البـارت #الـواحـد_والـثـلاثـون
.
.
.
روايـة #حـكـايـتي🍁
.
.
.
احمد..حذيفة امس في ليل دار حادث
اني..كييييف
احمد..ايه دار حادث
اني..وشن صارله قولي😭
احمد..اهو توا بنشوفو دكتور شن يقوللنا
اني..وكيف داره الحادددث
احمد..نقلبت بيه سيارة لانه كان يجري
اني..😳😭كله مننني بسببي😭😭
احمد..خلاص هكي ربي كاتبله خلي نشوفو شن صار توا
خشينا للدكتور
دكتور..الصراحة عنده كسور في رجليه وكتفه وكدمات وكان عنده نزيف وقفناه وهوا توا في العناية بنخلوه 24ساعة بعدين بنطلعوه
وقعد الدكتور يفهم فيا واني دموعي ينزلو زي الشلال
احمد..خلاص اس حالته مش خطيرة قال خلاص غدوا يطلعوه
الدكتور..ايه ان شاءالله وحالته كويسة وهو مستجيب للعلاج🙂
احمد..تمام شكرا دكتور
اني..نبي نشوفه😭
احمد..غدوا تشوفيه توا غير بتزيدي روحك
اني..لااا نبي توا☹
دكتور..تفضلي البسي اللبس هدا وتعالي وراي
لبست وطلعت لقيته يستنى خشيت اني وياه
الدكتور..نخليك شوية نشوف باقي الحالات الي عندي ونجيك
اني هزيت راسي بإيه وقعدت نشوفله كيف الاجهزة عليه رابطين راسه يده مجبسة رجله قعدت نبكي ونشوفله..نوض ياحبيبي نوض😭نوض ماتخليناش اني وصغارنا نوض حبيبي بالله عليك 😭😭والله مسامحاتك اني بس انت نوضلنا بخير وسلامة😭😭بسس ياااااارب ماتختبرني فيه حتى هوا ياااارب معاش عندي غيره يااارب😭 قعدت نبكي وندعي ونشوفله كيف هو ضعيف مش قادر يوقف ولا يفتح عيونه😢 طلعت معاش قدرت نتحمل شكله هكي لقيت احمد قدامي حضنته وقعدت نبكي
احمد..اششش خلاص هوا بخير خلاص معاش تبكي
اني..انت ماشفتاش كيف عليه الاجهزة والكدمات لين متورم وجهه ويده كله بسببي يا احمد اني عصبته وطلع يجري كله مني اني بنخلي صغاري يتامة بسببي اني😭😭بسبب انانيتي بسبب كبريائي شوف شن درت😭😭
احمد..لالا والله ماهو منك ماتحمليش نفسك المسؤلية هدا كله قضاء الله وقدره
روح بيا احمد بالسيف روحت جوني صغار تغمرتهم طول وقعدت نبكي خشيت اتكيت ومعاش نندري ع شي
احمد..خلي نقعدو معاهم اليوم
شوية وطق الباب خشت سوسن
سوسن..وين نور😢😔
سنابل..تفضلي نور كيف خشت رقدت
سوسن..قصدكم هيا ماتندريش؟
سنابل..لالا كيف روحت من حذيفة خششتها لدارها توا كان تبي تخشيلها خشي
سوسن..خليها ترتاح تعالو حبايب عمتو😭
قعدت سوسن شوية ونضت اني طلعت لقيتها عندنا حضنتها طول وقعدت نبكي
سوسن..ماتخافيش بإذن الله حيكون بخير💔
اني..يارب☹
ليليان..ماما وين بابا اليوم ماجاناش
اني..بابا سافر يومين وتو يرجع ياماما خشو ارقدو هي
سوسن..اني محمد برا يراجي فيا
سنابل طلعت من المطبخ..وين خليك اتعشي
سوسن..لالا صحتين والله ماعندي نية💔بنروح باش غدوا بنوض بكري ع خاطر ماما مروحة
اني..سمعو قصدك!
سوسن..ايه قلتها لي بابا وبابا قال شي بنروح بيروحو غدوا كلهم
اني..ستاحشتهم خلي يروحو😭يااارب ينوضه بالسلامة
سوسن..خلاص ارتاحي وغدوا تعالي الصبح
اني..ان شاءالله😔
مشت سوسن واني خشيت اتكيت من جديد
سنابل..تعالي تعشي باش صغار ياكلو يبوش ياكلو الا بيك
اني..خايفة يا سنابل
سنابل..من شنو!
اني..خايفة نفقده حتى هوا😔😓
سنابل..لالا بإذن الله خير وحينوض بالسلامة يارب هي نوضي باش تلقي صحة لي غدوا
اني..اوك
نضت نزلت عشيت الصغار ونساير فيهم
اني..امتى ولادتك
سنابل..بين الاعياد
اني..باهي ان شاءالله على خير يارب😘
سنابل..يارب
اني..احمد غدوا ترفعني لي حوشي
احمد..باهي
اني..اماليه حذيفة غدوا جايين واكيد حيكونو عندي لانة حوشهم المفتاح عندهم مش عندنا وبيكون غبرة مش مفتوح
احمد..باهي ان شاءالله
اني..بتجي معاي سنابل وله
سنابل..اكيد مش حنخليك
اني..سلمها ياربي حقا احمد كيف حال امك
احمد..ماشية اهو معاها ممرضة هيا الي تقيم فيها
اني..باهي كويس ربي يشفيها
احمد..نور
اني..انعم
احمد..سامحيها
اني..امك مسامحتها من زمان قلتها اني
احمد فرح..الحمدلله امي حتفرح لما تسمع انك سامحتيها
اني..ولو احني منو باش مانسامحوش اذا كان ربي يسامح
احمد..الحمدلله
اني..ايه سنبولة شن ديري
سنابل في المطبخ..نغسل في الماعين
اني..خليهم تعبتك معاي وانتِ حامل خليهم تو نغسلهم اني
سنابل..شن هما اصلا شوية هما
اني..هيا حولي هيا
قعمزتها ع الكرسي وقعدت نغسل فيهم ونهدرز عليها نحاول نغير الروتين وانسي روحي
وبعدين خشينا اني ركبت الصغار ورقدت اني وياهم واحمد رقد في صالة و سنابل رقدت في دار تانية
اني ماقدرتش نرقد طول الليل واني نفكر زعما بينوض زعما لا يارب تنوضه بالسلامة يارب وقعدت ساهرة والصغار واحد من يمين وواحد من يسار وجنبي الزوز قعدت نحكيلهم في قصص لعند رقدو وقعدت اني ساهرة ونفكر مانندريش لين اذن الفجر نضت صليت و قعمزت ندعي لربي ان حذيفة يكون بخير واتكيت جنب صغار خداني نوم رقدت لين نسمع في احمد وسنابل يتعاركو
.
.
سنابل..يا احمممد كيييف هكي خيركك اختي عزمتني مانقدرش نقولها لا وهي مش اني بس عازمة ناس وتبيني معاها
احمد..قلنااا لااا وبتمشي مع نور يعني بتمشيي كيف بتخليها بروحها
سنابل..اني امس سايرتها وخلاص ره اني مانقدرش نقيم ولا نعاند ولا ندير شي بحملي اني قاعدة في الايام الاولى افرض يصيرلي شي
.
.
اني..صبح يافتاح تو وقتهم هدم خلاها تمشي هوا عنكش
خشيت حمام وصليت صبح وطلعت من دار نزلت لقيتهم قاعدين قالبين وجوههم ع بعض لما سمعوني نزلت سكتو
اني..خيركم ع الصبح شن في
احمد..لا شي
ومشت سنابل للمطبخ بطلع الفطور
اني..سمعتكم اني خليها تمشي عادي شن فيها تغير جوها وبعدين صح اني مش حنخليها حتى لو مشت معاي تمس ولا تقيم شي كنت نبيها تونسني بس بس عادي مداما اختها تبيها ارفعها عادي علاش مشاكل هدي😕
احمد..وانتِ ؟؟ باش عطاتك امس كلمة كيف تولي فيها
اني..تي عادي خيرك انت مداير موضوع منها خليها تمشي وغدوا توا تجيني
احمد..باهي المهم انتِ مازعلتيش
اني..علاش بنزعل عادي بكل الموضوع انت مكبره
ركبت للصغار نوضتهم دوشتلهم وبدلتلهم ونزلو واني خشيت دوشت وبدلت وحطيت حوايج في صاكوات وكل شي ونزلتهم باش احمد يحطهم في السيارة ونطلعو
سنابل..حقا سمعتينا!؟
اني..ايه اصواتكم لفوق
سنابل..اسفة مش قصدي بس والله اختي محتاجتني تبيني نطيبلها حجات
احمد..هيا هيا بديري يعني بديري وله مافيش مشي لهني ولا لهني
اني..احمد عاد خير بلاااك نفختهم راك خلي المرا تمشي تغير جوها وبعدين كانها بطيب حاجة وهيا مقعمزة اديرها مبردك
احمد..الصبر الي يقدركم يجي يحاسبني اني الي طلعت الظالم توا
اني..مش ظالم بس عادي غير انت عنكشت
قعدت سنابل ساكتة ومابتش تتكلم بكل كملنا قمنا الماعين وحطلي احمد حجاتي في سيارتي ومشيت للحوش طول فتحته وخشيت اني وصغار هما يلعبو واني نضفته كله جتني مراء
اني..تفضلي🤔
مرت حاتم..اهلا اني مرت حاتم صاحب راجلك
اني..اهلا وسهلا مرحبتين بيك تفضلي خشي
خشت وقالتلي جابها راجلها باش تساعدني تعرفت عليها وخشت فيا طول واني فرحت بيها ضمينا مع بعض وكملنا اني دوشت وهيا بدلت حوايجها ولبست لبسة حلوة واني لبست ونزلتلها شوية وطق الباب طلعو امالي حذيفة خشو
سوسن..اهلا بيك
مرت حاتم اسمها هبة
هبة..اهلا بيك
وتعرفو عليها وحبوها حتى هما
بدرية..نبي نمشي نشوفه قالو فاق
اني..بنمشي معاك عمتي
بدرية..هي نوضي
ركبت نجري لبست عبايتي وطلعت اني ومرت عمي رفعنا مهند
خشينا لقيناه محولينه في دار بروحه
اني ودموعي ينزلو..الف الحمدلله ع سلامتك
حذيفة دوب مايتكلم..الله يسسلمك
بدرية..الحمدلله ياوليدي الحمدلله الي ربي نوضك بالسلامة ليا والله قريب طرت عليك ياوليدي الف الحمدلله ع سلامتك ياوليدي😢😭
اني..ايه الحمدلله☹😭
حذيفة..خيركم تبكو اني نضت الحمدلله
اني..فرحانين بيك
حذيفة شافلي وتلفت لأمه..ايه يما امتى روحتو
بدرية..لينا ساعة واصلين كلمني بوك توا قالي حذيفة فاق جابنا مهند طول
حذيفة..باه خلاص روحو تو يجوني الاولاد
بدرية..وين نروحو بنقعد
اني..حتى اني مانبيش نروح
حذيفة..بلا عناااد قلنا خلاص ها مافيا شي روحو وتو يومين ويعطيني خروج
مهند..خلاص يام هيا نروحو صح كلامه تو يجو صحابه وهكي
بدرية..الصبر باهي تو نروحو
طلعت مرت عمي وقعدت اني وياه..خفت عليك هلبا😭الف الحمدلله ع سلامتك حبيبي
حذيفة..اطلعي روحي توا
اني نصدمت فيه..خيرك!! علاش تدوي معاي هكي؟؟
حذيفة..مانبيهاش شفقتك هدي ياما جريت وراك وقتلك سامحيني وانتِ ماتبيش توا بتسامحيني علاش سامحتيني توا؟؟؟ لانك شافقة عليا وع الي صار فيا صح!!!
اني..لالا وحق ربي لااا والله حسيت بيك وخفت نفقدك زي مافقدت امي وبوي وجدي حرام عليك والله اني متعذبة اكتر منك بس خيانتك كانت اكبر مني ومن ان نسامحك بس توا خلاص والله سامحتك غير ارجع بس وكون معاي😔😭😭
حذيفة..باهي خلاص بري روحي توا قبل مايجو ويشوفوك 😐
اني..به
طلعت وكانو دموعي ع خدي روحت طول اني ومرت عمي كانت الناس تمشي وتجي علينا بعد ماسمعو بيه
سوسن..نووور وين صواني متع التقعيد
اني..هونا تلقيهم فوق في دولاب الي من جيهة الروشن
سوسن..تمام
اني..خلي نطلع للناس امك قتلي اطلعي يدورو فيك
سوسن..تمام
طلعت من المطبخ ركبت طول بدلت لانة ريحتي تطييب ودرت ميك اب خفييف باش يخفي الارهاق ونزلت خشيت للصالون سلمت ع الي جو جدد طاحت في ودني كلمة وحدة من نساوين..باللهي كان بيمشي يمشي ع عمره شوفيها كيف امكيجة ومتكمة تي كان مات تتزوج طول هي ههه ايه شوفي شوفي
اني تلفتلها ونزلت درت روحي بنسلم عليها..مانبيش ندير معاك مشكلة بس لو سمحتي بطلي تأليف وكلام ع الناس لانة عندك بنات عيب عليك راك مرا كبيرة😏
وكملت وقعمزت شوية وقعدنا نهدرزو واني نساير ونجامل لعند روحو
اني..ااااه يارااااسي
سوسن..تعبتتت
هبة..اني حاتم برا هي بالسلامة
اني..سلمك بالسلامة سامحينا تعبناك
هبة..لا ولوو هدا واجبي😉واني قداش ليا نبي نتعرف عليك وماجتش فرصة واهو جت توا واعتبرينا اهل عادي شن فيها كان عولت معاكم
سوسن..سلمها ياربي صحيتي بارك الله فيك
هبة..فيك بارك الله
وكله وكانت بدرية تشوف وساكتة طلعت هبة وطول انبقت بدرية
بدرية..شن مقايلة يانور للمراء؟؟؟
اني..من !؟
بدرية..هديكا الي بكري طبستي عليها وقت بتروح شدتني وقعدت تبكي قتلي اني كان مش ع خاطرك راهو والله مانعفسه الحوش
اني..اللطف وشن درتلها اني
بدرية..قتلي انك قلتيلها كلام ماينقالش بكل هزبتيها بالمعنى
سوسن..اللطف نور ماديرهاش يام
بدرية..لكن المراء لين تبكي
اني..ماهزبتهاش بس هيا ماقلتلكش شن قالت !؟شوفي ياعمتي اني مانحبش دوة قتلك وقالتلي وقلتلها ولاهو ليا الطبع هوا بس بنقولك المراء هدي اني قاعدة نسلم طاح في ودني كلامها قعدت تقول( وحكيتلها شن صار بالتفصيل)وكان اني غالطة حقك عليا🙂
بدرية..امالا تمشي ديبة اللطف دايسة بساطك وخاشة ودايرة روحها تهوا تمشي هكي تقول عليك وفي حوشك لا والله قديتيها احسن
سوسن..اااه راسي غدوا بيجو امالي محمد اني..مرحبتين بيهم
بدرية..إلا قولولي وين صغار
اني..عطيتهم لي مهند امبكري معاش نندري عليهم
بدرية..راهو حاصل فيهم😂
اني..تي استاحشوه ليليان امالا اول ماشافاته معاش بت تطلقه
بدرية..ايه يحبوه هلبا هما
اني..احسن فكني منهم خير ماقعدت نجري جرتهم
سوسن..وين مرت خوك ماجتش
اني..اليوم عند اختها قالت مدايرة لمة ما لمة تو تجي غدوا
سوسن..اها باهي
بدرية..لكن ماشاءالله عليها هبة هدي مرت حاتم
اني..ايه كويسة باين عليها
بدرية..ايه ربي يحفظها ياحنة اني رجيلاتي خلاص بنوض نرقد
اني..وتيتلك بكري دار هدي قلت
بدرية..صحيتي تعبناك
اني..ولو تعبك راحة يمي
سوسن..ايوا حميدا
محمد..هي اطلعي
سوسن..تي شن اطلعي باش قتلك بنبات
محمد..😡***** #يـــتـــبـــع
.
.
.
انـ شاءالله تـنال اعـجابـككم😍 #حــنــو💛
