمد والباب طق
اني..اكيد الصغار جابهم
احمد..نوضي افتحيلهم شن تراجي
اني..مانبيش نطلعله
احمد تعفلق..خيرك هكي وليتي نووووضي
نضت وفتحت الباب
ليليان..مااامااا شوفي شن خدالنا بابا
اني..باه كويس خشو
محمد..ماما نبي نقعد مع بابا اني
اني..بتخلي ماما بروحها
خش حذيفة..تقدري تجي معاهم☺
اني..لا كم مرة بنقولهالك
حذيفة..شهر ياظالمة راهو شن مزال والله عاقبتيني وعذبتيني بالله
اني..مزال مش مسامحاتك و اه نسيت نقولك من الاحد بنباشر في الخدمة في العيادة متعنا
حذيفة انصدم..نعم نعمممم!؟؟؟؟
اني..ايه
طلعت سنابل خدت الصغار لانها عارفتها بتربك بيننا وخشت
اني..بلاش تعلاي الصوت قدام الصغار
حذيفة..حظرتك عارفة روحك شن تقولييي
اني..ايه عارفة وفاهمة كووويس شن نقول خلاص👌🏻 يا حذيفة نور متع زمان قتلتها انت بيدك بخيانتك توا بتشوف شخصية جديدة وحتشوف☺
حذيفة طلق يدي ودار صبعه قدامي..مش حتخدمي وحتشوفي☝🏻
اني قدمتله بتحدي ونزلت يده..حنخدم وحتشووف🙂
حذيفة..تو نشوفو باااهي لا ياماما وحق من خلق هالكون ماك خادمتيها ونعرف شن ندير اني
واني نشوفله ومش منتبهه ع شن يقول سارحة فيه مستاحشااااته💔 خاطري نحضننه ونقوله خلاص نبي نروحو اخخخ ع القلب الي مودينا في داهية
'
'
'
أحتاج من كفك سلام ، يترك فـ كفي عطرًا ❤️✒️
'
'
'
طلع حذيفة واني سكرت وراه الباب وقعمزت في جنان ونفكر كيف بندير قعدت نبكي ع حظي فيش حاجة بتمشيلي القدام بس لما نخدم تو يشوف
خشيت ولقيتهم يلعبو في الصغار
احمد..سنابل ركبيهم
ناضت سنابل هيا وصغار ركبو وقعمزت اني
احمد..شن صار
اني..شن بيصير يعني تعاركنا
احمد..قتلك اني
اني..مادخليش فيه بنخدم يعني بنخدم
احمد..تصرفك مش تصرف مرا عاقلة
اني..من قالك عاقلة اني مهبولة
احمد..يا اختي افهميني غلط موضوعك الي اديري فيه تزيدي تعقدي في الامور انتِ فوتيه موضوع الخدمة هدا توا ولما تتصالحو اشرطي عليه
اني..مش حيرضا
احمد..تو انتِ وافقتي قبل انك ماتخدميش شن الي تغير توا
اني..حد بس كنت نبي نغيضه واصلا الي كنت مدايرااته غلط في غلط واني ماخدمتش مش لاني بنمشي كلامه لا لاني حسيت ان مسؤلية كبيرة ولما بنخدم بنبات حتى في العيادة واني مانقدرش نخلي صغاري
احمد..خلي نكلم يوسف نقوله مصارش..ايوا يوسف شن جو سامحنا بالله نور مش حتخدم
يوسف بحزن..ليييش
احمد..راجلها رافض الفكرة هدي وخلاص مافيش مشكلة مش حتخدم
يوسف..متعقد راجلها
احمد عقد حواجبه..راجلها مش متعقد بس مايبيش هوا حر ويالله سلام
اني..متعقد حق
احمد..انتِ تبيلك طريحة توقضك وتفيقك ع عقلك
اني..مابناكل طريحة اكتر من الصدمة الي كليتها
احمد..ياوخيتي اني مش ضدك ومش ضد انك تخدمي ومش ضد شي تبيه بس اعرفي انك على ذمة راجل والراجل هدا حرام انك تعصيه فهمتيني يعني تكسري كلمته غلط منك وحرام عليك واني مانبيش يركبك ذنب خلي لو قعدتو ع هالحال لو يبيك ترجعي قوليله الشرط هدا انك مش حتتنازلي مرة تانية ع خدمتك خليك الايام هدي فكري وعيدي حساباتك
فاتو ايام واني كل يوم ع نفس الحالة يجي حذيفة ياخد في صغار ويمشي بيهم بعد ساعتين يردهم ومعاش يكلم فيا من يومها
في يوم كنت طالعة
اني..هي اهو بابا جي
خديتهم من يدهم وفتحتلهم الباب طلعو هما واني طلعت وراهم وسكرت الباب
حذيفة فرح يحسابني ماشية معاهم..عارفه قلبك طيب و بترجعيلي😎😍
اني شفتله وبعدين تلفتت مشيت لسيارتي وركبت ومشيت طول
حذيفة عقد حواجبه..وين ماشية امكممم
محمد..قالت عندها خدمة
حذيفة تكنطى ركب الصغار ومشي وراي لقاني ماشية للعيادة نزلت ونزل وراي واني واتقة انه يلحق فيا ركبت للمكتب لقيت يوسف
يوسف..نورت العيادة بوجودك
اني..تسلم تسسلم شن جو شن اخبارك العيادة
يوسف..الحمدلله امورها ماشية
اني..ايه بوك كلمني قالي في امانة تعالي خوديها
يوسف..ايه فلوسك
طلعهم يوسف وعطاهملي
اني..شكرا ع تعبكم
يوسف..ولو لولا العيادة هدي وبوك الي بانيها راه ماوصلناش المرحلة هدي
اني ابتسمت..ولووو الله يرحمه ويغفرله
يوسف..امين
شوية وطلعت نزلت والي يشوفني يوقف عليا ويهدرز قداش ليهم معاش شافوني طلعت لقيت حذيفة قدامي
اني..شكلها وصلاتك طول المعلومة
حذيفة..يعني انتِ مش جاية تخدمي
اني..جاية بناخد فلوسي وبنمشي شن تبي
حذيفة..شي شي
ركب سيارته ومشي
واني ركبت سيارتي ..لما نوريك يا حذيفة حنلعب بأعصابك يعني حنلعب☺وحنوريك خيانتك هدي شنو😊
.
.
حذيفة..علاش تكدب!!
محمد..ماما هكي قالتلي قول
حذيفة..باهي باه
ليليان..بابا نبي عمتو سسن(سوسن)
حذيفة..باهي نشوفوها كانها قاعدة قبل
اتصل بيها وقتله جيبهم مشولها يلعبو عندها
سوسن..وشن صار توا
حذيفة..مزال مسكرة دماغها تعرفيها في العناد انتِ
سوسن..تبي الحق والااا تستااااهل
حذيفة..اني يامعفنة
سوسن..امالا شنو تحسابها عملتك ساهلة اووو
حذيفة..حتى انتِ جاية معاها
سوسن..ايييه ونشجعها
ع خشة محمد..اوووه شن جو
حذيفة..حميدا شن الاخبار
محمد..الحمدلله بخير والله شن اخبارك انت
حذيفة..ماشية اهو
محمد..بالله سوسن قهوة راصي مصدع ماشربتش اليوم
حذيفة..حتى اني
سوسن..تمام حاضر غالي والطلب رخيص😊
محمد..وين الصغار
حذيفة..حطتهم سوسن في دار يلعبو مع بعضهم
محمد..كويس شن امورك انت
حذيفة..والله اهو قاعد
محمد..قتلي سوسن انك متعارك مع مرتك
حذيفة..ايه موضوع ليه شهرين
محمد..وسوسن جاية مع مرتك😑
حذيفة..الله غالب😂😂
محمد..بكل روسهم وقت يسكروها
حذيفة..😂😂واضحة يعني بنات عم زوز احرف من بعض
محمد..والله حتى اني متعبني موضوع تسكير راس
سوسن..شن تدوو
محمد..نحرش فيه فيك
حذيفة..😂😂
سوسن..حرش حرش بعدين حذيفة بيروح🙂
حذيفة..🤣🤣🤣😂
محمد..الصبر وخلاص زعما القهوة مافيها شي
سوسن..كان بنقتلك راه من زمان درتها مش صاعبة
حذيفة..وووووه عليك قاعدة بتلقيحك حتى وليتي ام
سوسن..ايه مانتغيرش اني😂😂
.
.
.
اني..ايوا هيا اطلعي وقت
طلعت سنابل وركبت
اني..كركبتي
سنابل..🤣🤣اخخ معاش يجي عليا شي
اني..😂😂وين توا لأما محل
سنابل..قالولي على محل جايب حجات متع حوامل يهبلو هيا نمشوله
اني..اوك هي
وقعدت تنعت فيا لعند وصلنا وقعدنا من محل لمحل لعند
اني..وقت خلاص حذيفة قريب يروح بصغار
سنابل..اوك هي
اني قعدت نحكيلها شنو صار
سنابل..حي ع المهبوولة
اني..ايه مزال الخير قدام🙂
سنابل..باهي امتى بترجعو راهو الراجل يمل
اني..بالناقص منه😏
سنابل..ياوخيتي افهميني مش ع حاجة بس ماليك الا بي حوشك وصغارك وراجلك عاجبك هكي كيف متشردين من حوش لحوش اخي راه خلي صغار يتربو مع بوهم وانتِ منو بيك!! راهو غلط الي اديري فيه يا نور صح هوا غلط معاك هلبا بس خلاص عاقبتيه راك شن تبيه يبوس ع رجليك باش تسامحيه تي اول مايقولك هيا نروحو وهكي وافقي والله انتِ قاعدة تستنيي لعند تجي بنت امها وتقلبه 😏
اني..وووه خيرك تفاولي
سنابل..هكي هما عقلهم يلقو من يدلعهم ينسوك
اني..زعما هكي كلامك!
سنابل..ايه بدال ماتصلحي الغلط مشيتي زدتي طينتيها سيبتيه بروحه افهمي يابنت معاش تخليه مفروض حتى من حوشك ماطلعتيش غلط غلط الي درتيه 😡
اني..اففف معاد عارفة وحق ربي لا ليل نرقد فيه ولا نهاري زي الناس ندير اي شي باش نشغل روحي
سنابل..اسمعيها مني وخيتي سامحيه خلاص اكيد اتأذب هوا
اني..تو نشوف نفكر
سنابل..تمام حي وصلنا والله ماحسيت بالطريق
اني..من دوتك 😂😂
وصلتها قدام الحوش نزلت خشت وطلعت اني وصلت لقيت حذيفة وصغار قدام الحوش
ليليان..مامي وينك عطلتي
اني..كنت عند خالو يا ماما هي خشو
خشينا وقبل مانسكر الباب خش حذيفة وراهم
اني..شن!!؟
حذيفة..بنخش مع صغاري🙂
خش وبكل هدوء شن الجرأة هدي خلاني واقفة ومصدومة خشيت
اني..اطلع شن بيقولو الجيران
حذيفة تلفتلي..شن بيقولو حلوة حتى هدي راجلك راه مش غريب اني😏ماعندهم مايقولو
اني..افففف
خشيت للمطبخ وقعدت واقفة ودمي فاير
ليليان..ماما جيعانين ديريلنا عشي
اني..تو نطلبلكم عشي
محمد..انلااااا نبوش من برا
اني..خيركم ماه كل يوم نطلبو في عشي من برا
حذيفة..معيشتيهم ع التيك اوي هدا غير ماخدمتيش امالا كان خدمتي كيف معاش توكليهم!!
اني..صغاري واني حرة فيهم وبعدين اني نوكل فيهم في العشي بس نطلبو
حذيفة طلع وقعمز وفتح TV
اني..اياح خيره هوا
ليليان..ماما بابا قال بنبات معاكم😍
اني..بالحقااا!!؟؟
محمد..ايه هيا نبو مكرونة حالة حلوة (حارة)
اني..وانت من امتى تحبها المكرونة
محمد تلفت لبوه وتلفتلي..اااه ماهو اااه
حذيفة..حمودي تعالى ولدي جيبلي تلفوني
محمد مشي يجري اني شفت لي ليليان نزلت من كرسي تجري ومشت قعمزت جنب بوها
اني..باه ياحذيفة باه متفق معاهم والا!؟تو تشوف المكرونة ع اوصولها
درت مكرونة وقبل مانطفي عليها صبيت لروحي في صونية بروحي وبعدين زدت كاشيك فلفل احمر وخليتها شوية وطفيت تو تشوف يا حذيفة باه😌
حطيتلهم بروحهم وحطيت ليا اني صونية بروحي وقعدو ياكلو
ليليان وفمها ملبز..ياماما سنو هدي حاااالة هلبا
حذيفة ياكل ومايبيش يتكلم ويقول حارة
اني نشبحله ونبتسم..باش تبوها حارة🙂
حذيفة شرق في الاول نحسابه يمثل بعدين لقيته بيموت نضت نجري جبتله اميا شربها
حذيفة..حتى لو سم من يديك ناكله🙂
اني..الصبر وخلاص
محمد..ماما اححح حاااارة
ليليان مقعمزة في مكاني..اني ناكل من مكرونة مامي مس حالة
شافلي حذيفة واني وجهي والا 😳 ياربي يا ليليان ياهمي منك بس
حذيفة..صار مش حارة
اني..ءءء تي تكدب وين تعرف هيا وبعدين اني مانكلمش فيك😏
قمت السفرة وغسلت الماعين وركبت لداري وخليتهم لوطة
قعمزت وقعدت نفكر شن ندير ياربي هدا بيقعد وراي لين نضعف ونسامحه😤
بعد ساعة معاش سمعت دوشة شكلهم رقدو شوية وطق الباب
اني..خش
خش حذيفة..حبيبتي
اني تلفتت..تفضل شن تبي!!!
حذيفة..يا اميرتي
اني..لا حبيبتك ولا اميرتك
حذيفة..امممم معشوقتي معناها😍
اني بنضحك..لاااا قتلك اطلع
حذيفة..مش طالع اني لين تسامحيني ونروحو لحوشنا😌
اني..وانت متأكد ان بنسامحك؟هه الخيانة عمرها مايسامحو عليها ف ماتعبش روحك وفوتني بنرقد
حذيفة..بس الخيانة وقت تكون بقصد ايه معاك حق بس وقت تكون بدون وعي لا
اني..حذيفة اني كل مانذكر الصورة ننقرف منك ره ف ماتحاولش معاي لاني عفتك خلاص الي بيننا انتهي وورقتي توصلني ومانبي منك شي وصغارك امتى ماتبي تعالى مانحرمكش منهم
حذيفة تغير وجهه وطلع وصلفق الباب نزل يجري ركب سيارته وطلع يجري
اني حطيت يديا ع وجهي وقعدت نبكي بالصوت ياربي لأمتى هكي😭😭😭كرهت روحي كرهت حياتي بدونه ماليهاش معنى بككل عيييت واني نمتل ونكابر ياربي تعباااانة😭😭😭
قعدت ليلة كاملة واني نبكي لين طلع الفجر سمعت الاذان نضت دوشت وصليت وقعمزت نقرا في قرآن الحاجة الوحيدة الي تخفف عليا وتخليني نرتاح كملت واتكيت رقدت معاش نندري ع روحي لين لقيت احمد فوق راسي
اني..احممد؟؟
احمد..نوضي صغارك من بكري يبكو ماتبيش تنوضيلهم
اني..رقدت الفجر ماجانيش نوم
احمد تنهد..نوضي حذيفة تاعب في المستشفى بدلي وهيا نرفعك
اني فزعت..شنوووو
احمد..زي ماسمعتي نوضي هيا وقت
نضت نجري لبست واني خايفة ان يكون صايرله شي ومايبيش يقولي
اني..وصغار
احمد..معاهم سنابل هيا انزلي
نزلت نجري وراه ركبنا سيارة ومشينا للمستشفى خشينا رفعني احمد وين ماحذيفة كاين
اني..شن صارله كيف تعب😭
.
.
.
#يتـــبــع
.
.
انـ شاءالله تنـااال اعـجااابـكم ياااارب وهياااا نبـي تفاااااعل الروايـة بتبدا مـشوقـة اكتررر😭 #حنو
